အော်တိုမင်အင်ပါယာ အကြောင်း သိကောင်းစရာ

Posted on

ရေးသားသူ – Academy Page

အော်တိုမင်အင်ပါယာသည် အရှေ့ အလယ်ပိုင်း နှင့်မြေထဲပင်လယ်ဒေသ တွင် အေဒီ ၁၃ -ရာစု နှောင်းပိုင်းမှ စတင်ခဲ့ပြီး အေဒီ ၂၀ -ရာစုအစ ၊ ပထမကမ္ဘာစစ် ပြီးချိန်တွင် အစိတ်စိတ် အမွှာမွှာပြိုကွဲသွားခဲ့သည် ။ အော်တိုမင်ခေတ်တွင်ဆူလတန်ဘုရင်များစွာရှိခဲ့သည် ။

အင်ပါယာ၏အမြင့်ဆုံးအချိန်မှာ အေဒီ ၁၅၀၀ -နှစ်လယ်ပိုင်းအချိန် ဆူလတန်ဘုရင် Süleyman I လက်ထက် အချိန်က ဖြစ်သည် ။ ထိုအချိန်က အင်ပါယာသည် ပင်လယ်နက် ၊ ပင်လယ်နီ နှင့် မြေထဲပင်လယ် ပတ်ဝန်းကျင်၊ အရှေ့ အလယ်ပိုင်းဒေသ ၊ အာဖရိကမြောက်ဖက်ဒေသများ အထိကျယ်ပြန့် ခဲ့သည်။

Süleyman I သေဆုံးပြီးချိန်မှစ၍ အင်ပါယာသည် တဖြည်းဖြည်း ကျဆင်းလာကာ ၁၉၀၀ -နှစ်စပိုင်း အချိန်အရောက်တွင် ယနေ့ ဘော်လကန်ဒေသ ၊ တူရကီဒေသ နှင့် အရှေ့ အလယ်ပိုင်းဒေသ တချို့ သည်သာ ကျန်ရှိတော့သည် ။ ပထမကမ္ဘာစစ်( ၁၉၁၄ – ၁၉၁၈ ) ဖြစ်ချိန်တွင် အော်တိုမင်များသည်ဂျာမနီများ ဖက်မှ ၀င်ရောက် တိုက်ခိုက်ခဲ့သည် ။ ဂျာမန်များစစ်ရှုံးပြီးနောက် အော်တိုမင်အင်ပါယာကို ဗြိတိသျှ နှင့် ပြင်သစ်တို့ မှခွဲဝေ ယူခဲ့ကြကာ အော်တိုမင်အင်ပါယာကျရှုံး ပျောက်ကွယ်ခဲ့ရသည် ။

သမိုင်း

အရှေ့ အလယ်ပိုင်းဒေသတွင် ရှေးခေတ်အချိန်ကရာစုနှစ်ပေါင်းများစွာတိုင် သူ့ ဘုရင်နှင့်သူ့ ဒေသတည်ရှိခဲ့သည် ။ ဘီစီ ၃၀ -အချိန် တွင်ရောမများသည်အရှေ့ အလယ်ပိုင်းဒေသကိုသိမ်းယူပြီးနောက် ဤဒေသသည် ခရစ်ယာန်များ၏အဓိက ဒေသဖြစ်လာခဲ့သည် ။ အေဒီ ၅၇၀- တွင်မိုဟာမက်မွေးဖွားလာပြီးနောက် အေဒီ – ၆၀၀ ခန့် မှစ၍အစ္စလန်ဘာသာပြန့် နှံ့ လာကာ အာရပ်မူဆလင်များတဖြည်းဖြည်းများပြားလာခဲ့သည် ။

စတုတ္ထခရူးဆစ်စစ်ပွဲဖြစ်ပွားပြီးနောက် အေဒီ ၁၂၀၄- ခန့် တွင် အာရပ်မူဆလင်များ၏ နယ်မြေသည် Byzantine အင်ပါယာ ( အရှေ့ ရောမအင်ပါယာ ) ၏ မြို့ တော် ကွန်စတန်တီနိုပယ် ( ယ္ခုတူရကီနိုင်ငံ İstanbul ) အနီးဒေသ အထိကျယ်ပြန့် လာခဲ့သည် ။ Constantinople မြို့ သည် ဥရောပဖက်တွင်တည်ရှိသည့်မြို့ ဖြစ်ပြီး အာရှဒေသ ရှိ တူရကီဒေသနှင့် ရေလက်ကြားသာခြားနားသည့် ဒေသဖြစ်သည် ။ သို့ သော်လည်း ရိုမန်များသည် ဥရောပဒေသမှ ဘော်လကန်ဒေသ ထိန်းချုပ်ရေးကိုသာ အဓိက ထားခဲ့ပြီး အာရှဒေသ မှ တူရကီ ဒေသအား ကာကွယ်ရန် လျှစ်လျှူရှုခဲ့ကြသည် ။

အင်ပါယာစတင်ခြင်း

သမိုင်းမှတ်တမ်းများအရ အော်တိုမင်အင်ပါယာကို မူဆလင်စစ်သူကြီး Osman မှစတင်ခဲ့သည်ဟု ဆိုသည် ။ Osman သည်အေဒီ ၁၂၉၉ – ခုနှစ်တွင် Byzantine အင်ပါယာဒေသများကို တိုက်ခိုက်ရန် အဖွဲ့ တခုဖွဲ့ စည်းခဲ့သည် ။Osman ၏ နောက်လိုက်များတွင် တာကီများ ၊ မူဆလင်များ နှင့် မွန်ဂိုများ ပါဝင်ခဲ့ပြီး သူ၏နောက်လိုက်များကို Osmanlılar ဟုခေါ်သည် ။ နောက်ပိုင်းသူ၏အဖွဲ့ သည်လည်း Ottomans ဖြစ်လာခဲ့သည် ။

အင်ပါယာကြီးထွားလာခြင်း

Osman လက်ထက်တွင် အော်တိုမင်တို့ သည် အာရှတိုက်ရှိ တူရကီ ဒေသအများအပြားကို ထိန်းချုပ် နိုင်လာခဲ့ကြသည် ။ ၁၃၂၆ – ခုနှစ် Osman သေဆုံးပြီးနောက် သူ၏သား Orhan မှ သူ့ အရိပ်အရာကို ဆက်ခံခဲ့သည် ။ Orhan လက်ထက်တွင် Bursa မြို့ ကို သိမ်းယူပြီး အော်တိုမင်တို့ ၏ မြို့ တော်အဖြစ်ထူထောင်ကာ အနီးပါတ်ဝန်းကျင်ဒေသများကို သိမ်းယူခဲ့သည် ။

အော်တိုမင်တို့ ၏ရည်ရွယ်ချက်မှာ Byzantine အင်ပါယာ၏မြို့ တော် Constantinople မြို့ ကို သိမ်းယူရေးဖြစ်သည် ။ သို့ သော်လည်း အော်တိုမင်တို့ တွင် Marmara ပင်လယ်ကိုဖြတ်ကျော်ကာ Constantinople ကို တိုက်ရိုက် သိမ်းယူရန် အင်အား အလုံအလောက် မရှိပေ ။

ဥရောပဒေသ ကို အောင်နိုင်ခြင်း

၁၃၅၄ – ခုနှစ်တွင် အော်တိုမင်များသည် ဥရောပကိုချဲ့ ထွင်ရန် Dardanelles ရေလက်ကြားကို ဖြတ်ကျော်ကာ ပထမဆုံး Gallipoli မြို့ ကိုသိမ်းယူခဲ့သည် ။ ထို့ နောက် ၁၃၆၁ – ခုနှစ်တွင် Edirne မြို့ ကို သိမ်းယူခဲ့သည် ။ ၁၃၆၂ – ခုနှစ်တွင် Orhan သေဆုံးခဲ့ပြီးနောက် Murad I အော်တိုမင်အင်ပါယာ၏ ဘုရင်ဖြစ်လာခဲ့သည် ။ သူ့ လက်ထက်တွင် ဘော်လကန် ကျွန်းဆွယ်ဒေသ များကိုသိမ်းယူခဲ့သည် ။ Edirne မြို့ ကို အော်တိုမင်အင်ပါယာ၏ ဒုတိယမြို့ တော်အဖြစ် တည်ဆောက်ခဲ့သည် ။

အာရပ်မူဆလင်အော်တိုမင်တို့ သည် ခရစ်ယာန်တို့ ၏ရောမဒေသကိုသိမ်းယူပြီး ရောမ နှင့် အင်္ဂလိပ်ဘာသာစကားအား သူတို့ ၏ အာရပ်ဘာသာစကားများ အစားထိုးခြင်း ၊ ခရစ်ယာန်ဝါဒ နေရာတွင် မူဆလင်ဝါဒ အစားထိုးခြင်းများကို ပြုလုပ်ခဲ့ကြသည်။ ထိုအချိန်မှစ၍မူဆလင်အယူဝါဒသည် ဤဒေသတွင်ပျံနှံ့ ခဲ့သည် ။ ၁၃၈၉ – ခုနှစ်တွင် Murad သေဆုံးပြီးနောက် သူ့ အရိပ်အရာအား သူ့ သား Bayazid I မှ ဆက်ခံခဲ့သည် ။ ထိုအချိန်တွင် ဘူဂေးရီးယား ၊ ဆာဗီးယား ရှိ ကိုဆိုဗိုဒေသများ သည် အော်တိုမင်ဒေသ များ ဖြစ်နေပြီဖြစ်သည် ။

၁၄၀၂ – ခုနှစ်တွင် Bayazid I လုပ်ကြံခံရပြီးနောက် သူ့ သားများ ထီးနန်းလုနေခဲ့ကြသည် ။ နောက်ဆုံး ၁၄၁၃ – ခုနှစ်တွင် Bayazid I ၏ သား Muhammad I မှ အင်အားပြန်လည် ပေါင်းစည်းကာ အော်တိုမင်အင်ပါယာ၏ ဘုရင်ဖြစ်လာခဲ့သည် ။ ၁၃၄၂ – အချိန်တွင် Muhammad I သေဆုံးပြီးနောက် သူ၏သား Murad II ဘုရင်ဖြစ်လာခဲ့သည် ။ သူ့ လက်ထက်တွင် ဟန်ဂေရီ ၊ ဆာဗီးယားဒေသ မှ ဘုရင်များ နှင့်ငြိမ်းချမ်းရေးရယူကာ ဥရောပ တွင်အင်အားကြီးထွားလာခဲ့သည် ။

၁၄၅၁ – အချိန်တွင် Murad II ၏ သား Muhammad II ဘုရင်ဖြစ်လာခဲ့သည် ။ ၁၄၅၃ – ခုနှစ်တွင် Muhammad II မှ Byzantine အင်ပါယာ မြို့ တော် Constantinople မြို့ ကိုသိမ်းယူလိုက်သည် ။ ထိုအချိန်မှစ၍ ရိုမန်လူမျိုးများ၏ အင်ပါယာ ကျရှုံးပျောက်ကွယ်ခဲ့ရသည် ။

အာရှဒေသ

၁၄၈၁ – ခုနှစ်တွင် Muhammad II သေဆုံးပြီးနောက် သူ့ သား Bayazid II မှ ဘုရင်ဖြစ်လာခဲ့သည် ။ သူ့ လက်ထက်မှစ၍ အော်တိုမင်များအတွက်ပြသနာ နှစ်ခု ပေါ်ပေါက်လာခဲ့သည် ။

ပထမအချက်မှာ- ပေါ်တူဂီလူမျိုး ဗာစကိုဒဂါးမား သည် ဥရောပ မှ အိန္ဒိယ ဒေသ သို့ သွားသည့် ရေလမ်းကြောင်းကို တွေ့ ရှိခဲ့သဖြင့် အာရေဗီယံဒေသ နှင့် အိန္ဒိယ ဒေသ ကို ဆက်သွယ် ထားသည့် ရေလမ်းကြောင်း ပြတ်တောက်သွားခဲ့သည် ။

ဒုတိယ အချက်မှာ – ၁၅၀၀ – ခုနှစ်တွင် အီရန်ဒေသ၌ Safavid dynasty ကြီးထွားလာခဲ့ ပြီး အော်တိုမင်အင်ပါယာ အရှေ့ ဖက်ဒေသ တွင် Safavid အင်ပါယာကို ထူထောင်ကာ ခွဲထွက်သွား ခဲ့သည် ။ အော်တိုမင်အင်ပါယာဒေသ ရှိ မူဆလင်အယူဝါဒမှ ဆူနီမူဆလင် အယူဝါဒဖြစ်ပြီး Safavid အင်ပါယာဒေသ ဒေသရှိ မူဆလင်များမှာ ရှီယိုက် မူဆလင် အယူဝါဒကို ကိုးကွယ်ကြသည် ။

၁၅၁၂ – ခုနှစ်အချိန် Selim I အော်တိုမင်အင်ပါယာ ဘုရင်ဖြစ်လာသောအခါ Safavid အင်ပါယာ အား စစ်ကြေငြာခဲ့သည် ။ ထိုစစ်ပွဲကို အစ္စလမ်သမိုင်းတွင် holy war ဟုခေါ်သည်။ ၁၅၁၄ – ခုနှစ်တွင်စစ်အောင်နိုင်ပြီး နောက်
ပါလက်စတိုင်းဒေသမှ အစ္စလမ်တို့ ၏ အထွဋ်အမြတ်ထားရာမြို့ များဖြစ်သည့် မက္ကာမြို့  ၊ Medina မြို့ များကိုဆက်လက်သိမ်းယူခဲ့သည် ။

၁၅၂၀ – အချိန်တွင် Selim I သေဆုံးပြီးနောက် သူ၏သား Süleyman I ဘုရင်ဖြစ်လာခဲ့သည် ။ သူ့ လက်ထက်တွင်ဥရောပမှ ဟန်ဂေရီဒေသ ၊ မြေထဲပင်လယ်ကမ်းခြေဒေသများကို အောင်နိုင်ခဲ့သည် ။ အော်တိုမင်ဘုရင် Süleyman I သည် ကမ္ဘာပေါ်တွင်ဧရိယာ အကျယ်ဆုံး သိမ်းယူနိုင်ခဲ့သည့် မူဆလင်ဘုရင်ဖြစ်သည် ။ ထိုအချိန်က အင်ပါယာသည် ပင်လယ်နက် ၊ ပင်လယ်နီ ၊ မြေထဲပင်လယ် ပတ်ဝန်းကျင်၊ အရှေ့ အလယ်ပိုင်းဒေသ ၊
အာဖရိကမြောက်ဖက်ဒေသ များ အထိ ကျယ်ပြန့် ခဲ့သည်။ ၁၅၆၆ – ခုနှစ်တွင် Süleyman I သေဆုံးပြီးနောက် အော်တိုမင်အင်ပါယာ တဖြည်းဖြည်းကျရှုံး လာခဲ့သည် ။

အင်ပါယာ ကျရှုံးလာခြင်း

၁၅၇၀ – အချိန်တွင် ဥရောပ အလယ်ပိုင်း မှ Habsburg dynasty မင်းဆက်များကို စစ်ရှုံးကာ နယ်မြေများဆုံးရှုံး လာခဲ့သည် ။ ဥရောပဒေသ တွင် မြေထဲပင်လယ်ဒေသ သည်သာ အော်တိုမင် နယ်မြေအဖြစ် ကျန်ရှိတော့သည် ။တဖန်ဥရောပ အရှေ့ ဖက်ဒေသ များကို ပြန်လည်ထိန်းချုပ်ရန် ကြိုးစားခဲ့သော်လည်း ရုရှား ဇာဘုရင်တပ်များ နှင့် ရင်ဆိုင်လာရသည် ။ ထို့ အတူ အီရန်ဒေသ မှ ပါရှန်လူမျိုးများမှလည်း သူတို့ ၏ နယ်မြေများကို ပြန်လည်ရယူရန်
ကြိုးစား လာခဲ့သည် ။ အေဒီ ၁၆၄၀ – အချိန် ဆူလတန် ဘုရင် Murad IV သေဆုံးပြီးနောက် အော်တိုမင်အင်ပါယာ တွင်း ပြသနာများစွာ ဖြစ်ပေါ်ကာ အင်အားကျဆင်းခဲ့သည် ။

အေဒီ ၁၆၆၁ – အချိန် ဆူလတန်ဘုရင် Köprülü Fazıl Ahmed လက်ထက်တွင် အော်တိုမင်များ ပြန်လည် အင်အားကြီးထွားလာပြီး ၁၆၇၀ -အချိန်တွင် ယူကရိန်းဒေသ ကိုသိမ်းယူနိုင်ခဲ့ကာ ဥရောပ တွင်တဖန် အင်အားကြီးထွားလာပြန်သည် ။ အေဒီ ၁၆၈၃ – အချိန်တွင် ယနေ့ ဆာဗီးယားဒေသ တွင် အော်တိုမင် စစ်သူကြီး Kara Mustafa Pasha စစ်ရှုံးနိမ့်ပြီးနောက် အော်တိုမင်များ ဘော်လကန်ဒေသ ကို လက်လွှတ်ခဲ့ရသည် ။

အော်တိုမင် လူ့အဖွဲ့ အစည်း

အော်တိုမင်နယ်မြေများတွင် ဖွဲ့ စည်းပုံဥပဒေများစွာရှိသည် ။ အော်တိုမင် ဖွဲ့ စည်းပုံများသည် အစောပိုင်းမူဆလင် အယူဝါဒဥပဒေများ နှင့် တာကီ လူမျိုးများ၏ ရိုးရာအစဉ်အလာ ၊ အတွေးအခေါ်များပေါင်းစပ်ထားခြင်းဖြစ်သည် ။ အော်တိုမင်အင်ပါယာ ကျဆင်းလာသည်နှင့်အမျှ ထိုဥပဒေများမှာလဲ ပြောင်းလဲလာခဲ့သည် ။

အစောပိုင်းအချိန်က အော်တိုမင် ဘုရင်များကို ဘုရင့်မိသားစုမှ ဆင်းသက်လာသူကိုသာ ရွေးချယ်ခဲ့ သည် ။ သို့ သော်လည်း နောက်ပိုင်း အစ္စလမ် ထုံးတမ်းစဉ်လာအရ ခေါင်းဆောင်ကိုရွေးချယ်သည့် ပုံစံကို ကျင့်သုံး လာခဲ့ကြသည် ။ အော်တိုမင် အင်ပါယာဒေသ တွင် နေထိုင်သူအများစုမှာ မူဆလင်များ ဖြစ်ကြသည် ။ တချို့ အော်တိုမင်ဘုရင်များ သည် ဂျူးများ ၊ ခရစ်ယာန်များ ၏ ဘုရားကျောင်း တည်ထောင်မှုများကိုလည်း အသိအမှတ် ပြုပေးခဲ့သည် ။ အော်တိုမင် ဘာသာစကားများမှာလည်း တီကီဘာသာစကား ၊ ပါရှန်ဘာသာစကား နှင့် အာရပ်ဘာသာ စကားများ ရောနှောနေသည် ။

ကျရှုံးခြင်းမှ ပျောက်ကွယ်ခြင်းသို့ 

၁၇၀၀ – ခုနှစ် နောက်ပိုင်းအချိန်မှစ၍ အော်တိုမင်အင်ပါယာ အတွင်း ပြသနာများစွာ ပေါ်လာခဲ့သည် ။ ဒေသခံ ခေါင်းဆောင်များ၏ အကျင့်ပျက်ခြစားမှု နှင့် အတူ အခွန်အကောက်များလျော့နည်းလာခဲ့သည် ။ အစိုးရ အနေဖြင့်နယ်မြေများထိန်းချုပ်ရ ခက်လာခဲ့သည် ။ ၁၇၁၁ – အချိန်တွင် ရုရှားဇာဘုရင်စစ်တပ်များကို ရှုံးနိမ့်ပြီး ပင်လယ်နက် ဒေသ တွင်အော်တိုမင်တို့ ၏ သြဇာပါဝါကျရှုံးခဲ့ရသည် ။ ၁၇၃၉ – အချိန်တွင် သြစတြေလျ နှင့် ဟန်ဂေရီ နယ်မြေများ ၊ ၁၇၇၄ – အချိန်တွင် ရိုမေးနီးယား နယ်မြေများ ကိုဆုံးရှုံးခဲ့ပြန်သည် ။

၁၇၉၈ – အချိန်တွင် ပြင်သစ်စစ်သူကြီး နပိုလီယန်မှ အီဂျစ်ကိုသိမ်းယူခဲ့ပြန်ရာ အော်တိုမင်တို့ ၏ အင်ပါယာသည် ရန်သူများဝိုင်းရံလာခဲ့သည် ။ ထိုအချိန်အတွင်းမှာပင်ဗြိတိသျှ တို့ မှ ပြင်သစ်များကိုစစ်အောင်နိုင်ကာ မြေထဲပင်လယ်ဒေသ ကိုထိန်းချုပ်လာခဲ့သည် ။ ၁၈၃၀ – အချိန်တွင် ဘော်လကန်ဒေသ ၊ ဂရိ ဒေသများ သည် ဗြိတိသျှ အကူအညီဖြင့် ကိုယ်ပိုင် အုပ်ချုပ်ခွင့် ရလာခဲ့သည် ။ Muhammad Ali ခေါင်းဆောင်သည့် အာရပ်မူဆလင်များမှလည်း အီဂျစ်ဒေသ နှင့် အတူ အော်တိုမင် အပိုင် ဆီးရီးယားဒေသများကို သိမ်းယူသွားခဲ့သည် ။

နောက်ပိုင်း အော်တိုမင်များသည် နိုင်ငံခြားရေးလမ်းစဉ်ပြောင်းလဲကာာ ဗြိတိသျှ တို့ နှင့်ပူးပေါင်းပြီး ဆုံးရှုံးသွားသည့် နယ်မြေကိုပြန်လည်ရရှိရန် ရုရှားကို တိုက်ခိုက်သည် ။ Crimean War ( ၁၈၅၃ – ၁၈၅၆ ) စစ်ပွဲ တွင်ေ အ်ာတိုမင်တို့ အောင်နိုင်ခဲ့သော်လည်း ၁၈၇၇ – အချိန်တွင် ရုရှားတို့ မှပြန်လည် မောင်းထုတ်ခဲ့ကြသည် ။ ဥရောပတွင်ဂျာမန်များအင်အားကြီးထွား လာသည့်အခါ အော်တိုမင်များသည် ဂျာမန်များ နှင့် ပူးပေါင်းပြန်သည် ။ ပထမကမ္ဘာစစ်သည် အော်တိုမင်တို့ ၏ ကပ်ဘေးဖြစ်သည် ။

အော်တိုမင်များသည် ဂျာမန်တို့ နှင့်ပူးပေါင်းပြီး ပထမကမ္ဘာစစ်ပွဲကိုဆင်နွဲခဲ့ကြသည် ။ သို့ သော်လည်း ဂျာမန်များစစ်ရှုံးမှု နှင့်အတူ အော်တိုမင်အင်ပါယာ၏မြို့ တော် Constantinople အား ဗြိတိသျှ နှင့်မဟာမိတ်တပ်များမှ သိမ်းယူခဲ့သည် ။ ပထမကမ္ဘာစစ်ပြီးဆုံးမှု နှင့်အတူ အော်တိုမင်အင်ပါယာလဲကျဆုံးခဲ့ရသည် ။

နိုင်ငံသစ်

၁၉၂၂ – ခုနှစ်တွင်ယနေ့ တူရကီဒေသ၌ Mustafa Kemal ခေါင်းဆောင်သည့် အော်တိုမင်များ နှင့် အမျိုးသားရေး လှုပ်ရှားမှုတပ်များမှ အင်္ဂလိပ်တပ်များကိုမောင်းထုတ်နိုင်ခဲ့ကြသည် ။ ၁၉၂၃ – ခုနှစ်တွင် Republic of Turkey နိုင်ငံကို ထူထောင် ခဲ့ကြသည် ။ေ နာက်ဆုံး ၁၃၀၀ အချိန်မှသည် ၁၉၂၂ – ခုနှစ်အချိန်ထိ တည်ရှိသည့် အော်တိုမင် အင်ပါယာ နေရာတွင် တူရကီနိုင်ငံဖြစ်လာခဲ့သည် ။

Academy Page

Leave a Reply