ကမ္ဘာပေါ်က ဗုဒ္ဓဘာသာဝင် အများဆုံး ၁၀ နိုင်ငံ

Posted on

ကမ္ဘာပေါ်မှာ ဘာသာကြီးလေးဘာသာ ရှိတဲ့အနက် ဗုဒ္ဓဘာသာဟာ ၄ခုမြောက် ကိုးကွယ်သူလူဦးရေ အများဆုံး ဘာသာဖြစ်ပါတယ်။ ကိုးကွယ်သူလူဦးရေအားဖြင့်တော့ ၄၈၈သန်း ရှိကာ ကမ္ဘာ့လူဦးရေစုစုပေါင်းရဲ့ ၇% ဖြစ်ပါတယ်။ ဗုဒ္ဓဘာသာမှာကိုပဲ  ထေရ၀ါရဗုဒ္ဓဘာသာ ၊ မဟာယာနဗုဒ္ဓဘာသာ ၊ ဝဇီရယာန ဗုဒ္ဓဘာသာ  ဆိုပြီး အဓိက ၃ မျိုးရှိပါတယ်။ တိဘက်ဗုဒ္ဓဘာသာဖြစ်တဲ့ ၀ဇီရယာနဗုဒ္ဓဘာသာကို အချို့ က မဟာယာန၏ ဂိုဏ်းခွဲဟု သတ်မှတ်သော်လည်း အချို့ကမူ မူလဗုဒ္ဓဘာသာ၏ တတိယမြောက် ဂိုဏ်းကြီးအဖြစ် သတ်မှတ်ကြပါတယ်။

အောက်က ပုံကိုကြည့်ရင်တွေ့ရမှာပါ။ တရုတ် ၊ ဂျပန် ၊ ကိုရီးယား ၊ ဗီယက်နမ်စတဲ့နိုင်ငံတွေက မဟာယာနဗုဒ္ဓဘာသာ ဖြစ်ပြီး မြန်မာ ၊ ထိုင်း စတဲ့ အရှေ့တောင်အာရှနိုင်ငံတွေက ထေရ၀ါရဗုဒ္ဓဘာသာ ဖြစ်ကာ ကျန်တဲ့ ဘူတန် ၊ တိဘက် ၊ မွန်ဂိုလီးယား ၊ နီပေါ စတဲ့နိုင်ငံတွေကတော့  ဝဇီရယာန ဗုဒ္ဓဘာသာ ကို ကိုးကွယ်ကြပါတယ်။ ဒီတစ်ခါတော့ ကမ္ဘာပေါ်က ဗုဒ္ဓဘာသာကိုးကွယ်သူအများဆုံး ရှိတဲ့ နိုင်ငံ ၁၀ နိုင်ငံ အကြောင်းကို ဗဟုသုတ အဖြစ် ဝေမျှလိုက်ပါတယ်။

၁၀။ မလေးရှားနိုင်ငံ

မလေးရှားနိုင်ငံဟာ အစ္စလာမ်ဘာသာကိုးကွယ်သူ အများဆုံး ဆိုတာ သိကြပြီးဖြစ်မှာပါ။ ဒါပေမယ့် မလေးရှားနိုင်ငံ လူဦးရေစုစုပေါင်းရဲ့ ၁၉.၈% ခန့်က ဗုဒ္ဓဘာသာကိုးကွယ်သူတွေ ဖြစ်ကာ လူဦးရေအားဖြင့်တော့ ၆.၃သန်းခန့် ရှိပါတယ်။ အဓိကကိုးကွယ်သူတွေက မလေးအနွယ်ဝင် တရုတ်လူမျိုးတွေက ကိုးကွယ်ကြတာပဲဖြစ်ပါတယ်။ မလေးရှားကျွန်းဆွယ်ကို ရေကြောင်းကနေ ၀င်ရောက်လာတဲ့ အိန္ဒိယကုန်သည်တွေ နဲ့ ဘုန်းတော်ကြီးတွေထံမှ တဆင့် ဗုဒ္ဓဘာသာဟာ မလေးရှားနိုင်ငံကို ရောက်ရှိလာခဲ့တာဖြစ်ပါတယ်။ ချိုလာမင်းဆက်များ မအုပ်စိုးမီ ၁၁ရာစု အချိန်အထိတော့ ဟိန္ဒူဘာသာ နဲ့ ဗုဒ္ဓဘာသာဟာ မလေးရှားနိုင်ငံရဲ့ ကိုးကွယ်သူအများဆုံး ဘာသာတွေဖြစ်ခဲ့ဖူးပါတယ်။

၉။ တောင်ကိုရီးယားနိုင်ငံ

တောင်ကိုရီးယားနိုင်ငံမှာ ရှိတဲ့ ဗုဒ္ဓဘာသာဝင်တွေကတော့ မဟာယာနဗုဒ္ဓဘာသာ အပေါ်မှာ အခြေခံထားတဲ့ ကိုရီးယားဗုဒ္ဓဘာသာ (Korean Buddhism) ကို ကိုးကွယ်ကြပါတယ်။ နိုင်ငံစုစုပေါင်း လူဦးရေရဲ့ ၁၅.၅% ခန့် က ဗုဒ္ဓဘာသာကို ကိုးကွယ်တာဖြစ်ပြီး အရေအတွက်အားဖြင့်ဆိုရင်တော့ ၇.၉၇ သန်းခန့် ရှိပါတယ်။ ကိုရီးယားနိုင်ငံကိုတော့ ဗုဒ္ဓဘာသာဟာ အေဒီ ၃၇၂ခန့်မှာ တရုတ်နိုင်ငံ Former Qin ပြည်နယ်က တဆင့် ပျံ့နှံ့ရောက်ရှိလာခဲ့တာဖြစ်ပါတယ်။

၈။ အိန္ဒိယနိုင်ငံ

တချိန်က ဗုဒ္ဓဘာသာဝင်အများဆုံး နိုင်ငံတစ်နိုင်ငံ ဖြစ်ခဲ့ဖူးတဲ့ အိန္ဒိယနိုင်ငံရဲ့ ယနေ့ဗုဒ္ဓဘာသာဝင်ဦးရေ ကတော့ အလွန်နည်းပါးသွားခဲ့ပါပြီ။ ဗုဒ္ဓဘာသာ စတင်ခဲ့ရာနေရာလို့ ဆိုရမယ့် အိန္ဒိယနိုင်ငံမှာရှိတဲ့ ဘာသာတွေအနက် ဗုဒ္ဓဘာသာဟာ ၅ခု မြောက် အများဆုံးဘာသာဖြစ်ပြီး ရာခိုင်နှုန်းအားဖြင့်ဆိုရင်တော့ စုစုပေါင်း အိန္ဒိယနိုင်ငံ လူဦးရေရဲ့ ၀.၇% ရာခိုင်နှုန်းသာ ကျန်ရှိပါတော့တယ်။ လူဦးရေ သန်းပေါင်း ၁၃၀၀ ကျော်ရှိတဲ့ အိန္ဒိယနိုင်ငံရဲ့ ၀.၇% လို့ ဆိုပေမယ့် အရေအတွက်အားဖြင့် ဆိုရင်တော့ ၉.၂၇ သန်း ရှိပါတယ်။ ဗုဒ္ဓဘာသာရဲ့ရှေ့မှာတော့ ဟိန္ဒူ ၊ အစ္စလာမ် ၊ ခရစ်ယာန် ၊ ဆစ်ခ် စတဲ့ဘာသာတွေက အိန္ဒိယမှာ ကိုးကွယ်သူအများဆုံးဖြစ်ပါတယ်။

၇။ ဗီယက်နမ်နိုင်ငံ

ဗီယက်နမ်လူမျိုး အများစုကတော့ ဗီယက်နမ်ရိုးရာဘာသာ (Vietnamese folk religion ) ကို ကိုးကွယ်ကြပေမယ့် ဒီနိုင်ငံရဲ့ ဒုတိယအကြီးဆုံး ဘာသာကတော့ ဗုဒ္ဓဘာသာ ဖြစ်ပါတယ်။ စုစုပေါင်း ဗီယက်နမ် လူဦးရေရဲ့ ၁၂.၂% က မဟာယာန ဗုဒ္ဓဘာသာကို ကိုးကွယ်ကြပြီး အရေအတွက်အားဖြင့်ဆိုရင်တော့ ၁၁.၅ သန်း ခန့်ရှိပါတယ်။ ဘီစီ ၂ရာစု (သို့) ၃ရာစု လောက်ကတည်းက အိန္ဒိယ (သို့) တရုတ်နိုင်ငံကနေ ဗုဒ္ဓဘာသာဟာ ဗီယက်နမ်နိုင်ငံကို ရောက်ရှိခဲ့ပြီ လို့ ပညာရှင်တွေက ခန့်မှန်းကြပါတယ်။ အေဒီ ၂ရာစု ၀န်းကျင်လောက်မှာတော့ ယနေ့ Bắc Ninh ပြည်နယ်ဖြစ်လာမယ့် Luy Lâu ဒေသမှာ မဟာယာနဗုဒ္ဓဘာသာကို အများဆုံး ကိုးကွယ်ခဲ့ကြပါတယ်။

၆။ သီရိလင်္ကာနိုင်ငံ

ထေရ၀ါရ ဗုဒ္ဓဘာသာ အင်အားကြီးနိုင်ငံ တစ်နိုင်ငံဖြစ်တဲ့ သီဟိုဠ်ကျွန်း ခေါ် သီရိလင်္ကာနိုင်ငံမှာတော့ နိုင်ငံလူဦးရေ စုစုပေါင်းရဲ့ ၇၀.၂% ခန့်ဟာ ဗုဒ္ဓဘာသာကို ကိုးကွယ်ကြပါတယ်။ ကိုးကွယ်သူ အရေအတွက်တော့ ၁၅.၂သန်း ခန့် ဖြစ်ပါတယ်။ သိဟိုဠ်ကျွန်းကိုတော့ ဗုဒ္ဓဘာသာဟာ အာသောကဘုရင်လက်ထက် တတိယသင်္ဂါယနာ တင်ပြီးချိန် ဘီစီ ၂၅၀ ခန့်မှာ စတင်ရောက်ရှိခဲ့တယ်လို့ ဆိုပါတယ်။ ဗုဒ္ဓဘာသာကို စတင်ပြန့်ပွားစေခဲ့တဲ့သူကတော့ အာသောကဘုရင်ရဲ့သားတော်ဖြစ်တဲ့ ရဟန်းတော် အရှင်မဟိန္ဒ ( Ven Mahinda ) ဖြစ်ပါတယ်။ အရှင်မဟိန္ဒ ဟာ သီဟိုဠ်ကျွန်းက Mihintale (မဟိန်တလေတောင်) မှာ စတင်သီတင်းသုံးခဲ့ပြီးနောက် ညီမတော် ဘိက္ခူနီ သံဃာမိတ္တ(Sangamitta) ကို ဗောဓိပျိုးပင်ငယ်ကို ယူဆောင်လာစေခဲ့ပြီးတဲ့နောက် ပထမဆုံး ဘုန်းတော်ကြီးကျောင်းကို စတင်တည်ထောင်ခဲ့ပါတယ်။ ယနေ့အချိန်မှာတော့ သီရိလင်္ကာနိုင်ငံမှာ ဗုဒ္ဓဘာသာ ဘုန်းတော်ကြီးကျောင်း ၆၀၀၀ ကျော်ခန့် ရှိနေပြီ ဖြစ်ပါတယ်။

၅။ ကမ္ဘောဒီးယားနိုင်ငံ

ခမာတို့ရဲ့နိုင်ငံဖြစ်တဲ့ ကမ္ဘောဒီးယားနိုင်ငံမှာတော့ ဗုဒ္ဓဘာသာကို နိုင်ငံတော်ဘာသာအဖြစ် သတ်မှတ်ထားပါတယ်။ နိုင်ငံလူဦးရေ စုစုပေါင်းရဲ့ ၉၆.၉% ခန့်က ဗုဒ္ဓဘာသာဝင်တွေ ဖြစ်ပါတယ်။ စုစုပေါင်း ဗုဒ္ဒဘာသာဝင် ၁၅.၇ သန်းခန့် ရှိပါတယ်။ ကမ္ဘောဒီယားကိုတော့ အေဒီ ၅ရာစုခန့်လောက်ကတည်းက ဗုဒ္ဓဘာသာဟာ ရောက်ရှိနေခဲ့ပြီဖြစ်ပါတယ်။ ဒါပေမယ့် အစောပိုင်း ဗုဒ္ဓဘာသာက မဟာယာနဗုဒ္ဓဘာသာ ဖြစ်ပြီး ယနေ့အချိန်မှာတော့ ထေရ၀ါရ ဗုဒ္ဓဘာသာအဖြစ် ပြောင်းလဲခဲ့ပြီ ဖြစ်ပါတယ်။ ထေရ၀ါရဗုဒ္ဓဘာသာ ကို ၁၃ရာစုကနေစလို့ ယနေ့အချိန်အထိ ကိုးကွယ်လာခဲ့တာဖြစ်ပါတယ်။(ပို့ပေါ့ရဲ့ ခမာရုဒ်ကာလအတွင်းမှ လွဲ၍)

၎။ ဂျပန်နိုင်ငံ

ဂျပန်နိုင်ငံမှာတော့ ရှင်တိုဘာသာဟာ ကိုးကွယ်သူအများဆုံး ဘာသာဖြစ်ပြီး ဒုတိယကိုးကွယ်သူ အများဆုံးဘာသာက ဗုဒ္ဓဘာသာပဲ ဖြစ်ပါတယ်။ နိုင်ငံလူဦးရေ စုစုပေါင်းရဲ့ ၃၄.၉%ခန့်က မဟာယာနဗုဒ္ဓဘာသာကို ကိုးကွယ်ကြပြီး လူဦးရေနဲ့တွက်ရင် ၄၄သန်းခန့် ကိုးကွယ်ကြတာပဲဖြစ်ပါတယ်။ မဟာယာနဗုဒ္ဓဘာသာကိုမှ Pure Land Buddhism ၊ Nichiren Buddhism ၊ Shingon Buddhism နဲ့ Zen ဆိုပြီး ဂိုဏ်းခွဲအသီးသီးရှိကြပါသေးတယ်။ ဂျပန်နိုင်ငံကိုတော့ ဗုဒ္ဓဘာသာဟာ အေဒီ ၅၅၂ ခုလောက်မှာ Baekje ဘုရင့်နိုင်ငံ(ကိုရီးယား) ကနေ တဆင့်ရောက်ရှိလာခဲ့တာပဲ ဖြစ်ပါတယ်။ Baekje ဘုရင် Seong ဟာ ဂျပန်အင်ပါယာဘုရင်  Kinmei ထံ ဘုန်းတော်ကြီး ၊ သီလရင်တွေနဲ့အတူ ဗုဒ္ဓဘာသာကျမ်းစာများ စေလွှတ်ခဲ့ရာကနေ ဗုဒ္ဓဘာသာဟာ ဂျပန်မှာ အစပြုခဲ့တာဖြစ်ပါတယ်။

၃။ မြန်မာနိုင်ငံ

ဗုဒ္ဓဘာသာနဲ့ ပတ်သတ်လို့ ကမ္ဘာမှာထင်ရှားတဲ့ ကျွန်တော်တို့ မြန်မာနိုင်ငံကတော့ ဗုဒ္ဓဘာသာဝင် အများဆုံးနိုင်ငံ စာရင်းမှာတော့ နံပါတ် ၃ ပါ။ နိုင်ငံ စုစုပေါင်း လူဦးရေရဲ့ ၈၇.၉% က ထေရ၀ါရဗုဒ္ဓဘာသာကို ကိုးကွယ်ကြပြီး အရေအတွက်အားဖြင့် ဆိုရင်တော့ ၄၇.၁ သန်း ဖြစ်ပါတယ်။ မြန်မာနိုင်ငံကိုတော့ ဗုဒ္ဓဘာသာဟာ ဘီစီ ၂၂၈ ခန့်မှာ အာသောကမင်းကြီး စေလွှတ်လိုက်တဲ့ သာသနာပြုရဟန်းတော်တွေဖြစ်တဲ့ အရှင်သောန နဲ့ အရှင်ဥတ္တရ (Sona and Uttara ) ကနေ ပြန့်ပွားလာခဲ့တယ်လို့ သိရပါတယ်။ အရှင်သောန နဲ့ အရှင်ဥတ္တရ တို့ဟာ သုဝဏ္ဏဘူမ္မိ (သထုံ) ကို ရောက်ရှိပြီး ဗုဒ္ဓဘာသာဟာ မြန်မာနိုင်ငံမှာ စတင်ပြန့်ပွားခဲ့တာ ဖြစ်ပါတယ်။ ၁၉၆၁ ခုနှစ်၊ သြဂုတ်လ ၂၆ ရက်နေ့မှာတော့ ဗုဒ္ဓဘာသာကို နိုင်ငံတော်ဘာသာအဖြစ် စတင်ပြဌာန်းခဲ့ပါတယ်။

၂။ ထိုင်းနိုင်ငံ

ထိုင်းနိုင်ငံဟာလည်း မြန်မာနိုင်ငံလိုပဲ ဗုဒ္ဓဘာသာနိုင်ငံအဖြစ် ကမ္ဘာမှာ ထင်ရှားပါတယ်။ နိုင်ငံလူဦးရေ စုစုပေါင်းရဲ့ ၉၄.၅% ဟာ ဗုဒ္ဓဘာသာကို ကိုးကွယ်ကြပြီး အရေအတွက်နဲ့ ဆိုရင်တော့ ၆၅.၁သန်းခန့် ဖြစ်ပါတယ်။ ထိုင်းနိုင်ငံကိုတော့ ဗုဒ္ဓဘာသာဟာ ဘီစီ ၂၅၀ ခန့်မှာပဲ အာသောကမင်းကြီး စေလွှတ်လိုက်တဲ့ သာသနာပြုအဖွဲ့တွေနဲ့ ရောက်ရှိလာခဲ့တာပဲ ဖြစ်ပါတယ်။ ထိုင်းဘုရင် အစဉ်အဆက်ဟာလည်း ဗုဒ္ဓဘာသာကို စောင့်ရှောက်ခဲ့ကြပြီး အေဒီ ၁၃ရာစု Sukhothai ဘုရင့်နိုင်ငံလက်ထက်မှာတော့ ထေရ၀ါရ ဗုဒ္ဓဘာသာဟာ နိုင်ငံတော်ဘာသာ ဖြစ်လာခဲ့ပါတယ်။

၁။ တရုတ်နိုင်ငံ

ကမ္ဘာပေါ်မှာ ဗုဒ္ဓဘာသာ ကိုးကွယ်သူ အများဆုံးရှိရာ နိုင်ငံကတော့ တရုတ်နိုင်ငံပဲ ဖြစ်ပါတယ်။ တရုတ်နိုင်ငံမှာတော့ နိုင်ငံလူဦးရေစုစုပေါင်းရဲ့ ၁၅.၈၇% ဟာ ဗုဒ္ဓဘာသာကို ကိုးကွယ်ကြပါတယ်။ မဟာယာန ဗုဒ္ဓဘာသာကို ကိုးကွယ်ကြတာဖြစ်ပြီး အရေအတွက်အားဖြင့်ဆိုရင်တော့ ၂၂၂.၇သန်းခန့် ရှိပါတယ်။ မဟာယာနဗုဒ္ဓဘာသာ ကနေ အခြေခံထားတဲ့ တရုတ်ဗုဒ္ဓဘာသာ ၊ တိဘက်ဗုဒ္ဓဘာသာ ၊ ဂျပန်ဗုဒ္ဓဘာသာတို့အပြင် ထေရ၀ါရဗုဒ္ဓဘာသာ ကိုးကွယ်သူတွေလည်း ရှိပါတယ်။ ဟန်မင်းဆက်လက်ထက် အေဒီ ၁ရာစုလောက်ကတည်းက အိန္ဒိယနိုင်ငံမှ သာသနာပြုတွေထံကနေ တဆင့် ဗုဒ္ဓဘာသာဟာ တရုတ်နိုင်ငံကို ရောက်ရှိလာခဲ့တာပဲ ဖြစ်ပါတယ်။

သုတဇုန်

Leave a Reply