ကြွက်သားတွေနဲ့ ဘာဘီရုပ် ကာယဗလမယ်

Posted on

သူမနာမည်က Yeon-woo Jhi လို့ခေါ်ပြီး   IFBB (International Federation of BodyBuilding) အဖွဲ့ရဲ့ ပရော်ဖက်ရှင်နယ် အမျိုးသမီးကာယဗလမယ်တစ်ယောက် ဖြစ်ကာ ဆုတံဆိပ်များစွာရရှိထားသူလည်းဖြစ်ပါတယ်။

သူမရဲ့ ချစ်စရာကောင်းတဲ့ပုံစံ ၊ မိန်းမပီသတဲ့မျက်နှာ ၊ စွဲမက်စရာကောင်းလှတဲ့ ခန္ဓာကိုယ်ကြွက်သားများကြောင့် လူမှုကွန်ယက်တွင် ကျော်ကြားစေခဲ့ပြီး သူမကို ကြွက်သားတွေနဲ့ဘာဘီရုပ် (Muscle Barbie) လို့ချစ်စနိုးခေါ်ဝေါ်ကြလေ့ပါတယ်။

လက်ရှိ အသက် ၃၄ နှစ်ရှိပြီဖြစ်တဲ့ Yeon ဟာ ငယ်စဉ်က ပိန်ပိန်ပါးပါးခန္ဓာကိုယ်ရှိသူသာဖြစ်ပြီး အကြောက်လွန်တဲ့ စိတ်ကစဥ့်ကလျားရောဂါကိုခံစားခဲ့ရပါတယ်။  ပုံမှန်စိတ်အခြေအနေပြန်ရောက်ဖို့အတွက် ရုန်းကန်ခဲ့ရပြီး လွန်ခဲ့တဲ့ ၁၄နှစ်ကစလို့ သူမဘ၀ဟာ အရာရာပြောင်းလဲခဲ့ပါတယ်။

အိမ်ရဲ့အနီးမှာရှိတဲ့ gym ရုံတစ်ခုမှာ သွားရောက်ကစားခဲ့ပြီးတဲ့နောက် သူမရဲ့ခန္ဓာကိုယ်ဟာ စတင်သန်မာလာတာဖြစ်ပါတယ်။ စိတ်ပျော့ညံ့ခြင်းကို ရပ်တန့်ဖို့ဆိုတဲ့ စိတ်ဖြင့်သာ gym ကို ကစားခဲ့တာဖြစ်ပြီး ယခုကဲ့သို့ကာယဗလမယ် တစ်ဦးဖြစ်လာမယ်လို့ သူမကိုယ်သူမ မထင်ခဲ့ပါဘူး။

သို့သော်လည်း သူမရဲ့ကြံ့ခိုင်မှုနဲ့ သက်လုံများတိုးတက်လာတဲ့ အခါမှာတော့ ကိုယ်ကာယကြံ့ခိုင်ရေးကို စိတ်အားပိုထက်သန်ခဲ့ပြီး တိုးပြီးကစားခဲ့ပါတယ်။ နောက်ဆုံးမှာတော့ စင်ပေါ်မှာ တက်ရောက်ယှဉ်ပြိုင်ဖို့ ဆုံးဖြတ်ခဲ့ပါတယ်။ Yeon-woo Jhi ဟာ ပထမဆုံးပြိုင်ပွဲမှာတင် အနိုင်ရရှိခဲ့တဲ့အတွက် လေ့ကျင့်ရေးများကို တိုးလုပ်ဖို့ စိတ်အားပိုထက်သန်လာခဲ့ပါတယ်။

သူမဟာ ၂၀၁၃ ခုနှစ် Arnold Classic Europe Amateur ပြိုင်ပွဲမှာ ဆုရရှိ်ခဲ့ပြီး ၂၀၁၅ ခုနှစ်မှာတော့ ပရော်ဖက်ရှင်နယ်ကာယဗလမယ် ဖြစ်လာခဲ့ပါတယ်။ သူမဟာ ပြီးခဲ့တဲ့ ဆယ်စုနှစ်အတွင်းမှာ ပြိုင်ပွဲများဝင်ရောက်ယှဉ်ပြိုင်ခဲ့ပြီး လွန်ခဲ့တဲ့ ၂ နှစ်ကစလို့ လူမှုကွန်ယက်မှာ လူသိများတဲ့ နာမည်ကြီးတစ်ယောက်ဖြစ်လာခဲ့ပါတယ်။

သူမရဲ့ လှပတဲ့ မျက်နှာနဲ့ ကြွက်သားအမြှောင်းအမြှောင်းပုံတွေဟာ လူမှုကွန်ယက်မှာ ပျံ့နှံ့ခဲ့ပြီး လူတွေဟာ ကြီးမားကြံခိုင်လွန်းတဲ့ သူမရဲ့ခန္ဓာကိုယ်ဟာ လှပတဲ့မျက်နှာလေးနဲ့ မလိုက်ဖက်ဘူးလို့ ဝေဖန်ခဲ့ကြပါတယ်။ သူမကတော့ သူမရဲ့ဒီလိုခန္ဓာကိုယ်ရဖို့ နှစ်ပေါင်းများစွာကြိုးစားခဲ့ရတာကြောင့် ဘယ်သူတွေဘယ်လိုပြစ်တင်ဝေဖန်ပါစေ ဂရုမစိုက်ပါဘူးလို့ ပြန်လည်တုန့်ပြန်ပြောဆိုခဲ့ပါတယ်။

ကာယဗလနဲ့ ပတ်သတ်လို့ ဆုတံဆိပ်ပေါင်းများစွာ ရရှိထားတဲ့ Yeon-woo Jhi ဟာ  follower ပေါင်း သိန်းချီရှိနေပြီဖြစ်ပါတယ်။ သူမဟာ တောင်ကိုရီးယား ရုပ်သံအစီအစဉ်များမှလည်း ဝင်ငွေအမြောက်အများရရှိနေပါတယ်။

VIDEO

Leave a Reply