သက်တန့်ယူကလစ်ပင် ဆိုတာ

Posted on

ကမ္ဘာပေါ်မှာ ယူကလစ်ပင်မျိုးစိတ်ပေါင်း ခုနှစ်ရာကျော်ရှိနေတဲ့ ဒီအထဲမှာ deglupta ယူကလစ်တွေဟာ တမူထူးခြားပါတယ်။ သူ့ကိုတော့ သက်တန့်ယူကလစ်ပင်  rainbow eucalyptus လို့ လူသိများပါတယ်။ ဒီအပင်ရဲ့ သိပ္ပံနာမည်ကတော့ Eucalyptus deglupta ဖြစ်ပါတယ်။

ဒီသက်တန့်ယူကလစ်တွေရဲ့ မူရင်းပေါက်ရောက်တဲ့ဒေသတွေကတော့ ဖိလစ်ပိုင် ၊ အင်ဒိုနီးရှား နဲ့ ပါပူအာနယူးဂီနီ နိုင်ငံတွေဖြစ်ပါတယ်။ ဒီအပင်တွေကို သက်တန့်သစ်စေး ၊ မင်ဒန်နာရို သစ်စေး (Mindanao gum) လို့လည်းခေါ်ကြပါတယ်။ မင်ဒန်နာရိုကတော့ ဒီအပင်များပေါက်ရောက်ရာ ဖိလစ်ပိုင်တောင်ပိုင်းက ကျွန်းတစ်ကျွန်းရဲ့ နာမည်ဖြစ်ပါတယ်။

အများအားဖြင့် မိုးသစ်တောတွေထဲမှာ ပေါက်ရောက်လေ့ရှိတဲ့ ဒီအပင်တွေရဲ့ပင်စည်တွေဟာ သက်တန့်ယူကလစ်ဆိုတဲ့ နာမည်နဲ့လိုက်အောင် အပြာ ၊ အစိမ်း ၊ လိမ္မော် ၊ ကြက်သွေးရင့် ၊ ခရမ်းပြာနု စတဲ့ အရောင်ပေါင်းများစွာ ပေါင်းစပ်ပါဝင်နေပါတယ်။ ဒီလို အရောင်စုံဖြစ်ပေါ်နေရခြင်းကတော့ ယူကလစ်ပင်ရဲ့သစ်ခေါက်က အခွံလဲတဲ့အချိန်မှာ အရောင်တစ်မျိုးချင်းစီ ပြောင်းလဲသွားတာကြောင့် ဖြစ်ပါတယ်။

Eucalyptus deglupta တွေဟာ ကြီးထွားမြန်တဲ့အပင်တွေထဲမှာ ပါဝင်နေပြီး အမြင့်ပေ ၂၅၀ခန့် နဲ့ ပင်စည်အချင်း ၉၄လက်မ ခန့်အထိ မြင့်မားကြီးထွားလေ့ရှိပါတယ်။ ချောမွတ်တဲ့ပင်စည်ရှိပြီး သူ့ရဲ့အကိုင်းအခက်တွေဟာ အခြားအပင်အများစုလို ယှက်လိမ်ခြင်းမရှိပဲ ပင်စည်မှ ဘေးဘက်အသီးသီးကို ခွဲဖြာသွားလေ့ရှိပါတယ်။

အရွက်တွေကတော့ မျက်နှာချင်းဆိုင် တစ်စုံပုံစံနဲ့ ရှိနေပြီး အရှည် ၆လက်မခန် အကျယ် ၃လက်မခန့် အရွယ်အစားရှိပါတယ်။ အကိုင်းအခက်တွေရဲ့ ထိပ်အဆုံးမှာတော့ ပန်းအဖူးခိုင်တွေရှိနေပြီး တစ်ခိုင်မှာ ပန်းဖူး ၇ခုစီပါဝင်နေပါတယ်။ ပန်းဖူးတွေဟာ အဖြူဘက်ကိုသန်းနေတဲ့ စိမ်းဖျော့ရောင်ရှိပြီး ပန်းပွင့်ချိန်ကတော့ အပင်ပေါက်ရောက်တဲ့နေရာအလိုက် တစ်ပင်နဲ့ တစ်ပင်တူညီမှုမရှိပါဘူး။

ဒီအပင်ရဲ့ အရွက်တွေကို ကိုလာဝက်ဝံ ၊ Greater Glider လိုအကောင်တွေကသာ စားနိုင်ပြီး အခြားတိရစ္ဆာန်တွေစားမယ်ဆိုရင်တော့ အဆိပ်ဖြစ်စေပါတယ်။ အရွက်တွေဟာ အမျှင်ဓာတ်နည်းသလို အဟာရလည်း များများစားစားပါဝင်မှု မရှိပါဘူး။

ဒီသစ်ပင်အကြောင်းကို ပထမဆုံး အနေနဲ့ ၁၈၅၀ခုနှစ်မှာ ဂျာမန်-ဒတ်ခ်ျ ရုက္ခဗေဒပညာရှင် Carl Ludwig Blume က ဖော်ထုတ်ကြေငြာခဲ့တာဖြစ်ပါတယ်။  deglupta ကတော့ သစ်ပင်အခွံကို လက်တင်ဘာသာနဲ့ ခေါ်ဆိုတာဖြစ်တဲ့အတွက် Eucalyptus deglupta ကတော့ အခွံနွှာနေတဲ့ ယူကလစ်ပင် လို့ အဓိပ္ပါယ်ရပါတယ်။

ယနေ့အချိန်မှာတော့ ဒီအပင်တွေကို ကမ္ဘာအနှံ့မှာ မျိုးပွားစိုက်ပျိုးလျှက်ရှိပါတယ်။ ဒီအပင်တွေကနေ စက္ကူတွေကို ထုတ်လုပ်လျှက်ရှိပြီး ဖိလစ်ပိုင်ရဲ့ စက္ကူထုတ်လုပ်ရေးမှာ ဒီအပင်တွေဟာ မပါမဖြစ် ပါဝင်နေပါတယ်။ ယူကလစ်ဆီတွေကိုတော့ ဆေးဝါးလုပ်ငန်း နဲ့ ရေမွှေးလုပ်ငန်းတွေမှာ အသုံးပြုလေ့ရှိပါတယ်။

 

 

Leave a Reply