Nike ကုမ္ပဏီကိုတည်ထောင်ခဲ့သူရဲ့ ဘ၀ဇာတ်ကြောင်း

Posted on

နိုက်ကီ(Nike) ကုမ္ပဏီကတော့ ယနေ့ ကမ္ဘာမှာ အအောင်မြင်ဆုံး အားကစားပစ္စည်းထုတ်လုပ်ရေး ကုမ္ပဏီဖြစ်တယ် ဆိုတာ သိကြမှာပါ။ သူ့ရဲ့ရုံးချုပ်ကတော့ အမေရိကန် အော်ရီဂွန်ပြည်နယ် Beaverton မြို့မှာရှိပါတယ်။ အားကစားလောကမှာ အအောင်မြင်ဆုံး ဖြစ်လာမယ့် ဒီ NIke ကုမ္ပဏီကို ၁၉၆၄ခုနှစ်က အမေရိကန် စီးပွားရေးလုပ်ငန်းရှင်တစ်ဦးဖြစ်တဲ့ Phil Knight နဲ့ အားကစားနည်းပြ Bill Bowerman တို့က ပူးတွဲတည်ထောင်ခဲ့ကြတာပါ။ Bill Bowerman က ၁၉၉၉ခုနှစ်မှာ ကွယ်လွန်သွားပြီဖြစ်ပေမယ့် အသက် ၈၀ရှိပြီဖြစ်တဲ့ Phil Knight ကတော့ ယခုတိုင် ကုမ္ပဏီရဲ့ ဂုဏ်ထူးဆောင်ဥက္ကဌ တစ်ယောက်အနေဲ့ ရှိနေဆဲပါ။ ဒီတစ်ခါတော့ ဒီ Nike ကုမ္ပဏီကို ဖြစ်ပေါ်လာစေခဲ့တဲ့ ဖိလစ်နိုက်တ် ရဲ့ အကြောင်းကို မျှဝေသွားပါမယ်။

နာမည်အပြည့်အစုံကတော့ Philip Hampson “Phil” Knight ဖြစ်တဲ့ ဖိလစ်နိုက်တ်ကို ၁၉၃၈ခုနှစ်က အမေရိကန်အော်ရီဂွန်ပြည်နယ် ပေါ့တ်လန်မြို့မှာမွေးဖွားခဲ့ပါတယ်။  ဖခင်ဖြစ်သူက ရှေ့နေနဲ့ သတင်းစာထုတ်ဝေသူ တစ်ယောက်ဖြစ်ပါတယ်။  Portland ရှိ Cleveland အထက်တန်းကျောင်းတွင် တက်ရောက်ခဲ့ပြီး Phi Gamma Delta (FIJI) တက္ကသိုလ်ကျောင်းသားအသင်းတွင် အဖွဲ့ဝင်ဖြစ်ခဲ့ကာ အော်ရီဂွန်တက္ကသိုလ်ကနေ သတင်းစာပညာဘွဲ့ကို ရရှိခဲ့ပါတယ်။

ငယ်စဉ်က အားကစားမှာ အလွန်ထူးချွန်ခဲ့သူဖြစ်ပါတယ်။ တာလတ်အပြေးသမား တစ်ယောက်ဖြစ်ပြီး ၁မိုင်ခရီးကို ၄မိနစ် ၁၀စက္ကန့်နဲ့ အရောက်ပြေးကာ သူ့ရဲ့အကောင်းဆုံးစံချိန်အဖြစ် တင်ထားခဲ့ပါတယ်။ ဒီအတွက် ၁၉၅၇၊ ၁၉၅၈ ၊ ၁၉၅၉ အထိ ၃နှစ်ဆက်တိုက် varsity ဆုတွေရခဲ့ပါတယ်။ သူ့ရဲ့ နည်းပြဆရာကတော့ နောင်တချိန်မှာ Nike ကို ပူးတွဲတည်ထောင်သူဖြစ်လာမယ့် Bill Bowerman ပါ။ သူတို့ ဆရာတပည့်နှစ်ဦး နဲ့ နောက်အပြေးသမားတစ်ယောက်ဖြစ်တဲ့ Geoff Hollister တို့ ပူးပေါင်းပြီး အနောက်ပိုင်းပြေးခုန်ပစ်အသင်း(Athletics West) ကို တည်ထောင်ခဲ့ကြပါတယ်။ အဲဒီတုနုးက နိုက်တ်ဟာ အပြေးပြိုင်ပွဲမှာ သူဝတ်ဆင်ရတဲ့ ဖိနပ်တွေကို သဘောမကျခဲ့ပါဘူးတဲ့။

ဘွဲ့ရပြီးပြီးချင်းမှာတော့ နိုက်တ်ဟာ စစ်တပ်ထဲကို ၀င်သွားခဲ့ပါတယ်။ ရှေ့တန်းမှာ တစ်နှစ် ၊ ဌာနချုပ်မှာ ၇နှစ် တာဝန်ထမ်းဆောင်ခဲ့ပါတယ်။ အဲဒီနောက်တော့ စီးပွားရေးလောကထဲဝင်ရောက်ဖို့အတွက် Stanford စီးပွားရေးကျောင်း ကို တက်ရောက်ခဲ့ပြန်ပါတယ်။ အဲဒီအချိန်အထိ သူဟာ အားကစားပစ္စည်းလောက နဲ့ အဆက်အစပ်မရှိသေးပါဘူး။ ဒါပေမယ့် အဲဒီကျောင်းမှာ သူဟာ အားကစားလောကနဲ့ဆိုင်တဲ့ စီးပွားရေးဆိုင်ရာ စာတမ်းတစ်ခုကို ရေးခဲ့ပါတယ်။ သူ့ရဲ့စာတမ်းနာမည်က “ဂျပန်ကင်မရာက ဂျာမန်ကင်မရာထက် ပိုကောင်းသလို ဂျပန်အားကစားဖိနပ်က ဂျာမန် အားကစားဖိနပ်ထက်သာမလား” “Can Japanese sports shoes do to German sports shoes what Japanese cameras did to German cameras?” ဖြစ်ပါတယ်။

Frank Shallenberger  က သူ့သင်တန်းမှာ စီးပွားရေးစွန့်ဦးတီထွင်သူတွေအကြောင်း ပြောခဲ့ရာကနေ အဲဒီသင်တန်းမှာတက်နေတဲ့ နိုက်တ်က  သူဟာအားကစား နဲ့ ဆိုင်တဲ့အလုပ်တစ်ခုလုပ်ရမယ် ဆိုတာကို သိသွားခဲ့တယ်။ ၁၉၆၂ခုနှစ်မှာတော့ စီးပွားရေးမာစတာဘွဲ့ရခဲ့ပါတယ်။ အဲဒီနောက်တော့ ခရီးထွက်ရင်း ဂျပန်ကိုရောက်ခဲ့ပါတယ်။ အဲဒီမှာ ဂျပန်က အားကစားဖိနစ်တွေကို အကျအန လေ့လာခဲ့ပါတယ်။ ဈေးနှုန်းသက်သာပြီး အရည်အသွေးကောင်းတဲ့ Onitsuka ကုမ္ပဏီထုတ် Tiger အားကစားဖိနပ်တွေကို သဘောကျသွားခဲ့တယ်။ ပိုင်ရှင်ဖြစ်သူ Onitsuka နဲ့တွေ့ဆုံခဲ့ပြီး အမေရိကန်မှာ ဒီဖိနပ်တွေကိုရောင်းနိုင်ဖို့ ကြိုးစားခဲ့တယ်။ ဒီလိုတွေ့တဲ့အချိန်မှာ ဟိုဘက်က သဘောတူစေဖို့အတွက် တကယ်မရှိတဲ့ Blue Ribbon ကုမ္ပဏီကို ရှိတယ်လို့ ကြံစည်ပြောဆိုခဲ့တာပါ။

အဲဒီနောက်တော့ နိုက်တ် အမေရိကန်ကို ပြန်သွားခဲ့တယ်။ အဲဒီတုန်းက နိုက်တ်ရဲ့အလုပ်က စာရင်းကိုင်ပါ။ သူဟာ စာရင်းအင်းပညာဘက်မှာလည်း တော်ပြီး Nike ကိုမတည်ထောင်မီက ပေါ့တ်လန်ပြည်နယ်တက္ကသိုလ်မှာ စာရင်းကိုင် ပါမောက္ခတစ်ဦးအဖြစ် လုပ်ခဲ့ဖူးပါသေးတယ်။ သူမှာထားတဲ့ ဂျပန်က ဖိနပ်နမူနာတွေဟာ အကြောင်းအမျိုးမျိုးကြောင့် ၁နှစ်လောက်ကြာပြီးမှ အမေရိကန်ကိုရောက်လာခဲ့တယ်။ ရောက်ရောက်ချင်း ရောင်းဖို့မကြိုးစားခဲ့ပါဦး ။ ဥာဏ်ကောင်းတဲ့ နိုက်တ် က သူ့ဆရာဖြစ်သူ  Bill Bowerman ကို အရင်သွားပြတယ်။  Bill Bowerman က နာမည်ကြီးနည်းပြဖြစ်နေတဲ့အတွက် သူညွှန်းရင် သူ့ဖိနပ်တွေ များများပိုရောင်းနိုင်လိမ့်မယ် လို့ တွက်ခဲ့လို့ပါ။ Bill Bowerman ထံ ဖိနပ် ၂ရံကို နမူနာအဖြစ် ပြသအပြီးမှာတော့ သူ့ရဲ့ဖိနပ်တွေကို မှာယူရုံတင်မက ၊ ဒီထက်ပိုကောင်းစေမယ့် အကြံဥာဏ်တွေကို ရရှိခဲ့ပါတယ်။

အဲဒီနောက်တော့ ၁၉၆၄ ခုနှစ်မှာ သူတို့နှစ်ဦးပေါင်းပြီးတော့ Nike ရဲ့အစဖြစ်လာမယ့် Blue Ribbon Sports ဆိုတဲ့ ကုမ္ပဏီကို တည်ထောင်လိုက်ကြတယ်။ ကုမ္ပဏီဆိုပေမယ့် ဂိုထောင်လေးတစ်လုံးသာသာပါ။ ၅နှစ်အတွင်းမှာ ထူးထူးခြားခြား မအောင်မြင်ခဲ့ပါဘူး။   ကျောင်းပြီးလို့  ၁၂ နှစ်ကြာတဲ့ အချိန်ထိ သူ ကားတစ်စီးတောင် မပိုင်ခဲ့တဲ့အပြင် အကြွေးတွေကြောင့် သူ့ရဲ့ Credit Card တွေ ဟာ ပြည့်နေပြီး ကားသွားငှားတဲ့အချိန်မှာ လူလိမ်လို့တောင် အပြောခံခဲ့ရပါသေးတယ်။  သူ့ကိုယ်သူ ယုံကြည်တဲ့ နိုက်တ်ဟာ သူလုပ်ချင်တာတွေကိုဆက်လုပ်ခဲ့တယ်။ ပထမဆုံးအရောင်းရဆုံးအဖြစ် သည် အနောက်မြောက် Pacific တွင် ကျင်းပတဲ့ Plymouth Valiant ကားပြပွဲမှာ ရောင်းချနိုင်ခဲ့တယ်။ ၁၉၆၉မှာတော့ နိုက်တ်ဟာ သူ့ရဲ့ပင်ရင်းအလုပ်ဖြစ်တဲ့ စာရင်းကိုင်အလုပ်ကနေထွက်ပြီးတော့ သူ့ရဲ့အချိန်တွေကို Blue Ribbon မှာပဲ အချိန်ပြည့်မြုပ်နှံပြီးလုပ်ကိုင်ခဲ့တယ်။ Jeff Johnson ဆိုတဲ့ ၀န်ထမ်းတစ်ယောက်က ကုမ္ပဏီနာမည်ကို Nike လို့ပြောင်းဖို့ အကြံပေးခဲ့တယ်။

Nike ဆိုတာ ဂရိဒဏ္ဍာရီထဲက အောင်မြင်ခြင်းနတ်သမီး ဖြစ်ပြီး ရောမမှာတော့ Victoria လို့ခေါ်တဲ့ နတ်သမီးပါ။ အားလုံးသဘောတူကြတဲ့အတွက် ၁၉၇၁ခုနှစ်မှာ Blue Ribbon ကနေ Nike နာမည်ကို ပြောင်းလဲခဲ့တယ်။ Swoosh လို့ခေါ်တဲ့ ကုမ္ပဏီအမှတ်တံဆိပ် အမှန်ခြစ် လိုဂိုကိုတော့ ဒီဇိုင်နာတစ်ယောက်ဖြစ်တဲ့ Carolyn Davidson က ရေးဆွဲပေးခဲ့တယ်။ ရေးဆွဲခအဖြစ် ၃၅ဒေါ်လာ(ယနေ့တန်ဖိုးနဲ့ဆို ၂၁၇ဒေါ်လာ) ပဲ ပေးခဲ့ရတယ်။ အဲဒီတံဆိပ်ကို နိုက်တ်က သိပ်မကြိုက်လှပေမယ့် ကျန်တဲ့သူတွေသဘောကျတဲ့အတွက် သုံးခဲ့တယ်။ ဒီနေ့အချိန်မှာတော့ ဒီတံဆိပ်ဟာ လူတိုင်းလိုလိုသတဲ့ အအောင်မြင်ဆုံး အမှတ်တံဆိပ်တစ်ခု ဖြစ်လာခဲ့တယ်။ ၃၅ဒေါ်လာနဲ့ ရေးဆွဲခဲ့ရသူအတွက်တော့ မနစ်နာခဲ့ပါဘူး။ ဘာလို့လဲဆိုတော့ ၁၉၈၃မှာ သူ့အတွက် ရှယ်ယာအနည်းငယ်ကို ပြန်အစားပေးခဲ့လို့ပါ။

အခက်အခဲပေါင်းစုံကြားကနေ Onitsuka က ဖိနပ်တွေကို အောင်မြင်အောင်ရောင်းချပေးခဲ့ပေမယ့် Onitsuka က နောက်ထပ်အရောင်းကိုယ်စားလှယ် ရှာနေတာကို သိလိုက်ချိန်မှာတော့ နိုက်တ်စိတ်ထိခိုက်ခဲ့သလို စိတ်လည်းနာခဲ့တယ်။ အဲဒီနောက်တော့ မက္ကဆီကိုမှာ အော်ဒါမှာပြီးချုပ်ပေမယ့် ဂျပန်ကလောက် အရည်အသွေးမကောင်းခဲ့ပါဘူး။ နိုက်တ်ရဲ့အကြပ်အတည်းကို ကယ်တင်ပေးခဲ့သူက ဂျပန် နစ်ရှိုး(Nissho) ကုမ္ပဏီလို့ ဆိုရပါမယ်။ လိုအပ်တဲ့ငွေကိုထုတ်ချေးတဲ့အပြင် ဂျပန်စက်ရုံတွေကနေ ဖိနပ်ချုပ်ပေးဖို့ ကူညီပေးခဲ့မယ်။ ဒါကြောင့်လည်း နစ်ရှိုးသာ မကယ်ခဲ့ရင် Nike ဆိုတာရှိလာမှာမဟုတ်ဘူးလို့ နိုက်တ်က မကြာခဏ နီရိုး ကျေးဇူးကို ထုတ်ပြောခဲ့တာပါ။

အဲဒီနောက်ပိုင်းမှာလည်း နိုက်တ်တစ်ယောက် တော်တော်ဒုက္ခရောက်ခဲ့ပါသေးတယ်။ ဂျပန်မှာ လုပ်အားခတွေဈေးကြီးလာလို့ လုပ်အားခ သက်သာတဲ့ ထိုင်ဝမ် ၊ ကိုရီးယား ၊ တရုတ် နဲ့ ဗီယက်နမ်တို့မှာ စက်ရုံတွေထောင်ပြီးချုပ်ခဲ့ရတယ်။ ချုပ်တာတွေကို အမေရိကန်မှာလည်း ကုန်အောင်ရောင်းနိုင်ဖို့ကြိုးစားရ ၊ ကြော်ငြာမှုတွေကို အဆတ်မပြတ်လုပ်ရ ၊ ဒီကြားထဲ Onitsuka အပြင် အမေရိကန်အစိုးရနဲ့ တရားရင်ဆိုင်နေရတာတွေ ရှိနေပါသေးတယ်။  ဒီလိုအခက်အခဲပေါင်းများကို ဖြတ်ကျော်အပြီးမှာတော့ Nike ဟာ ယနေ့အားကစားလောက နယ်ပယ်အသီးသီးမှာ နံပါတ် ၁ နေရာက ရပ်တည်နေနိုင်ခဲ့ပါပြီ။

သူ့ရဲ့ရှေ့မှာ အောင်မြင်ပြီးဖြစ်တဲ့ Adidas နဲ့ Puma တို့လို အားကစားပစ္စည်း ကုမ္ပဏီကြီးတွေကို ကျော်ဖြတ်ပြီး ယနေ့လိုဖြစ်နိုင်ခဲ့အောင် သူကျော်လွှားခဲ့ရတဲ့ အခက်အခဲပေါင်း သောင်းခြောက်ထောင်ကို သူ့ရဲ့စာအုပ်  Shoe Dog မှာ ရေးသားခဲ့ပါတယ်။ ယနေ့အချိန်မှာတော့ NIke ဟာ နံပါတ်၁ အားကစားပစ္စည်း ကုမ္ပဏီဖြစ်ခဲ့သလို တည်ထောင်သူ Phil Knight ဟာလည်း ပိုင်ဆိုင်မှုဒေါ်လာ ၃၄ ဘီလျံနဲ့ ကမ္ဘာ့အချမ်းသာဆုံး ၂၅ယောက်မြောက် ပုဂ္ဂိုလ်ဖြစ်လာခဲ့ပါပြီ။ ၂၀၀၄ခုနှစ်မှာတော့ Nike ရဲ့ CEO ရာထူးကနေ နှုတ်ထွက်ခဲ့ပြီး ဘုတ်အဖွဲ့ဥက္ကဌအဖြစ် ၊ အဲဒီနောက်တော့ ဂုဏ်ထူးဆောင် ဥက္ကဌအဖြစ် တာဝန်ထမ်းဆောင်ခဲ့ပါတယ်။ လက်ရှိမှာတော့ အသက် ၈၀ ရှိနေပြီဖြစ်တဲ့ နိုက်တ်ဟာ နယ်ပယ်အသီးသီးမှာ ဒေါ်လာ ၂ဘီလျံခန့် လူဒါန်းခဲ့ပြီးဖြစ်တဲ့ ပရဟိတလုပ်ငန်းရှင်တစ်ယောက်အဖြစ် ရပ်တည်နေခဲ့ပါပြီ။

“လူငယ်တွေကို ကျွန်တော်ပြောချင်တာကတော့ ဘယ်တော့မှ လက်မလွှတ်နဲ့ ဆိုတာ အမြဲတမ်းတော့ မမှန်ဘူးဗျ၊
အမှန်က ဘယ်ဟာကို လက်လွှတ်ရမယ် ဘယ်ဟာကို မြဲမြဲကိုင်ထားရမယ် သိမှဖြစ်မယ်”

သုတဇုန်

Leave a Reply