မတော်တဆ အသက်ရှုလမ်းကြောင်း ပိတ်ဆို့သွားခဲ့လျှင် အရေးပေါ်ကုသနည်း

Posted on

ရေးသားသူ – Saya Maung Maung Myint

မနေ့က နိုင်ငံတကာ သတင်းတစ်ခုမှာ Video fileတစ်ခု တက်လာပါတယ်။ ကျောင်းသား လူငယ်တစ်စု စားသောက်ဆိုင်မှာ စားသောက်နေကြစဉ် တစ်ယောက်ဟာ အသက်ရှုလမ်းကြောင်းထဲကို အစားအစာတစ်ခု ရုတ်တရက် မတော်တဆ ဝင်သွားတဲ့အတွက် အသက်မရှုနိုင် သေမလို ဖြစ်ပါတယ်။

ဒါကို Choking လို့ ခေါ်ပါတယ်။ အစာစားရင်း အလွန်အမင်းရယ်မောမိတဲ့အခါ နှာချေမိတဲ့အခါ (နှာချေတော့မယ်ဆိုရင် အလိုအလျောက် အသက် တဝကြီးရှုမိတတ်တာမို့) မမျှော်လင့်ဘဲ ရုတ်တရက် ဖြစ်တတ်ပါတယ်။

အဖော်တစ်ယောက်ဟာ လန့်ဖြန့်ပြီး ဘာလုပ်ရမှန်းမသိပေမယ့် တစ်ယောက်သောသူဟာ ဒီလို ရုတ်တရက် အသက်ရှုလမ်းကြောင်း လေပြွန်ပိတ်တဲ့ Choking ကို အရေးပေါ်ကယ်ဆယ်ရတဲ့ Heimlich Maneuver ကို တတ်ကျွမ်းတဲ့အတွက် တည်တည်ငြိမ်ငြိမ် ထပြီး လုပ်ပေးနိုင်ခဲ့လို့ အသက်ရှင်ခဲ့ပါတယ်။ မဟုတ်ရင် ဒီလူငယ်လေး သေသွားနိုင်ပါတယ်။

Video ကို သေသေချာချာ ကြည့်စေချင်ပါတယ်။

လွယ်ကူပြီး တတ်ထားသင့်တဲ့ အဆင့် ၈ ဆင့် ပါတဲ့ ဒီ Heimlich Maneuver ကို သိစေတတ်ကျွမ်းစေချင်လို့ ရေးပေးထားပါတယ်။

Heimlich Maneuver

ဒီကုသနည်းကို အမေရိကန် ရင်ခေါင်းခွဲစိတ်ဆရာဝန် Dr. Henry Judah Heimlich က တီထွင်ဖော်ထုတ်ထားတာပါ။ သူဟာ ၂၀၁၆ ဒီဇင်ဘာ ၁၇ ရက်နေ့က ကွယ်လွန်သွားခဲ့ပါပြီ။

Heimlich Maneuver မှာ အဆင့် ၈ဆင့် ရှိပါတယ်။

အဆင့်(၁)

လူနာဟာ choking ဖြစ်တာ သေချာပါစေ။ အသက်ရှုလမ်းကြောင်းမှာ အစားအစာ သို့ အခြားပစ္စည်းတခုခု ရုတ်တရက် ပ်ိတ်ဆို့တာပါ။ အစာစားရင်း သီးရာကနေ လေပြွန်ထဲ ဝင်တတ်ပါတယ်။

စကား မပြောနိုင်၊ အသက်မရှုနိုင် ချောင်းမဟန့်နိုင်ပါ။ နှုတ်ခမ်း မျက်နှာ ပြာလာရာက ညိုလာသည်အထိ ဖြစ်ပါတယ်။ သေချာတာက လူနာတိုင်း ပြုလုပ်တတ်တဲ့ “လက်၂ဖက်နဲ့ လည်ပင်းကို ညှစ်နေတတ်တာပါ။” ရံဖန်ရံခါ သတိလစ် မေ့မြောသွားတတ်ပါတယ်။

အဆင့်(၂)

ကိုယ်က သူ့ကို ကူညီမယ်မှန်း သိပါစေ။ တချိန်တည်းမှာ အခြားသူများရှိရင် ဆေးရုံ ကျန်းမာရေးစောင့်ရှောက်သူတွေထံ အရေးပေါ် အကူအညီအတွက် ဖုန်းဆက်ပါစေ။

အဆင့် (၃)

လူနာကို မတ်တပ်ရပ်ထားပါ။ သို့သော် နေရာကျဉ်းကြပ်ခဲ့ရင် လူနာကိုထိုင်လျက် လုပ်နိုင်ပါတယ်။

အဆင့် (၄)

လူနာရဲ့ ကြောကို အနောက်က မပုတ်ရ မထုရပါဘူး။ ဒီလိုလုပ်ခြင်းအားဖြင့် ပိတ်ဆို့နေတဲ့အရာက အပြင်ကို ထွက်မလာတဲ့အပြင် ပိုနက်တဲ့ အသက်ရှုလမ်းကြောင်း အတွင်းပိုင်းကို ဆင်းသွားပြီး ပို ဒုက္ခရောက်စေပါတယ်။

အဆင့်(၅)

လူနာအနောက်ကြောဘက်က နေရာယူပါ။ ကိုယ်သန်တဲ့ လက်ကို လက်သီးဆုပ်ပါ။ လက်မကို ရင်ညွန့်အလယ်အောက် အစာအိမ်နေရာလောက်မှာ ရှိပါစေ။ ကျန်လက်တဖက်က ပထမလက်ကောက်ဝတ်ကို ဆုပ်ကိုင်ပြီးလက်မကို သေသေချာချာ သိမ်းပါ။

အဆင့် (၆)

Heimlich Maneuver ကို လုပ်ကိုင်နိုင်ပါပြီ။ ချုပ်ထားတဲ့ လက် ၂ဖက်ကို တင်းတင်းကိုင်ရင်း နံရိုးတွေအောက်ဖက်ကနေ ပုံပါအတိုင်း အနောက်ဘက် အပေါ်ဘက်ကို ရုတ်တရက် အားပြင်းပြင်း “မ” တင်ပါ။ အင်္ဂလိပ် အက္ခရာ “J” ပုံစံလိုပေါ့။

လူနာကို အနောက်က သိုင်းပြီး အနောက်ဘက် အပေါ်ဘက်ကို “မ” သလိုမျိုးပါ။ တကြိမ်မက အကြိမ်ကြိမ် လုပ်နိုင်ပါတယ်။ ကလေးဖြစ်ခဲ့ရင် အားအနည်းငယ် လျှော့သုံးပါ။ ပိတ်ဆို့နေတဲ့အရာ ထွက်လာပါလိမ့်မယ်။

ပိတ်ဆို့နေတဲ့အရာ မထွက်လာရင်တော့ လူနာလည်း မေ့မြောသွားတတ်ပါတယ်။ ဒီအခါ လုပ်နေတာကို ရပ်ရပါမယ်။

အဆင့် (၇)

အောင်မြင်သွားခဲ့ရင် ပိတ်ဆို့နေတဲ့အရာ ထွက်လာသလို အသက်ပြန်ရှုလာနိုင်ပါမယ်။ မျက်နှာ နှုတ်ခမ်းအရောင် ပြန်နီလာနိုင်ပါတယ်။ ပုံမှန်အသက်ရှုနိုင်ပြီလား စစ်ဆေးပါ။

အဆင့် (၈)

ပစ္စည်းလည်း မထွက်။ အသက်လည်း မရှုနိုင် သတိမေ့မြောနေပြီမို့ အရေးပေါ် ဆေးအကူအညီ တောင်းခံရပါမယ်။

ဒီ Heimlich Maneuver က ပုံကလေးများကြည့်ရင်း နားလည် တတ်လွယ်တာမို့ လူတိုင်း သိထားသင့်ပါတယ်။ အသက်ကယ်တဲ့ ရှေးဦးသူနာပြုနည်းမို့ အိမ်သားတွေ ကိုယ့်ကလေးတွေကိုလည်း သင်ထားပေးရင်း အများသိအောင် တဆင့် ပြန် Share ပေးရင်တော့ အတိုင်းထက်အလွန် ကျေးဇူးပါ။

TUTORIAL VIDEO

Maung Maung Myint
26 Mar 2017

Photos : WIkihow

Leave a Reply