ကျားသစ်ကြောင် ကျားသစ်တောက်တဲ့ ကျားသစ်ငါးမန်း

Posted on

ဒီတစ်ခါတော့ ကျားသစ်တွေရဲ့ အရောင်အသွေးနဲ့ ဆင်တာကြောင့် ကျားသစ်နာမည်တပ်ခေါ်ခံရတဲ့ တိရစ္ဆာန် ၃ကောင်ရဲ့ အကြောင်းပါ။

၁။ ကျားသစ်ကြောင်

အင်္ဂလိပ်လို Leopard Cat ဆိုပေမယ့် မြန်မာလိုကတော့ သစ်ကြောင်လို့ပဲ ခေါ်လေ့ရှိပါတယ်။ ညဘက်မှာကျက်စားလေ့ရှိတဲ့ကြောင်မျိုးဖြစ်ပြီး ခန္ဓာကိုယ်ရဲ့ ကျောဘက် နဲ့ ဘေးဘက်တွေမှာ နီဝါရောင်အကွက်တွေကြောင့် ဒီနာမည်ရခြင်းဖြစ်ပါတယ်။ ခန္ဓာကိုယ်အလျား ၁ပေကနေ ၂ပေခွဲအထိရှိတတ်ပြီး အလေးချိန်ကလည်း ၈ပေါင်ကနေ ၁၆ပေါင်ခန့်အထိ ရှိတတ်ပါတယ်။ ဒီကြောင်တွေကို အရှေ့အာရှ ၊ တောင်အာရှ နဲ့ အရှေ့တောင်အာရှဒေသတွေမှာတွေ့ရလေ့ရှိပြီး မြန်မာနိုင်ငံမှာတော့ ရခိုင်ရိုးမ ၊ ကရင်ပြည်နယ် ၊ တနင်္သာရီမုတ်သုန်တောများ နှင့် နိုင်ငံတစ်ဝှမ်းရှိ သစ်တော များ၊ တောတောင်များမှာတွေ့ရလေ့ရှိပါတယ်။

ဒီကြောင်လေးတွေဟာ ညဘက်တွင်အစာရှာဖွေ ကျက်စားလေ့ရှိပြီး နေ့ဘက်မှာတော့ သစ်ခေါင်းများ ၊ ကျောက်ဆောင်များ ထဲမှာ အနားယူအိပ်စက်လေ့ရှိပါတယ်။ သူတို့ရဲ့ အစားအစာ ကတော့ အင်းဆက်များ ၊ ရှဉ့်များ ၊ ကုန်းနေရေနေ သတ္တဝါငယ်များ နှင့် ကြွက် ၊ ဌက်များဖြစ်ကြပါတယ်။ သစ်ကြောင်လေးတွေရဲ့ သက်တမ်းကတော့ ၁၃နှစ် ဖြစ်ပါတယ်။

၂။ ကျားသစ်တောက်တဲ့

သိပ္ပံအမည် Eublepharis macularius လို့ခေါ်တဲ့ ဒီကျားသစ်တောက်တဲ့တွေကိုတော့ အာရှဒေသမှာသာ တွေ့ရလေ့ရှိပြီး အများအားဖြင့် အဖဂ္ဂနစ္စတန် ၊ ပါကစ္စတန် နဲ့ အိန္ဒိယမြောက်ပိုင်း ဒေသတွေမှာ တွေ့ရတတ်ပါတယ်။ အခြားတောက်တဲ့တွေနဲ့ မတူတဲ့အချက်ကတော့ ရွေ့လျားနိုင်တဲ့ မျက်ခွံပါရှိတာနဲ့ ချောနေတဲ့နေရာတွေကို မတက်နိုင်တာတို့ ဖြစ်ပါတယ်။ အကြောင်းကတော့ အခြား တောက်တဲ့တွေလို ခြေဖ၀ါးမှာ တွယ်ကပ်နိုင်တဲ့ toe pad တွေ မပါလို့ဖြစ်ပါတယ်။

ဒီတောက်တဲ့တွေဟာ အခြားတောက်တဲ့အများစုထက် အရွယ်အစားပိုကြီးကြပါတယ်။ အမတွေရဲ့ခန္ဓာကိုယ်အလျားက ၈လက်မလောက်ရှိပြီး အထီးတွေကတော့ ၁၁လက်မခန့် အထိရှိတတ်ပါတယ်။ အလေးချိန်အားဖြင့်တော့ ၅၀ ဂရမ်ကနေ ၈၀ဂရမ်အထိ ရှိတတ်ပါတယ်။ ကျောက်တောင်တွေ နဲ့ ခြောက်သွေ့ပြီး သဲကန္တာရဆန်တဲ့ဒေသတွေမှာနေလေ့ရှိပါတယ်။ ပိုးကောင် နဲ့ အင်းဆက်ကောင်လေးတွေဟာ သူတို့ရဲ့အစာဖြစ်ပါတယ်။ တိရစ္ဆာန်ချစ်သူအချို့ကတော့ ဒီကျားသစ်တောက်တဲ့တွေကို အိမ်မွေးတိရစ္ဆာန်အဖြစ် မွေးထားလေ့ရှိကြပါတယ်။ သူတို့ရဲ့ သက်တမ်းကတော့ ၁၅နှစ်ခန့် ဖြစ်ပါတယ်။

၃။ ကျားသစ်ငါးမန်း

သိပ္ပံအမည် Triakis semifasciata လို့ခေါ်တဲ့ ဒီကျားသစ်ငါးမန်းတွေကိုတော့ အမေရိကန် နဲ့ မက္ကဆီကိုရဲ့ ပစိဖိတ်ကမ်းရိုးတန်းဒေသတွေမှာ တွေ့ရလေ့ရှိပါတယ်။ ငါးမန်းမျိုးစိတ်ထဲမှာတော့ အရွယ်အစားငယ်တဲ့ မျိုးစိတ်ဖြစ်ပြီး ပုံမှန်အားဖြင့် ခန္ဓာကိုယ်အလျား ၄ပေကနေ ၅ပေအထိ ရှိတတ်ကာ အလေးချိန်ကတော့ ပေါင် ၄၀ခန့် ရှိတတ်ပါတယ်။ ကမ်းရိုးတန်းအနီး ရွံ့၊ သဲမြေ နဲ့ ကျောက်ဆောင်တွေကြား ရေအောက်အနက်ပေ ၁၃ပေခန့်မှာ နေထိုင်ကျက်စားလေ့ရှိပါတယ်။

ခန္ဓာကိုယ်အဖြူရောင်ပေါ်မှာ အမည်းရောင်ရှည်မျောမျောအကွက်တွေရှိတာကြောင့် ကျားသစ်ငါးမန်းလို့ အမည်တွင်ခြင်းဖြစ်ပါတယ်။ ဂုံး ၊ ကဏန်း ၊ ပုဇွန် နဲ့ ငါးတွေဟာ သူတို့ရဲ့အစာတွေဖြစ်ပါတယ်။ သူတို့ဟာ လူတွေကိုတော့ တိုက်ခိုက်ရန်ပြုခြင်းပြုလေ့မရှိပေမယ့် လူတွေကတော့ အစားအစာအတွက် ဒီကျားသစ်ငါးမန်းတွေကို မကြာမဏဖမ်းဆီးသတ်ဖြတ်လေ့ရှိပါတယ်။ ကျားသစ်ငါးမန်းတွေရဲ့ ပျမ်းမျှသက်တမ်းကတော့ ၃၀ နှစ် ဖြစ်ပါတယ်။

သုတဇုန်

Leave a Reply