ကမ္ဘာ့အကြီးဆုံးမြွေ (သို့) အန်နာကွန်ဒါ မြွေကြီးများအကြောင်း

Posted on

အန်နာကွန်ဒါတွေဟာ ကမ္ဘာပေါ်မှာ အကြီးဆုံးမြွေအမျိုးအစားဖြစ်တယ်ဆိုတာ အများစုသိပြီးကြပြီး ဖြစ်မှာပါ။ ဒီတစ်ခါတော့ အဲဒီအန်နာကွန်ဒါမြွေကြီးတွေရဲ့ အကြောင်းကို ဗဟုသုတအဖြစ် မျှဝေလိုက်ပါတယ်။

အန်နာကွန်ဒါ (သို့) ရေနေစပါးကြီးမြွေမျိုးတွေဟာ Eunectes မျိုးစိတ်ထဲမှာ ပါဝင်ပါတယ်။ ဒီမြွေကြီးတွေဟာ အများအားဖြင့် တောင်အမေရိကတိုက်ရဲ့ အပူပိုင်းမိုးသစ်တော ၊ ရွံ့မြေ နဲ့ ရေကန်တွေထဲမှာ ကျက်စားလေ့ရှိပါတယ်။ အများဆုံးတွေ့ရလေ့ရှိတဲ့နေရာကတော့ အမေဇုန်မြစ် နဲ့ အော်ရင်နိုကိုမြစ်အနီးတ၀ိုက်ဒေသမှာဖြစ်ပါတယ်။

အန်ဒါကွန်ဒါမြွေ မျိုးစိတ် ၄ ခု ရှိပါတယ်။ အဲဒါတွေကတော့ Green Anaconda ၊ Yellow Anaconda ၊ Darkly-Spotted Anaconda နဲ့ Bolivian Anaconda တို့ ဖြစ်ပါတယ်။ ဒီအထဲမှာ အကြီးဆုံးကတော့ အစိမ်းရောင် အန်ဒါကွန်ဒါမြွေမျိုးစိတ်ပဲ ဖြစ်ပါတယ်။

သူတို့ဟာ အရွယ်အစားကြီးမားလွန်းပေမယ့် လူရှိတဲ့နေရာတွေကိုရှောင်ရှားပြီး ပုန်းအောင်နေထိုင်လေ့ရှိတာကြောင့် ရှာတွေ့ဖို့တော့ ခက်ခဲပါတယ်။ ဖက်ရှင်လောကမှာတော့ အန်ဒါကွန်ဒါမြွေအရေခွံဟာ ဈေးကြီးပြီးလူကြိုက်များတာကြောင့် မြွေမုဆိုးတွေဟာ အန်ဒါကွန်ဒါတွေကို ရှာဖွေဖမ်းဆီးအမဲလိုက်လေ့ရှိပါတယ်။

အရွယ်ရောက်ပြီး အန်နာကွန်ဒါတွေဟာ အရှည်ပေ ၂၀ကနေ ၂၅ ၀န်းကျင်အထိ ရှိတတ်ပြီး အလေးချိန်ကတော့ ပေါင် ၅၀၀ ၀န်းကျင်အထိရှိတတ်ပါတယ်။ အမတွေဟာ အထီးတွေထက် အရွယ်အစား ပိုကြီးပါတယ်။ (အန်နာကွန်ဒါတွေဟာ ခန္ဓာကိုယ်အကြီးဆုံးမြွေအမျိုးအစားဖြစ်ပေမယ့် အရှည်ဆုံးမြွေတော့ မဟုတ်ပါဘူး။ အရှည်ဆုံးစံချိန်တင်ထားတာကတော့ MEDUSA လို့ခေါ်တဲ့ စပါးအုံမြွေဖြစ်ပြီး အရှည် ၂၅ပေ ၂လက်မ ရှိပါတယ်)

အန်ဒါကွန်ဒါတွေရဲ့ အရွယ်အစားဟာ သူတို့သက်တမ်းတလျှောက်လုံး အဆက်မပြတ်ကြီးထွားလာလေ့ရှိပါတယ်။ အများအားဖြင့် အစိမ်း (သို့) အ၀ါရောင်ရှိပြီး ကျောကုန်းတလျှောက်မှာတော့ အမည်းစက်တွေရှိနေတတ်ပါတယ်။

အန်နာကွန်ဒါတွေဟာ ကုန်းပေါ်မှာရော ရေထဲမှာပါ သူတို့ရဲ့သားကောင်ကို အမဲလိုက်လေ့ရှိပါတယ်။ ဒါပေမယ့် အများအားဖြင့်နေထိုင်တာကတော့ ရေထဲမှာဖြစ်ပြီး ရေထဲမှာ နေထိုင်ခြင်းဟာ ပိုမိုလျှင်မြန်စွာရွေ့လျားစေနိုင်လို့ ဖြစ်ပါတယ်။

သူတို့ရေထဲမှာနေတဲ့အခါ ဦးခေါင်းထိပ်စွန်းက လွဲလို့ဘာမှမြင်ရမှာ မဟုတ်ပါဘူး။ ဦးခေါင်းထိပ်ပိုင်းမှာရှိတဲ့ နှာခေါင်းပေါက်ကလွဲရင် တစ်ကိုယ်လုံးကို ရေထဲမှာနှစ်မြုပ်ပြီး နေထိုင်လေ့ရှိတဲ့အတွက်ကြောင့် ဖြစ်ပါတယ်။ သူတို့ဟာ ရေအောက်မှာ ၁၀ မိနစ်ခန့်ပဲ ရေငုပ်နိုင်ပြီး ထို့နောက်မှာတော့ ရေမျက်နှာပြင်ပေါ်ကိုထွက်ကာ လေကိုထပ်မံရှုပြီးမှ ရေထဲကို ပြန်ငုပ်နိုင်ပါတယ်။

အန်နာကွန်ဒါတွေရဲ့ အမဲလိုက်ခြင်းကိုခံရတဲ့ သားကောင်တွေကတော့ ငါး ၊ လိပ် ၊ မိကျောင်းငယ် ၊ capybara ၊ ဒရယ် စတဲ့တိရစ္ဆာန်တွေပဲ ဖြစ်ပါတယ်။ သူတို့ဟာ တစ်နေ့ကို အလေးချိန် ပေါင် ၄၀ ခန့်အထိ အစာစားနိုင်ကြပါတယ်။

သူတို့ဟာ အဆိပ်မရှိတဲ့မြွေအမျိုးအစားဖြစ်တာကြောင့် သားကောင်တွေကို ဖမ်းတဲ့နေရာမှာ ကြီးမားတဲ့ ခန္ဓာကိုယ်ကို အသုံးပြုလေ့ရှိပါတယ်။ လိုက်လံဖမ်းဆီးခြင်းထက် အလစ်အငိုက်ဖမ်းသည့် နည်းကိုသုံးလေ့ရှိပါတယ်။ သန်မာပြီးကြီးမားတဲ့ ခန္ဓာကိုယ်နဲ့ အရင်တိုက်ခိုက်ပြီးနောက် အံသွားနှင့်ပါးရိုးကို အသုံးပြုကာ သားကောင်အား ကိုက်ခဲလေ့ရှိပါတယ်။

အဲဒီနောက်တော့ သားကောင်ကို မလှုပ်နိုင်အောင် ရစ်ပတ်ကာ အသက်သေဆုံးသည်အထိ တင်းကျပ်စွာညှစ်ထားလေ့ရှိပါတယ်။ အညှစ်ခံရတဲ့ တိရစ္ဆာန်ဟာ အရိုးအဆစ်များကြိုးကြေသွားလေ့ရှိပြီး အဲဒီနောက်မှာတော့ တစ်ကောင်လုံးကို ဦးခေါင်းပိုင်းမှစ၍ မျိုချစားသောက်ပစ်လေ့ ရှိပါတယ်။ အစာတစ်ခါစားပြီးတိုင်း ၁ပတ် ၂ပတ်အထိ ဘာအစာမှ မစားပဲနေနိုင်ကြပါတယ်။ အမဲလိုက်တဲ့လုပ်ငန်းကိုတော့ ညအချိန်တွေမှာပဲ ပြုလုပ်လေ့ရှိပါတယ်။

 

အန်နာကွန်ဒါတွေ အကြောက်ဆုံးကတော့ လူတွေဖြစ်ပါတယ်။ နှစ်စဉ် အန်ဒါကွန်ဒါပေါင်းများစွာဟာ လူတွေရဲ့အမဲလိုက်သတ်ဖြတ်ခြင်းကို ခံရလေ့ရှိပါတယ်။ အန်ဒါကွန်ဒါတွေဟာ လူတွေကို စားသောက်တယ်ဆိုတဲ့ ထင်ထင်ရှားရှား သက်သေမှတ်တမ်းတွေမရှိပေမယ့် သိပ္ပံပညာရှင်တွေရဲ့လေ့လာမှုအရတော့ သူတို့ဟာ လူတွေကိုစားသောက်နိုင်စွမ်း ရှိတယ်လို့ သိရပါတယ်။

အန်နာကွန်ဒါတွေ မိတ်လိုက်တဲ့ရာသီကတော့ ဧပြီ နဲ့ မေလတွေဖြစ်ပါတယ်။ ကိုယ်ဝန်ဆောင်ချိန် ၆လခန့် ကြာမြင့်ပြီးတဲ့နောက် အကောင် ၂၀ကနေ ၄၀ခန့်ရှိတဲ့ အန်နာကွန်ဒါလေးတွေကို မွေးလေ့ရှိပါတယ်။ အန်နာကွန်ဒါပေါက်ကလေးတွေဟာ ခန္ဓာကိုယ်အရွယ်အစား ၂ပေခန့် ရှိပြီး မွေးပြီးပြီးချင်းမှာပဲ တသီးတခြားသွားလာလှုပ်ရှားနိုင်ပြီ ဖြစ်ပါတယ်။

တောတွင်းနေ အန်နာကွန်ဒါမြွေတွေရဲ့ သက်တမ်းကတော့ ၁၀နှစ်မှ ၁၂နှစ်ခန့် အထိဖြစ်ပြီး တိရစ္ဆာန်ရုံတွေမှာ ဂရုတစိုက်ထိန်းသိမ်းထားခံရတဲ့ အန်ဒါကွန်ဒါတွေကတော့ အနှစ် ၃၀ ခန့်အထိ အသက်ရှည်နိုင်ပါတယ်။

VIDEO

Ref:
Softschool Facts Anacondas
Wikipedia

Leave a Reply