လားဟူ တိုင်းရင်းသားတွေ အကြောင်း သိကောင်းစရာ

Posted on

ရေးသားသူ – မိုင်းနော်ရိန်း(လူမှုဘဝ)

သမိုင်းပညာရှင်များ၏ ရေးသားဖော်ပြ ချက်အရ ”လားဟူ”လူမျိုးသည် ”Tibeto Burma” မျိုးနွယ်စု(လိုလို)လူမျိုးစုမှဆင်းသက် လာသည့်လူမျိုးဟုဆိုသည်။ ရှမ်းပြည်နယ်မှာ အများအားဖြင့် အခြေချနေထိုင်သည့်လူမျိုးတစ်မျိုးဖြစ်သည့်အားလျော်စွာ ရှမ်းများက သူတို့ကို ”မုဆိုး” ဟုခေါ်ဆိုကြသည်။ ”မုတ်ဆိုး” ဆိုသည်မှာ ပါဠိဘာသာဖြစ်သည်။ တောပစ်သည့် ”ံHunter” ဟုဆိုလိုခြင်းဖြစ် သည်။ လားဟူလူမျိုးသည် တောလိုက်ခြင်း၊ အမဲလိုက်ခြင်းကို အလွန်ဝါသနာရှိကြသည်။ တောကျွမ်းသည်။ ထို့ကြောင့် ရှမ်းလူမျိုးများက သူတို့ကို ”မုဆိုး” ဟုခေါ်ဆိုခြင်း ဖြစ်နိုင်ပါ သည်။

သမိုင်းသုတေသီများ ရေးသားဖော်ပြချက် အရ ”လားဟူ” ဆိုသည်မှာ သူတို့၏ မူလအမည်မဟုတ်ပါ။ သူတို့၏ မူလအမည်မှာ ”လောဟို” ဟုခေါ်ဆိုကြသည်။ ရှေးယခင်က တရုတ်လူမျိုးများသည် လားဟူလူမျိုးကို ”လောဟို”ဟု။ ခေါ်ဆိုခြင်းဖြစ်သည်။

လားဟူလူမျိုးသည် တရုတ်ပြည်တွင် ၅၉ ရာခိုင်နှုန်း၊ မြန်မာပြည်တွင် ၂၉ ရာခိုင်နှုန်း၊ ထိုင်းနိုင်ငံတွင် ၁ဝ ရာခိုင်နှုန်းနှင့် လာအိုနိုင်ငံ တွင် နှစ်ရာခိုင်နှုန်း နေထိုင်ကြသည်ဟု ခန့်မှန်းရသည်။ လားဟူလူမျိုးတို့သည် ဆင်းသက်လာပုံသော်လည်းကောင်း၊ အခြား လူမျိုးကြီး၏ နယ်မြေကျူးကျော်မှုကို သော် လည်းကောင်း နေထိုင်ရာဒေသကွဲပြား ခြားနားခဲ့သည်။

တရုတ်နိုင်ငံ လန်ချန်း လားဟူပြည်နယ်တွင် ၅ သိန်း၊ မြန်မာနိုင်ငံ ရှမ်းပြည်နယ်တွင် ၂ သိန်း၊ ယိုးဒယား၊ လာအို၊ ကမေဿ္ဘ္ဘာဒီးယားနှင့် ဗီယက်နမ်တို့တွင် ၁ သိန်း စုစုပေါင်း ၈ သိန်းခန့် ရှိပါသည်။ လားဟူအနွယ်တွင် လားဟူန နှင့် လားဟူရှီးဟူ၍ ၂ မျိုး ရှိသည်။ အမျိုးကွဲပေါင်း ၂၀ ကျော် ရှိပြီး ကျိုင်းတုံမြို့တွင် ၁၂ မျိုး နေထိုင်သည်ဟု သိရသည်။

လားဟူလူမျိုးတို့၏ ဆင်းသက်လာပုံမှာ သမိုင်းသုတေသီတို့ဖော်ပြချက်အရ တရုတ် ပြည်ကြီး အနောက်မြောက်ဘက် ကန်ဆူ ပြည်နယ်မှ ဘီစီခရစ်နှစ် ၈ရာစုမှ ၅ရာစု အထိ နေခဲ့ပြီး ထိုမှတစ်ဆင့် အနောက်ဘက် ချင်းဟိုင်း၊ စီချွမ်နှင့် ယူနန်ပြည်နယ်သို့ ရောက်လာခြင်း ဖြစ်သည်။ ယူနန်မှတစ်ဆင့် မြန်မာပြည်၊ လာအိုနိုင်ငံ၊ ထိုင်းနိုင်ငံများသို့ ရောက်ရှိသွား ခြင်းဖြစ်သည်။

လားဟူတိုင်းရင်းသားတို့သည် ကာလ ကြာလာသောအခါ မဲခေါင်မြစ်နှင့် သံလွင် မြစ်အကြား မြောက်မှတောင်သို့ ဆင်းသက် လာသည်။ မြန်မာနိုင်ငံသို့ရောက်ရှိလာပြီး ရှမ်းပြည်နယ်(အရှေ့ပိုင်း) ကျိုင်းတုံမြို့နှင့် ပတ်ဝန်းကျင်၌လည်းကောင်း၊ ရှမ်းပြည်နယ် (တောင်ပိုင်း)နမ့်စမ်မြို့ပတ်ဝန်းကျင်၌လည်းကောင်း၊ ရှမ်းပြည်နယ်(မြောက်ပိုင်း)တွင် လားရှိုးမြို့ပတ်ဝန်းကျင်၌ လည်းကောင်း အခြေချဝင်ရောက်နေထိုင်လာကြသည်။

လားဟူတိုင်းရင်းသားတို့၏ ယုံကြည်ကိုးကွယ်မှု

လက်ရှိအချိန်တွင် လားဟူတိုင်းရင်းသားအများစုသည် ခရစ်ယာန်ဘာသာဝင်များဖြစ်ကြပြီး ဗုဒ္ဓဘာသာကိုးကွယ်သူများလည်း ရှိသည်။ ရှေးယခင်ကမူ နတ်ကိုးကွယ်သူများခဲ့သည်။  လားဟူတိုင်းရင်းသားလူမျိုးတို့၏ နတ် ကိုးကွယ်မှုဓလေ့တွင် ပျားဖယောင်းကို ဖယောင်းတိုင်ပြုလုပ်၍ မီးထွန်းညှိပူဇော်ပြီး လိုရာဆုတောင်းလေ့ရှိကြသည်။ ပျားဖယောင်း တိုင်ပြုလုပ်ပူဇော်ရခြင်းမှာ ပျားဖယောင်း တွင်ပါဝင်သော ပန်းပေါင်းတစ်ထောင်၏ ဝတ်မှုန်တို့မှာမွန်မြတ်ပြီး သန့်ရှင်းမွှေးကြိုင် သောကြောင့် နတ်ဘုရားအား ပူဇော်ခြင်းပင် ဖြစ်သည်။ ထို့အပြင် ပျားအုံတွင် ပျားဘုရင်မ တစ်ကောင်၏ အုပ်ချုပ်မှုအောက်မှ လုပ်သား ပေါင်းများစွာတို့၏ စည်းလုံးညီညွတ်မှုရှိ သည့်နည်းတူ တိုဘိုဟုခေါ်သော နတ်ဆရာ အောက်တွင် စည်းလုံးညီညွတ်စွာရှိသည်ကို လည်း ခံယူကြသည်။

လားဟူတိုင်းရင်းသားတို့သည် ရိုးရာနတ် ကိုယုံကြည်ကိုးကွယ်ပြီးတော၊ တောင်၊ ရေ၊ မြေ၊ မြစ်ချောင်း၊ အင်းအိုင်၊ မြို့ရွာနယ်မြေ၊ အိုးအိမ် စသည်တို့၌ နတ်များရှိသည်ဟု ယုံကြည်ကြ သည်။ ရိုးရာနတ်ဆိုသည်မှာ မိခင်၊ ဖခင်၊ ဘိုးဘွားများကို ဆိုလိုခြင်းဖြစ်သည်။ ၎င်းတို့၏ အိမ်တိုင်းတွင် ရိုးရာနှင့်ဆိုင်သော နတ်စင်များ ရှိပေသည်။ လားဟူလူမျိုးတို့သည် အိမ်ဦး နတ်စင်တွင် သစ်ခေါက်အမှုန့်ကြိတ်၍ ပျားဖယောင်းနှင့်ရောစပ်ပြီး မီးထွန်းညှိပူဇော် ကြသည်။ တောင်ယာခုတ်ချိန်မှ စပါးရိတ်သိမ်း ချိန်အထိ စိုက်ပျိုးရေးရာသီတစ်လျှောက် လုံးတွင် မမေ့မလျော့ပူဇော်ပသကြရသည်။ တောင်ယာသီးနှံ အထွက်ကောင်းစေရန်၊ သားသမီးများထွန်းကားစေရန်၊ ပစ္စည်းဥစ္စာ များ တိုးတက်အောင်မြင်စေရန် ရည်ရွယ်၍ နတ်ပူဇော်ပွဲများကိုလည်း ကျင်းပကြသည်။ ပျားဖယောင်းတိုင်လေးတိုင်၏ အဓိပ္ပာယ်မှာ အရပ်လေးမျက်နှာကို ကိုယ်စားပြုသည်ဟု အဓိပ္ပာယ်သက်ရောက်ပါသည်။

လားဟူလူမျိုးတို့သည် ရွာထိပ် မြင့်သော နေရာတစ်နေရာတွင် ရွာသူရွာသားအားလုံး စုပေါင်းပြီး နတ်စင်ကိုပြုလုပ်၍ ထမင်း၊ ဟင်းများဖြင့် သွားရောက်ပူဇော်ကန်တော့ ကြသော ဓလေ့ရှိသည်။ လူတစ်ယောက်၏ ကျန်းမာရေးသည် နတ်တို့နှင့်သက်ဆိုင်သည်ဟု ယုံကြည်ကြသည်။ လူတစ်ဦးတစ်ယောက် နေထိုင်မကောင်းဖြစ်လာချိန်တွင် နတ်ဟော ဆရာထံမေးမြန်း၍ နတ်တို့အား ပူဇော်ပသ ကြရသည်။ အိမ်တွင် တစ်ဦးတစ်ယောက်သည် ဓားခုတ်မှုနှင့် ဖျားနာကိုက်ခဲမှုရှိခဲ့လျှင် ပျားဖယောင်းကို ဖယောင်းတိုင်မီးထွန်းသည့် ဓလေ့ပြုလုပ်သည်။ နတ်ကိုးကွယ်ယုံကြည်မှု ဓလေ့အရ ရွာရှိအိမ်တွင်ဖျားနာသူကို ဆေးကုသခွင့်မရှိဟုယူဆကြသည်။ အိမ်တွင် လည်း တစ်ဦးတစ်ယောက်သည် မကောင်း သော အိပ်မက်ဆိုးများမက်လျှင် ဝက်ဖော်၍ ဝက်ခေါင်းကို ရွာထိပ်ရှိနတ်စင်တွင် ပူဇော်ပသ ပြီး ယတြာချေလေ့ရှိသည်။

အိမ်တွင် တစ်ဦးတစ်ယောက်ခရီးထွက်ခွာ လျှင် ပျားဖယောင်းကို မီးညှိ၍ လိုရာ ဆုတောင်းရသည်။ မီးထွန်းညှိပြီး လိုရာ ဆုတောင်းချိန်၌လည်း မီးခိုးကိုကြည့်ပြီး အဆုံး အဖြတ်ရယူရသည်။ မီးခိုးသည် ခရီးထွက်ခွာ မည့်သူဘက်သို့ ပြန်လှည့်လာလျှင် မဖြောင့်ဖြူး သော ခရီးစဉ်ဖြစ်မည်ဟု ယူဆရပါသည်။ မီးခိုးသည် ဖြောင့်ဖြောင့်တန်းတန်း ထွက်လာ လျှင် ခရီးလမ်းဖြောင့်ဖြူးကောင်းမွန်မည်ဟု ပြန်လည်ယူဆကြသည်။ မီးခိုးပြာသည် ဖြောင့်တန်းစွာထွက်ပေါ်လာလျှင် အိမ်ရှိအဖေ နှင့်အမေကို ရှိခိုးကန်တော့ပြီးမှ ခရီးထွက် လေ့ရှိပါသည်။

လားဟူတိုင်းရင်းသားတို့သည် နေ့စဉ် လုပ်ဆောင်နေသော စီးပွားရေးလုပ်ငန်းမှအစ လူမှုဆက်ဆံရေးနှင့်ဆိုင်သည့် အိမ်ထောင်ပြု ခြင်း၊ သားမွေးခြင်းစသည်ဖြင့် လူတစ်ဦး တစ်ယောက်၏ ကောင်းကျိုးဆိုးကျိုးမှန်သမျှကို နတ်ကပင် ဖန်တီးကြသည်ဟု ယုံကြည်ကြ သည်။ လားဟူတိုင်းရင်းသားတို့သည် မည်သည့် အရေးကိစ္စတွင်မဆို ရွာဦးတွင် တည်ထား သော နတ်ကွန်း၌ ပူဇော်ပသပြီး လိုရာ ဆုတောင်းကြသည်။ ယခုအခါတွင်တော့ နတ်ကိုးကွယ်သူများ နည်းပါးလာခဲ့ပြီဖြစ်သည်။

လားဟူလူမျိုးမှာ အရေးကြီးသော ပွဲလမ်းနှစ်ခု ရှိသည်။ နှစ်သစ်ကူး ပွဲ  (ဇန်နဝါရီ၊ ဖေဖော်ဝါရီတွင် ကျင်းပသည်။ နှင့် ကောက်သစ်စားပွဲ (စက်တင်ဘာအကုန် အောက်တိုဘာအချိန်တွင် ကျင်းပလေ့ ရှိသည်။) တို့ဖြစ်ကြသည်။

အမည်မှည့်ခေါ်ပုံစနစ်

လားဟူတိုင်းရင်းသားတို့သည် အမည် ကင်ပွန်းတပ်မင်္ဂလာကျင်းပခြင်းကို ကလေး မွေးဖွားပြီး၁၂ရက်ကြာတွင် ပြုလုပ်လေ့ရှိသည်။ အမည်မှည့်ပုံမှာ အခြားတိုင်းရင်းသားများကဲ့သို့ နေ့ကောင်းနေ့မြတ်ရွေးချယ်ပြီးမှ အမည်မှည့် ကြသည်။ ယခင်က အမည်ပေးရာတွင် နတ်ဆရာများကိုပင့်ပြီး ကလေးကိုပြသပြီး နတ်ဆရာများက ကလေးမွေးဖွားသောနေ့ကို ကြည့်ကာ အမည်မှည့်လေ့ရှိကြသည်။ ယခု အချိန်တွင် လားဟူတိုင်းရင်းသားတို့သည် နတ်ကိုးကွယ်မှုဓလေ့ နည်းပါးလာမှုကြောင့် ဘာသာရေးပုဂ္ဂိုလ်များ၊ ဓမ္မကျမ်းစာဆရာ တော်များက အမည်မှည့်ပေးလေ့ရှိကြသည်။

ကလေးအမည်မှည့်ပေးသောအခါ လားဟူ တိုင်းရင်းသားတို့၏ ရိုးရာပြက္ခဒိန်အတွင်း ပါရှိသော တိရစ္ဆာန်အကောင်များကို ကြည့်ပြီး ကလေးအမည်ရှေ့တွင် ထိုသတ္တဝါ၏ နာမည် ကို တွဲဖက်မှည့်လေ့ရှိသည်။ သို့သော် အမည် မှည့်ပေးသော ကလေးငယ်သည် မကြာခဏ နာမကျန်းဖြစ်ခြင်း၊ စီးပွားရေးမကောင်းခြင်း၊ ကလေးငယ်၏ အမည်မကောင်း ကြောင်းများကို ယူဆမိပါက နတ်ဆရာများ၊ ဓမ္မဆရာတော်များကို တစ်ကြိမ်ပြန်ပြောပြီး နာမည်ပြောင်းကြသည်။ ကလေး၏ အမည် မှည့်ခြင်းအခမ်းအနားကို ကြွရောက်လာသော လူကြီးမိဘများ ဧည့်ပရိသတ်များကို ထမင်း နှင့်ဟင်း ပြန်လည်ကျွေးမွေးဧည့်ခံကြသည်။

ထူးခြားသည်မှာ လားဟူတိုင်းရင်းသားတို့သည် အခြားတိုင်းရင်းသားများကဲ့သို့ သားသမီးများ ၏ နာမည်ရှေ့တွင် ကြီးစဉ်ငယ်လိုက်သဘော ဖြင့် အမည်တပ်ခေါ်ခြင်းမရှိပေ။ ထို့အပြင် အမျိုးမျိုးနာမည်ကိုယူပြီး အမည်ရှေ့တွင်တပ် ပြီး မှည့်ခေါ်ခြင်းများ၊ အဆင့်အတန်းခွဲခြားပြီး မှည့်ခေါ်ခြင်း စသောဓလေ့များ မရှိပေ။ တစ်ခါတစ်ရံ သားကြီး၏အမည်ကို ”ကျာလဲ”၊ သမီးအငယ်ဆုံး၏ အမည်ကို ”နာလဲ” ဟူ၍လည်း မှည့်ခေါ်ကြသည်။ ယခုအခါ သားသမီးများ၏ အမည်ကို ရိုးရာနာမည် များမဟုတ်တော့ဘဲ လှပအောင်၊ အကျိုးပြု အောင်ဟူ၍ နာမည်များကို မိမိစိတ်ကြိုက် အမျိုးမျိုးမှည့်ပေးလေ့ရှိကြောင်း သိရသည်။

အနုပညာနှင့် တူရိယာများ

လားဟူတိုင်းရင်းသားတို့သည် ရိုးရာ ဘူးသီးခြောက်ပလွေပြုလုပ်ရာတွင် အသုံးပြု သည့်ဝါးကို အပေါက်သုံးပေါက်(သို့)ငါးပေါက် ပြုလုပ်၍ ရရှိလာသော ဘူးပလွေကိုယူ၍ သမီးရည်းစားစကားဝှက်ပြောရာတွင် အသုံးပြု လေ့ရှိသည်။

လားဟူတိုင်းရင်းသားတို့၏ နှစ်သစ်ကူး အက(သို့) မြေဝိုင်းအကကို နှစ်သစ်ကူးပွဲတွင် ကကြလေ့ရှိသည်။ မြေဝိုင်းအက ကရာတွင် လားဟူတိုင်းရင်းသားများသည် တောင်ယာ လုပ်ငန်းကို အဓိကလုပ်ငန်းအဖြစ် လုပ်ကိုင် စားသောက်ကြသဖြင့် တောင်ယာလုပ်ကိုင် စားသောက်ခြင်းကို ကကွက်ဖော်၍ ကပြခြင်း ဖြစ်ပါသည်။ လားဟူတိုင်းရင်းသားတို့သည် အကများ ကကြရာတွင် ကကွက်မျိုးစုံဖြင့် ပုံဖော်ကပြလေ့ရှိသည်။

အမျိုးသားများ၏နောက်တွင် အမျိုးသမီး များလက်တွဲ၍ ဟန်ချက်ညီညီ ဝိုင်းဝန်းကကြ ခြင်း အမျိုးသားများ တောင်ယာလုပ်ကိုင်သည့် အခါတွင် ဝိုင်းဝန်းကူညီပေးသည့် သဘောကို ပုံဖော်ခြင်းဖြစ်သည်။ ယခင်က အထက်ပါ အကများကို သက်ကြီးရွယ်အိုများ ကလေ့ရှိကြ သော်လည်း ယခုအခါတွင် လူကြီး၊ လူငယ် မရွေးစုပေါင်း၍ ဝိုင်းဝန်းကကြသည်။ တစ်ခါ တစ်ရံတွင် လူငယ်များမှာ သီးသန့်ကခုန်ကြခြင်း လည်းရှိသည်။

လားဟူရိုးရာဝတ်စားဆင်ယင်ထုံးဖွဲ့မှု

လားဟူတိုင်းရင်းသားတို့၏ ဝတ်စား ဆင်ယင်မှုမှာ အမျိုးသားရိုးရာခေါင်းပေါင်း သည် အပွင့်မပါ ရိုးရိုးပုံစံဖြင့် ပြုလုပ်ပြီး ယခု အခါတွင် ခေါင်းပေါင်းမှာ ဘော်ကြယ်များဖြင့် ဒီဇိုင်းဖော်ပြီး ဆင်မြန်းကြသည်။ လားဟူ တိုင်းရင်းသားတို့၏ အမျိုးသားအင်္ကျီမှာ ကော်လံပါအဖြူ အင်္ကျီအပေါ်တွင် လက်တို အပေါ် ကုတ်အင်္ကျီအနက်ထပ်၍ ဝတ်ဆင် သည်။ ထိုကုတ်အင်္ကျီပေါ်တွင် ဘူးသီးထဲမှ ပေါက်ဖွားလာသည်ကို ကိုယ်စားပြုသော ဘူးသီးပုံကို ချည်ဖြင့်ထိုးပြီး ဆင်မြန်းကြသည်။ ဘောင်းဘီမှာ ရှမ်းဘောင်းဘီကဲ့သို့ ခြေချင်း ဝတ်နားတွင် အဝခပ်ကျယ်ကျယ်ရှိသည့် အနက်ရောင်ဘောင်းဘီကို ဆင်မြန်းသည်။ ဘောင်းဘီ၏ အောက်အနားကွက်၌ တောင် ပေါ်မှာ နေထိုင်သည့်လူမျိုးဟု အဓိပ္ပာယ်ကို ဖော်ကြသည့်အနေဖြင့် ပန်းပွင့်များဖြင့် အရောင်မျိုးစုံကို ဒီဇိုင်းပုံဖော်၍ ဆင်မြန်း သည်။

လားဟူရိုးရာအမျိုးသမီးများ၏ ခေတ် ဟောင်းဝတ်စုံမှာ အမိတ်ပါ ခေါင်းပေါင်း၊ ကိုယ်ထည်မှခြေသလုံး တစ်ဝက်ကျော်ကျော်ထိ အရှည်ရှိပြီး ခါးမှခြေသလုံးထိ ဘေးနှစ်ဖက်ကို ခွဲထားသော ရင်ဖုံးအင်္ကျီလက်ရှည်နှင့် လုံချည်တို့ကို ဆင်မြန်းကြပါသည်။ ယခုခေတ် လားဟူအမျိုးသမီးများ၏ ဝတ်စုံသည် အမိတ်ပါ ခေါင်းပေါင်း၊ အင်္ကျီသည် ရင်စေ့ လက်ရှည်ဖြစ်သည်။ အင်္ကျီ၏အရှည်သည် တင်ပါးတစ်ဝက်ခန့်သာရှည်ပြီး အောက်ခံ ထဘီကို ဝတ်ဆင်ကြသည်။ လားဟူအမျိုးသမီး ဝတ်စုံအားလုံးသည် အနက်ရောင်ကို အခြေခံ ၍ ချုပ်ထားကြသည်။

အဓိကအားဖြင့် အင်္ကျီအနားပတ်သည် ထဘီအနားပတ်လည် တို့တွင် ဝါ၊ စိမ်း၊ နီ၊ ပြာ ပိတ်စရောင်များဖြင့် တြိဂံပုံ၊ စက်ဝိုင်းပုံများ အဖြစ် သရုပ်ဖော်၍ လှပစွာချုပ်ထားကြပါ သည်။ လားဟူတိုင်းရင်းသားတို့၏ ဝတ်စား ဆင်ယင်မှုမှာ အပျို၊ အအိုဟု ခွဲခြားသိနိုင်ပါ သည်။ ခေါင်းပေါင်းတွင် အမြိတ်နှစ်ခုပါရှိပြီး အမြိတ်နှစ်စုံချပါက အအိုဖြစ်ပြီး အမြိတ် တစ်ခုတည်းချပါက အပျိုဖြစ်သည်။ ထို့အပြင် အင်္ကျီနှင့် ထဘီတို့တွင် အရောင်စုံများဖြင့် လှပစွာပုံဖော်ချုပ်ရာတွင် အအိုတို့မှာ စက်ဝိုင်း ပုံ သင်္ကေတများ ပုံဖော်ပြီးဆင်မြန်း သကဲ့သို့ အပျိုတို့သည် တြိဂံပုံသင်္ကေတတို့ဖြင့် ပုံဖော်၍ ဝတ်ဆင်ကြသည်။

အပျိုများ၏ အင်္ကျီတွင် ငွေပြားများဖြင့် လှပစွာတန်ဆာဆင်ကြသော် လည်း အိမ်ထောင်သည်များမှာ ငွေပြားများဖြင့် တန်ဆာဆင်ခြင်းမပြုရပါ။ ယခုခေတ်တွင် ငွေပြားအစား ဘော်ကြယ်များကိုသာ လှပစွာ တန်ဆာဆင်ချုပ်ထားကြသည်။ အရောင်မျိုးစုံ ဖြင့် ပုံဖော်ထားသောတြိဂံသည် လားဟူ တိုင်းရင်းသားတို့၏ အမဲလိုက်မုဆိုးဘဝဖြင့် အသက်မွေးဝမ်းကျောင်းပြုလုပ်ပုံကို ဖော် ဆောင်ခြင်းဖြစ်ပြီး တောတောင်၊ မြားထိပ် တောင်ပံ၊ ခွေးသွား စသည့်သုံးမျိုးကို ကိုယ်စား ပြုခြင်းဖြစ်သည်။

စက်ဝိုင်းပုံသင်္ကေတမှာ လပြည့်နေ့ည လမင်းဖြစ်သည်။ ဝိုင်းစက်ထွန်းလင်း တောက်ပအေးမြသကဲ့သို့ ပြီးပြည့်စုံသော အိမ်ထောင်သည်ဘဝ ဖြစ်မြောက်ပြီဟု အဓိပ္ပာယ်ကို ဖော်ဆောင်ထားခြင်းဖြစ်ကြောင်း သိရှိရသည်။

မိုင်းနော်ရိန်း(လူမှုဘဝ)
The Daily Mirror

Leave a Reply