နွားသတ်သမား ပုရွက်ဆိတ် (သို့) ပန်ဒါပုရွက်ဆိတ်

Posted on

ပုံကိုမြင်တာနဲ့ ပန်ဒါဝက်ဝံရဲ့ အရောင်နဲ့တူလို့ ပန်ဒါပုရွက်ဆိတ် (Panda Ant) လို့ခေါ်တာကို ရိပ်မိမှာပါ။ ဒီအကောင်ကို ပုရွက်ဆိတ်နဲ့ တူလို့ ပုရွက်ဆိတ်လို့ခေါ်ပေမယ့် တကယ်က ပုရွက်ဆိတ်မဟုတ်ပါဘူး။ အတောင်ပံမပါတဲ့ နားကျယ်ကောင် မျိုးစိတ်ထဲက တစ်မျိုးသာဖြစ်ပါတယ်။ အမျိုးအစားပေါင်း ၃ထောင်ကျော်ရှိတဲ့ wasp တွေရဲ့ Mutillidae မိသားစုထဲမှာ ပါဝင်ပါတယ်။ သူ့ရဲ့ သိပ္ပံအမည်ကတော့ Euspinolia militaris ပါတဲ့။

ကြည့်လိုက်ရင်တော့ လှပတဲ့ ချစ်စရာ အရောင်အဆင်းဖြစ်ပေမယ့် သူတို့ကိုက်လိုက်ရင်တော့ အလွန်အမင်းနာကျင်စွာ ခံစားရမှာပါ။ အခြားတိရစ္ဆာန်တွေဟာလည်း ဒီအကောင်တွေကို ကြောက်ကြပြီး နွားတွေကို သေစေနိုင်တဲ့အတွက် နွားသတ်သမားပုရွက်ဆိတ် cow killer ant လို့ လယ်သမားတွေက အမည်ပေးထားကြပါတယ်။

အဖြူနဲ့ အနက်ရောင် ရှိနေတဲ့ သူတို့ဟာ ခြေချောင်း ၆ချောင်းကို ပိုင်ဆိုင်ပြီး သန်စွမ်းတဲ့မေးရိုး နဲ့ အင်အားပြင်းတဲ့ ဆူးတွေကို ပိုင်ဆိုင်ထားပါတယ်။ သူတို့မှာ အဆိပ်ဆူးပေါင်းများစွာပါဝင်ပြီး အဲဒီထဲက အဆိပ်ဆူး ၆ချောင်း ထိုးမိလျှင် ၂ပေါင် အလေးချိန်ရှိတဲ့ တိရစ္ဆာန်တစ်ကောင်ကို သေစေနိုင်တဲ့အစွမ်းရှိပါတယ်။

ဒီပုရွက်ဆိတ်တွေကို ၁၉၃၈ခုနှစ်က ချီလီနိုင်ငံအလယ်ပိုင်း ကမ်းရိုးတန်းဒေသမှာ ပထမဆုံး ရှာဖွေတွေ့ရှိခဲ့တာ ဖြစ်ပါတယ်။ ဒီအကောင်တွေကို အမေရိကန်အနောက်တောင်ပိုင်း ၊ မက္ကဆီကို ၊ တရုတ်နိုင်ငံ ၊ ချီလီ နဲ့ အာဂျင်တီးနားက ခြောက်သွေ့ပြီး သဲမြေထူထပ်တဲ့ သဲကန္တာရလို နေရာတွေမှာ တွေ့ရလေ့ရှိပါတယ်။ သူတို့ဟာ သဲထဲ (သို့) ကျောက်စရစ်တွေကြားထဲမှာ နေထိုင်လေ့ရှိပါတယ်။

အရွယ်ရောက်ပြီး ပန်ဒါပုရွက်ဆိတ်တစ်ကောင်ဟာ အရွယ်အစားအားဖြင့်တော့ ခန္ဓာကိုယ်အလျား ၈မီလီမီတာ(၁လက်မရဲ့ ၁၀ပုံ၃ပုံ) နဲ့ ခန္ဓာကိုယ်အမြင့် ၃မီလီမီတာ(၁လက်မရဲ့ ၁၀ပုံ၁ပုံ) သာရှိပါတယ်။ အထီးတွေဟာ အမတွေထက် သိသိသာသာ အရွယ်အစားပိုကြီးပါတယ်။

ဒီအကောင်တွေရဲ့ ထူးခြားချက်တစ်ချက်ရှိပါသေးတယ်။ အဲဒါကတော့ မိတ်လိုက်တဲ့အခါ တူညီတဲ့မျိုးစိတ်ချင်းပဲ လိုက်လေ့ရှိပါတယ်။ ဒီလိုအခါမျိုးမှာ အထီးက အမကို ထမ်းပိုးထားရင်း မိတ်လိုက်ကြပါသတဲ့။ အမတွေဟာ ဥဥတဲ့အခါ ထောင်နဲ့ချီပြီး ဥလေ့ရှိပါတယ်။

အများအားဖြင့်တော့ သီးခြားစီနေတတ်တဲ့ အကောင်တွေ ဖြစ်ပါတယ်။ သူတို့ဟာ ပိုးတီ နဲ့ ပိုးလောက်လန်းတွေကို အစာအဖြစ် စားသုံးကြပါတယ်။ ထူးခြားတာကတော့ အစာရှာထွက်တဲ့အခါ အထီးတွေက ညအချိန်မှာ အစာရှာထွက်ပြီး အမတွေက နေ့ဘက်မှာပဲ အစာရှာထွက်တာပဲ ဖြစ်ပါတယ်။

ပန်ဒါပုရွက်ဆိတ်တွေရဲ့ သက်တမ်းကတော့ ၂နှစ် ဖြစ်ပါတယ်။ ပန်ဒါပုရွက်ဆိတ်တွေနဲ့ အမူအကျင့်ဆင်ပြီး အရောင်ကွဲတဲ့ velvet ဆိုတဲ့ ပုရွက်ဆိတ်တစ်မျိုးလည်း ရှိပါသေးတယ်။

သုတဇုန်

Leave a Reply