လူခန္ဓာကိုယ်က အပူစွမ်းအင်ကို ထုတ်ယူသုံးစွဲထားတဲ့ ဘူတာရုံ

Posted on

ဆွီဒင်နိုင်ငံ စတော့ဟုမ်းဘူတာရုံဟာ ၂သိန်းထက်မနည်းတဲ့ ခရီးသွားတွေ နေ့တိုင်းဖြတ်သန်းသွားလာနေကြပါတယ်။ ဒါပေမယ့် ခန္ဓာကိုယ်ရဲ့စွမ်းအင် ကုန်ဆုံးနေတာကိုတော့ သူတို့သတိမထားမိပါဘူး။ စွမ်းအင်များကိုစုပ်ထုတ်ခံရခြင်းမဟုတ်ဘဲ လှုပ်ရှားမှုလုပ်လေ စွမ်းအင်ပိုကုန်လေဖြစ်ခြင်းကိုဆိုလိုတာပါ။

ထို့အပြင်၎င်းဘူတာရုံတွင်ရှိသည့်လူတိုင်းနီးပါးဟာ တစ်နေရာမှတစ်နေရာသို့ သွားဖို့အလျင်လိုနေကြတဲ့အတွက် သူတို့မှာပါတဲ့အထုတ်အပိုးများကိုဆွဲပြီး လမ်းသွက်သွက်လျှောက်ကြပါတယ်။ ထိုအချိန်တွင် သတင်းစာကြည့်ချင်၍ ဖြစ်စေ ကော်ဖီသောက်ချင်၍ဖြစ်စေ သူတို့ခဏရပ်လိုက်တဲ့အခါ သူတို့ခန္ဓာကိုယ်မှများပြားတဲ့အပူများကိုထွက်စေပါတယ်။

လွန်ခဲ့တဲ့ ၂ နှစ်ခန့်က ဂျန်ဟတ်ဆန်(Swedish real estate company )၏အင်ဂျင်နီယာများဟာ ထိုကဲ့သို့ခန္ဓာကိုယ်မှထွက်တဲ့စွမ်းအင်များကို အသုံးပြုပြီး လျှပ်စစ်စွမ်းအင်ရရှိမည့် နည်းလမ်းကိုရှာခဲ့ပါတယ်။ ခန္ဓာကိုယ်အပူချိ်န်ကိုအသုံးပြုပြီး အဆောက်အဦးကိုပူနွေးအောင်ပြုလုပ်ခြင်းက အယူအဆအသစ်တစ်ခုတော့မဟုတ်ပါဘူး။ အမြဲတမ်းနီးပါးလူပြည့်ကျပ်နေသည့်ဈေးဝယ်စင်တာများ ၊ ရုပ်ရှင်ရုံတွေကဲ့သို့သောနေရာများတွင် လူများမှထွက်သော အပူကိုအသုံးပြုပြီး အဆောက်အဦးကိုနွေးအောင်ပြုလုပ်နိုင်ပါတယ်။

၎င်းစတော့ဟုမ်းဘူတာတွင်လည်းဆောက်အဦး ၂ ခုကြားစွမ်းအင်လွှဲပြောင်းတဲ့နည်းကိုအသုံးပြုပြီး အဆောက်အဦးကိုနွေးအောင်ပြုလုပ်ထားပါတယ်။ ဤစနစ်၏အလုပ်လုပ်ပုံမှာ ဘူတာရုံ၏လေဝင်လေထွက်နေရာများတွင် အပူကူးပြောင်းသည့်ကိရိယာများတပ်ဆင်ထားပြီး ထိုကိရိယာများက ခန္ဓာကိုယ်မှထွက်သည့် အပူများကိုစုပ်ယူပြီး မြေအောက်အတွင်းရှိ ရေလှောင်ကန်အတွင်းမှရေများကိုနွေးအောင်ပြုလုပ်ပါတယ်။

ထို့နောက်၎င်းရေများကို ရေစုပ်စက်ဖြင့်စုပ်ယူပြီး ကိုက် ၁၀၀ အကွာအဝေးမှာရှိတဲ့ ၁၃ ထပ်မြင့်တဲ့ Kungbrohuset ရုံးအဆောက်အဦးသို့ပို့ပြီး အဓိကအပူပေးစနစ်ကိုလုပ်ဆောင်ပါတယ်။ ၎င်းစနစ်ဟာ ကောင်းမွန်တဲ့ ပတ်ဝန်းကျင်ထိန်းသိန်းကာကွယ်ခြင်းစနစ်ဖြစ်သည့်အပြင် ရုံးအဆောက်အဦး၏ စွမ်းအင်ကုန်ဆုံးမှုကို ၂၅ % အထိလျော့ချစေနိုင်ပါတယ်။ ဤနည်းပညာကဆွီဒင်ကဲ့သို့စွမ်းအင်ဈေးကြီးပြီး အအေးဓာတ်မြင့်မားသည့် နိုင်ငံများတွင်အသုံးပြုကြပါတယ်။

၎င်းစနစ်ကို စတော့ဟုမ်းဘူတာအပြင် ပြင်သစ်နိုင်ငံ ပဲရစ်မြို့ရှိ Rambuteau Métro station တွင်လည်း ပြုလုပ်ခဲ့တာ ဆယ်စုနှစ်နီးပါးကြာပြီဖြစ်ပါတယ်။ ခရီးသည်များ၏ခန္ဓာကိုယ်မှ အပူထုတ်သကဲ့သို့ မီးရထားများသည်လည်း မတ်ထရိုဘူတာအပေါ်ရှိ အခန်းများကိုအပူပေးခြင်းကိုလုပ်ဆောင်ပါတယ်။

နော်ဝေးနိုင်ငံ အော့စ်လို(Oslo)jမြို့တွင်လည်း မိလ္လာမှထွက်သည့်အပူကို အိမ်များတွင်အသုံးပြုကြပါတယ်။ ထို့အပြင် ဖင်လန်နှင့် သြစတေးသျတို့တွင်လည်း ညစ်ညမ်းရေများမှ အပူအရင်းအမြစ်ကိုထုတ်ယူပါတယ်။ အမေရိကန်နိုင်ငံ မင်နီဆိုးတာ(Minnesota) ပြည်နယ်ရှိ အမေရိကန်မော(The Mall of America) တွင်လည်းဈေးဝယ်သူများမှထွက်သည့်အပူကို ဆောင်းရာသီတွင် ဖြည့်စွက်အပူပေးစနစ်တွင်အသုံးပြုပါသည်။

Leave a Reply