သမ္မတ လင်ကွန်းနှင့် ကနေဒီ တို့ကြားက ကမ္ဘာကျော်တိုက်ဆိုင်မှုများ ၊ မတိုက်ဆိုင်မှုများ

Posted on

ရေးသားသူ – ကောင်းစည်သူ (သုတစွယ်စုံ)

အေဗရာဟင်လင်ကွန်းသည် အမေရိကန်ပြည်ထောင်စု၏ ၁၆ ဦးမြောက် သမ္မတအဖြစ်ရွေးချယ်တင်မြှောက်ခြင်းခံခဲ့ရသဖြင့် ၁၈၆၁ ခုနှစ်တွင်သမ္မတတာဝန်များကို စတင်ထမ်းဆောင်ခဲ့ပြီး နှစ်ပေါင်း ၁၀၀ တိတိအကြာ ၁၉၆၁ ခုနှစ်တွင် ဂျွန်အက်ဖ်ကနေဒီသည် အမေရိကန်နိုင်ငံ၏ ၃၅ ဦးမြောက်သမ္မတအဖြစ်တာဝန်ထမ်းဆောင်ခဲ့သည်။

သမ္မတနှစ်ဦးတို့သည် နှစ်ပေါင်း ၁၀၀ တိတိကွာခြားကာ အမေရိကန်ပြည်ထောင်စု၏သမ္မတများဖြစ်လာခဲ့သော်လည်းသူတို့ နှစ်ဦးအကြားအကြောင်းခြင်းရာနှင့်အဖြစ်အပျက်အချို့သည်ယုံနိုင်ဖွယ်မရှိအောင်တိုက်ဆိုင်နေခဲ့သည်။ ယင်းတိုက်ဆိုင်မှုများသည် မည်သည့်အကြောင်းကြောင့်ဟုအဖြေရှာ၍ မရသေးသော်လည်း အံ့ဖွယ်ဖြစ်ရပ်များအဖြစ်ယနေ့တိုင်ပြောဆိုလျက်ရှိနေကြသည်။

တိုက်ဆိုင်မှုများ

၁၊ သမ္မတနှစ်ဦးတို့သည် နှစ် ၁၀၀ ကွာခြားကာ (၁၈၄၆ ခုနှစ် နှင့် ၁၉၄၆ ခုနှစ်)များတွင် ကွန်ဂရက် အမတ်များဖြစ်လာခဲ့ကြပြီး နှစ် ၁၀၀ တိတိကွာခြားလျက်(၁၈၆၀ ပြည့်နှစ် နှင့် ၁၉၆၀ ပြည့်နှစ်) များတွင် သမ္မတများဖြစ်လာခဲ့ကြသည်။

၂၊ သမ္မတ နှစ်ဦးလုံး၏ အမည်များတွင် စာလုံး ခုနစ်လုံးစီပါဝင်သည်။

၃၊ သူတို့နှစ်ဦးလုံးသည် လူ့အခွင့်အရေးနှင့် ပတ်သက်နေကြသူများဖြစ်ကြသည်။

၎၊ အိမ်ဖြူတော်တွင်နေထိုင်ကာ သမ္မတတာဝန်ထမ်းဆောင်နေကြစဉ် သူတို့၏ရင်သွေးများသည်အိမ်ဖြူတော်၌ကွယ်လွန်ခဲ့ကြသည်။

၅၊ သူတို့နှစ်ဦးလုံးသည် သောကြာနေ့တွင် ဦးခေါင်းကို သေနတ်ဖြင့်အပစ်ခံခဲ့ကြရသည်။

၆၊ လင်ကွန်း၏ အတွင်းရေးမှူးက ကဇာတ်ရုံသို့မသွားရန် သတိပေးခဲ့သကဲ့သို့ကနေဒီ၏အတွင်းရေးမှူးကလည်း ဒါလက်စ်သို့ မသွားရန်သတိပေးခဲ့သည်။ သူတို့သည် သူတို့အတွင်းရေးမှူးများက မသွားရန်တားမြစ်ခဲ့သည့်နေရာများတွင်လုပ်ကြံခံခဲ့ရသည်။ ပို၍ထူးဆန်းသည့်အချက်မှာလင်ကွန်း၏အတွင်းရေးမှူးအမည်သည် ကနေဒီဖြစ်ပြီး ကနေဒီ၏အတွင်းရေမှူးအမည်သည် လင်ကွန်း ဖြစ်နေခြင်း ပင်။

၇၊ သမ္မတ နှစ်ဦးလုံးသည် တောင်ပိုင်းသားများ၏ လုပ်ကြံခြင်းကို ခံခဲ့ရကာ သူတို့နေရာကို ဆက်ခံကာ သမ္မတ ဖြစ်လာကြသူများ သည်လည်း တောင်ပိုင်းသားများပင်ဖြစ်သည်။ သူတို့ကိုဆက်ခံသည့် သမ္မတများ၏အမည်များသည် ဂျွန်ဆင်ဖြစ်နေသဖြင့်ပို၍ အံ့ သြကြရပြန်သည်။

၈၊ လင်ကွန်းကို ဆက်ခံသည့် အင်ဒရူးဂျွန်ဆင်သည် ၁၈၀၈ ခုနှစ်တွင် မွေးဖွားခဲ့သူဖြစ်ကာ ကနေဒီကိုဆက်ခံခဲ့သည့် လန်ဒန်ဂျွန်ဆင် ကို ၁၉၀၈ ခုနှစ်တွင်မွေးဖွားခဲ့သည်။ ဂျွန်ဆင်နှစ်ဦးလုံးသည် နှစ် ၁၀၀ ကွာခြားသည်။

၉၊ လင်ကွန်းကိုလုပ်ကြံသူ ဘုသ်သည် ၁၈၃၉ ခုနှစ်တွင်မွေးဖွားသူဖြစ်ပြီး ကနေဒီကိုလုပ်ကြံသူ အော့စ်ဝေးလ်သည် ၁၉၃၉ နှစ်ဖွားဖြစ် သည်။ လုပ်ကြံသူနှစ်ဦး၏ အမည်များသည်စာလုံး ၁၅ လုံးစီပါဝင်ကြသည်။

၁၀၊ ဘုသ်သည် ကဇာတ်ရုံမှ ထွက်ပြေးကာ ကုန်လှောင်ရုံတစ်ခုတွင် အဖမ်းခံရသကဲ့သို့ အော့စ်ဝေးလ်သည် ကုန်လှောင်ရုံတစ်ခုမှ ထွက်ပြေးကာ ကဇာတ်ရုံ တစ်ခုတွင် အဖမ်းခံခဲ့ရသည်။

၁၁၊ လုပ်ကြံသူ နှစ်ယောက်လုံးသည် တရားစီရင်ခြင်းမတိုင်မီ လုပ်ကြံခံခဲ့ကြရသည်။ သမ္မတကနေဒီ လုပ်ကြံခံရပြီး မကြာမီ ၁၉၆၃ ခုနှစ်တွင် အထက်ပါအံ့သြဖွယ်တိုက်ဆိုင်မှုများပေါ်ထွက်ခဲ့သည်။

ယင်းအချိန်မှ စ၍အဆိုပါတိုက်ဆိုင်မှုများကိုစဉ်ဆက်မပြတ်ရိုက်နှိပ်ထုတ်ဝေဖြန့်ဝေခဲ့ကြရသည်။သို့သော်လည်း ယင်းတိုက်ဆိုင်မှုများသည်အချက် အလက်များမှားယွင်းမှုရှိကြောင်းနှင့် အချို့သောအချက်များသည်လည်း သာမာန်အပေါ်ယံတိုက်ဆိုက်မှုများသာဖြစ်ကြောင်းသုံးသပ် ချက်များပေါ်ထွက်လာခဲ့သည်။ ယင်းတို့နှစ်ဦးအကြားတွင်တိုက်ဆိုင်မှုများရှိသကဲ့သို့ မတိုက်ဆိုင်မှုလည်းများစွာရှိနေကြောင်းရေးသားမှုများ ထွက်ပေါ်ခဲ့သည်။

 

မတိုက်ဆိုင်မှုများ

နှစ် ၁၀၀ ကွာခြားချက်များ

လင်ကွန်းနှင့်ကနေဒီတို့ နှစ်ဦးလုံးသည်ကွန်ဂရက် အမတ်များအဖြစ်ရွေးချယ်ခံရခြင်းသည်ကားမှားယွင်းမှုမရှိပါချေ။ သူတို့ နှစ်ဦးသည် နှစ် ၁၀၀ ကွာခြားလျက်အမတ်များဖြစ်လာခဲ့ခြင်းသည် သာမာန်တိုက်ဆိုင်မှုဟုဆိုနိုင်ပြီးသူတို့နှစ်ဦး၏ နိုင်ငံရေး လှုပ်ရှား မှုများသည် တစ်ဦးနှင့်တစ်ဦး အနည်းငယ်သာတူညီနေခဲ့သည်။

လင်ကွန်းသည် အီလွိုင်နွိုက်စ်ပြည်နယ်၏ ဥပဒေပြုအမတ်အဖြစ် သက်တမ်းတစ်ကြိမ်ရွေးချယ်ခံခဲ့ရပြီး ၁၈၆၀ ပြည့်နှစ်တွင် သမ္မတမဖြစ်မီ ရှုံးနိမ့်မှုများဖြင့် ရင်ဆိုင်ခဲ့ရသည်။၁၈၅၄ ခုနှစ်နှင့်၊ ၁၈၅၈ ခုနှစ်များတွင် လွှတ်တော်နေရာအတွက် ရှုံးနိမ့်ခဲ့သကဲ့သို့၁၈၅၆ ခုနှစ်တွင် ရီပတ်ဗလင်ကင်ပါတီ ဒုတိယသမ္မတနေရာအတွက် လွဲ ချော်ခဲ့သည်။

ကနေဒီသည်ဒုတိယကမ္ဘာစစ်အပြီးတွင်နိုင်ငံရေးလောကသို့ဝင်ရောက်လာခဲ့ပြီး ၁၉၄၆ ခုနှစ်တွင်အောက်လွှတ်တော်အမတ် ဖြစ်လာခဲ့သည်။ ကနေဒီသည် နိုင်ငံရေးလောကတွင် အောင်မြင်မှုများ ဆက်တိုက်ရရှိခဲ့ကာ ၁၉၅၀ ပြည့်နှစ်တွင် လွှတ်တော်အမတ် နေရာ ထပ်မံရွေးချယ်ခံခဲ့ရသည်။ ၁၉၅၄ ခုနှစ်တွင် ၁၈၅၈ ခုနှစ်တွင် ဆီးနိတ်တွင်ရွေးချယ်ခံခဲ့ရပြီး ၁၉၆၀ ပြည့်နှစ်တွင် သမ္မတဖြစ်လာ ခဲ့သည်။

သူတို့နှစ်ဦးသည် နိုင်ငံရေးနယ်ပယ်တွင် ပထမဆုံးအောင်မြင်မှုများရရှိပြီးနောက် နှစ် ၁၀၀ တိတိကွာခြားကာ သမ္မတများ ဖြစ်လာခဲ့သည်။အမေရိကန် နိုင်ငံ၏သမ္မတရွေးကောက်ပွဲများကို လေးနှစ် တစ်ကြိမ်ကျင်းပပြုလုပ်မြဲဖြစ်သည်။ နှစ် ၁၀၀ကွာခြားကာ လွှတ်တော်အမတ်ဖြစ်လာပြီး နှစ် ၁၀၀ ကွာခြားကာသမ္မတဖြစ်လာခြင်းသည် ထူးခြားချက်တစ်ခုဟုမဆိုနိုင်ပါချေ။ အမေရိကန် သမ္မတ ရွေးကောက်ပွဲများသည် လေးနှစ် တစ်ကြိမ်ကျင်းပမြဲဖြစ်သဖြင့် လင်ကွန်းသည် သမ္မတရွေးချယ်တင်မြှောက်ပွဲ မကျင်းပသည့် ၁၈၅၇၊ ၁၈၅၈၊ ၁၈၅၉ ခုနှစ်များ သို့မဟုတ် ၁၈၆၁၊၁၈၆၂၊၁၈၆၃ ခုနှစ်များတွင် သမ္မတဖြစ်မလာနိုင်သကဲ့သို့ ကနေဒီသည်လည်း ၁၉၅၇၊ ၁၉၅၈၊ ၁၉၅၉ ခုနှစ်များသို့မဟုတ် ၁၉၆၁၊၁၉၆၂၊၁၉၆၃ ခုနှစ်များတွင် သမ္မတ ဖြစ်လာမည်မဟုတ်ပါချေ။

ထို့ကြောင့်သမ္မတနှစ်ဦးသည်မိမိတို့ နိုင်ငံရေးနယ်ပယ်တွင်ရှိနေသည့် ရှစ်နှစ်တာကာလအတွင်း နိုင်ငံရေးလှုပ်ရှားမှုများကို ဆောင်ရွက်ခဲ့ကြသည့်တိုင် သမ္မတအဖြစ်ရွေးကောက်ပွဲဝင်ရမည့် အခွင့်အရေးသည်နှစ်တစ်ရာသာကွာခြားမည်ဖြစ်ပေသည်။ ထိုတိုက်ဆိုင်မှုကို အံ့ဖွယ်မှုယူဆမည်ဆိုပါက သမ္မတနှစ်ဦးအကြား မတိုက်ဆိုင်မှုများစွာ ရှိနေကြောင်းကိုလည်းစဉ်းစားကြရပေမည်။

လင်ကွန်း သည် ၁၈၀၉ ခုနှစ်တွင်ဖွားမြင်သူတစ်ဦးဖြစ်သော်လည်း ကနေဒီကို ၁၉၁၇ ခုနှစ်တွင် မွေးဖွားခဲ့သည်။ လင်ကွန်းသည် အသက် ၅၆ နှစ် အရွယ်၊ ၁၈၆၅ ခုနှစ်တွင် ကွယ်လွန်ပြီး ကနေဒီက အသက် ၄၆ နှစ်၊ ၁၀၆၃ ခုနှစ်တွင်ကွယ်လွန်ခဲ့သည်။ သမ္မတနှစ်ဦးသည် လ တစ်ခုအတွင်းလုပ်ကြံခံနိုင်မှုသည် ၁၂ ပုံ တစ်ပုံ ဖြစ်နိုင်ခြေရှိသော်လည်း ကွယ်လွန်ခဲ့ကြသည့် လ များ မတူညီဘဲ လင်ကွန်းက ဧပြီလ နှင့် ကနေဒီက နိုဝင်ဘာတွင် လုပ်ကြံခံခဲ့ကြရသည်။ အခြား မတိုက်ဆိုင်မှုတစ်ရပ်မှာ လင်ကွန်း သည် သမ္မတ ဒုတိယသက်တမ်းတွင်ပြန်လည်ရွေးချယ်ခံခဲ့ရသော်လည်း ကနေဒီသည် သမ္မတ ပထမသက်တမ်းမပြည့်မီမှာပင် ကွယ်လွန်ခဲ့ခြင်းဖြစ်သည်။

နာမည် စာလုံးများ

သမ္မတနှစ်ဦး၏အမည်များတွင်စကားလုံး ခုနစ်လုံးပါဝင်သည်ဆိုသည့်အချက်သည် အရေးမကြီးလှသောအသေးအဖွဲအချက် မျှသာ ဖြစ်ပေသည်။ သမ္မတနှစ်ဦး၏အမည်များကိုစဉ်းစားကြရာတွင်မိသားစုအမည်(ဆာနိမ်း)သည်ပျမ်းမျှ စကားလုံး ၆ ဒသမ ၆၄ လုံး ပါဝင်ကြောင်းတွေ့ရှိရသည်။သမ္မတများ၏ ပထမအမည်များတွင်ပါဝင်သော စာလုံးများသည် တူညီမှုမရှိသည့်အချက်ကို ဖော်ပြခြင်း မပြုဘဲ လင်ကွန်း(Lincoln)နှင့် ကနေဒီ(Kennedy) ဟူသည့် အမည်နှစ်ခုကိုသာ ရေတွက်ခြင်းဖြစ်သကဲ့သို့ ကနေဒီ၏အမည်တွင် အလယ်စာလုံး (Fitzgerald) ပါဝင်သော်လည်း သို့သော်လင်ကွန်း၏ နာမည်တွင် အလယ်စာလုံးမပါရှိပါချေ။

သမ္မတနှစ်ဦး၏ လူ့အခွင့်အရေး

သမ္မတနှစ်ဦးလုံးသည် လူ့အခွင့်အရေးနှင့် ပတ်သက်နေကြသူများဖြစ်သည်ဟု ဆိုသည်။သို့ဆိုလျှင် အမေရိကန်သမ္မတ များ ဖြစ်ခဲ့ကြသည့် ၀ုဒ်ရိုးဝီလ်ဆင်နှင့်ရူးစဗဲ့တို့ကို စစ်နှင့်ပတ်သက်နေသူများဟုလည်းကောင်း၊ ဟားဘတ်ဟိုဗားနှင့်ရော်နယ်ရီဂင် တို့ကို စီးပွားရေးနှင့်ပတ်သက်နေသူများဟု လည်းကောင်းဆိုရပေလိမ့်မည်။ အမေရိကန်သမ္မတများသည် မိမိတို့တာဝန်ယူချိန်တွင် အမေရိကန်ပြည်ထောင်စု၌ဖြစ်ပျက်နေသည့် အခြေအနေများကို ကိုင်တွယ်ဖြေရှင်းကြရသဖြင့်လူ့အခွင့်အရေးဆိုင်ရာ ပြဿနာ များကြီးထွားနေချိန်တွင် သမ္မတ ဖြစ်လာကြသည့် လင်ကွန်းနှင့် ကနေဒီ တို့သည် လူ့အခွင့်အရေး ကိစ္စများကို ဆောင်ရွက်ကြရ သည်သာ ဖြစ်ပေသည်။

အိမ်ဖြူတော်တွင်ရင်သွေးများကွယ်လွန်ခြင်း

သမ္မတနှစ်ဦးတို့သည် အိမ်ဖြူတော်တွင် တာဝန်ထမ်းဆောင်နေစဉ် မိမိတို့ရင်သွေးများကွယ်လွန်ခဲ့ကြသော်လည်း အခြေ အနေနှင့် သဘာဝသည် လုံးဝကွဲပြားခြားနားလျက်ရှိသည်။ လင်ကွန်း၏ သားသမီးအားလုံးသည် လင်ကွန်းသမ္မတမဖြစ်မီကပင် မွေးဖွားခဲ့ကြပြီး လင်ကွန်းသည် တိုက်ဆိုင်မှုတွင်ဖော်ပြသကဲ့သို့ရင်သွေးတစ်ယောက်ဆုံးရှုံးခဲ့ခြင်းမဟုတ်ဘဲ နှစ်ယောက်ဆုံးရှုံးခဲ့ခြင်းဖြစ်သည်။ လင်ကွန်းသည် သူ၏သမ္မတသက်တမ်းအတွင်း ရင်သွေးတစ်ယောက် ကွယ်လွန်ခဲ့သည်။ လင်ကွန်းသမ္မတ မဖြစ်မီ ၁၈၅၀ ပြည့် နှစ်တွင် လေးနှစ်အရွယ် အက်ဒွပ်လင်ကွန်းသည် အဆုပ်ရောဂါဖြင့် ကွယ်လွန်ခဲ့ပြီး ၀ီလီလင်ကွန်းသည် အိမ်ဖြူတော်တွင် အသက် ၁၁ နှစ် အရွယ်၌ အူရောင်ငန်းဖျား ရောဂါကြောင့် သေဆုံးခဲ့သည်။

ကနေဒီသည် အိမ်ဖြူတော်တွင် တာဝန်မထေမ်းဆောင်မီက သားသမီးမရှိသေးဘဲ ၁၉၆၃ ခုနှစ်တွင် လမစေ့မီမွေးဖွား ခဲ့ သော သမီးငယ်သည် မွေးဖွားပြီးနှစ်ရက်အကြာတွင်သေဆုံးခဲ့သည်။ လင်ကွန်းနှင့် ကနေဒီ မတိုက်ဆိုင်သော အချက်တစ်ခုမှာ လင်ကွန်းတွင် သားလေးယောက်ရှိ၍ သားတစ်ယောက်သည် ဆယ်ကျော်သက်ဘ၀အထိ အသက်ရှည်ခဲ့ပြီး ကနေဒီသည် သားနှစ်ယောက်၊ သမီးတစ်ယောက်ရှိကာ နှစ်ဦးသည် လူကြီးဖြစ်သည်အထိ အသက်ရှည်ခဲ့ကြခြင်းဖြစ်သည်။

သောကြာနေ့တွင် ဦးခေါင်းကို သေနတ်အပစ်ခံရခြင်း

သမ္မတတစ်ဦးကို သာမာန်လူတစ်ယောက်က သေနတ်ဖြင့် ပစ်ခတ်နိုင်သည့် အကောင်းဆုံးအခွင့်အရေးသည် လူထုကြား တွင် ရှိနေသည့် အချိန်ဖြစ်ပြီး သမ္မတတစ်ဦးသည် ရုံးပိတ်ရက်များဖြစ်သည့် စနေ၊ တနင်္ဂနွေနေ့များနှင့် ပိတ်ရက်အကြို သောကြာ နေ့များတွင် လူထုနှင့်တွေ့ဆုံလေ့ရှိကြသည်။ ထို့ကြောင့်သမ္မတတစ်ဦးသည် သောကြာနေ့အပါအ၀င်ပိတ်ရက်များတွင် အခြားနေ့ များထက်ပို၍ လုပ်ကြံခံရဖွယ်ရှိသည်။

ဘုသ်သည် လင်ကွန်းကို မလုပ်ကြံမီ လင်ကွန်း ကမ်ဘဲလ်ဆေးရုံသို့ လာရောက်မည့် သမ္မတ ကြီး ကိုပြန်ပေးဆွဲရန် စီစဉ်ခဲ့ဖူးသည်။သို့သော်ဘုသ်၏အကြံအစည် မအောင်မြင်ခဲ့သည့်အပြင်ထိုနေ့သည် မတ်လ ၁၇ ရက် သောကြာနေ့ ဖြစ်သည်။ လူတစ်ယောက်ကို သေစေနိုင်သည့် သေနတ်ပစ်မှတ်သည် နှလုံးရှိသည့်နေရာနှင့် ဦးခေါင်းသာဖြစ်သဖြင့် လုပ်ကြံသူနှစ် ယောက်သည် သမ္မတများ၏ ဦးခေါင်းကို သေနတ်ဖြင့် ပစ်ခတ်ကာ လုပ်ကြံခြင်းသည် တိုက်ဆိုက်မှုတစ်ရပ်မဟုတ်ပါချေ။

သမ္မတများ သည် ထိုင်နေစဉ် နောက်ဘက်မှ လုပ်ကြံသူများက ပစ်ခတ်ကြသဖြင့် ဦးခေါင်းကိုသာ ပစ်ခတ်ကြရပေသည်။ ထို့ကြောင့် ပစ်ခတ်သူ များသည် ဦးခေါင်းမှလွဲ၍ ပစ်ခတ်ရမည့်နေရာကို ရွေးချယ်ရန်မရှိခဲ့ကြပါချေ။လင်ကွန်းသည် အခန်းအတွင်း သေးငယ်သော သေနတ် ဖြင့် လုပ်ကြံခံခဲ့ရသော်လည်း ကနေဒီသည် လူမြင်ကွင်းတွင် ကိုက် ၁၀၀ ကျော်အကွာအဝေးမှ ရိုင်ဖယ်ဖြင့် ပစ်သတ်ခံခဲ့ရသည်။

အတွင်းရေးမှူးများ၏ တားမြစ်ချက်

လင်ကွန်းနှင့် ကနေဒီ အကြား တိုက်ဆိုင်မှု တစ်ရပ်အဖြစ် လင်ကွန်း၏ အတွင်းရေးမှူးက ဖို့ဒ်ကဇာတ်ရုံသို့မသွားရန် သတိ ပေးခဲ့သကဲ့သို့ကနေဒီ၏အတွင်းရေးမှူးကလည်းဒါလက်စ်သို့မသွား ရန်သတိပေးခဲ့သည်ဟု ဆိုကြသည်။ ယင်းအချက်သည်မှားယွင်း နေသော အချက်တစ်ချက်သာဖြစ်ပြီး လင်ကွန်း၏အတွင်းရေးမှူးအမည်သည်ကနေဒီမဟုတ်ဘဲ လင်ကွန်းသမ္မတတာဝန်ထမ်းဆောင် ခဲ့ချိန်တွင် အတွင်းရေးမှူး နှစ် ယောက်သည်ဂျွန်နီကိုလေးနှင့် ဂျွန်ဟေးတို့ဖြစ်ကြသည်။ ကနေဒီ၏ အတွင်းရေးမှူးသည် အက်ဗလင် လင်ကွန်းဖြစ်သော်လည်း ဒါလက်စ်သို့ မသွားရန် ပြောခဲ့မပြောခဲ့ မသိနိုင်ပါချေ။

အရေးကြီးသည့် အချက်တစ်ခုမှာ အမေရိကန်သမ္မတများသည် လုပ်ကြံသတ်ဖြတ်မည်ဟု ခြိမ်းခြောက်မှုများကိုမကြာမကြာ ရရှိလေ့ရှိကြသည့်အတွက် တာဝန်ရှိသူတစ်စုံတစ်ယောက်၏အန္တရာယ်မရှိကြောင်း ပြောကြားချက်မရှိဘဲ သမ္မတများသည် လူထူမြင် ကွင်းသို့ထွက်ခဲကြသည်။ လင်ကွန်းသည်သူ၏သမ္မတသက်တမ်းအတွင်း ပြန်ပေးဆွဲမည်၊ လုပ်ကြံမည်စသည်ဖြင့်ခြိမ်းခြောက်ထား သောစာပေါင်းအစောင် အနည်းဆုံး ၈၀ လက်ခံရရှိခဲ့သော်လည်း တစ်ခုမှဖြစ်မလာခဲ့ပါချေ။ လင်ကွန်းကို လုံခြုံရေးအရ ကပွဲရုံသို့ မသွားရန် တာဝန်ရှိသူများက သတိပေးခဲ့သည်။ ထို့အတူပင် သမ္မတကြီးအား တားမြစ်မှုများပြုလုပ်ခဲ့ဖူးသကဲ့သို့ ကနေဒီက်ိုလည်း ဒါလက်စ်သို့ မသွားမီ တစ်ရက်အလိုတွင် စန်အန်တိုနီယိုသို့ မသွားရန် သတိပေးခဲ့သည်။

တောင်ပိုင်းသားများ၏ လုပ်ကြံ၍ တောင်ပိုင်းသားများသမ္မတဖြစ်လာခြင်း

တောင်ပိုင်းသားဟူသည့် အချက်သည် သံသယဖြစ်ဖွယ် အသုံးအနှုံးသာဖြစ်ပြီး လင်ကွန်းကို လုပ်ကြံခဲ့သူ ဂျွန်ဘုသ်သည် အမေရိကန် မြောက်ပိုင်းအစွန်ရှိ မေရီလန်းတွင်မွေးဖွားခဲ့သူဖြစ်ကာ မေရီလန်းသည်အမေရိကန် ပြည်တွင်းစစ်အတွင်းက ပြည်ထောင်စု၏အစိတ်အပိုင်းနယ်မြေဖြစ်တစ်ခုခဲ့သည်။ ဂျွန်ဘုသ်သည် မြောက်ပိုင်းတွင်သာ အနေများခဲ့ကာ မိမိကို မိမိတောင်ပိုင်းကို နားလည်သော မြောက်ပိုင်းသားဟု ခံယူထားသူဖြစ်သည်။

အော့စ်ဝေးလ်သည် တောင်ပိုင်းသားဟု ခေါ်ဆိုနိုင်ပြီးနယူးအော်ရီလန်းတွင် မွေးဖွား ခဲ့သည်။ မရိန်းတွင်အခြေမချမီ လူစီးယားနားနှင့် နယူးယောက်ကြားတွင်သွားချည်လာလှည့် နေထိုင်ခဲ့သည်။ အော့စ်ဝေးတောင်ပိုင်း သားဖြစ်ခြင်း မဖြစ်ခြင်းသည် အမှန်စင်စစ်တွင် အရေးမပါလှပါချေ။ အေ့စ်ဝေးလ်သည် ဘုသ်နှင့် မတူဘဲ တောင်ပိုင်းသားဟူသည့် အစွဲဖြင့် ကနေဒီကို လုပ်ကြံခဲ့ခြင်းမဟုတ်ပါချေ။လင်ကွန်းနှင့်ကနေဒီတို့လုပ်ကြံခံရပြီးနောက် သူတို့နေရာကို သမ္မတများအဖြစ်ဆက်ခံသူများသည် တောင်ပိုင်းသားများ ဖြစ်ကြသည်ဆိုခြင်းမှာထူးဆန်းသောအချက်တစ်ချက်မဟုတ်ပါချေ။

လင်ကွန်းနှင့် ကနေဒီတို့၏ဒုတိယသမ္မတများသည် တောင် ပိုင်း သားများဖြစ်နေကြသဖြင့် သူတို့ကို ဆက်ခံသည့် သူများသည် တောင်ပိုင်းသားများသာ ဖြစ်ကြပေသည်။ လင်ကွန်းသည် ဒုတိယသမ္မတ သက်တမ်းအတွက် အရွေးခံရချိန်သည်အမေရိကန်ပြည်တွင်းစစ်ပွဲကာလဖြစ်သည်။ လင်ကွန်းသည်မြောက်ပိုင်းရီပတ်ဘလစ် ကင် အမတ်အဖြစ်ဝင်ရောက်ရွေးချယ်ခံခဲ့ပြီး သမ္မတဖြစ်လာချိန်တွင် ပါဝါချိန်ညှိနိုင်ရန် တောင်ပိုင်းသားဒီမိုကရက်တစ်အမတ် တစ်ဦး ကို ဒုတိယသမ္မတရွေးချယ်ခဲ့သဖြင့် တောင်ပိုင်းသား အင်ဒရူးဂျွန်ဆင်သည် ဒုတိယသမ္မတဖြစ်လာခဲ့သည်။ အင်ဒရူးဂျွန်ဆင်ကို တောင်ပိုင်း သားဟု ပြောခြင်းသည်လည်းအငြင်းပွားဖွယ်ဖြစ်သည်။ အင်ဒရူးဂျွန်ဆင်ကို မြောက်ကာရိုလင်းနားတွင် မွေးဖွားခဲ့သော် လည်း သူဘ၀နေ့ရက်များသည်တင်နက်စ်စီတွင် ကြီးပြင်းခဲ့သည်။ မြောက်ကာရိုလင်းနား နှင့်တင်နက်စ်စီ နှစ်ပြည်နယ်လုံးသည် ကျွန် နယ်မြေများဖြစ်ခဲ့ပြီးအင်ဒရူးဂျွန်ဆင်သည် သူ့ပြည်နယ်၏ တောင်းဆိုချက်များကို ငြင်းဆန်ခဲ့သော တောင်ပိုင်းသားအမတ် တစ်ဦး ဖြစ်ကာ ပြည်ထောင်စုကိုသာ သစ္စာခံခဲ့သူဖြစ်သည်။

ကနေဒီသည် နယူးအင်္ဂလန်ပြည်နယ်မှ အရွေးချယ်ခံခဲ့သဖြင့် လူဦးရေ ထူထပ်သော အမေရိကန် တောင်ပိုင်းနှင့် အနောက်ပိုင်းကို စည်းရုံးနိုင်ရန်တောင်ပိုင်းသားအမတ်တစ်ယောက်ကိုဒုတိယသမ္မတနေရာပေးရန် လိုအပ်ခဲ့သည်။ ထို့ကြောင့်အနောက်တောင် ပိုင်းသား လန်ဒန်ဂျွန်ဆင်ကို ဒုတိယသမ္မတအဖြစ်ရွေးချယ်ခဲ့သည်။ ထို့ကြောင့်လည်း တောင်ပိုင်းသား ဒုတိသမ္မတ နှစ်ဦးသည် သမ္မတ များ လုပ်ကြံခံရပြီးနောက် ယင်းတို့ကို ဆက်ခံကာ အမေရိကန် နိုင်ငံသမ္မတများဖြစ်လာကြခြင်းသည် ထူးဆန်းသည်ဟု မဆိုနိုင်ပါချေ။

ဂျွန်ဆင် နှစ်ဦး နှစ် ၁၀၀ ကွာခြားခြင်း

ဒုတိယ သမ္မတနှစ်ဦးသည်အသက် ၁၀၀ ကွာခြားခြင်းသည် အဓိကတိုက်ဆိုင်မှုဟုမဆိုနိုင်ပါချေ။ အမေရိကန်နိုင်ငံရေး သမား များသည် ပျမ်းမျှအားဖြင့် အသက် ၅၀ နှင့် ၇၀ ကြားတွင် သမ္မတ၊ ဒုတိယသမ္မတများ ဖြစ်လာလေ့ရှိရာ ဂျွန်ဆင်နှစ်ဦးသည် လင်ကွန်းနှင့်ကနေဒီတို့၏ ခေတ်ပြိုင်များ ဖြစ်ကြသည်။ လင်ကွန်းနှင့်ကနေဒီအကြားတူညီမှုများကို စိစစ်ရာတွင် ၁၇၊ ၄၉ နှင့် ၁၁၆ ကိန်းဂဏန်းများကို တွေ့ရှိရသော်လည်း ယင်းအချက်များကို တိုက်ဆိုင်မှုဟု မယူဆခဲ့ကြဘဲ ၁၀၀ ကိန်းကိုသာ တိုက်ဆိုင်မှု အဖြစ် ရွေးထုတ်ခဲ့ကြခြင်းဖြစ်သည်။

ဂျွန်ဆင်နှစ်ဦး၏ ကွဲမြားချက်များမှာ တစ်ဦးကမြောက်ကာရိုလိုင်းနားမှဖြစ်ပြီးကျန်တစ်ဥင်္ီးကတက္ကဆတ်စ်မှဖြစ်သည်။တစ်ဦးက ကျွန်စနစ်ကို ထောက်ခံသူဖြစ်ပြီး ကျန်တစ်ဦးက လူ့အခွင့်အရေးကို တိုက်ပွဲဝင်နေသူဖြစ်နေသည်။ တစ်ဦးကစစ်ပွဲအစတွင်သမ္မတဖြစ် ခဲ့ပြီး ကျန်တစ်ဦးက စစ်ပွဲအဆုံးတွင်သမ္မတဖြစ်ခဲ့သည်။

လုပ်ကြံသူနှစ်ယောက် အသက် နှစ် ၁၀၀ ကွာခြားခြင်း

ယင်းဖော်ပြချက်သည် မှားယွင်းမှုတစ်ခုသာဖြစ်ပြီး ဘုသ်သည် ၁၈၃၈ ခုနှစ်တွင် မွေးဖွားခဲ့သူသာဖြစ်ကာ ၁၀၁ နှစ်ကွာခြားသည့် ၁၉၃၉ ခုနှစ်တွင် အော့စ်ဝေးလ်ကို ဖွားမြင်ခဲ့သည်။ ဘုသ်သည် သူ၏အမည်ကို J. Wilkes Booth သို့မဟုတ် John Wilkes ဟုသာ ရိုးရိုးရှင်းရှင်းရေးလေ့ရှိသည်။သူ၏ဖခင်နှင့် သူ၏ အကိုနှစ်ဦးတို့သည် ရုပ်ရှင်သရုပ်ဆောင်များဖြစ်ကြသဖြင့် သူ၏ အမည်သည်လည်း လင်ကွန်းလုပ်ကြံခံရချိန်ဝယ် အမေရိကန်ပြည်သူများ နားယဉ်ခဲ့သည့် အမည်ဖြစ်ခဲ့သည်။ လီအော့စ်ဝေးလ်သည် ယေဘုယျအားဖြင့် ကနေဒီလုပ်ကြံခြင်းမခံရမီ လီဟုသာ လူသိများခဲ့ကာသူအဖမ်းခံရချိန်အထိ သူ၏ အမည်ကို လူအများမသိရှိခဲ့ကြပါချေ။ သူ၏ အမည်အပြည့်အစုံကို သူအဖမ်းခံချိန်ရောက်မှသိရှိခဲ့ရပြီး အောစ်ဝေးလ်သည် အမည်များကို အမျိုးမျိုးပြောင်းကာ အလုပ်များ လုပ်ခဲ့သူဖြစ်သည်။ မှတ်ပုံတင်အတုများကိုလည်းကိုင်ဆောင်သဖြစ်သဖြင့် ဒါလက်စ်ရဲများက သူ့ကိုအမှန်အတိုင်းသိရှိရန် အခက်အခဲများစွာကြုံခဲ့ရသည်။

လုပ်ကြံသူနှစ်ဦး၏အမည်များတွင် စာလုံး ၁၅ လုံးစီပါဝင်သည်ဆိုသည်မှာလည်း မှန်ကန်သည်ဟု တိကျစွာမပြောနိုင်ပါချေ။ သူတို့၏ ပထမသို့မဟုတ်နောက်ဆုံးအမည်များသည် တူညီသော စာလုံးအရေအတွက်မရှိကြပါချေ။ သမ္မတ Abraham Lincoln နှင့် John Fitzgerald Kennedy သည်လည်းကောင်း၊ ဒုတိယသမ္မတ Andrew Johnson နှင့် Lyndon Baines Johnson သည်လည်း ကောင်း စာလုံးအရေအတွက်တူညီခြင်းမရှိပါချေ။ လုပ်ကြံသူနှစ်ဦး၏ မိသားစု အသိုင်းအ၀န်းသည်လည်း တူညီမှုမရှိဘဲ ဘုသ်သည် ထင်ရှားသော ရုပ်ရှင်သရုပ်ဆောင် မိသားစုမှပေါက်ဖွားလာသူဖြစ်ကာ ဖခင်ကဲ့သို့ပင်သူကိုယ်တိုင်သည်လည်းသရုပ်ဆောင်တစ်ဦး ဖြစ်ခဲ့ပြီး အော့စ်ဝေးလ်သည်နွမ်းပါးသောအသိုင်းအ၀န်းတွင်ကြီးပြင်းလာခဲ့သူဖြစ်သည်။

အော့စ်ဝေးလ်၏ဖခင်သည်အော့စ်ဝေးလ် နှစ် လသားအရွယ်တွင်ကွယ်လွန်ခဲ့သဖြင့် အော့စ်ဝေးလ်သည် ဖခင်ကို မြင်ဖူးခဲ့ခြင်းမရှိပါချေ။ ထို့အတူအော့စ်ဝေးလ်သည် အလွန်ရင်းနှီး သော မိတ်ဆွေများမရှိသကဲ့သို့ တည်မြဲသော အလုပ်အကိုင်ရှိသူလည်း မဟုတ်ပါချေ။ေ အာ့စ်ဝေးလ်သည် သားသမီးနှစ် ယောက် ရှိသော အိမ်ထောင်သည် တစ်ဦးဖြစ်သော်လည်း ဘုသ်သည် အိမ်ထောင်မရှိပါချေ။ အော့စ်ဝေးလ်က မရိန်းတပ်တွင် တာဝန်ထမ်း ဆောင်ရန် စာရင်းတင်ထားပြီး ဘုသ်က သူ၏မိခင်ကို ပြည်ထောင်စုတပ်မတော်တွင် တာဝန်ထမ်းဆောင်မည်မဟုတ်ကြောင်းကတိ ပေးခဲ့ဖူးသည်။

လုပ်ကြံသူများ ထွက်ပြေးသည့် နေရာများ

အခြားတိုက်ဆိုင်မှု တစ်ခုဟု ဆိုကြသည့်လုပ်ကြံသူများ ထွက်ပြေးသည့် နေရာများသည်တိကျသောနေရာများ မဟုတ်ကြ ဘဲ အပေါ်ယံဖော်ပြမှုများသာဖြစ်သည်။ဘုသ်သည် လင်ကွန်းကို ကဇာတ်ရုံတွင် လုပ်ကြံခဲ့ပြီး ရက်အနည်းငယ်အကြာတွင် ဆေးရွက် ကြီး သိုလှောင်ရုံတစ်ရုံတွင် အသေဖမ်းမိခဲ့သည်။ အော့စ်ဝေးလ်သည် ကနေဒီအား ကျောင်းသုံးစာအုပ်သိုလှောင်ရုံတစ်ခုအနီးတွင် ပစ်ခတ်ခဲ့ပြီးနောက် ဒါလက်စ်မှာပင်ရှိနေခဲ့ ကာ တစ်နာရီကျော်အကြာတွင် ရုပ်ရှင်ရုံ တစ်ရုံအတွင်း အရှင်ဖမ်းမိခဲ့သည်။ ထို့ကြောင့်သမ္မတများကိုလုပ်ကြံခဲ့သူများသည်တရားရုံး မတင်မီ လုပ်ကြံခံခဲ့ရသည်ဆိုသည့် အချက်သည် ကွဲလွဲချက်များရှိနေသည့် အပေါ်ယံ ထူးခြားမှုတစ်ရပ်သာဖြစ်သည်။

ဘုသ်သည် လင်ကွန်းကို ပစ်ခတ်ပြီးနောက် မြင်ကွင်းမှ ပျောက်ကွယ်သွားခဲ့သည်။ သူနှင့် ပူးပေါင်းကြံစည် သူဒေးဗစ်ဟာရိုး နှင့် အတူ ပိုတိုမက် မြစ်ကိုဖြတ်ကာ မေရီလန်းမှဗာဂျီနီးယားသို့ ထွက်ပြေးသွားခဲ့သည်။ ဘုစ်သည် ၁၁ ရက်တိုင်လွတ်မြောက်နေခဲ့ပြီး ပြည်ထောင်စုတပ်ဖွဲ့ဝင်များက ရစ်ချတ်ဂါးရက်ဆိုသူ ပိုင်ဆိုင်သည့် ခြံတစ်ခူအတွင်းပုန်းအောင်းနေသည်ကို တွေ့ရှိခဲ့ကြသည်။ တပ် ဖွဲ့ဝင်များသည် ဘုသ်နှင့် ဟာရိုးတို့ အိပ်ပျော်နေကြသည့် သီးနှံသိုလှောင်ရုံကို ၀ိုင်းရံကာ အဖမ်းခံရန် ပြောဆိုခဲ့ချိန်တွင်ဟာရိုးက အသာတကြည် အဖမ်းခံခဲ့သော်လည်း ဘုသ်ကလက်နက်မချဘဲအပြင်သို့ထွက်မလာသဖြင့်သီးနှံသိုလှောင်ရုံကိုမီးရှို့ရန်စီစဉ်ခဲ့သည်။

သို လှောင်ရုံဘေးပေါက်ကြားမှ သိုလှောင်ရုံအတွင်းသို့ချောင်းကြည့်နေသည့် ဘော့စ်တွန်ကောဘက် အမည်ရှိ တပ်ဖွဲ့ဝင်က ဘုသ် အား သေနတ်ဖြင့် ပစ်ခတ်ခဲ့သဖြင့် ဘုသ်သေဆုံးခဲ့သည်။ ကောဘက်က ဘုသ်ကို လုပ်ကြံခဲ့သည်ဟုဆိုနိုင်သော်လည်း ဘာသာတရား ကို အလွန်ကိုင်းရှိုင်းသူ ကောဘက်သည် ဘုရားသခင်က သူ့အားပစ်ခတ်ရန်ညွှန်ကြားခဲ့သည်ဟု ပြောဆိုလေ့ရှိကာ ထိုသို့ မပစ်ခတ် လိုက်ပါက ဘုသ်သည် အရှင် လတ်လတ် မီးရှို့ခံရမည်ဖြစ်ကြောင်းပြောဆိုခဲ့သည်။ သို့သော် ကောဘက်သည် ရုံးတော်တွင် ဘုသ် သည် သူ၏ သေနတ်ကို အသုံးပြုရန် ပြင်ဆင်နေသည်ကိုမြင်ရသဖြင့် ပစ်ခတ်ခဲ့ကြောင်း ထွက်ဆိုခဲ့သည်။

ကနေဒီကိုလုပ်ကြံသူ အော့စ်ဝေးလ်သည် ကုန်လှောင်ရုံမှထွက်လာခဲ့ပြီး တစ်နာရီသာသာတွင်ကဇာတ်ရုံတစ်ခုတွင်ရဲအရာရှိ များ၏ဖမ်းဆီးခြင်းခံခဲ့ရသည်။ သို့သော်ရဲများက အော့စ်ဝေးလ်ကို ကနေဒီကိုလုပ်ကြံခဲ့ကြောင်းသိရှိ၍ ဖမ်းဆီးခြင်းမဟုတ်ဘဲ ဒါလက်စ် ရဲတပ်ဖွဲ့ဝင် အရာရှိ ဂျေဒီတစ်အစ်ကို သတ်ဖြတ်ခဲ့မှုအတွက် ဖမ်းဆီးခဲ့ခြင်းဖြစ်သည်။ အောစ်ဝေးလ်ကို အရှင်ဖမ်းမိခဲ့ခြင်းဖြစ်ပြီး နှစ် ရက်ကြာဖမ်းဆီး ချုပ်နှောင်ထားခဲ့ပြီးမှ သာမာန်ပြည်သူတစ်ယောက်ဖြစ်သော ဂျက်ရူဘီက သေနတ်ဖြင့် ပစ်သတ်ခဲ့သည်။

အခြားကွဲပြားခြားနားချက်များမှာ ဘုသ်သည် လည်ပင်းနောက်ဘက်ကို သေနတ်ထိမှန်ခဲ့ပြီး သုံးနာရီကျော်နေခဲ့ပြီးမှ သေဆုံးခဲ့သည်။ အော့စ်ဝေးလ်သည် ၀မ်းပိုက်ကို သေနတ်ဖြင့် အပစ်ခံရပြီး ပါ့ခ်လန်းဆေးရုံသို့ ရောက်ရှိပြီး မိနစ် အနည်းငယ်အတွင်း ကွယ်လွန်သွားခဲ့သည်။

နောက်ဆက်တွဲ တိုက်ဆိုင်မှု

သမ္မတ လင်ကွန်းနှင့် ကနေဒီတို့၏ တိုက်ဆိုင်မှုများစာရင်းတွင် နောက်ဆက်တွဲ တစ်ခု တိုးလာခဲ့သည်။ လင်ကွန်းသည် လုပ်ကြံမခံရမီ တစ်နှစ်ခန့်တွင် မေရီလန်းပြည်နယ်ရှိ မွန်ရိုးမြို့(Monroe, Maryland) တွင်ရှိနေခဲ့ပြီး သမ္မတ ကနေဒီသည် လုပ်ကြံ မခံရမီ တစ်နှစ်က ကမ္ဘာကျော် မင်းသမီး မာရီလင် မွန်ရိုး( Marilyn Monroe) နှင့် အတူရှိနေခဲ့သည်ဟု ဆိုသည်။ ယင်းနောက်တိုး တိုက်ဆိုင်မှုဟု ဆိုသည့် ယင်းအချက်သည် လိင်ဆိုင်ရာ ဟာသ တစ်ခုသာ ဖြစ်ပေသည်။ မာရီလင် မွန်ရိုး သည် သမ္မတ ကနေဒီ လုပ်ကြံမခံရမီ တစ်နှစ်အလို ၁၉၆၂ ခုနှစ်သြဂုတ်လ ငါးရက်နေ့တွင် ကွယ်လွန်ခဲ့သည်။ ကနေဒီ ကွယ်လွန်ချိန်တွင် မွန်ရိုးသည် လူ့လောကတွင် မရှိခဲ့ပါချေ။

မည်သို့ပင်ဖြစ်စေကာမူ သမ္မတနှစ်ဦး အကြား မတိုက်ဆိုင်မှုများရှိနေသော်လည်း တိုက်ဆိုင်မှုများကို လူအများက နှစ်သက် သဘာကျကြသဖြင့် သမ္မတနှစ်ဦးအကြား ဖြစ်ပျက်ခဲ့သော တိုက်ဆိုင်မှုများက မတိုက်ဆိုင်မှုများထက် ပိုမို ထင်ရှားကာ နာမည်ကြီးခဲ့ ရပေသည်။

မောင်သာ (ရှေးဟောင်းသုတေသန)
၂၀၁၆ ခုနှစ် သြဂုတ်လထုတ် သုတစွယ်စုံ မဂ္ဂဇင်းမှ

Leave a Reply