ကမာၻ႔အျမင့္ဆုံး ရုပ္တုျဖစ္လာတဲ့ အိႏၵိယက ရုပ္တုႀကီး

Posted on

လက္ရွိအခ်ိန္မွာ ကမာၻ႔အျမင့္ဆုံးျဖစ္လာတဲ့ ရုပ္တုကေတာ့ အိႏၵိယႏုိင္ငံက စည္းလုံးျခင္းရုပ္တု(Statue of Unity) ျဖစ္ပါတယ္။ အိႏၵိယႏုိင္ငံ ဂူဂ်ာရတ္ျပည္နယ္ ကုိယ္ပုိင္အုပ္ခ်ဳပ္ခြင့္ရေဒသျဖစ္တဲ့ နာမာဒါေဒသမွာ တည္ရွိပါတယ္။ ရုပ္တုရဲ႕အျမင့္ဟာ ၅၉၇ေပ ျဖစ္တာေၾကာင့္ ယခင္က အျမင့္ဆုံးျဖစ္တဲ့ တရုတ္က Spring Temple ရုပ္တုထက္ ေပ ၂၀၀ နီးပါးပုိျမင့္ပါေသးတယ္။ ကမာၻေက်ာ္ ေလဘာတီရုပ္တုထက္ ဆုိရင္ ၂ဆ ပုိျမင့္ပါတယ္။

အိႏၵိယ အမ်ိဳးသား သူရဲေကာင္း ဆာဒါ ၀ါလာဘိုင္ ပေတး ကို ဂုဏ္ျပဳတဲ့အေနနဲ႔ တည္ေဆာက္ခဲ့ျခင္းျဖစ္ပါတယ္။ ၀ါလာဘိုင္ ပေတးကို ကမာၻမွာေတာ့ လူသိနည္းေပမယ့္ အိႏၵိယႏုိင္ငံအတြက္ေတာ့ တကယ္တန္ဖုိးရွိခဲ့တဲ့ လူသားတစ္ေယာက္ျဖစ္ခဲ့ပါတယ္။ လက္ရွိအိႏၵိယႏုိင္ငံရဲ႕ အက်ယ္အ၀န္းျဖစ္ေအာင္ စုစည္းေပးခဲ့သူဟာ  ၀ါလာဘိုင္ ပေတး ျဖစ္ပါတယ္။

၁၉၄၇ ခုႏွစ္ ၿဗိတိသွ်တုိ႔ထံက လြတ္လပ္ေရးရခဲ့တဲ့အခါ အိႏၵိယႏုိင္ငံဟာ လက္ရွိအက်ယ္အ၀န္းမရွိေသးပါဘူး။ ကုိယ္ပုိင္အုပ္ခ်ဳပ္ခြင့္ရေဒသေပါင္း ရာနဲ႔ ခ်ီက်န္ခဲ့ပါတယ္။ အဂၤလိပ္တုိ႔က အဲဒီေဒသေတြကို အိႏၵိယနဲ႔ ေပါင္းလုိကေပါင္း (သုိ႔) ပါကစၥတန္နဲ႔ေပါင္းလုိက ေပါင္း ခြင့္ျပဳခဲ့ပါတယ္။ ဒါကို ပေတးက အေပ်ာ့အမာ နည္းလမ္းေပါင္းစုံသုံးၿပီး အဲဒီေဒေသေတြကုိ အိႏၵိယႏုိင္ငံနဲ႔ ပူးေပါင္းေအာင္ စြမ္းေဆာင္ခဲ့ပါတယ္။ ဒါေၾကာင့္ သူ႔ကုိ အိႏၵိယတည္ေထာင္သူ ဖခင္ႀကီးလုိ႔ ဆုိႏုိင္ပါတယ္။ အိႏၵိယေခါင္းေဆာင္ႀကီးတစ္ဦးျဖစ္တဲ့ ဂႏၵီကို မဟတၱမဘြဲ႔ေပးၾကသလုိ ပေတးကိုလည္း ဆာဒါး(အႀကီးအကဲ) လုိ႔ သူ႔ရဲ႕နာမည္ေရွ႕မွာတပ္ၿပီး တေလးတစား ေခၚေ၀ၚၾကပါတယ္။

ဒီရုပ္တုႀကီးဟာ နာမာဒါဆည္ရဲ႕ မ်က္ႏွာခ်င္းဆုိင္က ၅ဧက ခန္႔ရွိတဲ့ Sadhu Bet ကြ်န္းေျမ ေပၚမွာတည္ေဆာက္ထားတာျဖစ္ၿပီး ရုပ္တုရဲ႕ေဘးပတ္လည္မွာေတာ့ ဧက ၃၀၀၀ ခန္႔က်ယ္တဲ့ လူလုပ္ေရကန္တစ္ခုကို တူးေဖာ္ထားပါတယ္။ အိႏၵိယရဲ႕ အႀကီးဆုံး ေဆာက္လုပ္ေရး ကုမၸဏီႀကီးတစ္ခုျဖစ္တဲ့ L&T က တာ၀န္ယူကာ ၂၀၁၃ ခုႏွစ္မွာေဆာက္လုပ္ခဲ့တာျဖစ္ၿပီး ၂၀၁၈ခုႏွစ္ ေအာက္တုိဘာ ၃၁ရက္ေန႔မွာေတာ့ တည္ေဆာက္ၿပီးစီးခဲ့ပါတယ္။

ဒီရုပ္တုတည္ေဆာက္ေရးအတြက္ စုစုေပါင္း အခ်ိန္ ၅၆လ ၾကာျမင့္ခဲ့ၿပီး လုပ္ငန္းခြင္မွာ ကြန္ကရစ္ ကုဗေပေပါင္း ၂.၆သန္း ၊ သံမဏိတန္ခ်ိန္ေပါင္း ၅၇၀၀ ၊ သံမဏိေထာက္တုိင္ေပါင္း တန္ခ်ိန္ ၁၈၅၀၀၀ နဲ႔ ေၾကးျပားတန္ခ်ိန္ေပါင္း ၂၂၅၀၀၀ ကုိ သုံးစြဲခဲ့ရပါတယ္။ ဒီဇုိင္းကေတာ့ အိႏၵိယနာမည္ေက်ာ္ ပန္းပုဆရာႀကီး Ram V. Sutar ရဲ႕လက္ရာျဖစ္ပါတယ္။

ရုပ္တုရဲ႕ ေအာက္ေျခမွာေတာ့ ျပတုိက္အေဆာက္အဦးကို ထည့္သြင္းတည္ေဆာက္ထားၿပီး ဒီျပတုိက္မွာ ပေတးရဲ႕ အထၳဳပတၱိကုိ အမ်ားျပည္သူေလ့လာႏုိင္ေအာင္ ျပသထားပါတယ္။

ဒီရုပ္တုရဲ႕ စုစုေပါင္း တည္ေဆာက္မႈ ကုန္က်စရိတ္ကေတာ့ အေမရိကန္ေဒၚလာ ၄၂၀သန္း ျဖစ္ပါတယ္။ ပေတး ကုိဂုဏ္ျပဳတာအျပင္ ကမာၻလွည့္ခရီးသြားေတြကို ဆြဲေဆာင္ရန္ ဆုိတဲ့ ရည္ရြယ္ခ်က္ေတြနဲ႔ အိႏၵိယ၀န္ႀကီးခ်ဳပ္ မုိဒီကုိယ္တုိင္ ကမကထ ျပဳၿပီး တည္ေဆာက္ခဲ့ေပမယ့္ ေဒသခံေတြရဲ႕ ျပစ္တင္ေ၀ဖန္မႈေတြကို သာခံခဲ့ရပါတယ္။

ရုပ္တုဖြင့္ပြဲကုိ မုိဒီကို မလာဖုိ႔ အႀကီးအကဲေတြက လက္မွတ္ထုိးကာ ေဒသခံေထာင္ေပါင္းမ်ားစြာ ဟာ ဆႏၵျပခဲ့ၾကပါတယ္။ ျပည္သူေတြဒီလုိ စိတ္နာရျခင္းအေၾကာင္းကေတာ့ ရုပ္တုႀကီး နဲ႔ တာဒါ ဆရိုဗာ ဆည္တည္ေဆာက္ေရးေတြေၾကာင့္ ေဒသခံေတြရဲ႕ အဓိကအားထားရာ နာမာဒါျမစ္ႀကီးအျပင္ သဘာ၀ပတ္၀န္းက်င္ေတြလည္း ပ်က္စီးခဲ့ရလုိ႔ျဖစ္ပါတယ္။

ဒါ့အျပင္ ေဒသတြင္းမွာ စာသင္ေက်ာင္းေတြ၊ ေဆးရံုေတြ၊ ေသာက္ေရသန္႔ေတြ လံုလံုေလာက္ေလာက္ မရွိတဲ့အေျခအေနမွာ လိုအပ္ခ်က္ေတြကို ျဖည့္စြက္ရမယ့္အစား အခုလို သန္းေပါင္း ရာခ်ီကုန္က်တဲ့ ရုပ္တုကို တည္ေဆာက္ရပါ့မလား ဆုိတဲ့ ေ၀ဖန္ေထာက္ျပခ်က္ေတြ ျပင္းထန္ခဲ့ပါတယ္။

—————

ကမ္ဘာ့အမြင့်ဆုံး ရုပ်တုဖြစ်လာတဲ့ အိန္ဒိယက ရုပ်တုကြီး (unicode)

လက်ရှိအချိန်မှာ ကမ္ဘာ့အမြင့်ဆုံးဖြစ်လာတဲ့ ရုပ်တုကတော့ အိန္ဒိယနိုင်ငံက စည်းလုံးခြင်းရုပ်တု(Statue of Unity) ဖြစ်ပါတယ်။ အိန္ဒိယနိုင်ငံ ဂူဂျာရတ်ပြည်နယ် ကိုယ်ပိုင်အုပ်ချုပ်ခွင့်ရဒေသဖြစ်တဲ့ နာမာဒါဒေသမှာ တည်ရှိပါတယ်။ ရုပ်တုရဲ့အမြင့်ဟာ ၅၉၇ပေ ဖြစ်တာကြောင့် ယခင်က အမြင့်ဆုံးဖြစ်တဲ့ တရုတ်က Spring Temple ရုပ်တုထက် ပေ ၂၀၀ နီးပါးပိုမြင့်ပါသေးတယ်။ ကမ္ဘာကျော် လေဘာတီရုပ်တုထက် ဆိုရင် ၂ဆ ပိုမြင့်ပါတယ်။

အိန္ဒိယ အမျိုးသား သူရဲကောင်း ဆာဒါ ဝါလာဘိုင် ပတေး ကို ဂုဏ်ပြုတဲ့အနေနဲ့ တည်ဆောက်ခဲ့ခြင်းဖြစ်ပါတယ်။ ဝါလာဘိုင် ပတေးကို ကမ္ဘာမှာတော့ လူသိနည်းပေမယ့် အိန္ဒိယနိုင်ငံအတွက်တော့ တကယ်တန်ဖိုးရှိခဲ့တဲ့ လူသားတစ်ယောက်ဖြစ်ခဲ့ပါတယ်။ လက်ရှိအိန္ဒိယနိုင်ငံရဲ့ အကျယ်အဝန်းဖြစ်အောင် စုစည်းပေးခဲ့သူဟာ  ဝါလာဘိုင် ပတေး ဖြစ်ပါတယ်။

၁၉၄၇ ခုနှစ် ဗြိတိသျှတို့ထံက လွတ်လပ်ရေးရခဲ့တဲ့အခါ အိန္ဒိယနိုင်ငံဟာ လက်ရှိအကျယ်အဝန်းမရှိသေးပါဘူး။ ကိုယ်ပိုင်အုပ်ချုပ်ခွင့်ရဒေသပေါင်း ရာနဲ့ ချီကျန်ခဲ့ပါတယ်။ အင်္ဂလိပ်တို့က အဲဒီဒေသတွေကို အိန္ဒိယနဲ့ ပေါင်းလိုကပေါင်း (သို့) ပါကစ္စတန်နဲ့ပေါင်းလိုက ပေါင်း ခွင့်ပြုခဲ့ပါတယ်။ ဒါကို ပတေးက အပျော့အမာ နည်းလမ်းပေါင်းစုံသုံးပြီး အဲဒီဒေသေတွေကို အိန္ဒိယနိုင်ငံနဲ့ ပူးပေါင်းအောင် စွမ်းဆောင်ခဲ့ပါတယ်။ ဒါကြောင့် သူ့ကို အိန္ဒိယတည်ထောင်သူ ဖခင်ကြီးလို့ ဆိုနိုင်ပါတယ်။ အိန္ဒိယခေါင်းဆောင်ကြီးတစ်ဦးဖြစ်တဲ့ ဂန္ဒီကို မဟတ္တမဘွဲ့ပေးကြသလို ပတေးကိုလည်း ဆာဒါး(အကြီးအကဲ) လို့ သူ့ရဲ့နာမည်ရှေ့မှာတပ်ပြီး တလေးတစား ခေါ်ဝေါ်ကြပါတယ်။

ဒီရုပ်တုကြီးဟာ နာမာဒါဆည်ရဲ့ မျက်နှာချင်းဆိုင်က ၅ဧက ခန့်ရှိတဲ့ Sadhu Bet ကျွန်း ပေါ်မှာတည်ဆောက်ထားတာဖြစ်ပြီး ရုပ်တုရဲ့ဘေးပတ်လည်မှာတော့ ဧက ၃၀၀၀ ခန့်ကျယ်တဲ့ လူလုပ်ရေကန်တစ်ခုကို တူးဖော်ထားပါတယ်။ အိန္ဒိယရဲ့ အကြီးဆုံး ဆောက်လုပ်ရေး ကုမ္ပဏီကြီးတစ်ခုဖြစ်တဲ့ L&T က တာဝန်ယူကာ ၂၀၁၃ ခုနှစ်မှာဆောက်လုပ်ခဲ့တာဖြစ်ပြီး ၂၀၁၈ခုနှစ် အောက်တိုဘာ ၃၁ရက်နေ့မှာတော့ တည်ဆောက်ပြီးစီးခဲ့ပါတယ်။

ဒီရုပ်တုတည်ဆောက်ရေးအတွက် စုစုပေါင်း အချိန် ၅၆လ ကြာမြင့်ခဲ့ပြီး လုပ်ငန်းခွင်မှာ ကွန်ကရစ် ကုဗပေပေါင်း ၂.၆သန်း ၊ သံမဏိတန်ချိန်ပေါင်း ၅၇၀၀ ၊ သံမဏိထောက်တိုင်ပေါင်း တန်ချိန် ၁၈၅၀၀၀ နဲ့ ကြေးပြားတန်ချိန်ပေါင်း ၂၂၅၀၀၀ ကို သုံးစွဲခဲ့ရပါတယ်။ ဒီဇိုင်းကတော့ အိန္ဒိယနာမည်ကျော် ပန်းပုဆရာကြီး Ram V. Sutar ရဲ့လက်ရာဖြစ်ပါတယ်။

ရုပ်တုရဲ့ အောက်ခြေမှာတော့ ပြတိုက်အဆောက်အဦးကို ထည့်သွင်းတည်ဆောက်ထားပြီး ဒီပြတိုက်မှာ ပတေးရဲ့ အထ္ထုပတ္တိကို အများပြည်သူလေ့လာနိုင်အောင် ပြသထားပါတယ်။

ဒီရုပ်တုရဲ့ စုစုပေါင်း တည်ဆောက်မှု ကုန်ကျစရိတ်ကတော့ အမေရိကန်ဒေါ်လာ ၄၂ဝသန်း ဖြစ်ပါတယ်။ ပတေး ကိုဂုဏ်ပြုတာအပြင် ကမ္ဘာလှည့်ခရီးသွားတွေကို ဆွဲဆောင်ရန် ဆိုတဲ့ ရည်ရွယ်ချက်တွေနဲ့ အိန္ဒိယဝန်ကြီးချုပ် မိုဒီကိုယ်တိုင် ကမကထ ပြုပြီး တည်ဆောက်ခဲ့ပေမယ့် ဒေသခံတွေရဲ့ ပြစ်တင်ဝေဖန်မှုတွေကို သာခံခဲ့ရပါတယ်။

ရုပ်တုဖွင့်ပွဲကို မိုဒီကို မလာဖို့ အကြီးအကဲတွေက လက်မှတ်ထိုးကာ ဒေသခံထောင်ပေါင်းများစွာ ဟာ ဆန္ဒပြခဲ့ကြပါတယ်။ ပြည်သူတွေဒီလို စိတ်နာရခြင်းအကြောင်းကတော့ ရုပ်တုကြီး နဲ့ တာဒါ ဆရိုဗာ ဆည်တည်ဆောက်ရေးတွေကြောင့် ဒေသခံတွေရဲ့ အဓိကအားထားရာ နာမာဒါမြစ်ကြီးအပြင် သဘာဝပတ်ဝန်းကျင်တွေလည်း ပျက်စီးခဲ့ရလို့ဖြစ်ပါတယ်။

ဒါ့အပြင် ဒေသတွင်းမှာ စာသင်ကျောင်းတွေ၊ ဆေးရုံတွေ၊ သောက်ရေသန့်တွေ လုံလုံလောက်လောက် မရှိတဲ့အခြေအနေမှာ လိုအပ်ချက်တွေကို ဖြည့်စွက်ရမယ့်အစား အခုလို သန်းပေါင်း ရာချီကုန်ကျတဲ့ ရုပ်တုကို တည်ဆောက်ရပါ့မလား ဆိုတဲ့ ဝေဖန်ထောက်ပြချက်တွေ ပြင်းထန်ခဲ့ပါတယ်။

Leave a Reply