အလယ်ခေတ် ကမ္ဘာကိုပြောင်းလဲစေခဲ့သော တီထွင်မှုကြီး ၁၈ ခု

Posted on

အလယ်ခေတ်ဆိုတာ ကမ္ဘာ့ သမိုင်းတွင်ပါဝင်တဲ့ အချိန်ကာလတစ်ခုဖြစ်ပါတယ်။ အနောက် ရောမအင်ပါယာ ကျဆုံးချိန် အေဒီ ၄၇၆ ခုနှစ်ခန့်တွင် စတင်ခဲ့ပြီး ခရစ်စတိုဖာ ကိုလံဘတ် ကမ္ဘာသစ်ကို ရှာဖွေတွေ့ရှိခဲ့သည့် ၁၄၉၂ ခန့် အထိကို အလယ်ခေတ်လို့ သတ်မှတ်ပါတယ်။ အလယ်ခေတ်လို့ခေါ်ရခြင်းအကြောင်းကတော့  ရောမ နန်းစဉ် ပျက်သုဉ်းခြင်းနှင့် ခေတ်သစ်ဥရောပ အစောပိုင်းကာလများ စတင်ခြင်းတို့ရဲ့ အလယ်တွင် ရှိသောကြောင့် ဖြစ်ပါတယ်။ အနောက် ရောမအင်ပါယာမှ ကျန်ရှိသော ဒေသများသည် အင်္ဂလန်၊ ပြင်သစ်၊ ဂျာမနီ၊ ဟန်ဂေရီ၊ စပိန်၊ ပေါ်တူဂီ၊ ပိုလန် နှင့် ရုရှား အစရှိသည့် လွတ်လပ်သော နိုင်ငံများအဖြစ် တဖြည်းဖြည်းချင်း ပေါ်ပေါက်လာခဲ့ပါတယ်။

အနောက်ရာမအင်ပါယာ ပျက်သုဉ်းပြီးချိန်ဖြစ်တဲ့ အေဒီ(၅)ရာစုကာလတွေမှာတော့ လူသားတွေရဲ့ တီထွင်ဖန်တီးမှုစွမ်းပကားတွေဟာ အလွန်မြင့်မားလာခဲ့ပါတယ်။ ယင်းကာလနောက်ပိုင်း အလယ်ခေတ်ရောက်တဲ့အချိန်လောက်ထိ လူသားတွေရဲ့ တီထွင်ကြံဆမှုတွေဟာ အဆင့်ဆင့်တိုးတက်လာခဲ့တာကိုတွေ့ရပါတယ်။

ဒီလို လူသား တွေရဲ့အပြိုင်အဆိုင်တီထွင်မှုတွေကပဲ များစွာသောစစ်ပွဲတွေ၊ငတ်မွတ်ဘေးတွေ၊ ရောဂါ ဘယကျရောက်မှုတွေကို အကောင်းဆုံးကျော်ဖြတ်နိုင်ခဲ့ပြီး လူသားတွေရဲ့ အခန်းကဏ္ဍ ဟာ ကမ္ဘာပေါ်မှာ ပိုမိုထင်ရှားလာခဲ့ပါတယ်။ ယင်းကာလကတီထွင်ဖန်တီးသူတွေရဲ့ အခြေအနေဟာအလွန်ပင်ပန်းဆင်းရဲခဲ့ပေမဲ့ အခက်အခဲအကြားကနေပဲ သူတို့ရဲ့ဖန်တီး မှုတွေဟာ ရှေဆက်နိုင်ခဲ့ပါတယ်။

ဒီနေရာမှာမျှဝေပေးချင်တာကတော့ အလယ်ခေတ် ကာလက စတင်တီထွင်ခဲ့ပြီးယနေ့အချိန်ထိ လူသားတွေအတွက်အသုံးဝင်ဆဲဖြစ်ခဲ့တဲ့ တီထွင်မှု (၁၈)မျိုးရဲ့အကြောင်းပဲဖြစ်ပါတယ်။

(၁) ပုံနှိပ်စက်

အလယ်ခေတ်တစ်လျောက်တီထွင်မှုတွေမှာတော့ စာပုံနှိပ်စက်ဟာ အရေးပါဆုံး တီထွင်မှုဖြစ်ခဲ့ပါတယ်။ ယင်းကာလက အစိုးရဌာနတွေနဲ့ ဘာသာရေးကျောင်း တွေအတွက် ဖြန့်ဝေစာတွေဟာ မရှိမဖြစ်လိုအပ်တဲ့အရာတွေဖြစ်လာတဲ့အတွက် စာကူး စက်တွေကို ဥရောပတစ်လွှားအပြိုင်အဆိုင် ဆန်းသစ်လာခဲ့ပါတယ်။ ဒါအပြင် ရှေးဂရိ စာပေနဲ့အတွေးအခေါ်ပညာရပ်တွေ ပြန်လည်ထုတ်ဖော်ခဲ့တဲ့(၁၄)ရာစုကနေ(၁၆)ရာစု ကာလတွေအတွင်းမှာ လူသားတွေရဲ့ပညာရပ်ဆိုင်ရာတော်လှန်ရေးတွေ အများအပြား ပေါ်ပေါက်လာခဲ့တာကြောင့် စာအုပ်၊ စာပေတွေရဲ့ကဏ္ဍဟာအလွန်ကြီးထွားလာခဲ့ပါ တယ်။

ပုံနှိပ်စက်တွေကို(၃)ရာစုလောက်ကတည်းက တရုတ်နိုင်ငံအတွင်းမှာ တီထွင်ခဲ့ပါတယ်။ အဲဒီတီထွင်မှုကိုအခြေခံပြီး (၁၅) ရာစုမှာ နာမည်ကျော်တီထွင်သူ Johannes Guttenberg က ဥရောပမှာ စတင်မိတ်ဆက်ပေးခဲ့ပါတယ်။ ရှေးလူတွေတီထွင်ခဲ့တဲ့ ပုံနှိပ်စက်တွေနဲ့ ဂူတင်ဘတ်တီထွင်တဲ့ ပုံနှိပ်စက်ရဲ့ ကွာခြားချက်ကတော့ အုပ်ရေများများကို အရည်အသွေးကောင်းကောင်းနဲ့ မြန်မြန်ပုံနှိပ်နိုင်လာခဲ့တာပါ။ ယနေ့ခေတ်စာပုံနှိပ်စက်တွေ ဟာ Guttenbergရဲ့ဖန်တီးမှုကို အခြေခံပြီးတည်ဆောက်လာခဲ့ကြတာဖြစ်ပါတယ်။

(၂) ကော်ဖီဆိုင်ယဉ်ကျေးမှု

ဥရောပမှာတော့ အိမ်ကိုလာတဲ့ဧည်သည်တွေကို ကော်မဖီနဲ့ဧည့်ဝတ်ပြုကြတဲ့ ဓလေ့ဟာ အလယ်ခေတ်ကာလကပင်စတင်ခဲ့ပါတယ်။ အော်တိုမန်အင်ပါယာ ထွန်းတောက်စဉ် ကာလကတည်းက ကော်ဖီနဲ့ဧည့်ခံတဲ့ဓလေ့ဟာ အခိုင်အမာရှိခဲ့တာလို့ လည်းသိရပါတယ်။ မကြာခင်မှာပဲ ကော်ဖီဆိုင်များစွာဟာ အစီအရီပေါ်လာခဲ့ပါတော့တယ်။ ဒါကြောင့် ယနေ့ လဖက်ရည်ဆိုင် ကောက်ဖီဆိုင်တွေရဲ့ သမိုင်းဟာအလယ်ခေတ်ကာလ ကနေစတင်ခဲ့တာလို့ ဆိုရပါမယ်။

(၃) ကြီးမားတဲ့ထယ်များ

(၆)ရာစုလောက်မှာတော့ လယ်ယာစိုက်ပျိုးရေးလုပ်ငန်းအတွင်းမှာ ကြီးမားတဲ့ ထယ်ကြီး တွေကိုအသုံးပြုပြီး ချဲ့ထွင်စိုက်ပျိုးလာနိုင်ခဲ့ပါတယ်။ ယခင်ကတော့အလွန်သေးငယ် တဲ့ ပုံစံရှိတဲ့ထယ်တွေကိုအသုံးပြုတာကြောင့် စိုက်ပျိုးမြေတွေကို လိုအပ်သလိုထွန်ယက် နိုင်ဖို့အကန့်အသတ်ရှိနေခဲ့တာဖြစ်ပါတယ်။ နောက်ပိုင်းမှာ ဘီးတွေကိုပါ အလွန်ကြီးမားတဲ့သဏ္ဍာန်ဖြစ်အောင် ဖန်တီးဖို့အားထုတ်ခဲ့ကြပေမဲ့ အလွယ်တကူအသုံးမပြုနိုင်တာ ကြောင့် သတ္ထုထယ်တွေနဲ့ ဘီးတွေကိုပဲ အစားထိုးသုံးစွဲလာခဲ့ကြပါတယ်။

လူဦးရေပေါက်ဖွားမှု များပြားလာတဲ့အညီ စားနပ်ရိက္ခာပိုမိုထုတ်လုပ်ရန် လိုအပ်လာတဲ့ အတွက်ကြောင့် အခြားလယ်ယာပစ္စည်းတွေကို ဆန်းသစ်ထုတ်လုပ်လာပေမဲ့ အလယ် ခေတ်ကာလက ထူးထူးခြားခြားပြောင်းလဲသွားတာကတော့ ကြီးမားတဲ့ထယ်တွေကို အသုံးပြုလာကြခြင်းဖြစ်ပါတယ်။

(၄) သဲနာရီအစား ချိန်သီးနာရီတွေကို အစားထိုးခဲ့

ချိန်သီးနာရီ မပေါ်ခင်က တော့ လူသားတွေဟာ အချိန်ကိုသိရှိရန် နေနာရီ၊ သဲနာရီတွေကို အဆင့်ဆင့်ပြုလုပ် တီထွင်အသုံးပြုခဲ့ကြတာကိုလည်း တွေ့ရှိနိုင်ပါတယ်။ သဲနာရီတွေဟာ ထပ်တလဲလဲ ပြန်လည်အသုံးပြုနိုင်ပြီး ဈေးပေါတာကြောင့် လူတန်းစားမရွေး ဝယ်ယူအသုံးပြုခဲ့ကြပါတယ်။

အေဒီ ၁၃၀၀ ဝန်းကျင်ကာလတွေမှာတော့ ချိန်သီးနာရီ ကဲ့သို့သော စက်နာရီတွေပေါ်လာခဲ့ပြီး နေရာအနည်းငယ်မှာ သဲနာရီတွေနေရာအတွက် အစားထိုးသုံးစွဲခဲ့ကြပါတယ်။  (၁၅)ရာစုရောက်ချိန်မှာတော့ ဥရောပက နေရာတော်တော်များများမှာ အဲဒီနာရီတွေကိုပဲ ကျယ်ကျယ်ပြန့်ပြန့် သုံးစွဲကြပါတော့တယ်။

(၅) ငွေစက္ကူထုတ်လုပ်အသုံးချမှု

မှတ်တမ်းတွေအရတော့ ပထမဆုံးသောငွေစက္ကူကို (၁၁)ရာစုက တရုတ်နိုင်ငံအတွင်း မှာစတင်အသုံးပြုခဲ့တယ်လို့ ဆိုပါတယ်။ ယင်းကာလကငွေကြေးဟာ ဒေသအပိုင်းအခြားနဲ့ထုတ်လုပ်တာဖြစ်တာကြောင့် နိုင်ငံနဲ့အဝှမ်းအသုံးပြုနိုင်ခဲ့ခြင်းတော့ မရှိခဲ့ပါဘူး။

ဒါအပြင် ရှေးတရုတ်လူမျိုးတွေဟာ ငွေပေးချေရေး ကတိစာချုပ်တွေကိုပါ ယင်းအချိန်တည်းကစတင်အသုံးပြုခဲ့ကြပြီး နောက်ပိုင်းမှာငွေစက္ကူအစား အဖိုးတန် သတ္ထုဒင်္ဂါးတွေကိုပြောင်းလဲ သုံးစွဲလာခဲ့ကြပါတယ်။ မာကိုပိုလိုဟာ သူ့ရဲ့ အာရှခရီးစဉ်မှတ်တမ်းမှာတော့ အရှေတိုင်းကငွေကြေးသုံးစွဲမှုစနစ်ကို ရေးသားခဲ့ပေမယ့် ၁၆၀၀ ခုနှစ်ဝန်းကျင်တိုင်အောင် ဒီငွေကြေးစနစ်ကို ဥရောပမှာ တွင်ကျယ်စွာ မသုံးစွဲခဲ့ကြသေးပါဘူး။

(၆) သဲနာရီရဲ့အရေးပါမှု

သဲနာရီတွေဟာ ဥရောပမှာ(၈)ရာစုလောက်ကတည်းက တီထွင်သုံးစွဲလာကြပေမဲ့ (၁၄)ရာစုလောက်ရောက်ရှိချိန်မှသာ လူသိများလာခဲ့တာဖြစ်ပါတယ်။ ယခင်အသုံးပြု နေတဲ့ နေနာရီနေရာကိုအစားထိုးဝင်ရောက်လာခဲ့တဲ့ သဲနာရီတွေကို ပင်လယ်အတွင်း ရက်ရှည်ခရီးသွားတဲ့ အခါမှာ အဓိကသုံးစွဲခဲ့ကြပါတယ်။ (၁၅)ရာစုရောက်ချိန်မှာတော့ ပင်လယ်ကူးသင်္ဘောအားလုံးနီးပါးမှာ သဲနာရီတွေရှိနေပြီ ဖြစ်ပြီး နောက်ပိုင်း ခရစ်ယာန်ဘုရားကျောင်းနဲ့ စက်မှုလုပ်ငန်းအလုပ်ရုံတွေမှာတောင် သဲနာရီတွေဟာ နေရာယူလာကြပါတယ်။

သဲနာရီတွေဟာ ယင်းထက်စောပေါ်တဲ့ နေနာရီထက် အချိန်ကိုတိတိကျကျ ဖော်ပြနိုင်ပြီး ထပ်တလဲလဲပြန်လည်အသုံးပြုနိုင်တာ ကြောင့် လူကြိုက်များထင်ရှားခဲ့ပါတယ်။ သဲနာရီတွေနဲ့အပြိုင် ချိန်သီးနာရီတွေပေါ်လာသည့် တိုင်အောင် သဲနာရီတွေရဲ့အခန်းကဏ္ဍဟာ အရေးပါဆဲဖြစ်ခဲ့ပါတယ်။

(၇) ယမ်းမှုန့်တွေကြောင့် ပြောင်းလဲခဲ့ရတဲ့ကမ္ဘာမြေပုံတွေ

ဗြိတိန်လူမျိုးအတွေးအခေါ်ပညာရှင်တစ်ယောက်ဖြစ်တဲ့ Roger Bacon ဟာ ကမ္ဘာအရပ်ရပ်ကို လှည့်လည်သွားလာရင်း (၁၃)ရာစုမှာတော့ ယမ်းမှုန့်ထုတ်လုပ်တဲ့နည်းပညာကို ဥရောပ ကိုစတင်ယူဆောင်လာပါတယ်။ ယမ်းမှုန့်ထုတ်လုပ်တဲ့နည်းပညာကို တရုတ်လူမျိုးတွေ က(၉)ရာစုလောက်ကတည်းက စတင်တွေ့ရှိခဲ့တာကြောင့် အဲဒီနည်းပညာရပ်ရဲ့ ပင်ရင်း ဟာ တရုတ်လူမျိုးတွေဖြစ်ပြီး Roger Bacon က ဆင့်ပွားယူဆောင်ခဲ့တာဖြစ်ပါတယ်။

တချို့ကလည်း ယမ်းမှုန့်ထုတ်လုပ်တဲ့နည်းပညာကို ဥရောပတိုက်ကိုကျူးကျော်ခြေချခဲ့တဲ့ မွန်ဂိုတွေက ယူဆောင်လာခဲ့တာဖြစ်တယ်လို့ ထောက်ပြပြောဆိုမှုတွေရှိခဲ့ပါတယ်။ အဲဒီကိစ္စဟာယနေ့တိုင် သမိုင်းဆရာတွေအကြားငြင်းစရာအနေအထား ဖြစ်နေပေမဲ့ ယင်းနောက်ပိုင်း ယင်းယမ်းမှုန့်နည်းပညာကို အဆင့်မြှင့်တင်ပြီး လက်နက်သဖွယ် ဖန်တီးယူခဲ့တဲ့ အင်္ဂလိပ်၊ပြင်သစ်၊ ဟော်လန်တို့ရဲ့ လက်နက်အားကိုးတဲ့ နယ်ချဲ့မှုတွေကြောင့် ကမ္ဘာတစ်လွှား နိုင်ငံတွေရဲ့ တည်နေရာ မြေပုံတွေ ပြောင်းလဲသွားခဲ့ရတာတော့ အမှန်ဖြစ်ပါတယ်။

(၈) ပထမဆုံး သတ္ထု နဲ့ ဖန်ချက်ဖို

ယနေ့အချိန်မှာ သတ္ထုနဲ့ဖန်ချက်လုပ်ငန်းဟာ အိမ်သုံးပစ္စည်းတွေထုတ်လုပ်ဖို့နဲ့ အခြား စက်မှုလုပ်ငန်းတွေအတွက် အလွန်အရေးပါတဲ့ လုပ်ငန်းတွေအဖြစ်ရပ်တည်နေပါတယ်။ ပထမဆုံးသော သတ္ထုနဲ့ဖန်ချက်ဖိုတွေကိုတော့ ဥရောပရဲ့ ဂျာမနီနဲ့ ဆွစ်ဇာလန်နိုင်ငံတွေ မှာစတင်တည်ဆောက်ခဲ့တယ်လို့ မှတ်တမ်းတွေရှိခဲ့ပါတယ်။

တစ်ချို့ကလည်း တရုတ် နိုင်ငံမှာ (၁)ရာစုလောက်ကတည်းက ဖန်ထည်နဲ့သတ္ထုချက်ဖိုတွေရှိနေခဲ့တယ်လို့ ဆိုကြပါတယ်။ (၁၂၀၀)ပြည့်နှစ်ရောက်ချိန်မှ ဥရောပရဲ့ ဖန်ထည်နဲ့ သတ္ထုချက်ဖိုတွေ စတင်ပေါ်ပေါက် လာခဲ့ကြပြီး ယနေ့ခေတ်သတ္ထုနဲ့ဖန်ချက်လုပ်ငန်းခွင်တွေနဲ့ နှိုင်းယှဉ်မယ်ဆိုရင်တော့ အတော်လေးနိမ့်ကျတဲ့ အနေအထားကိုမြင်တွေ့ရမှာပါ။

ယင်းခေတ်ကာလက ထင်ရှားတဲ့ သတ္ထုနဲ့ဖန်ချက်ဖိုတွေကတော့ ဆွစ်ဇာလန်နိုင်ငံမှာရှိခဲ့တဲ့ Durstel ၊ Lapphyttan နဲ့ ဂျာမနီနိုင်ငံမှာရှိတဲ့ Sauerland တို့ဖြစ်ပါတယ်။ မှတ်တမ်းတွေအရ အဲဒီ သတ္ထုနဲ့ဖန်ချက်ဖိုရုံ တွေထက်ပိုစောတဲ့ စက်ရုံကတော့ အေဒီ(၁၁၀၀)မှာ ဆွီဒင်နိုင်ငံမှာ ဖွင့်လှစ်ခဲ့တဲ့ Jarnboas သတ္ထုနဲ့ဖန်ချက်ဖိုဖြစ်တယ်လို့ သိရပါတယ်။

(၉) အလယ်ခေတ်ရောက်ချိန်မှာ ပေါ်လာတဲ့ အရက်ချက်လုပ်ငန်း

အေဒီ(၇)ရာစုရောက်ချိန်မှာတော့ အရက်ချက်စက်ရုံ တွေစတင်ပေါ်ပေါက် လာခဲ့ပါတယ်။ သမိုင်းဆရာတွေကတော့ အရက်ချက်လုပ်ငန်းတွေဟာ မွန်ဂိုတွေဆီက နေစတင် ပေါ်ပေါက်လာကြတယ်လို့ဆိုကြပြီး အရည်ကိုပေါင်းခံပြီးအေးခဲစေကာ အရည်မှာပါရှိတဲ့ Crystals တွေကို ဖယ်ထုတ်ခဲ့ကြပါတယ်။ အဲဒီစက်ရုံတွေကနေ ထွက်ပေါ်လာတဲ့ အရက်ကတော့ သန့်စင်မှုအပိုင်းမှာတော့ အားနည်းမှုရှိပြီး ဦးဆောင် လုပ်ကိုင်သူတွေက ဆက်လက်ကြံဆခဲ့ပါတယ်။

ယနေ့အရက်ပေါင်းအိုး/အရက်ဖိုလို့ လူသိများကြတဲ့ရုံတွေကိုတော့ အထက်ပါနည်း ပညာတွေကိုပဲ အခြေခံပြီး အီရတ်နိုင်ငံသား စွယ်စုံပညာရှင်တစ်ဦးဖြစ်တဲ့ Al-Kindi က(၈)ရာစုကနေ(၉)ရာစုအကြားမှာ စတင်တီထွင်ခဲ့ပါတယ်။ ဒါပေမယ့် အရက်ထုတ်လုပ်တဲ့အကြောင်းနဲ့ပတ်သက်ပြီး အခြားကွဲပြားတဲ့ သမိုင်းဆိုင်ရာအထောက်အထား များစွာရှိနေတာမို့ သမိုင်းဆရာတွေအကြားယနေ့တိုင် အငြင်းပွားစရာတွေဖြစ်နေတုန်းပါပဲ။

Al-Kindi တီထွင်မှုဟာမကြာခင်မှာ ဥရောပကိုပျံနှံ့သွားခဲ့ပြီး(၁၂)ရာစု လောက်မှာတော့ Salerno မြို့က လောကဓာတ်ကျောင်းတွေမှာ အီတလီဆိုတဲ့နာမည်တဲ့ စတင်ဖော်ပြခြင်းခံခဲ့ရပါတယ်။ များစွာသော သမိုင်းပညာရှင်တွေကတော့ ယနေ့အသုံးပြု နေတဲ့ အရက်ချက် လုပ်တဲ့နည်းစနစ်အများစုဟာ (၁၃)ရာစုလောက် ကတည်းက ဥရောပမှာစတင်သန္ဓေတည်လာခဲ့တယ်လို့ ယုံကြည်ကြပါတယ်။

(၁၀) လက်တွန်းလှည်းတွေရဲ့အစ

ယနေ့အချိန်ထိ ကုန်ပစ္စည်းတစ်နိုင်တစ်ပိုင် သယ်ယူမှုတွေမှာ အသုံများနေဆဲဖြစ်တဲ့ လက်တွန်းလှည်းတွေကိုလည်း အလယ်ခေတ်က စတင်တည်ဆောက်ခဲ့ကြတာ ဖြစ်ပါတယ်။ ရှေးတရုတ်လူမျိုးတွေနဲ့ ဂရိလူမျိုးတွေကလည်း လက်တွန်းလှည်းသဏ္ဍာန် ယာဉ်များစွာကို တီထွင်အသုံးပြုကြတဲ့အဆိုရှိကြပေမယ့် တိကျတဲ့မှတ်တမ်းတွေအရတော့ တစ်ဘီးတပ်လက်တွန်းလှည်းတွေကို (၁၂)ရာစုလောက်ကစတင်ပြီး ဥရောပမှာစတင် သုံးစွဲလာခဲ့ကြတယ် ဆိုတာပါ။

လက်တွန်းလှည်းတွေ တွင်ကျယ်အောင် အသုံးပြုလာကြခြင်းဟာ တိုးတက်လာတဲ့ လူနေမှုပုံစံကိုဖော်ပြရာရောက်ပါတယ်။ (၁၅)ရာစုရောက်ချိန်မှာတော့ ဥရောပက သတ္ထုတူးဖော်ရေးလုပ်ငန်းတွေနဲ့ ဆောက်လုပ်ရေးလုပ်ငန်းတွေအထိ တစ်ဘီးတပ် လက်တွန်းလှည်းတွေကနေ လေးဘီးတပ်လက်တွန်းလှည်းတွေအထိ အဆင့်မြှင့်တင်ပြီးသုံးစွဲနေပြီ ဖြစ်ပါတယ်။

(၁၁) ဆောက်လုပ်မှုပုံစံအသစ်

အလယ်ခေတ်ဆောက်လုပ်ရေးလုပ်ငန်းရဲ့ မှတ်တိုင်သစ်ကတော့ အဆောက်အအုံကြီး တွေကိုတစ်ခုနဲ့ တစ်ခုပေါင်းကူးပြီး တည်ဆောက်လာကြခြင်းဖြစ်ပါတယ်။ အဆောက်အဦးတစ်ခုရဲ့ ကိုယ်ထည်ကနေ နောက်တစ်ခုရဲ့ ကိုယ်ထည်ကိုပေါင်းစပ် ဆောက်လုပ်တဲ့ နည်းပညာဟာ (၁၂)ရာစုလောက်နေစတင်ပြီး Gothic ခရစ်ယာန်ဘုရားကျောင်းတွေမှာ စတင်တည်ဆောက်လာခဲ့ကြပါတယ်။ Flying buttresses လို့ခေါ်တဲ့ ဗိသုကာ လက်ရာကို တည်ဆောက်နိုင်ဖို့အတွက် အဆောက်အအုံ အတော်များများကို ပုံမှန်ထက် အတော်လေးမြင့်မားအောင်တည်ဆောက်လာကြတာကို လည်းအလယ်ခေတ်တစ်လျှောက်တွေ့မြင်နိုင်ပါတယ်။

ဒီအဆောက်အအုံတွေမှာ ပါးလွှာတဲ့နံရံတွေတပ်ဆပ်ထားပြီး အလွန်ကြီးမားတဲ့ ပြတင်းပေါက်တွေ ပါဝင်ပါတယ်။ ဒီလိုနည်းနဲ့တည်ဆောက်ခဲ့တဲ့ပုံစံဟာ ဥရောပရဲ့ယဉ်ကျေးမှုအဆင့်အတန်းမြင့်မားတဲ့ လူအဖွဲ့အစည်းတစ်ခုကို ကိုယ်စားပြုတယ်လို့ ယင်းကာလက ခံယူထားကြပြီး နိုင်ငံတစ် နိုင်ငံနဲ့ တစ်နိုင်ငံအကြားဆောက်လုပ်မှုနည်းပညာရပ်တွေကတော့ ကွဲပြားပါတယ်။

(၁၂) ဗိုင်းငင်စက်

ဗိုင်းငင်စက် ကိုတော့ အေဒီ(၅)ရာစုကနေ(၁၀)ရာစုအတွင်းမှာ အိန္ဒိယနိုင်ငံက ပညာရှင်တွေကစတင်တီထွင်ခဲ့ပါတယ်။ နောက်ပိုင်းမှာတော့ ဒီကိရိယာ ဟာ ဥရောပကိုရောက်ရှိလာခဲ့ပြီးပိုးထည်ရက်လုပ်မှုလုပ်ငန်းအတွက် များစွာအကျိုး ဖြစ်ထွန်းစေခဲ့ပါတယ်။

ယင်းကာလက ဥရောပမှာရှိတဲ့အထည်ချုပ်လုပ်မှုလုပ်ငန်းအား လုံးကို အိန္ဒိယကလာတဲ့တီထွင်မှုက လွှမ်းမိုးသွားခဲ့ပြီး ဥရောပ စက်မှုတော်လှန်ရေး အတွင်းမှာတော့ Spinning Jenny နဲ့ Spinning Frame ကဲ့သို့ နည်းပညာတွေ ခေတ်စားလာခဲ့ပါတယ်။ယင်းကာလက ဒီကိရိယာတွေရဲ့ တည် ဆောက်ပုံအရ လူတစ်ဦးထက်ပိုလိုအပ်တာကြောင့် မျက်မှောက်ခေတ်မှာလိုတော့ လျှင်မြန်တဲ့ချုပ်လုပ်မှုပုံစံတော့မရှိပါဘူး။

(၁၃) ရေအား စွမ်းအင်ထုတ်ကိရိယာ

ပထမဆုံးသော ရေအားကနေ စွမ်းအင်ထုတ်ပေးတဲ့ ကိရိယာကိုတော့ အိုင်ယာလန်နိုင်ငံမှာ စတင်အသုံးပြုခဲ့ကြတာဖြစ်ပါတယ်။ ယခင်ကာလတွေကတည်းက လူသားတွေဟာ လေနဲ့ ရေစွမ်းအင်တွေကို ထုတ်ယူအသုံးပြုခဲ့ကြပေမဲ့ အလယ်ခေတ်ရောက်ချိန်မှာ တော့ ဒီရေအားကနေ စွမ်းအင်ထုတ်လုပ် အသုံးပြုတဲ့နည်းလမ်းကိုစတင် အသုံးပြုလာကြပါတယ်။ အိုင်ယာလန်မှာတော့ (၆)ရာစုလောက်ကနေစတင်ပြီး ရေဒလက်တွေကိုအသုံးပြုပြီး ဒီနည်းလမ်းဟာ ရှေးရောမတွေ ဗြိတိန်ကျွန်းစုကိုအခြေချစဉ်က ချန်ရစ်တဲ့ပညာရပ် ဖြစ်တယ်လို့ သမိုင်းပညာရှင်တွေကယူဆကြပါတယ်။

နောက်ပိုင်းကာလတွေမှာတော့ အရှိန်အဟုန်ကောင်းကောင်းနဲ့ လည်ပတ်နိုင်တဲ့ Vertical Wheel တွေကိုအသုံးပြုလာ ကြပြီး ယင်းတည်ဆောက်ပုံတွေကို အိုင်ယာလန်နိုင်ငံ Waterford မြို့အနီးမှာရှိတဲ့ Kiloteran မှာယနေ့တိုင်တည်ရှိနေပါသေးတယ်။ လူသားတွေရဲ့ သဘာဝအရင်းအမြစ် ကနေစွမ်းအင်ထုတ်လုပ်တဲ့ နည်းလမ်းကို (၁၀၈၆)ခုနှစ်ကထုတ်ဝေတဲ့ နာမည်ကျော် Doomsday စာအုပ်မှာဖော်ပြထားတာကိုလည်း တွေ့ရပါတယ်။

Tide Mill တစ်ခုကို အသုံးပြုပုံ ဗီဒီယို

(၁၄) တက်မတွေကို ဝက်အူရစ်ခံပြီးဖန်တီး

အလယ်ခေတ်ကာလက ရေကြောင်းဆက်သွယ်သွားလာရေးလုပ်ငန်းဟာ အတော် ရေးပါခဲ့ပြီး သင်္ဘောဦးပိုင်းကနေ ထိန်းချုပ်မောင်းနှင်နိုင်တဲ့ ဝက်အူရစ်တွေပါရှိတဲ့ တက်မတွေကိုစတင်တည်ဆောက်ခဲ့ကြပါတယ်။ ယင်းမတိုင်ခင်ကာလတွေတုန်းက တော့ ရေကြောင်းသွားလာနေသူတွေဟာ ရွတ်တိုက်ခြင်း၊ သာမန်ပဲ့ထိန်းတက်မတွေနဲ့ လှေတက်များစွာ ကိုအသုံးပြုပြီး စွန့်စားသွားလာခဲ့ကြပါတယ်။ (၁၂)ရာစုလောက်မှာ တော့ ရေယာဉ်အများစုမှာ ပဲ့ထိန်းနည်းစနစ်သစ်တွေကိုတပ်ဆင်ပြီးဖြစ်ပြီး ရေကြောင်း ဆက်သွယ်သွားလာရေးလုပ်ငန်းတွေလည်း အလွန်တိုးတက်လာခဲ့ပါတယ်။

ယင်းကာလက ကုန်စည်ကူးသန်းရောင်းဝယ်ရေးလုပ်ငန်းတွေဟာ ရေကြောင်းကိုအဓိက အားထားပြီး ရောင်းဝယ်ဖောက်ကားမှုပြုလုပ်ကြရပါတယ်။ နောက်ပိုင်းမှာတော့ရေကြောင်းဆက်သွယ်သွားလာရေးဟာ ဥရောပမှာအလွန်အရေးပါတဲ့ လုပ်ငန်းဖြစ်လာပြီး ပင်လယ်ရပ်ခြားကုန်သွယ်မှုတွေ အပါအဝင် စွန့်စားသွားလာသူ တွေလည်း ပေါ်ပေါက်လာခဲ့ပါတယ်။

(၁၅) မျက်မှန်

မျက်မှန်ကို စတင်ပြုလုပ်ခဲ့သူကတော့ ယမ်းမှုန့်နည်းပညာကို ဥရောပကို သယ်ဆောင် လာတဲ့ ပြင်သစ်ဘုန်းတော်ကြီး Roger Bacon ပဲဖြစ်ပါတယ်။ သူဟာ(၁၃)ရာစုအစပိုင်း မှာမျက်မှန်ကို စတင်ဖန်တီးခဲ့တာဖြစ်ပြီး (၁၃)ရာစုကုန်ဆုံးချိန်မှာ အီတလီနိုင်ငံ ဖလော ရင့်မြို့က Alessandro Di Spina ကပြန်လည်ဆန်းသစ်ခဲ့ပါတယ်။ အချို့ကလည်း ဒေသစုံကိုလှည့်လည်သွားလာနေတဲ့ Giordana da Pisa အမည်ရတဲ့ Dominican ဘုန်းတော်ကြီးတစ်ပါးက မျက်မှန်ကိုဖန်တီးခဲ့တယ်လို့လည်းဆိုကြပါတယ်။

Giordana da Pisa ဟာ မျက်မှန်ကိုတီထွင်ရတာနဲ့ပတ်သက်ပြီး ခရစ်ယာန်ဘုရား ကျောင်းမှာ မှတ်တမ်းတစ်ခုချန်ခဲ့ပါတယ်။ သူရေးထားတဲ့မှတ်တမ်းအရ လွန်ခဲ့တဲ့ နှစ်(၂၀) လောက်ကတည်းက မျက်မှန်ကိုတီထွင်တဲ့နည်းကို စတင်သိရှိခဲ့ကြောင်းနဲ့ ဒီကိရိယာဟာ သာမန်ထက် မတူတဲ့ ခြားနားတဲ့အမြင်ကို ရရှိစေတယ်လို့သိရပါတယ်။ ဒီတီထွင်မှုဟာ ယနေ့ထက်တိုင်အလွန် အသုံးတည့်နေဆဲဖြစ်ပြီး ဖန်တီးသူတွေရဲ့ ရည်ရွယ်ချက်ဟာပြည့်မြောတ်ခဲ့ပြီလို့ ဆိုရပါမယ်။

(၁၆) ဝန်ချီစက်

ယင်းကာလက စတင်အသုံးပြုတဲ့ဝန်ချီစက်တွေကိုတော့ သစ်သားနဲ့ပြုလုပ်ခဲ့ကြတာ ဖြစ်ပြီး လူစွမ်းအားနဲ့ ပေါင်းစပ်အသုံးပြုခဲ့ရပါတယ်။ အလယ်ခေတ်ကာလက ဆောက်လုပ်ရေးလုပ်ငန်းတွေဖြစ်တဲ့ ရဲတိုက်နဲ့ ဘုရားရှိခိုးကျောင်း ဆောက်လုပ်ရေး လုပ်ငန်းခွင်တွေမှာ ဝန်ချီစက်တွေရဲ့အရေးပါမှုဟာ အတော်လေးထိရောက်ခဲ့ပါတယ်။

အေဒီ(၁၂၂၅)မှာတော့ ပြင်သစ်နိုင်ငံကဆောက်လုပ်ရေးလုပ်ငန်းခွင် တစ်ခုမှာဝန်ချီ စက်ကိုစတင်သုံးစွဲခဲ့ပါတယ်။ ယင်းနောက်ပိုင်းမှာ ဆိပ်ကမ်းတွေမှာ ကုန်တင်/ကုန်ချရန် အသုံးပြုလာပြီး သတ္ထုတူးဖော်ရေးလုပ်ငန်းတွေနဲ့ ဆောက်လုပ်ရေးလုပ်ငန်းတွေမှာ ဝန်ချီစက်တွေကို ကျယ်ကျယ်ပြန့်ပြန့်သုံးစွဲလာခဲ့ပါတယ်။

(၁၇) အမြောက်လက်နက်ရဲ့စွမ်းပကား

အလယ်ခေတ်ရဲ့နောက်ထပ် ဖန်တီးမှုတစ်ခုကတော့ အမြောက်လက်နက်တွေ ဖန်တီး နိုင်လာခြင်းပဲဖြစ်ပါတယ်။ မှတ်တမ်းတွေအရတော့ (၁၂)ရာစုမှာ တရုတ်လူမျိုးတွေက စတင်ဖန်တီးခဲ့ပြီး အေဒီ(၁၂၂၇)လောက်က ပြုလုပ်ခဲ့တဲ့ အမြောက်ကို တရုတ်နိုင်ငံ Sichuanဒေသမှာရှိတဲ့ Dazu Rock Carving မှာယနေ့တိုင်ပြသထားတာကိုတွေ့မြင်ရပါတယ်။

ဒါအပြင် (၁၂၂၇)အေဒီက တည်ဆောက်ခဲ့တဲ့ နာမည်ကျော် Wuwei Bronzw Canon ၊(၁၂၈၈)အေဒီက တည်ဆောက်ခဲ့တဲ့ Heilongjiang hand cannon ၊ အေဒီ(၁၂၉၈)ကတည်ဆောက်ခဲ့တဲ့ Xanadu Gun တွေဟာ အလယ်ခေတ်တစ်လျှောက် ပေါ်ပေါက်အသုံးပြုခဲ့တဲ့ အမြောက် တွေအဖြစ်နာမည် ကျော်ပါတယ်။

ဒီအမြောက်နည်းပညာဟာ ဥရောပအရောက်မှာတော့ အလွန်လျှင်မြန်စွာ တိုးတက်လာပြီး အင်္ဂလိပ်တွေက ပြင်သစ်နဲ့တိုက်ခိုက်တဲ့ Battle of Crecy မှာ အမြောက်လက်နက်တွေကို အသုံးပြုပြီးတိုက်ခိုက်ခဲ့ပါတယ်။ နောက်ပိုင်း နယ်မြေသိမ်းတိုက်ပွဲတွေမှာတော့ အမြောက်လက်နက်ရဲ့စွမ်းပကားဟာ ဥရောပနိုင်ငံတွေရဲ့ ကိုလိုနီနယ်ပယ် ချဲ့ထွင်တည်ဆောက်ရာမှာ အရေးပါတဲ့ကဏ္ဍကနေပါဝင်လာပါတယ်။

(၁၈) အစောပိုင်း ကွန်ပျူတာမျိုးဆက်

Astrolabes လို့သိကြတဲ့ နက္ခတ်တာရာ ကြည့် ကိရိယာဟာ အလယ်ခေတ်က အစောဆုံး ကွန်ပျူတာ(analogue computer) တစ်လုံးအဖြစ် သတ်မှတ်ခြင်း ခံခဲ့ရပါတယ်။

အဲဒီပစ္စည်းဟာ နက္ခတ်တာရာ လေ့လာလိုက်စားသတွေနဲ့ ရေကြောင်းပြသမားတွေအတွက်တော့အလွန်တန်ဖိုးမဖြတ် နိုင်တဲ့ ပစ္စည်းတစ်ခုဖြစ်ပြီး အဝေးကအကွာအဝေးတွေကို ဖော်ပြပေးပြီး နေရာညရော အသုံးပြုနိုင်ပါတယ်။ အစောဆုံးသော Astrolabes ကို အေဒီ(၅)ရာစုလောက်ကတည်းက စတင်အသုံးပြု လာကြပေမဲ့ အလယ်ရာစုရောက်ချိန်မှသာ Astrolabesတွေရဲ့အခန်းကဏ္ဍဟာ ပိုမိုပေါ်လွင်လာခဲ့ပါတယ်။

သုတဇုန်

Ref:
lordsandladies
List Verse
Medieval Lists

Leave a Reply