စူပါဟီးရိုး Black Widow (သို့) စကားလက်ဂျိုဟန်ဆန်

Posted on

အမေရိကန်ရုပ်ရှင်မင်းသမီးနဲ့ အဆိုတော်တစ်ယောက်ဖြစ်တဲ့ စကားလက်ဂျိုဟန်ဆင်ဆိုရင်တော့ ကမ္ဘာရုပ်ရှင်ကြည့်ပရိတ်သက်အားလုံးက သိကြပါတယ်။ အထူးသဖြင့်ကမ္ဘာအနှံ့ ပုရိသတွေရဲ့သည်းသည်းလှုပ်အားပေးခြင်းကိုခံရတဲ့ စကားလက်ဂျိုဟန်ဆန်ဟာ ကမ္ဘာ့ဆွဲဆောင်မှုအရှိဆုံး အမျိုးသမီးတွေ အနက်က တစ်ဦးဖြစ်ပြီး သူမရဲ့နာမည်အပြည့်အစုံကတော့ စကားလက် အင်ဂရစ်ဂျိုဟန်ဆန်(Scarlett Ingrid Johansson) ပဲဖြစ်ပါတယ်။

သူမကိုတော့ (၁၉၈၄)ခုနှစ်၊ နိုဝင်ဘာ (၂၂)ရက်နေ့မှာ နယူးယောက်မြိုမှာရှိတဲ့ Manhattamn အရပ်မှာမွေးဖွားခဲ့ပါ တယ်။ သူမရဲ့ဖခင်ကတော့ ဒိန်းမတ်နိုင်ငံ၊ကိုဗေဟေဂင်ကနေပြောင်းရွေလာတဲ့ ဗိသုကာပညာရှင်တစ်ယောက်ဖြစ်တဲ့ Karsten Olaf Johansson ဖြစ်ပြီး မိခင်ဖြစ်သူ Melanie Sloan ကတောဂျူးအမျိုးသမီး ရုပ်ရှင်ထုတ်လုပ်သူ တစ်ယောက်ဖြစ်ပါတယ်။ စကားလက်ဂျိုဟန်ဆန်နဲ့သူရဲ့မောင်ဟန်တာဂျိုဟန်ဆန်တို့ဟာ အမွှာ ကလေးငယ်တွေဖြစ်ပြီး စကားလက်က (၃)မိနစ်ကြီးပါတယ်။ ဒါအပြင် ရုပ်ရှင် သရုပ်ဆောင်အဖြစ်လုပ်ကိုင်နေသူ ဗန်နီဆာ ဂျိုဟန်ဆန်ဆိုတဲ့ညီမတစ် ယောက်နဲ့ အဒီရန်ဆိုတဲ့အစ်ကိုတစ်ယောက်ကိုလည်း ပိုင်ဆိုင်ထားပါတယ်။

စကားလက်ဂျိုဟန်ဆန်ဟာ ငယ်စဉ်တည်းကအနုပညာပိုးပါလာသူဖြစ်ပြီး သူမအသက်(၇)နှစ်အရွယ်တည်းက ကုန်ပစ္စည်း ကြေငြာတစ်ခုမှာ အသံအမူအရာနဲ့ပါဝင်သရုပ်ဆောင်ခဲ့ပါတယ်။ အသက်(၈)နှစ်အရွယ်မှာတော့ သူမရဲ့ပထမဆုံးသော ပရိသတ်ကို ဖျော်ဖြေတဲ့ပွဲအဖြစ် Off-broadway ပြဇာတ်အဖွဲ့မှာကလေးသရုပ်ဆောင်အဖြစ် ပါဝင်ခဲ့ပါတယ်။ ယင်းနောက်မှာတော့ စကားလက်ဂျိုဟန်ဆန် Professional Children School မှာပညာသင်ကြားခဲ့ပြီး အသက်(၉)နှစ်အရွယ်၊ (၁၉၉၄) ခုနှစ်မှာတော့ North လို့ အမည်ရတဲ့ဟာသဇာတ်မြူးကားလေးမှာ ပထမဆုံး ပါဝင်သရုပ်ဆောင်ခွင့်ရခဲ့ပါတယ်။

စကားလက် အသက်(၁၃)နှစ်အရွယ်ရောက်ချိန်မှာတော့ သူမိဘတွေဟာ ကွာရှင်းခဲ့ပြီး စကားလက်ကတော့ မိခင်ဖက်ကအဘွားဖြစ်သူ Dorothy Sloan နဲ့သွားရောက်နေထိုင်ခဲ့ပါတယ်။ ယင်းနောက်စကားလက်ဟာ အဆိုနဲ့ အကပညာတွေကို သင်ယူပြီး ပြဇာတ်မင်းသမီးတစ်ယောက်ဖြစ်လာဖို့ ကြိုးစားခဲ့ပါသေးတယ်။ နောက်ပိုင်းမှာတော့ အဘွားဖြစ်သူရဲ့အကြံပေးမှုနဲ့ အတူ ရုပ်ရှင်ဘက်ကိုပဲ သီးစားပေးခဲ့ပြီး (၁၉၉၇)ခုနှစ်ထုတ် Fall ဇာတ်ကားနဲ့ (၁၉၉၇)ခုနှစ်ထုတ် Home Alone (3) တို့မှာဇာတ်ပို့သရုပ်ဆောင်နေရာက နေပါဝင်ခဲ့ပြီး သရုပ်ဆောင်ပညာရပ်များစွာကို သိုမှီးနိုင်ခဲ့ပါတယ်။

နာမည်ကျော်ဒါရိုက်တာ Robert Redford ရိုက်ကူးခဲ့တဲ့ (၁၉၉၈)ခုနှစ်ထုတ် The Horse Whisperer ကားမှာတော့ စကားလက်ဂျိုဟန်ဆန်ဟာ မတော်တဆဖြစ်ရပ်တစ်ခုကြောင့် စိတ်ဒဏ်ရာရနေတဲ့ ဆယ်ကျော်သက်နေရာက နေပါဝင်သရုပ်ဆောင်ခဲ့ပြီး Chicago အခြေစိုက်ရုပ်ရှင်ဝေဖန်ရေးအဖွဲ့ရဲ့ အလားအလာအရှိဆုံးအမျိုးသမီးသရုပ်ဆောင်ဆု အတွက်ဇကာတင်စာရင်း မှာပါဝင်နိုင်ခဲ့ပါတယ်။ ယင်းနောက် (၁၉၉၉)ခုနှစ်ထုတ် My Brother the Pig (၂၀၀၀)ပြည့်နှစ်က Ghost world၊ (၂၀၀၁)ခုနှစ်က An American Rhapsody နဲ့ The Man Who Wasn’t There (၂၀၀၂)ခုနှစ်က Elight Legged Freaks ဇာတ်ကားတွေနဲ့ စကားလက်ဂျိုဟန်ဆန်ဟာ နာမည်ရ ဟောလီးဝုဒ်သရုပ်ဆောင်တစ်ယောက်အဖြစ် ရပ်တည်လာနိုင်ခဲ့ပါတယ်။

(၂၀၀၃)ခုနှစ်ကရိုက်ကူးခဲ့တဲ့ Lost in Translation နဲ့ Girl with a Pearl Earring ဇာတ်ကားတွေရိုက်ကူးပြီးချိန်မှာတော့ BAFTA Award နဲ့ ရွှေကမ္ဘာလုံးဆုတို့အတွက် အကောင်းဆုံး အမျိုးသမီးဇာတ်ဆောင်ဆု ကိုယင်းဇာတ်ကား(၂)ခုလုံးနဲ့ ဇကာတင်စာရင်းပါဝင်လာခဲ့ပါတယ်။ ယင်း နောက် Lost in Translationဇာတ်ကားနဲ့ BAFTA Award ရဲ့အကောင်းဆုံး အမျိုးသမီးဇာတ်ဆောင်ဆု ဆုချီးမြှင့်ခြင်းခံခဲ့ရပါတယ်။

(၂၀၀၅)ခုနှစ်မှာတော့ ရုပ်ရှင်ဝေဖန်ရေးသမားတွေကတောင်ချီးကျူးခြင်းခံခဲ့ရတဲ့ Match Point ဆိုတဲ့ဇာတ်ကားမှာပါဝင်သရုပ်ဆောင်ခဲ့ပြီး ရွှေကမ္ဘာလုံးဆု အပြင် ရှီကာဂိုရုပ်ရှင်ဝေဖန်ရေးအဖွဲ့ရဲ့ Best Supporting Actress ဆုတွေ အတွက် ဇကာတင်စာရင်းမှာပါဝင်လာခဲ့ပြန်ပါတယ်။

ယင်းနောက် စကားလက်ဂျိုဟန်ဆန်ဟာ အနုပညာလုပ်ငန်းတွေကို ဆက်တိုက် လုပ်ကိုင်ရင်း (၂၀၀၈)ခုနှစ်မေလမှာတော့ Anywhere I Lay My Head ဆိုတဲ့သီချင်းအယ်ဘမ်ကိုထုတ်လွှင့်ခဲ့ပါတယ်။ (၂၀၁၀)ခုနှစ်မှာတော့ စကားလက်ဟာ ကမ္ဘာကျော်ရုပ်ရှင်ဇာတ်ကားဖြစ်တဲ့ Iron Man-2 မှာ Black Widow လို့သိကြတဲ့ အေဂျင့် Natasha Romanoff နေရာကနေ ပါဝင်သရုပ်ဆောင်ခဲ့ပါတယ်။

ဆက်တိုက်ဆိုသလိုပဲ The Advengers (၂၀၁၂)၊ Captain America, The Winter Soilder (၂၀၁၄) ၊ Avengers; Age of Ultron (၂၀၁၅)၊ Captain America; Cival War (၂၀၁၆)၊ Avengers; Infinity War (၂၀၁၈) ၊ Avengers: Endgame (၂၀၁၉) စတဲ့ကမ္ဘာကကျော်ရုပ်ရှင်ဇာတ်ကားတွေ့မှာပါဝင်သရုပ်ဆောင်ခဲ့ပါတယ်။ မာဘယ်ရုပ်ရှင်ထုတ်လုပ်ရေးကထုတ်လုပ်တဲ့ စူပါဟီးရိုးတစ်ယောက်ရဲ့ ဇာတ်ရုပ်ကို သရုပ်ဆောင်နေဆဲကာလတွေမှာပဲ We Bought a Zoo, Under the skin, Lucy, Hail, Caesar, Ghost in the Shell, Rought Night စတဲ့ဇာတ်ကားတွေကို ရိုက်ကူးခဲ့ပါတယ်။

စကားလက်ဂျိုဟန်ဆန်ဟာကမ္ဘာပေါ်မှာ အနုပညာကြေးအမြင့်ဆုံးရနေတဲ့ သရုပ်ဆောင်တစ်ယောက်ဖြစ်ပြီး Hollywood Walk of Fame မှာ(၂၀၁၂)ခုနှစ်မေလကတည်းက ကြယ်ပွင့်ရေးထိုးဂုဏ်ပြုခြင်းခံရတဲ့ ဒိန်းမတ် ကပြားဂျူးအနုပညာရှင်လည်း ဖြစ်ပါ တယ်။ မှတ်တမ်းတွေအရတော့ စကားလက်ဂျိုဟန်ဆန်ဟာ အမေရိကန်ဒေါ်လာသန်း(၁၄၀) ကြွယ်ဝသူဖြစ်ပြီး အလှူအတန်းလည်းရက်ရောတဲ့အနုပညာရှင်လည်းဖြစ်ပါတယ်။ စကားလက်ဟာ အမေရိကန် အမျိုးသားကြိုက်မဂ္ဂဇင်းဖြစ်တဲ့ Esquire ကရွေးချယ်တဲ့ ကမ္ဘာဆွဲဆောင်မှုအရှိဆုံး သက်ရှိအမျိုးသမီးအဖြစ် (၂၀၀၆ နဲ့ ၂၀၁၃)တွေမှာရွေးချယ်ခြင်းခံခဲ့ရပါ တယ်။

(၂၀၀၇)ခုနှစ်ကတော့ စကားလက်ဂျိုဟန်ဆန်ဟာ ကနေဒီယန်သရုပ်ဆောင် Ryan Reynold နဲ့တွဲခဲ့ပြီး (၂၀၀၈)မေမှာတော့ စေ့စပ်ခဲ့ကြပါတယ်။ ယင်းနှစ် စက်တင်ဘာလမှာပဲ သူတို့စုံတွဲဟာမင်္ဂလာပွဲဆင်နွှဲခဲ့ပြီး (၂၀၁၁) ၊ဂျူလိုင် မှာတော့ တရားဝင်ကွာရှင်းပြတ်ဆဲခဲ့ကြပါတယ်။ (၂၀၁၂)ခုနှစ်၊ နိုဝင်ဘာမှာတော့ စကားလက်ဟာကြေငြာအေဂျင်စီပိုင်ရှင် ပြင်သစ်လူမျိုး Romain Dauriac နဲ့တွဲခဲ့ပြီးယင်းနှစ်၊စက်တင်ဘာလမှာ စေ့စပ်ခဲ့ပြန်ပါတယ်။ (၂၀၁၄)မှာတော့ သူတို့စုံတွဲဟာလက်ထပ်ခဲ့ပြီး သမီးတစ်ယောက်ရခဲ့ပါတယ်။ (၂၀၁၇) ခုနှစ်မှာတော့ ကွဲရှင်းပြတ်ဆဲခဲ့ပြန်ပါတယ်။ ယင်းနောက် စကားလက်ဟာ အမေရိကန်ဇာတ်ညွှန်းရေးဆရာ Colin kelly Jost နဲ့တွဲခဲ့ပါတယ်။

စကားလက်ဟာ ခရစ်စမတ်ပွဲတော်မှာသာမက Hanukkha (ဂျူးလူမျိုးတွေရဲ့ မီးထွန်းပွဲတော်) တွေကိုပါ ပါဝင်ဆင်နွှဲလေ့ရှိ သူဖြစ်ပါတယ်။ ဒါအပြင် စကားလက်ဂျိုဟန်ဆန်ဟာ အမေရိကန်နိုင်ငံနဲ့ ဒိန်း မတ်နိုင်ငံ(၂)နိုင်ငံရဲ့ နိုင်ငံသားဖြစ်ခွင့်ရရှိထားသူလည်းဖြစ်ပါတယ်။ သူမဟာ(၂၀၀၆)ခုနှစ်တည်းက L’Oreal cosmetics နဲ့လက်တွဲခဲ့ပြီး ယင်းကနေ နှစ်စဉ် အမေရိကန်ဒေါ်လာ(၂)သန်းလောက်ဝင်ငွေရနေသူဖြစ်ပါတယ်။

(၂၀၀၉)ခုနှစ်မှာလည်း Dolce&Gabbana perfumes ၊ စပိန်အဝတ်အစား ကုမ္ပဏီတစ်ခုဖြစ်တဲ့ Mango ၊ Moet&Chandon Champagne စတဲ့စီးပွားရေး ကုမ္ပဏီကြီးတွေရဲ့ ကုန်ပစ္စည်းတွေကိုကြော်ငြာမော်ဒယ်အဖြစ် ဆောင်ရွက်ပေး ခဲ့ပြီး ဒေါ်လာသန်းနဲ့ချီတဲ့ အကျိုးအမြတ်တွေကိုနှစ်စဉ်ရရှိနေသူလည်း ဖြစ်ပါတယ်။

ဒါအပြင် စကားလက်ဟာ ကမ္ဘာကျော်ကုန်ပစ္စည်းထုတ်လုပ်တဲ့ ကုမ္ပဏီကြီးတွေဖြစ်တဲ့ Calvin Klein၊ L’Oreal၊ Louise Vuitton ထုတ်ကုန်တွေကိုလည်း ကြေငြာပေးခဲ့သူပါဖြစ်လို့ ကမ္ဘာဝင်ငွေအကောင်းဆုံး မင်းသမီးဖြစ်နေတာ အံ့သြစရာတော့မရှိပါဘူး။ စကားလက်ဂျိုဟန်ဆန်ရဲ့လူသိနည်းတဲ့အချက်ကတော့ သူမဟာ ငှက်နဲ့ ပိုးဟပ်တွေကို ကြောက်တတ်သူဆိုတာပဲဖြစ်ပြီး မကောင်းတဲ့စရိုက်ကတော့ ဒိန်ချဉ်၊ဒိန်ခဲတွေကို အလွန်အကျူးစားလေ့ရှိတာပါ။(ယင်းအစားအစာတွေ ဟာဝိတ်တက်ဖို့လွယ်တာကြောင့် သူမရဲ့ခန္ဓာကိုယ်နဲပတ်သက်ပြီး မီဒီယာ တွေရဲ့အပြစ်တင်ခြင်းကို သူမဟာမကြာခဏခံနေရပါတယ်)။

အနုပညာဆိုင်ရာထူးချွန်ဆုအနေနဲ့တော့ စကားလက်ဟာ British Academy Film Award ဆု(၁)ကြိမ်၊ Tony Award (၁)ကြိမ်ရရှိခဲ့ပြီး ရွှေကမ္ဘာလုံးဆု ဇကာတင်စာရင်းမှာ(၄)ကြိမ်အထိ ပါဝင်ခဲ့ပေမဲ့ ဆုရရှိခဲ့ခြင်းတော့မရှိပါဘူး။ လက်ရှိအချိန်မှာတော့ အသက် ၃၄နှစ်ရှိပြီဖြစ်တဲ့ စကားလက်ဟာ Jojo Rabbit နဲ့အခြားဇာတ်ကားတစ်ကား ရိုက်ကူးဖို့ရှိနေပြီး နယူးယောက်စီးတီးက သူမရဲ့ ဒေါ်လာ ၄သန်းတန် စံအိမ်မှာ နေထိုင်လျှက်ရှိပါတယ်။

Leave a Reply