ေက်ာင္းမတက္ႏုိင္တဲ့သူေတြအတြက္ ကုိယ္ပုိင္ေက်ာင္းေထာင္ေပးခဲ့တဲ့ ၁၂ႏွစ္သား

Posted on

သူ႔နာမည္ကေတာ့ Leonardo Nicanor Quinteros ပါ။ အာဂ်င္တီးနားႏုိင္ငံ San Juan ၿမဳိ႕ႀကီးအနီး Las Piedritas ၿမဳိ႕ငယ္ေလးက ၁၂ႏွစ္အရြယ္ အလယ္တန္းေက်ာင္းသားေလးတစ္ေယာက္ျဖစ္ပါတယ္။ သူ႔အသက္ဟာ ငယ္ရြယ္ေပမယ့္ သူဟာ ေက်ာင္းမတက္ႏုိင္တဲ့ ကေလးငယ္ေတြနဲ႔ လူငယ္ေတြအတြက္ သူတတ္ထားတဲ့ပညာေတြကို ျပန္လည္မွ်ေ၀ဖုိ႔အတြက္ ကုိယ္ပုိင္ေက်ာင္းတည္ေထာင္ခဲ့သူလည္းျဖစ္ပါတယ္။

သူဟာ စာသင္ၾကားရတာကုိခ်စ္တယ္ ၊ စာေတာ္တဲ့ေက်ာင္းသားေလးတစ္ေယာက္ ျဖစ္ၿပီး သူတတ္ထားတာေတြကို အျခားသူေတြကို ျပန္လည္မွ်ေ၀ေလ့ရွိသူပါ။ သူေက်ာင္းတက္ေနရေပမယ့္ ငယ္ငယ္က သူငယ္ခ်င္းေတြနဲ႔ အျခားကေလးသူငယ္ေတြဟာ ေက်ာင္းတက္ဖုိ႔အခက္အခဲျဖစ္ၿပီး အသက္ရွင္သန္ေရးအတြက္ လမ္းေပၚမွာပဲ အခ်ိန္ေတြကုန္ေနတာကို သူျမင္ခဲ့ရၿပီးတဲ့ေနာက္မွာ သူတစ္စုံတစ္ခု လုပ္ဖုိ႔ ဆုံးျဖတ္ခ်က္ခ်ခဲ့ပါတယ္။

ၿပီးခဲ့တဲ့ႏွစ္ကေတာ့ သူဟာ သူ႔အဖြား Ramona ကို အကူအညီတစ္ခု ေတာင္းခဲ့ပါတယ္။ အဲဒါကေတာ့ အဖြားျဖစ္သူရဲ႕ အိမ္ေဘးကေနရာမွာ သူ႔ကိုေက်ာင္းေဆာက္ခြင့္ျပဳဖုိ႔ပါ။ ပထမေတာ့ အဖြားျဖစ္သူ အံၾသသြားတယ္ ။ ၿပီးေတာ့ မယုံသလုိ ျဖစ္တယ္။ ဒါေပမယ့္ ေျမးျဖစ္သူရဲ႕ဆႏၵကို ျဖည့္ဆည္းဖုိ႔ ခြင့္ျပဳေပးခဲ့တယ္။

အခုအခ်ိန္မွာေတာ့ အဲဒီ အခမဲ့ေက်ာင္းေလးဟာ ေက်ာင္းသား အေယာက္ ၄၀ခန္႔ ရွိတဲ့ေက်ာင္းေလးတစ္ခု ျဖစ္ခဲ့ၿပီး။ Nico ကေတာ့ ဒီေက်ာင္းရဲ႕ ဆရာျဖစ္သလုိ ေက်ာင္းအုပ္လည္း ျဖစ္တယ္။ အေယာက္ ၄၀ ဆုိတာ သိပ္မမ်ားေပမယ့္ ၁၂ႏွစ္သား တစ္ေယာက္ရဲ႕ စြမ္းေဆာင္မႈေၾကာင့္ အဲဒီကေလးေတြရဲ႕ဘ၀ဟာ အေျပာင္းလဲႀကီးေျပာင္းလဲခဲ့ရပါတယ္။

Nico ရဲ႕ေက်ာင္းဟာ သာမန္တဲသာသာ အခန္းေလးတစ္ခန္းသာ ျဖစ္ေပမယ့္ သူ႔ရဲ႕ပတ္၀န္းက်င္ကိုေတာ့ အလြန္အက်ဳိးျပဳတဲ့ေနရာေလးျဖစ္တယ္။ သူ႔ရဲ႕ေက်ာင္းကို တစ္ေန႔ထက္တစ္ေန႔ ပိုေကာင္းလာဖုိ႔ Nico ႀကဳိးစားေနတယ္။ အစပုိင္းမွာ တစ္ေယာက္တည္းက အခက္အခဲျဖစ္ခဲ့ေပမယ့္ သူ႔ရဲ႕စြမ္းေဆာင္မႈကို ၾကားသြားတဲ့ ပတ္၀န္းက်င္က လူေတြနဲ႔ အဖြဲ႔အစည္းေတြက ကူညီခဲ့တာေၾကာင့္ အခုဆုိရင္ သူ႔ရဲ႕ေက်ာင္းေလးဟာ ေက်ာင္းသားေတြအတြက္ ခုံေတြ ၊ စာသင္ပုန္းေတြ ၊ Locker ေတြ အျပင္ စာၾကည့္တုိက္အေသးစားေလး တစ္ခုလည္း ရွိလာၿပီျဖစ္တယ္။ ဒါ့အျပင္ ေက်ာင္းတက္ေက်ာင္းဆင္းခ်ိန္အသိေပးဖုိ႔ ေခါင္းေလာင္းတစ္လုံးကို ထားရွိတဲ့အျပင္ ေက်ာင္းတက္တဲ့ပထမဆုံး အခ်ိန္မွာ အာဂ်င္တီးနားႏုိင္ငံေတာ္သီခ်င္းကို သံၿပဳိင္ဆုိႏုိင္ဖုိ႔ပါ စီစဥ္ထားတယ္။ အားလုံးက Nico ရဲ႕ စိတ္ကူးေတြပါ။

ဒီေက်ာင္းတည္ေထာင္လုိက္တဲ့အတြက္ Nico ဟာ သူ႔ရဲ႕အားလပ္ခ်ိန္ ၊ ေဆာ့ကစားခ်ိန္ အားလုံးကို ဒီေက်ာင္းအတြက္ပဲ အသုံးျပဳရေတာ့တယ္။ သူ႔ေက်ာင္းမွာလာတက္တဲ့ ကေလးေတြကလည္း မျပည့္စုံတဲ့သူေတြျဖစ္ေလေတာ့ သူတုိ႔အဆင္ေျပေစဖုိ႔ အတန္းကို ညအခ်ိန္မွာ ဖြင့္ရတာေတြလည္းရွိခဲ့တယ္။ သူ႔ကိုယ္သူ ေက်ာင္းအုပ္တစ္ေယာက္လုိ႔ ခံယူထားတဲ့ Nico ဟာ သူ႔ရဲ႕ေက်ာင္းကေလး အဆင္ေျပေစဖုိ႔ အၿမဲလုံးပမ္းေနတယ္။

သူက အဖြားရဲ႕အိမ္နဲ႔ စက္ဘီးနဲ့လာရင္ မိနစ္ ၂၀ ေလာက္ၾကာတဲ့ အကြာအေ၀းမွာ ေနတယ္။ မုိးရြာ ၊ ေနပူ ၊ ႏွင္းက် ပါေစ ေန႔စဥ္ေန႔တုိင္း သူ႔အတန္းေက်ာင္းၿပီးတာနဲ႔ ကုိယ္ပုိင္ေက်ာင္းေလးဆီကို စက္ဘီးေလးနဲ႔အတူ မပ်က္မကြက္လာေလ့ရွိတယ္။ သူ႔ရဲ႕ေက်ာင္းမွာ သင္ခန္းစာေတြ အမ်ားႀကီးကို မသင္ေပးႏုိင္ေပမယ့္ အဂၤလိပ္သဒၵါ နဲ႔ သခ်ၤာလုိ အေျခခံသင္ခန္းစာေတြကုိေတာ့ ပုိင္ပုိင္ႏုိင္ႏုိင္ သင္ေပးႏုိင္တယ္။

“ကြ်န္မေတာ့ အံၾသတယ္ ။ သူေက်ာင္းကို တစ္ခါမွ မပ်က္ပဲလာတယ္။ ကေလးတစ္ေယာက္အေနနဲ႔ ဒီလုိလုပ္ႏုိင္တယ္ ဆုိတာ ယုံေတာင္မယုံခ်င္ဘူး” လုိ႔ အဖြားျဖစ္သူ Ramona က အံၾသစြာ ဆုိတယ္။

သူ႔ရဲ႕အေၾကာင္းဟာ အာဂ်င္တီးနား တစ္ႏုိင္ငံလုံးကိုသာမက ဆုိရွယ္နက္၀က္ေပၚက လူေတြကိုပါ တအံတၾသျဖစ္ေစခဲ့တယ္ ဆုိတာကို ဒီ ၁၂ႏွစ္သားေလး သိခ်င္မွသိပါလိမ့္မယ္။ သူသိထားကေတာ့ သူ႔ေက်ာင္းကို ေကာင္းသထက္ေကာင္းေအာင္ ၊ သူ႔ေက်ာင္းသားေတြကို တတ္သထက္တတ္ေအာင္ သင္ေပးႏုိင္ဖုိ႔ ၊ အမ်ားအက်ဳိးကုိ ႏုိင္သေလာက္ထမ္းဖုိ႔ ႀကဳိးစားရမယ္ ဆုိတာပါပဲ။

VIDEO

——————–

ကျောင်းမတက်နိုင်တဲ့သူတွေအတွက် ကိုယ်ပိုင်ကျောင်းထောင်ပေးခဲ့တဲ့ ၁၂နှစ်သား (unicode)

သူ့နာမည်ကတော့ Leonardo Nicanor Quinteros ပါ။ အာဂျင်တီးနားနိုင်ငံ San Juan မြို့ကြီးအနီး Las Piedritas မြို့ငယ်လေးက ၁၂နှစ်အရွယ် အလယ်တန်းကျောင်းသားလေးတစ်ယောက်ဖြစ်ပါတယ်။ သူ့အသက်ဟာ ငယ်ရွယ်ပေမယ့် သူဟာ ကျောင်းမတက်နိုင်တဲ့ ကလေးငယ်တွေနဲ့ လူငယ်တွေအတွက် သူတတ်ထားတဲ့ပညာတွေကို ပြန်လည်မျှဝေဖို့အတွက် ကိုယ်ပိုင်ကျောင်းတည်ထောင်ခဲ့သူလည်းဖြစ်ပါတယ်။

သူဟာ စာသင်ကြားရတာကိုချစ်တယ် ၊ စာတော်တဲ့ကျောင်းသားလေးတစ်ယောက် ဖြစ်ပြီး သူတတ်ထားတာတွေကို အခြားသူတွေကို ပြန်လည်မျှဝေလေ့ရှိသူပါ။ သူကျောင်းတက်နေရပေမယ့် ငယ်ငယ်က သူငယ်ချင်းတွေနဲ့ အခြားကလေးသူငယ်တွေဟာ ကျောင်းတက်ဖို့အခက်အခဲဖြစ်ပြီး အသက်ရှင်သန်ရေးအတွက် လမ်းပေါ်မှာပဲ အချိန်တွေကုန်နေတာကို သူမြင်ခဲ့ရပြီးတဲ့နောက်မှာ သူတစ်စုံတစ်ခု လုပ်ဖို့ ဆုံးဖြတ်ချက်ချခဲ့ပါတယ်။

ပြီးခဲ့တဲ့နှစ်ကတော့ သူဟာ သူ့အဖွား Ramona ကို အကူအညီတစ်ခု တောင်းခဲ့ပါတယ်။ အဲဒါကတော့ အဖွားဖြစ်သူရဲ့ အိမ်ဘေးကနေရာမှာ သူ့ကိုကျောင်းဆောက်ခွင့်ပြုဖို့ပါ။ ပထမတော့ အဖွားဖြစ်သူ အံဩသွားတယ် ။ ပြီးတော့ မယုံသလို ဖြစ်တယ်။ ဒါပေမယ့် မြေးဖြစ်သူရဲ့ဆန္ဒကို ဖြည့်ဆည်းဖို့ ခွင့်ပြုပေးခဲ့တယ်။

အခုအချိန်မှာတော့ အဲဒီ အခမဲ့ကျောင်းလေးဟာ ကျောင်းသား အယောက် ၄ဝခန့် ရှိတဲ့ကျောင်းလေးတစ်ခု ဖြစ်ခဲ့ပြီး။ Nico ကတော့ ဒီကျောင်းရဲ့ ဆရာဖြစ်သလို ကျောင်းအုပ်လည်း ဖြစ်တယ်။ အယောက် ၄၀ ဆိုတာ သိပ်မများပေမယ့် ၁၂နှစ်သား တစ်ယောက်ရဲ့ စွမ်းဆောင်မှုကြောင့် အဲဒီကလေးတွေရဲ့ဘဝဟာ အပြောင်းလဲကြီးပြောင်းလဲခဲ့ရပါတယ်။

Nico ရဲ့ကျောင်းဟာ သာမန်တဲသာသာ အခန်းလေးတစ်ခန်းသာ ဖြစ်ပေမယ့် သူ့ရဲ့ပတ်ဝန်းကျင်ကိုတော့ အလွန်အကျိုးပြုတဲ့နေရာလေးဖြစ်တယ်။ သူ့ရဲ့ကျောင်းကို တစ်နေ့ထက်တစ်နေ့ ပိုကောင်းလာဖို့ Nico ကြိုးစားနေတယ်။ အစပိုင်းမှာ တစ်ယောက်တည်းက အခက်အခဲဖြစ်ခဲ့ပေမယ့် သူ့ရဲ့စွမ်းဆောင်မှုကို ကြားသွားတဲ့ ပတ်ဝန်းကျင်က လူတွေနဲ့ အဖွဲ့အစည်းတွေက ကူညီခဲ့တာကြောင့် အခုဆိုရင် သူ့ရဲ့ကျောင်းလေးဟာ ကျောင်းသားတွေအတွက် ခုံတွေ ၊ စာသင်ပုန်းတွေ ၊ Locker တွေ အပြင် စာကြည့်တိုက်အသေးစားလေး တစ်ခုလည်း ရှိလာပြီဖြစ်တယ်။ ဒါ့အပြင် ကျောင်းတက်ကျောင်းဆင်းချိန်အသိပေးဖို့ ခေါင်းလောင်းတစ်လုံးကို ထားရှိတဲ့အပြင် ကျောင်းတက်တဲ့ပထမဆုံး အချိန်မှာ အာဂျင်တီးနားနိုင်ငံတော်သီချင်းကို သံပြိုင်ဆိုနိုင်ဖို့ပါ စီစဉ်ထားတယ်။ အားလုံးက Nico ရဲ့ စိတ်ကူးတွေပါ။

ဒီကျောင်းတည်ထောင်လိုက်တဲ့အတွက် Nico ဟာ သူ့ရဲ့အားလပ်ချိန် ၊ ဆော့ကစားချိန် အားလုံးကို ဒီကျောင်းအတွက်ပဲ အသုံးပြုရတော့တယ်။ သူ့ကျောင်းမှာလာတက်တဲ့ ကလေးတွေကလည်း မပြည့်စုံတဲ့သူတွေဖြစ်လေတော့ သူတို့အဆင်ပြေစေဖို့ အတန်းကို ညအချိန်မှာ ဖွင့်ရတာတွေလည်းရှိခဲ့တယ်။ သူ့ကိုယ်သူ ကျောင်းအုပ်တစ်ယောက်လို့ ခံယူထားတဲ့ Nico ဟာ သူ့ရဲ့ကျောင်းကလေး အဆင်ပြေစေဖို့ အမြဲလုံးပမ်းနေတယ်။

သူက အဖွားရဲ့အိမ်နဲ့ စက်ဘီးနဲ့လာရင် မိနစ် ၂၀ လောက်ကြာတဲ့ အကွာအဝေးမှာ နေတယ်။ မိုးရွာ ၊ နေပူ ၊ နှင်းကျ ပါစေ နေ့စဉ်နေ့တိုင်း သူ့အတန်းကျောင်းပြီးတာနဲ့ ကိုယ်ပိုင်ကျောင်းလေးဆီကို စက်ဘီးလေးနဲ့အတူ မပျက်မကွက်လာလေ့ရှိတယ်။ သူ့ရဲ့ကျောင်းမှာ သင်ခန်းစာတွေ အများကြီးကို မသင်ပေးနိုင်ပေမယ့် အင်္ဂလိပ်သဒ္ဒါ နဲ့ သင်္ချာလို အခြေခံသင်ခန်းစာတွေကိုတော့ ပိုင်ပိုင်နိုင်နိုင် သင်ပေးနိုင်တယ်။

“ကျွန်မတော့ အံဩတယ် ။ သူကျောင်းကို တစ်ခါမှ မပျက်ပဲလာတယ်။ ကလေးတစ်ယောက်အနေနဲ့ ဒီလိုလုပ်နိုင်တယ် ဆိုတာ ယုံတောင်မယုံချင်ဘူး” လို့ အဖွားဖြစ်သူ Ramona က အံဩစွာ ဆိုတယ်။

သူ့ရဲ့အကြောင်းဟာ အာဂျင်တီးနား တစ်နိုင်ငံလုံးကိုသာမက ဆိုရှယ်နက်ဝက်ပေါ်က လူတွေကိုပါ တအံတဩဖြစ်စေခဲ့တယ် ဆိုတာကို ဒီ ၁၂နှစ်သားလေး သိချင်မှသိပါလိမ့်မယ်။ သူ့ကျောင်းကို ကောင်းသထက်ကောင်းအောင် ၊ သူ့ကျောင်းသားတွေကို တတ်သထက်တတ်အောင် သင်ပေးနိုင်ဖို့ ၊ အများအကျိုးကို နိုင်သလောက်ထမ်းဖို့ ကြိုးစားရမယ် ဆိုတာပဲ သူသိထားပါတယ်။

 

Leave a Reply