အီဂျစ်သမိုင်းရဲ့ အထက်မြက်ဆုံး ဘုရင်မကြီး

Posted on

ရေးသားသူ – HSW

သူမ၏ အမည်အား မြန်မာနားနှင့် အနီးစပ်ဆုံး ပြန်ဆိုရလျင် မဟာဒေ၀ီ ဟု ဆို၍ရနိုင်ပေသည်။ Hatshepsut ၏ အဓိပ္ပါယ်မှာ မြင့်မြတ်သောအမျိုးသမီများထဲမှ အကျော်ကြားဆုံးသူ ဟူ၍ ဖြစ်သည်။ သူမသည် ၁၈ ဆက်ရှိတဲ့ အီဂျစ်မင်းဆက်ထဲက ပဉ္စမမြောက် ဖာရိုး ဘုရင်မကြီး ဖြစ်သည်။ အီဂျစ်ပြည်၏ အထက်မြက်ဆုံးဘုရင်မ တစ်ဦးဖြစ်ခဲ့သော်လည်း သူမ၏ နာမည်မှာ ကလီယိုပက်ထရာ ၊ ရမ်မီးဆက် ၂ နှင့် တူတန်ခမန်တို့လောက် ကျော်ကြားခြင်း မရှိခဲ့ပါချေ။

သူမ၏ ဖခင်မှာ ရှေးခေတ်အီဂျစ်ပြည်ကို အကျယ်ပြန့်ဆုံးသိမ်းသွင်းနိုင်ခဲ့သည့် ပထမ သပ်မိုစ့်ဖြစ်သည်။ ဟက်ရှ် ပွတ် ကို ဘီစီ ၁၅၀၇ ခန့်တွင် အီဂျစ်နန်းတော်၌ မွေးဖွားခဲ့သည်။ သူမတွင် အစ်ကို နှစ်ဦး နှင့် အစ်မ နှစ်ဦးရှိခဲ့သော်လည်း ထိုလေးဦးစလုံးမှာ ငယ်စဉ်ကတည်းက သေဆုံးသွားကြသဖြင့် သူမတစ်ဦးတည်းသာ ကျန်ရစ်ခဲ့သည်။

အစဉ်အဆက် ယောင်္ကျားသားများသာ ထီးနန်းကိုအုပ်ချုပ်ခဲ့ကြရာ ထီးနန်းလွှဲပေးမည့်အခါတွင် သားယောင်္ကျားလေး မရှိသဖြင့် ပထမ သပ်မိုစ့် အခက်ကြုံရတော့သည်။ နောက်ဆုံးတွင် သမီးဖြစ်သူ ဟက်ရှ် ပွတ် အား မိဖုရားငယ်တစ်ဦးမှ မွေးဖွားသည့်သားဖြစ်သူ ဒုတိယသပ်မိုစ့် နှင့် လက်ထပ်ကာ ထီးနန်းကို အုပ်ချုပ်စေခဲ့သည်။

သို့သော် ဒုတိယသပ်မိုစ့်သည် ကျန်းမာရေးမကောင်းသူဖြစ်သဖြင့် နှစ်အနည်းငယ်အတွင်းသာ ထီးနန်းကို စိုးစံပြီးနောက် ကွယ်လွန်သွားခဲ့သဖြင့် ထီးနန်းကို သားဖြစ်သူ တတိယသပ်မိုစ့်က အုပ်ချုပ်ရမည်ဟု လျာထားခဲ့သည်။ ထိုအချိန်က တတိယသပ်မိုစ့်မှာ အသက် ၂ နှစ်အရွယ်သာ ရှိသေးသည့် ကလေးငယ်တစ်ဦးဖြစ်ရာ အီဂျစ်ထီးနန်းကို ဟက်ရှ် ပွတ် ကသာ ထိမ်းသိမ်းအုပ်ချုပ်ခဲ့ရသည်။ ဘီစီ ၁၄၇၈ တွင် အီဂျစ်ကို ဖာရိုးဘုရင်မကြီးတစ်ဦး အနေနှင့် အုပ်ချုပ်ခဲ့သည်။

သူမ သည် အမည်နှင့် လိုက်အောင် အမျိုးသမီး တဦးအနေဖြင့် ထူးခြားစွာ စွမ်းဆောင်နိုင်ခဲ့သူလည်း ဖြစ်သည်။  အီဂျစ်ကို ဟစ်ဆော့ (Hyksos) လူမျိုး တို့ သိမ်းပိုက်ခဲ့ကြစဉ်အတွင်း ပျက်စီးယို့ယွင်းသွားခဲ့သည့် ကုန်သွယ်ရေး လမ်းကြောင်းကို ပြန်လည် ကောင်းမွန်အောင် ပြုပြင်တည်ဆောက်နိုင်ခဲ့သဖြင့် အီဂျစ် ပြည်သည် ကြွယ်ဝ ချမ်းသာလာခဲ့ရသည်။

ထို့အပြင် ကြီးမား ကျယ်ပြန့်လှသော အဆောက်အဦး အမြောက်အမြား တည်ဆောက်ရေး ကို အကောင်အထည် ဖေါ်ခဲ့ပြန်သည်။ ယခုတိုင် ဗိသုကာ လက်ရာမြောက်လှပြီး ရင်သပ်ရှု့မောဘွယ်ရာ အဆောက်အဦးများအဖြစ် ထင်ကျန်လျက် ရှိနေရသည်။

ထိုအထဲတွင် အထင်ရှားဆုံးမှာ ကားနတ် (Karnak) ရှိ Red Chapel၊ ပတ်ဟက် (Pakhet) ဘုရားကျောင်း နှင့် Deir el-Bahri ရှိ သူမအလောင်း ထားရှိရာ Mortuary အဆောက်အဦးများ ဖြစ်သည်။ ထိုအဆောက်အဦးများမှ ဗိသုကာလက်ရာများကို ကြည့်ခြင်းအားဖြင့် လွန်ခဲ့သော နှစ်ပေါင်း ၃ထောင်ကျော်က ကြီးကျယ်ခမ်းနားခဲ့သော အီဂျစ်ပြည်၏ အခြေအနေကို ခန့်မှန်းနိုင်ပေသည်။

နှစ်ပေါင်း ၂၀ ကြာ အီဂျစ်ပြည် အုပ်ချုပ်ခဲ့စဉ်အတွင်း သူမ၏ ဦးဆောင်မှုဖြင့် စစ်ရေး အရ အောင်မြင်မှု အများအပြား ရရှိခဲ့သည့် အပြင် အခြားတိုင်းပြည်များနှင့် ငြိမ်းချမ်းရေးကို တည်ဆောက်နိုင်ခဲ့သည်။ သူမလက်ထက်ကို ငြိမ်းချမ်းပြီး ပြည်တွင်း တည်ငြိမ်မှု ရရှိခဲ့သော ကာလ ဟု သတ်မှတ်ခဲ့ကြပြီး ကမ္ဘာ့သမိုင်းတွင် အမျိုးသမီးများထဲမှ ပထမဆုံး ထူးချွန်စွာ ပေါ်ထွက်လာသူ အဖြစ် သမိုင်းပညာရှင်တို့က အီဂျစ်နာမည်ကျော်ဘုရင်များနှင့် တန်းတူ မှတ်တမ်း တင်ခဲ့ကြပေသည်။

ဟက်ရှ် ပွတ်သည် ဘီစီ ၁၄၅၈ အသက် ၅၁နှစ် အရွယ်တွင် ကွန်လွန်ခဲ့ပြီးနောက် တူဖြစ်သူ တတိယသပ်မိုစ့် က အီဂျစ်ထီးနန်းကို အုပ်ချုပ်ခဲ့သည်။ ဟက်ရှ် ပွတ်၏ မံမီ ရုပ်အလောင်းကို မကြာမီကမှ မှန်ကန်စွာ အတည်ပြုနိုင်ခဲ့ကြပြီး ဆေးပညာရှင်တို့၏ စစ်ဆေးတွေ့ရှိချက်များအရ အရိုးကင်ဆာ ဖြင့် ကွယ်လွန်သွားခဲ့ခြင်းဖြစ်သည်ဟု တညီတညွတ်တည်း ကောက်ချက်ချခဲ့ကြသည်။

Reference: 100 Women Who Changed Our World

HSW

Leave a Reply