ပင်လယ်ရေပြင်အောက်မှ ထူးထူးခြားခြားတွေ့ရှိမှုများ

Posted on

ရေးသားသူ – ကောင်းစည်သူ

ပင်လယ်သမုဒ္ဒရာများ၏အောက်တွင်ထူးဆန်းအံ့ဘွယ်အရာများ အများအပြားရှိနေသည်ကို မည်သူမျှ မငြင်းနိုင်ကြပါချေ။ ယင်းတို့သည် ပင်လယ်ပြင်အတွင်း၌ မူလကတည်းကရှိနေသည်ရှိစေ ရှိမနေသည်ဖြစ်စေ ရှာဖွေတွေ့ရှိသမျှသော အရာများသည် များစွာ စိတ်ဝင်စားဖွယ်ကောင်းပြီး အချို့သောပစ္စည်းများကို တွေ့ရှိခြင်းသည် ရှာဖွေကြသူများအတွက် နားမလည်အောင်ဖြစ်ကြရသည်။ ယနေ့ကမ္ဘာတွင် ပင်လယ်ရေ မျက်နှာပြင်အောက်မှ ပစ္စည်းများတွေ့ရှိမှုများသည် တစ်စထက်တစ်စ များပြားလာလျက်ရှိရာ အောက်တွင် ဖော်ပြမည့် တွေ့ရှိမှုများသည် အထူးခြား အဆန်းပြားဆုံးစာရင်းတွင်ပါဝင်ကြသည်။

၆။ ရေအောက်မှ အပိုလို ၁၁ ၏ အင်ဂျင်များ

၂၀၁၃ ခုနှစ် မတ်လတွင် အမေရိကန်နိုင်ငံ အမေဇုန် အမှုဆောင်အရာရှိချုပ် ဂျက်ဖ်ဘီဇော့စ်သည် ရူးသွပ်သည်ဟု ဆိုနိုင် သောအလုပ်တစ်ခုကိုပြုလုပ်ရန်ဆုံးဖြတ်ခဲ့သည်။ သူသည် အပိုလို ၁၁ အာကာသယာဉ်လွှတ်တင်ခဲ့စဉ်က အသုံးပြုခဲ့သည့်အင်ဂျင် များကို ပြန်လည်ရှာဖွေရေးလုပ်ငန်းကို စတင်ဆောင်ရွက်ခဲ့သည်။ ယင်းအင်ဂျင်များသည် အပိုလို ၁၁ ကိုလွှတ်တင်ခဲ့သည့် ၁၉၆၉ ခုနှစ် ကတည်းက ပင်လယ်ရေအောက် ကြမ်းပြင် တွင်ရှိနေခဲ့သည်။ ပင်လယ်ကြမ်းပြင်မှ ဂျက်ဖ်ဘီဇော့စ် ရှာဖွေရရှိခဲ့သည့် အင်ဂျင်စက် နှစ်လုံးနှင့် အစိတ်အပိုင်းများကို ယခုအချိန်တွင် ယာယီ ထိန်းသိမ်းထားပြီး ကင်ဆပ်စ်ပြည်နယ် အာကာသစင်တာတွင်ပြသရန် ပေးပို့သွားမည်ဖြစ်သည်။

၅။ လာဇာရပ်စ်ငါး

လွန်ခဲ့သော နှစ်ပေါင်း၆၅ သန်းက မျိုးတုန်းပျောက်ကွယ်ခဲ့ပြီးဟု ယုံကြည်ထားကြသည့် Lazarus (Coelacanth) ငါးမျိုးစိတ်ကို အသက်ရှင် သန်လျက်ကျန်ရှိနေသေးကြောင်း သိပ္ပံပညာရှင်တစ်ဦးက တွေ့ရှိခဲ့ရသည်။ ၁၉၃၈ ခုနှစ် တွင် အဏ္ဏ၀ါ ဇီဝဗေဒ ပညာရှင်တစ်ဦးသည် အာဖရိကကမ်းလွန်တွင်ဒေသခံငါးဖမ်းသမား တစ်ဦးနှင့် လိုက်ပါစဉ် ပိုက်အတွင်းမှ တွေ့ရှိခဲ့သည်။ ထို့အတူပင်ယင်း မျိုးစိတ် ဒုတိယ တစ်ကောင်ကို အင်ဒိုနီးရှားနိုင်ငံတွင် ထပ်မံတွေ့ရှိခဲ့သည်။ သို့သော်လည်း ယင်းငါးမျိုးစိတ်သည်နှစ်ပေါင်းသန်းနှင့်ချီ၍ မူလမျိုးဗီဇမှ ပျောက်ကွယ်ခဲ့ကြောင်းတွေ့ရှိထားခဲ့ကြသည်။ ယင်းငါးမျိုးစိတ်သည် စား၍ မရသော ငါးများဖြစ်သဖြင့် ယင်းတို့ကို ပင်လယ် အနက်ပိုင်းမှ ဖမ်းဆီးရမိသည့်တိုင် လူများ မစားသုံးနိုင်ကြပါချေ။

၎။ ပင်လယ်ဓါးပြသင်္ဘော နှင့် အမြောက်

၁၇၁၈ ခုနှစ်က မုတ်ဆိတ်နက်ဟုအမည်ရှိသည့် သင်္ဘောကပ္ပီတန် ပင်လယ်ဓါးပြသည် ဗျူးဖို့ဒ်ကမ်းခြေတွင် သူ၏ သင်္ဘော ရေတိမ်တွင်ပိတ်မိနေစဉ် သူ့အားသင်္ဘောကို နှစ်မြှုပ်ပစ်ရန် အမိန့်ပေးခဲ့သည်။ ယင်းသင်္ဘောသည် ၁၇၁၀ ခုနှစ်တွင် ရေချခဲ့သည့် Queen Anne’s Revenge ရွက်သင်္ဘောဖြစ်ပြီး ၁၉၆၆ ခုနှစ်တွင် ယင်းရွက်သင်္ဘော၏ အပျက်အစီးများကို ပင်လယ်ပြင်အောက်မှ ရှာဖွေတွေ့ ရှိခဲ့သည်။ ထောင်ပေါင်းများစွာသော လက်မှုပစ္စည်းများကို သင်္ဘောနှင့် အတူတွေ့ရှိခဲ့သည်။

၂၀၁၃ ခုနှစ်တွင် အမေရိကန်ပြည်ထောင်စု၊မြောက်ကာရိုလိုင်းနား ယဉ်ကျေးမှုအရင်းအမြစ်ဌာနသည် ပင်လယ်ပြင်အောက် မှ ပေါင် ၂၀၀၀ ကျော် အလေးချိန်ရှိသည့်အမြောက်များနှင့် သေနတ်များကို ရှာဖွေဆယ်ယူခဲ့သည်။ တွေ့ရှိခဲ့သော ရေအောက် ပစ္စည်း များတွင် အမျိုးမတူသော အမြောက် အလက် ၂၀ ကိုတွေ့ရှိခဲ့ရသည်။

၃။ ငါးမန်း အသစ် အဟောင်းများ

အိန္ဒိယ သမုဒ္ဒရာအတွင်း ၂၀၁၂ ခုနှစ်က နှစ်လကြာငါးဖမ်းခရီးတွင် သမုဒ္ဒရာ ရေနက်ပိုင်းမှ အနည်းဆုံးမျိုးစိတ်အသစ် ရှစ်ခု အပါအ၀င် ငါးမန်းအကောင်ရေ တစ်ရာကျော် ဖမ်းမိခဲ့သည်။ ကာလီဖိုးနီးယားအဏ္ဏ၀ါ ဗေဒ ဓာတ်ခွဲခန်းတွင်ငါးမန်းတို့၏ သဘာဝ ၀န်း ကျင်ပညာဖြင့်ဘွဲ့ရရှိထားသူ ပေါလ်ကလာကင်သည် လေ့လာရေးငါးဖမ်းခရီးစဉ်ကို ဦးဆောင်ခဲ့ပြီး စိတ်လှုပ်ရှားဖွယ်ရလာဒ်များကို ရရှိ ခဲ့သည်။

ပေါလ်ကလာကင်သည် NBC နှင့်တွေ့ဆုံခန်းတွင် သူတို့တွေ့ရှိခဲ့သော ငါးမန်းများသည် မျက်မှောက်ခေတ် မြင်တွေ့နေကျ ငါးမန်းဖြူများနှင့် မတူညီကြောင်းပြောကြားခဲ့သည်။ငါးမန်း၏ကျောမှ ထွက်နေသည့် ခွေးသွားစိတ်များပါသည့် ကျောရိုးသည် ရှင်းပြ၍ မရသေးသည့် အချက်ဖြစ်နေသည်။သို့သော်လည်း ယင်းသို့ ဖြစ်နေရခြင်း၏ အကြောင်းရင်းကို မကြာမီ ရှင်းလင်း ပြနိုင်မည်ဖြစ် ကြောင်း ပြောဆိုခဲ့သည်။ ယင်းခွေးသွားစိတ်ကျောရိုးများသည် ပုံမှန်မဟုတ်ဘဲ ထူးခြားနေသည့် ကြောက်စရာ အချက်တစ်ခုဖြစ် နေပေသည်။

၂။ ပျောက်ဆုံးနေသည့် ငွေတုံးများ

ဗြိတိသျှတို့၏ SS Gairsoppa ကုန်တင် သင်္ဘောသည် ဒုတိယကမ္ဘာစစ် မဖြစ်ပွားမီ ၁၉၄၂ ခုနှစ်တွင် အတ္တလန္တိတ်သမုဒ္ဒရာ အတွင်း၌ နာဇီတို့ပစ်ခတ်ခဲ့သော တော်ပီဒို ဗုံးထိမှန်ကာ နစ်မြုပ်ခဲ့သည်။ ယင်းနေရာသည် အိုင်ယာလန်နိုင်ငံ ကမ်းခြေမှ မိုင် ၃၀၀ နီးပါးအကွာ ကမ်းလွန်ဒေသဖြစ်ပြီး ယင်းသင်္ဘောသည် ပင်လယ်ပြင်အောက်တွင် လုံးဝပျောက်ဆုံးသွားခဲ့ပြီဟု ယုံကြည် ထားခဲ့ကြ ရာမှ ၂၀၁၂ ခုနှစ် တွင် အတ္တလန္တိတ်သမုဒ္ဒရာအောက်မှ သင်္ဘော အပျက်အစီး အစိတ်အပိုင်းများကို ပြန်လည်တွေ့ရှိခဲ့ရသည်။

အမေရိကန် ပြည်ထောင်စု၊ ဖလော်ရီဒါမှ အော်ဒက်ဆီ အဏ္ဏ၀ါ စူးစမ်းရှာဖွေရေးအဖွဲ့သည်သင်္ဘော အတွင်းရှိနေသော ငွေတုံးများ၏ ၂၀ ရာခိုင်နှုန်းကို ပြန်လည်ရရှိထားကြောင်း ထုတ်ဖော်ပြောကြားခဲ့သည်။ ယင်းတို့သည် အလေးချိန် ၆၁ တန်ရှိကာ တန်ဖိုး အမေရိကန် ဒေါ်လာ ၃၆ သန်းဖြစ်သဖြင့် တစ်နေရာတည်းမှ ရှာဖွေတွေ့ရှိသမျှ ရတနာပစ္စည်းများအနက် အများဆုံး တွေ့ရှိမှု အဖြစ် စံချိန်တင်ခဲ့သည်။ သင်္ဘောပေါ်တွင် ရှိနိုင်မည့် ငွေတုံးများ၏ စုစုပေါင်းအလေးချိန်သည် တန်ချိန် ၂၄၀ ဖြစ်မည်ဟု ယုံကြည် ထားကြသည်။

၁။ ရှေးဟောင်းမြို့တော်

မြို့တော်ကြီးတစ်ခုလုံးမည်သို့ ပျောက်ကွယ်ခဲ့သည် ဆိုသည့် အကြောင်းအချက်သည် သာမာန်တွေးဆနိုင်သည်ထက်ပို၍ အံ့သြ ဖွယ်ကောင်းနေပေသည်။ ပင်လယ်ရေမျက်နှာပြင် ပုံမှန်မြင့်တက်လာမှုနှင့်အတူရေခဲတောင်များ အရည်ပျော်ကျမှုနှုန်းများပြား လာမှုသည် သမိုင်းတစ်လျောက်တွင် ကံမကောင်းလှစွာ မြို့ပြများကို ပင်လယ်အောက်သို့ရောက်ရှိစေခဲ့သည်။ ယနေ့ခေတ် ၏ တိုးတက်သော နည်းပညာများက ထိုမြို့ကြီးများကို ပြန်လည်ရှာဖွေတွေ့ရှိစေခဲ့သည့်အပြင် ပင်လယ်ပြင်အောက်မှ အပျက်အစီးများ ကို လေ့လာနိုင်ခဲ့သည်။

ယင်းသို့ ပင်လယ်ပြင်အောက်ရောက် မြို့တော်များအနက် အထင်ရှားဆုံးတစ်ခုသည်အီဂျစ်နိုင်ငံ ကမ်းလွန်တွင်ရှိသည်။ ရှေးခေတ်ဟောင်းဂရိတို့က ဟာရာကလိုင်ရွန်ဟု ခေါ်ခဲ့သည့် သွန်နိစ်သည် သက်တမ်းနှစ်တစ်ထောင်ကျော်ခဲ့ပြီဖြစ်သည်။မြို့ပြ၏ အစိတ်အပိုင်းများအား ရေအောက်မှ တွေ့ရှိခဲ့ရသည်။ယင်းတို့၏ ရုပ်ဝတ္ထု အရည်အသွေူးများက မျက်မှောက်ခေတ် လူသားများအား အတိတ်က ချမ်းသာကြွယ်ဝမှုအကြောင်းများကို ဖော်ညွှန်းပြသလျက်ရှိသည်။မြို့ကြီးတစ်ခုလုံးကို ရေအောက်မှ ဆွဲယူရန် မဖြစ်နိုင် သော် လည်း ၂၀၀၀ ပြည့်နှစ်က တွေ့ရှိခဲ့သည့် ယင်းရေအောက်မြို့တော်ကြီးသည် သမိုင်းတွင်ပျောက်ဆုံးနေခဲ့သည့် မြို့ကြီးတစ်မြို့ ကို ပြန်လည်ရရှိခဲ့ခြင်းပင်ဖြစ်သည်။

မောင်သာ (ရှေးဟောင်းသုတေသန)
၂၀၁၆ ခုနှစ် မတ် လထုတ် သုတစွယ်စုံ မဂ္ဂဇင်းမှ

Leave a Reply