ဘာသာစကားတစ္ခုကို ရက္ ၉၀ နဲ႔ တတ္ေျမာက္ေစမယ့္ နည္းလမ္းေကာင္းမ်ား

Posted on

ေရးသားသူ – Myanmar Network Forum

ဘာသာစကားႏွစ္မ်ိဳး တတ္ေျမာက္ျခင္းသည္ ကဲြျပားျခားနားေသာ လူအမ်ိဳးမ်ိဳး၊ ယဥ္ေက်းမႈအမ်ိဳးမ်ိဳးႏွင့္ စိတ္ခံစားခ်က္အမ်ိဳးမ်ိဳးတို႔ပါရွိေသာ ကမၻာအသစ္တစ္ခုကို သြားေရာက္ရန္ သင့္ကို လမ္းဖြင့္ေပးမွာပါ။ ဒီလိုတတ္ေျမာက္ဖို႔ကို အခ်ိန္ေတြလည္း အမ်ားႀကီးေပးဆပ္ရေကာင္း ေပးဆပ္ရမွာပါ။ ဒါေပမဲ့ လူအမ်ားစုကေတာ့ ဒီေလာက္မ်ားျပားလွတဲ့ အခ်ိန္ေတြကို မေပးႏိုင္ၾကပါဘူး။ ဒါေပမဲ့ ဒီလိုတတ္ကၽြမ္းဖို႔က ရက္ (၉၀) တည္း ၾကာတယ္ဆိုရင္ေရာ ဘယ္လိုလဲ?

ပထမဆုံး ဘာသာစကား (၂) မ်ိဳး တတ္ေျမာက္ျခင္း၏ အက်ိဳးေက်းဇူးမ်ားကို သုံးသပ္ၾကည့္ရေအာင္

ဒုတိယဘာသာစကားကို သင္ယူတဲ့အတြက္ သိသာထင္ရွားလွတဲ့ အက်ိဳးေက်းဇူးေတြရွိပါတယ္။ ဥပမာ – အယ္(လ)ဇိုင္းမားေရာဂါျဖစ္ေပၚမႈကို ေႏွာင့္ေႏွးေစျခင္း၊ ဦးေႏွာက္ရဲ႕ စြမ္းအားကို ျမႇင့္တင္ေပးျခင္း၊ အာ႐ံုစိုက္ႏိုင္စြမ္း ပိုေကာင္းေစျခင္းနဲ႔ အာ႐ံုအေႏွာင့္အယွက္ျဖစ္ေပၚေစတဲ့ အရာမ်ားကိုေတာင္မွ ဖယ္ရွားႏိုင္ပါတယ္။ ဒီလိုသိသာတဲ့ အက်ိဳးသက္ေရာက္မႈေတြအျပင္ လူမႈေရးဆိုင္ရာအက်ိဳးေက်းဇူးေတြ အေျမာက္အမ်ားကိုလည္းရရွိေစပါတယ္။ အနည္းဆုံးေတာ့ စားေသာက္ဆိုင္တစ္ဆိုင္မွာ စာပဲြထိုးရဲ႕ ဘာသာစကားနဲ႔ အစားအေသာက္မွာႏိုင္ျခင္း၊ ဓာတ္ေလွကားထဲမွာ သူမ်ား ေျပာတာေတြကို ခိုးနားေထာင္ျခင္း၊ သို႔မဟုတ္ ၎ဘာသာစကားကို မိခင္ဘာသာစကားအျဖစ္ ေျပာသူေတြနဲ႔ စကားေျပာႏိုင္ၿပီး သူတို႔ေျပာတာေတြကိုလည္း နားလည္ႏိုင္ျခင္းေၾကာင့္ စိတ္ခ်မ္းေျမ့ေပ်ာ္ရႊင္မႈ ရရွိႏိုင္ပါတယ္။

ဒုတိယဘာသာစကားကို သင္ယူတတ္ေျမာက္ျခင္းရဲ႕ အေကာင္းဆံုးေသာ ရလာဒ္ကေတာ့ ေနာက္ထပ္ တတိယ၊ စတုတၳ (သို႔) ပဥၥမဘာသာစကား သင္ယူတဲ့အခါမွာ ပိုၿပီး လြယ္ကူသြားျခင္းပဲျဖစ္ပါတယ္။ ဘာသာစကားကို သင္ယူျခင္းသည္ စိန္ေခၚမႈ မဟုတ္ပါ။ ဘာသာစကားတစ္ခုကို ဘယ္လိုသင္ယူရမလဲဆိုတာ ကို သင္ယူျခင္းကသာ စိန္ေခၚမႈျဖစ္ပါသည္။ နည္းလမ္းေတြကို သိၿပီဆိုတာနဲ႔ တတ္သြားတဲ့ သဒၵါပံုစံေတြနဲ႔ ဘာသာစကားဆိုင္ရာ နည္းပညာေတြကို မိမိ သင္ယူတဲ့ ဘာသာစကားတိုင္းမွာ အသံုးခ်ႏိုင္မွာ ျဖစ္ပါတယ္။

ဘာသာစကားသင္ယူျခင္းႏွင့္ပတ္သက္၍ လူအမ်ားစုထင္တာ မွားေနရတဲ့အေၾကာင္းရင္း တစ္ခုရွိပါတယ္။

ကၽြန္ေတာ့္အေနနဲ႔ အထက္တန္းေက်ာင္းမွာ စပိန္ဘာသာစကားကို ႏွစ္ေပါင္းအေတာ္ၾကာၾကာ သင္ခဲ့ရၿပီး၊ အစိုးရစာေမးပဲြေတြမွာေတာင္ အဆင့္ေကာင္းေကာင္းရခဲ့ပါတယ္။ ဒါေပမဲ့ တစ္ေန႔က်ေတာ့ တကယ္ပဲ စပိန္စကားကို လက္ေတြ႕ေျပာရတဲ့အခါမွာေတာ့ ကၽြန္ေတာ္ သေဘာေပါက္သြားပါတယ္။ အထက္တန္း ေက်ာင္းမွာ စပိန္စကားကို (၄)ႏွစ္တာ သင္ယူခဲ့တာေတာင္မွ burrito (မက္ဆီကို ခ်ာပါတီတစ္မ်ိဳး)ကို မမွာတတ္ေသးတာကို ေတြ႕ရပါတယ္။ ဒါဆိုရင္ ဘယ္ေနရာမွာ မွားသြားသလဲ? တရား၀င္ စံသတ္မွတ္ထားတဲ့ စာေမးပဲြေတြအရေတာ့ ကၽြန္ေတာ္ဟာ စပိန္ဘာသာကၽြမ္းက်င္သူတစ္ေယာက္ပါပဲ။ ဒါေပမဲ့ လက္ေတြ႕မွာက်ေတာ့ ကၽြန္ေတာ့္အေနနဲ႔ အစားအေသာက္မွာျခင္းဆိုတဲ့ အေျခခံအက်ဆံုးလုပ္ငန္းေလးကိုေတာင္မွ မလုပ္ႏိုင္ခဲ့ပါဘူး။

အေၾကာင္းကေတာ့ ကၽြန္ေတာ္တို႔ဟာ ဘာသာစကားကို သင့္ေတာ္တဲ့ပံုစံနဲ႔ အသင္မခံခဲ့ရလို႔ပဲ ျဖစ္ပါတယ္။ ေက်ာင္းသားေတြဟာ အုပ္စုလိုက္ ဘာသာစကားကို သင္ယူၾကၿပီး ေလ့က်င့္ခန္းစာရြက္အခ်ိဳ႕ (worksheets)နဲ႔ သဒၵါေလ့က်င့္ခန္းအခ်ိဳ႕ကို လုပ္ႏိုင္ရင္ပဲ ဘာသာစကားသင္ယူမႈဟာ လံုေလာက္တယ္လို႔ ထင္ၾကပါတယ္။ ဒါေပမဲ့လည္း ဘယ္သူတစ္ဦးတစ္ေယာက္မွ စကားေျပာကို ကြၽမ္းကြၽမ္းက်င္က်င္ မတတ္ခဲ့ၾကပါဘူး။ တကယ္တမ္းက်ေတာ့ ေလ့က်င့္ ခန္းစာရြက္ေတြ(workheets)ေတြကို ေျဖဆိုျခင္းသည္ ထိုလုပ္ငန္းအတြက္ပဲ ေလ့က်င့္ေနတာျဖစ္ပါတယ္။ အဲဒါကေတာ့ worksheets ေတြကို ေျဖဆိုတဲ့ အလုပ္ပါပဲ။ ဒါေပမဲ့ စကားေျပာကို သင္ယူခ်င္ရင္ေတာ့ စကားေျပာျခင္းျဖင့္ ေလ့က်င့္ရမွာ ျဖစ္ပါတယ္။

ဒါေၾကာင့္ လူေတြက စာအုပ္ကတစ္ဆင့္ပဲျဖစ္ျဖစ္ (သို႔) ကြန္ပ်ဴ႕တာ program တစ္ခု နဲ႔ပဲျဖစ္ျဖစ္ ဘာသာစကားတစ္ခုရဲ႕ စကားေျပာကို သင္ယူတဲ့အခါ ဒီနည္းနဲ႔သာ သူတို႔ သင္ယူေနရင္ ေမွ်ာ္မွန္းတဲ့ ရည္ရြယ္ခ်က္ျဖစ္လာမွာ မဟုတ္ပါဘူး။ ဘာသာစကားတစ္ခုခုကို ေျပာခ်င္ရင္ စကားေျပာ ျခင္းကို ေလ့က်င့္ရပါမယ္။ ဒါ့အျပင္ ဘာသာစကားတစ္ခုကို သြက္သြက္ကေလးေျပာခ်င္ရင္ အခုကတည္းက စၿပီး ေျပာရမွာ ျဖစ္ပါတယ္။ အမ်ားႀကီးကို ေျပာရမွာလည္း ျဖစ္ပါသည္။

ဘာသာစကားကို လ်င္ျမန္စြာ သင္ယူႏိုင္သည့္ အေျခခံနည္းပရိယာယ္တစ္ခ်ိဳ႕ကို ေလ့လာၾကည့္ရေအာင္

ဘာသာစကားတစ္ခုကို သင္ယူျခင္းဟာ လန္႔စရာေကာင္းတယ္လို႔ ထင္ရပါတယ္။ ဒါေၾကာင့္ အေသးစိတ္ မေဆြးေႏြးခင္ ေယဘုယ်နည္းပရိယာယ္ေတြကို ၿခံဳငံု၍ တင္ျပပါမယ္။

အခ်က္အလက္ေတြကေတာ့ ေအာက္ေဖာ္ျပပါ အတိုင္းပဲျဖစ္ပါတယ္။

1. သင္ယူမႈအတြက္ သင့္ေတာ္ေသာ မွီျငမ္းကိုးကားစရာ စာအုပ္စာတမ္း၊ DVD၊ ရုပ္ရွင္၊ CD စသည္တို႕ကို ရယူပါ။

အဲဒါေတြကေတာ့ သဒၵါစာအုပ္ေကာင္းေကာင္း၊ အဘိဓာန္ေကာင္းေကာင္း၊ အသံထြက္ CD နဲ႔ ႐ုပ္ရွင္ေတြ၊ သုတ၊ ရသ စာအုပ္ေတြပဲ ျဖစ္ပါတယ္။

2. သီးသန္႔ ဆရာတစ္ေယာက္ ငွားပါ။

ဆရာကို အနည္းဆံုး တစ္လေလာက္ေတာ့ လိုပါလိမ့္မယ္။ တစ္ေန႔ကို (၄)နာရီ သင္ယူဖို႔ ကၽြန္ေတာ္ အႀကံျပဳခ်င္ပါတယ္။

3. တတ္ႏိုင္သမွ် ၎ဘာသာစကားနဲ႔ပဲ ေတြးပါ၊ ေျပာပါ။

စကားလံုးတစ္လံုးကို မမွတ္မိတိုင္း ၎ကို ေဝါဟာရမွတ္စု စာအုပ္ထဲကို ထည့္လိုက္ပါ။ ေ၀ါဟာရေတြကို ေန႔စဥ္ေလ့က်င့္ပါ။

4. သူငယ္ခ်င္းမ်ား၊ ဘာသာစကားေျပာေဖာ္၊ ၎ဘာသာစကားကို ေျပာေသာ အျခားသူမ်ားကို ရွာပါ။

ဆရာနဲ႔ အေျခခံဘာသာစကားကို ေျပာႏိုင္ၿပီဆိုရင္ တျခားစကားေျပာေဖာ္မ်ား လိုလာပါၿပီ။ မရေသးဘူးဆိုရင္ ၎ဘာသာစကားေျပာတိုင္းျပည္ကိုသြားဖို႔ စဥ္းစားပါ။ လူအမ်ားတက္တဲ့ သင္တန္း ကို စဥ္းစားပါ။ အဆက္မျပတ္ေလ့က်င့္ပါ။

ဒါေတြကေတာ့ အေျခခံက်တဲ့ နည္းပရိယာယ္ေတြပဲ ျဖစ္ပါတယ္။ ဒီနည္းပရိယာယ္ေတြကေတာ့ ျပင္းထန္ပါတယ္။ ဘာေၾကာင့္လဲဆိုေတာ့ (၃)လအတြင္း ဘာသာစကားတစ္ခုကို သင္ယူရတာက မလြယ္လို႔ပါပဲ။ အကယ္၍ အဲဒီဘာသာစကားကို (၃)လထက္ပိုၿပီး ျဖည္းျဖည္းပဲ သင္ယူလိုတယ္ (သို႔) ႏိုင္ငံအသစ္ကို သြားၿပီး တစ္ေန႔ကို (၄-၈)နာရီေလ့က်င့္ဖို႔ မလုပ္ႏိုင္ရင္ေတာ့ ဒီအစီအစဥ္ကို ျပဳျပင္ ယူႏိုင္ပါတယ္။ ေန႔တိုင္း ေလ့က်င့္ဖို႔ကေတာ့ လြန္စြာမွ အေရးႀကီးပါတယ္။ တစ္ပတ္တစ္ႀကိမ္ ႏွစ္ႀကိမ္ ထက္ တစ္ေန႔ကို မိနစ္ (၂၀)ေလ့က်င့္တာက ပိုေကာင္းပါတယ္။

ဘာသာစကားသင္ယူရန္ ရက္ (၉၀) အစီအစဥ္

ရက္ေပါင္း(၉၀)တည္းနဲ႔ စကားေျပာတဲ့အခါ ေခ်ာေမြ႕သြက္လက္မႈရေကာင္း ရရွိႏိုင္မွာျဖစ္ပါတယ္။ ဒါမွ မဟုတ္ စကားေျပာႏိုင္တဲ့ အဆင့္ျမင့္ေကာင္းျမင့္လာႏိုင္ပါတယ္။ ဒါေပမဲ့ အျပင္းအထန္ အာ႐ံုစိုက္ဖို႔ေတာ့ လိုပါတယ္။ ဘာသာစကားတစ္ခုကို သင္ယူဖို႔အခ်ိန္ျပည့္ အာ႐ံုမစိုက္ႏိုင္ရင္လည္း ကိစၥေတာ့ မရွိပါ။ သို႔ေသာ္လည္း သင္ယူျခင္း အစီအစဥ္ဟာ ရက္(၉၀)ထက္ ပိုၾကာသြားပါမယ္။ ေန႔တိုင္းေလ့က်င့္ဖို႔ မေမ့ပါနဲ႔။ သို႔မဟုတ္ သင္ တတ္ထားတာေတြဟာ လ်င္ျမန္စြာ ေပ်ာက္ကြယ္သြားမွာ ျဖစ္ပါတယ္။

ပထမ ရက္ (၃၀)

ဘာသာစကားတစ္ခု သင္ယူတဲ့အခါ ပထမရက္ (၃၀)က အလြန္အေရးႀကီးပါတယ္။ စိတ္ကို ဒီသင္ယူမႈအထဲမွာ ပဲ အတတ္ႏိုင္ဆံုး အျပည့္အ၀ ႏွစ္ျမႇဳပ္ထားဖို႔ လိုအပ္ပါတယ္။ ရက္(၉၀)အတြင္းမွာ ဒီဘာသာ စကားကို သင္ယူ တတ္ေျမာက္ခ်င္ရင္ေတာ့ ဒီဘာသာစကားေျပာတဲ့ တိုင္းျပည္ကို သြားဖို႔ ကၽြန္ေတာ္ အထူးတိုက္တြန္း လိုပါတယ္။ ဒီလိုသြားျခင္းျဖင့္ သင့္အေနနဲ႔ ဘာသာစကားကို မျဖစ္မေန သင္ယူရမယ္ဆိုတဲ့ တိက်တဲ့ အေတြးကို ျဖစ္ေပၚေစမွာျဖစ္ၿပီး သင့္ပတ္၀န္းက်င္ဟာလည္း ဒီဘာသာစကားကိုပဲ ေျပာတဲ့ ပတ္၀န္းက်င္ ျဖစ္သြားမွာပါ။ အကယ္၍ အဲဒီဘာသာစကားေျပာတဲ့ ႏိုင္ငံကို သြားႏိုင္ခဲ့မယ္ဆိုရင္ သင့္ကို လက္ခံမဲ့ အိမ္ရွင္ မိသားစု (host family)တစ္ခုခုနဲ႔ ေနႏိုင္ေအာင္ ႀကိဳးစားပါ။ ဒီမိသားစုနဲ႔ ထမင္းလက္စံုစားျခင္းနဲ႔ အမ်ားႀကီး သင္ယူႏိုင္ပါတယ္။

ဘယ္လိုပဲျဖစ္ျဖစ္ပါ – ပထမလကေတာ့ ဆရာနဲ႔ တစ္ေယာက္ခ်င္းသင္ပါ။ လူအမ်ားတက္တဲ့ သင္တန္းကို လိုက္မတက္ပါနဲ႔။ ဘာေၾကာင့္လဲဆိုေတာ့ ဆရာကေတာ့ သင့္ကို သင္ယူဖို႔အတင္းအဓမၼ တိုက္ တြန္းမွာ ျဖစ္ၿပီး သင္တန္း ဆိုရင္ေတာ့ ခိုႏိုင္တယ္၊ အပ်င္းထူလို႔ရႏိုင္တယ္။

အခုေျပာမဲ့ အခ်က္ကလည္း အေရးႀကီးပါတယ္။ ဘာသာစကားကို သင္ယူတဲ့အခါမွာ ကိုယ္တိုင္က ႏိုးၾကားထၾကြၿပီး ပါ၀င္ပတ္သက္တဲ့ သင္ယူသူ (active learner) ျဖစ္ရပါမယ္။ လူအမ်ားစုဟာ ဘာသာ စကားကို အသင္ေတာ့ခံၾကပါတယ္။ ဒါေပမဲ့ ေမးခြန္းေတြ ေမးျခင္းျဖင့္ ကိုယ္တိုင္ ကလည္း တက္တက္ၾကြၾကြနဲ႔ ပါ၀င္ပတ္သက္ဖို႔ လိုပါတယ္။

ဆရာနဲ႔တစ္ေယာက္ခ်င္းသင္ယူတဲ့အခါမွာပဲျဖစ္ျဖစ္ ကိုယ့္တစ္ေယာက္တည္း ေလ့က်င့္တဲ့အခါမွာပဲ ျဖစ္ျဖစ္ မသိေသးတဲ့ စကားလံုးေတြ၊ စကားစုေတြကို အမ်ားႀကီးေတြ႕ရမွာပါ။ ဒီစကားလံုး (သုိ႔) စကားစုေတြကို ေ၀ါဟာရ / စကားစု စာအုပ္ထဲမွာ ေရးမွတ္ထားပါ။

တစ္ေန႔ကို ေ၀ါဟာရနဲ႔ စကားစု အခု ၃၀ ကို စတင္က်က္မွတ္ဖို႔ လုိပါၿပီ။ ဘာ့ေၾကာင့္ အလံုး(၃၀)ကို က်က္ရပါသလဲ? ဒီလိုက်က္မွတ္ပါက ရက္ေပါင္း (၉၀) ျပည့္တဲ့အခါ သင္လိုအပ္တဲ့ ေဝါဟာရနဲ႕ စကားစုမ်ား ရဲ႕ ၈၀%ကို တတ္ေျမာက္ သြားမွာ ျဖစ္လို႔ပါပဲ။

(၃၁) ရက္မွ ရက္ (၆၀)

ပထမလၿပီးတဲ့အခါမွာေတာ့ ကိုယ့္ကိုကိုယ္ ဒီဘာသာစကားနဲ႔ ထိေတြ႕မႈရွိႏိုင္သေလာက္ရွိဖို႔ ႀကိဳးစား အားထုတ္ရပါေတာ့မယ္။ ဆရာနဲ႔ တစ္ေယာက္ခ်င္း တစ္လသင္ယူၿပီးၿပီျဖစ္တဲ့အတြက္ သင့္အေနျဖင့္ အေျခခံ စကားေျပာျခင္းကိုေတာ့ ေျပာႏိုင္ မွာျဖစ္ပါတယ္။

ဆရာနဲ႔ သင္ရတာက အကုန္အက်မ်ားလာတယ္ဆိုရင္ေတာ့ ဒီအခ်ိန္မွာ အဆင့္ျမင့္သင္တန္းတက္ဖို႔ စဥ္းစားသင့္ပါၿပီ။ ေငြကုန္သက္သာေစတဲ့ အျပင္ ဒီဘာသာစကားကို ေျပာတဲ့အျခားသူေတြနဲ႔လည္း လက္လွမ္း မွီတဲ့ အေနအထားကို ေရာက္သြားပါတယ္။ သင့္မိခင္ဘာသာစကားကို မေျပာမိဖို႔ေတာ့ သတိထားရပါမယ္။ သင္ယူေနတဲ့ဘာသာစကားကိုပဲ ေျပာပါမယ္ လို႔ ကိုယ့္ဖာသာကိုယ္ စည္းကမ္းခ် မွတ္လိုက္ပါ။ တတ္ႏိုင္တယ္ ဆိုရင္ေတာ့ ဆရာနဲ႔လည္း ဆက္သင္ပါ။

ဒီအခ်ိန္မွာ ဒီဘာသာစကားကို ေျပာတဲ့အေဖၚရွာရမွာ ျဖစ္ပါတယ္။ ေန႔တိုင္း နာရီအနည္းငယ္ ဒီဘာသာစကားကို ေလ့က်င့္ႏိုင္ဖို႔ ႀကိဳးစားပါ။ ဒီအခ်ိန္မွာ စကားေျပာအေျခခံကို ရသြားၿပီ ျဖစ္တဲ့အတြက္ ဒီလိုေလ့က်င့္မႈဟာ လုပ္ရမဲ့ ၿငိီးေငြ႕စရာေကာင္းတဲ့ အလုပ္မဟုတ္ေတာ့ပဲ သူငယ္ခ်င္းေတြနဲ႔ စကားစျမည္ေျပာရင္း အခ်ိန္ကို ကုန္လြန္ေစတဲ့ အေျခအေနမ်ဳိး ျဖစ္ပါလိမ့္မယ္။

သင္ သင္ယူေနတဲ့ဘာသာစကားနဲ႔ ေရးထားတဲ့ လြယ္ကူတဲ့ စာအုပ္ေတြကို ဖတ္ၾကည့္ၿပီး မသိတဲ့ စကားလံုးေတြကို မ်ဥ္းသားထားပါ။ ဒီစကားလံုးေတြကို သင့္ရဲ႕ ေ၀ါဟာရ / စကားစုစာအုပ္ထဲ ေရးထည့္ ႏိုင္ပါတယ္။

စဥ္းစားတဲ့အခါမွာလည္း ဒီဘာသာစကားနဲ႔ ပဲစဥ္းစားသင့္ပါၿပီ။ အေတြးတစ္ခုခုကို စကားနဲ႔ ေဖၚျပတဲ့ အခါ သံုးရမယ့္စကားလံုးတစ္ခုခုကို မမွတ္မိပါက အဲဒီစကားလံုးကိုလည္း ေ၀ါဟာရ စာအုပ္ထဲေရးသြင္း လုိက္ပါ။ တစ္ရက္ကို စကားလံုး /စကားစု အလံုး (၃၀) ကိုလည္း ဆက္ၿပီး က်က္မွတ္သြားပါ။

(၆၁) ရက္ မွ ရက္ (၉၀)

ရက္ ၆၀ ေရာက္တဲ့အခါမွာေတာ့ သင့္အေနျဖင့္ ဒီဘာသာစကားကို ေျပာႏိုင္တဲ့အေျခအေနဟာ ေတာ္ေတာ္ေလး ေကာင္းေနေလာက္ပါၿပီ။ ဆက္ၿပီး ေလ့က်င့္ဖို႔ပဲ လိုပါတယ္။ စကားေျပာေဖၚေတြနဲ႔ ပိုၿပီး ေလးနက္တဲ့အေၾကာင္းအရာေတြ အေၾကာင္းေျပာပါ။ တစ္ရက္ကို စကားလံုး အလံုး(၃၀)ကို လည္း ဆက္ၿပီး က်က္မွတ္ပါ။ ကိုယ္တတ္ၿပီးသား စကားလံုးေတြကိုလည္း မျပတ္ေလ့က်င့္ဖို႔ လုိပါတယ္။ ဒါဆိုရင္ စာလံုးေပါင္း အလံုး (၃၀၀၀) ကို တတ္သြားမွာ ျဖစ္တဲ့အတြက္ အဲဒီဘာသာစကားကို ေခ်ာေမြ႕သြက္လက္စြာ ေျပာႏိုင္ သေလာက္ ျဖစ္သြားမွာပါ။

အခုအခ်ိန္မွာေတာ့ ဒီဘာသာစကားနဲ႔ ျပတဲ့ ရုပ္ျမင္သံၾကား အစီအစဥ္ေတြ၊ စာအုပ္ေတြကို စၿပီးေတာ့ ၾကည့္ႏိုင္၊ ဖတ္ႏိုင္ပါၿပီ။ ဒီဘာသာစကားေျပာတဲ့ DVD ေတြ ငွားၿပီး နားလည္ေအာင္ လိုက္ၾကည့္ပါ။ လိုအပ္ပါက စာတမ္းထိုးတဲ့ ခလုတ္ကို ႏွိပ္လိုက္ပါ။ ၾကည့္တဲ့အခါ အဆင္မေျပေသးရင္လည္း ကိစၥမရွိပါ။ ဘာေၾကာင့္လဲဆိုေတာ့ ရုပ္ရွင္ကို နားလည္ေအာင္ ၾကည့္ျခင္းက တစ္ေယာက္ခ်င္း စကားေျပာရတာထက္ ပိုခက္လို႔ပဲ ျဖစ္ပါတယ္။

ေန႔စဥ္ေန႔တိုင္း ဒီဘာသာစကားကို (၂)နာရီ (၃)နာရီ ခန္႔ ဆက္ေလ့က်င့္ပါက လကုန္တဲ့အခါ ဒီဘာသာစကားကို ေကာင္းေကာင္း နားလည္သေဘာေပါက္လာမွာျဖစ္ပါတယ္။ ျပင္းထန္တဲ့ အာရံုသာ ထားႏုိင္တယ္ဆိုရင္ ရက္ ၉၀ အတြင္းမွာ အံ့ၾသစရာေကာင္းေလာက္ေအာင္ သင္ျဖစ္ထြန္းမွာ ျဖစ္ပါတယ္။

ယခု ေျပာျပထားတဲ့ နည္းလမ္းေတြကို အဂၤလိပ္ဘာသာ (သို႕) မည္သည့္ ဘာသာကိုမဆို သင္ယူရာမွာ အသုံးျပဳႏိုင္ပါတယ္။ အဓိက အခ်က္ကေတာ့ ဇြဲရွိဖို႕ႏွင့္ အခ်ိန္ေပးသင္ယူဖို႕ပဲ ျဖစ္ပါတယ္။ သင့္မွာေရာ အျခားနည္းလမ္းေကာင္းေတြ ရွိပါလား။ ရွိရင္ ေအာက္က comment box မွာ ေရးျပီး အျခားသူမ်ားကို လမ္းညႊန္ေပးပါလို႕ ေျပာလိုပါတယ္။

Lifehacker.com မွ Maneesh Sethi ၏ How I Learned a Language in 90 Days ကို ကိုးကား ဘာသာျပန္ဆိုထားတာ ျဖစ္ပါတယ္။

Myanmar Network

—————–

ဘာသာစကားတစ်ခုကို ရက် ၉၀ နဲ့ တတ်မြောက်စေမယ့် နည်းလမ်းကောင်းများး (unicode)

ရေးသားသူ – Myanmar Network Forum

ဘာသာစကားနှစ်မျိုး တတ်မြောက်ခြင်းသည် ကွဲပြားခြားနားသော လူအမျိုးမျိုး၊ ယဉ်ကျေးမှုအမျိုးမျိုးနှင့် စိတ်ခံစားချက်အမျိုးမျိုးတို့ပါရှိသော ကမ္ဘာအသစ်တစ်ခုကို သွားရောက်ရန် သင့်ကို လမ်းဖွင့်ပေးမှာပါ။ ဒီလိုတတ်မြောက်ဖို့ကို အချိန်တွေလည်း အများကြီးပေးဆပ်ရကောင်း ပေးဆပ်ရမှာပါ။ ဒါပေမဲ့ လူအများစုကတော့ ဒီလောက်များပြားလှတဲ့ အချိန်တွေကို မပေးနိုင်ကြပါဘူး။ ဒါပေမဲ့ ဒီလိုတတ်ကျွမ်းဖို့က ရက် (၉၀) တည်း ကြာတယ်ဆိုရင်ရော ဘယ်လိုလဲ?

ပထမဆုံး ဘာသာစကား (၂) မျိုး တတ်မြောက်ခြင်း၏ အကျိုးကျေးဇူးများကို သုံးသပ်ကြည့်ရအောင်

ဒုတိယဘာသာစကားကို သင်ယူတဲ့အတွက် သိသာထင်ရှားလှတဲ့ အကျိုးကျေးဇူးတွေရှိပါတယ်။ ဥပမာ – အယ်(လ)ဇိုင်းမားရောဂါဖြစ်ပေါ်မှုကို နှောင့်နှေးစေခြင်း၊ ဦးနှောက်ရဲ့ စွမ်းအားကို မြှင့်တင်ပေးခြင်း၊ အာရုံစိုက်နိုင်စွမ်း ပိုကောင်းစေခြင်းနဲ့ အာရုံအနှောင့်အယှက်ဖြစ်ပေါ်စေတဲ့ အရာများကိုတောင်မှ ဖယ်ရှားနိုင်ပါတယ်။ ဒီလိုသိသာတဲ့ အကျိုးသက်ရောက်မှုတွေအပြင် လူမှုရေးဆိုင်ရာအကျိုးကျေးဇူးတွေ အမြောက်အများကိုလည်းရရှိစေပါတယ်။ အနည်းဆုံးတော့ စားသောက်ဆိုင်တစ်ဆိုင်မှာ စာပွဲထိုးရဲ့ ဘာသာစကားနဲ့ အစားအသောက်မှာနိုင်ခြင်း၊ ဓာတ်လှေကားထဲမှာ သူများ ပြောတာတွေကို ခိုးနားထောင်ခြင်း၊ သို့မဟုတ် ၎င်းဘာသာစကားကို မိခင်ဘာသာစကားအဖြစ် ပြောသူတွေနဲ့ စကားပြောနိုင်ပြီး သူတို့ပြောတာတွေကိုလည်း နားလည်နိုင်ခြင်းကြောင့် စိတ်ချမ်းမြေ့ပျော်ရွှင်မှု ရရှိနိုင်ပါတယ်။

ဒုတိယဘာသာစကားကို သင်ယူတတ်မြောက်ခြင်းရဲ့ အကောင်းဆုံးသော ရလာဒ်ကတော့ နောက်ထပ် တတိယ၊ စတုတ္ထ (သို့) ပဥ္စမဘာသာစကား သင်ယူတဲ့အခါမှာ ပိုပြီး လွယ်ကူသွားခြင်းပဲဖြစ်ပါတယ်။ ဘာသာစကားကို သင်ယူခြင်းသည် စိန်ခေါ်မှု မဟုတ်ပါ။ ဘာသာစကားတစ်ခုကို ဘယ်လိုသင်ယူရမလဲဆိုတာ ကို သင်ယူခြင်းကသာ စိန်ခေါ်မှုဖြစ်ပါသည်။ နည်းလမ်းတွေကို သိပြီဆိုတာနဲ့ တတ်သွားတဲ့ သဒ္ဒါပုံစံတွေနဲ့ ဘာသာစကားဆိုင်ရာ နည်းပညာတွေကို မိမိ သင်ယူတဲ့ ဘာသာစကားတိုင်းမှာ အသုံးချနိုင်မှာ ဖြစ်ပါတယ်။

ဘာသာစကားသင်ယူခြင်းနှင့်ပတ်သက်၍ လူအများစုထင်တာ မှားနေရတဲ့အကြောင်းရင်း တစ်ခုရှိပါတယ်။

ကျွန်တော့်အနေနဲ့ အထက်တန်းကျောင်းမှာ စပိန်ဘာသာစကားကို နှစ်ပေါင်းအတော်ကြာကြာ သင်ခဲ့ရပြီး၊ အစိုးရစာမေးပွဲတွေမှာတောင် အဆင့်ကောင်းကောင်းရခဲ့ပါတယ်။ ဒါပေမဲ့ တစ်နေ့ကျတော့ တကယ်ပဲ စပိန်စကားကို လက်တွေ့ပြောရတဲ့အခါမှာတော့ ကျွန်တော် သဘောပေါက်သွားပါတယ်။ အထက်တန်း ကျောင်းမှာ စပိန်စကားကို (၄)နှစ်တာ သင်ယူခဲ့တာတောင်မှ burrito (မက်ဆီကို ချာပါတီတစ်မျိုး)ကို မမှာတတ်သေးတာကို တွေ့ရပါတယ်။ ဒါဆိုရင် ဘယ်နေရာမှာ မှားသွားသလဲ? တရားဝင် စံသတ်မှတ်ထားတဲ့ စာမေးပွဲတွေအရတော့ ကျွန်တော်ဟာ စပိန်ဘာသာကျွမ်းကျင်သူတစ်ယောက်ပါပဲ။ ဒါပေမဲ့ လက်တွေ့မှာကျတော့ ကျွန်တော့်အနေနဲ့ အစားအသောက်မှာခြင်းဆိုတဲ့ အခြေခံအကျဆုံးလုပ်ငန်းလေးကိုတောင်မှ မလုပ်နိုင်ခဲ့ပါဘူး။

အကြောင်းကတော့ ကျွန်တော်တို့ဟာ ဘာသာစကားကို သင့်တော်တဲ့ပုံစံနဲ့ အသင်မခံခဲ့ရလို့ပဲ ဖြစ်ပါတယ်။ ကျောင်းသားတွေဟာ အုပ်စုလိုက် ဘာသာစကားကို သင်ယူကြပြီး လေ့ကျင့်ခန်းစာရွက်အချို့ (worksheets)နဲ့ သဒ္ဒါလေ့ကျင့်ခန်းအချို့ကို လုပ်နိုင်ရင်ပဲ ဘာသာစကားသင်ယူမှုဟာ လုံလောက်တယ်လို့ ထင်ကြပါတယ်။ ဒါပေမဲ့လည်း ဘယ်သူတစ်ဦးတစ်ယောက်မှ စကားပြောကို ကျွမ်းကျွမ်းကျင်ကျင် မတတ်ခဲ့ကြပါဘူး။ တကယ်တမ်းကျတော့ လေ့ကျင့် ခန်းစာရွက်တွေ(workheets)တွေကို ဖြေဆိုခြင်းသည် ထိုလုပ်ငန်းအတွက်ပဲ လေ့ကျင့်နေတာဖြစ်ပါတယ်။ အဲဒါကတော့ worksheets တွေကို ဖြေဆိုတဲ့ အလုပ်ပါပဲ။ ဒါပေမဲ့ စကားပြောကို သင်ယူချင်ရင်တော့ စကားပြောခြင်းဖြင့် လေ့ကျင့်ရမှာ ဖြစ်ပါတယ်။

ဒါကြောင့် လူတွေက စာအုပ်ကတစ်ဆင့်ပဲဖြစ်ဖြစ် (သို့) ကွန်ပျူ့တာ program တစ်ခု နဲ့ပဲဖြစ်ဖြစ် ဘာသာစကားတစ်ခုရဲ့ စကားပြောကို သင်ယူတဲ့အခါ ဒီနည်းနဲ့သာ သူတို့ သင်ယူနေရင် မျှော်မှန်းတဲ့ ရည်ရွယ်ချက်ဖြစ်လာမှာ မဟုတ်ပါဘူး။ ဘာသာစကားတစ်ခုခုကို ပြောချင်ရင် စကားပြော ခြင်းကို လေ့ကျင့်ရပါမယ်။ ဒါ့အပြင် ဘာသာစကားတစ်ခုကို သွက်သွက်ကလေးပြောချင်ရင် အခုကတည်းက စပြီး ပြောရမှာ ဖြစ်ပါတယ်။ အများကြီးကို ပြောရမှာလည်း ဖြစ်ပါသည်။

ဘာသာစကားကို လျင်မြန်စွာ သင်ယူနိုင်သည့် အခြေခံနည်းပရိယာယ်တစ်ချို့ကို လေ့လာကြည့်ရအောင်

ဘာသာစကားတစ်ခုကို သင်ယူခြင်းဟာ လန့်စရာကောင်းတယ်လို့ ထင်ရပါတယ်။ ဒါကြောင့် အသေးစိတ် မဆွေးနွေးခင် ယေဘုယျနည်းပရိယာယ်တွေကို ခြုံငုံ၍ တင်ပြပါမယ်။

အချက်အလက်တွေကတော့ အောက်ဖော်ပြပါ အတိုင်းပဲဖြစ်ပါတယ်။

1. သင်ယူမှုအတွက် သင့်တော်သော မှီငြမ်းကိုးကားစရာ စာအုပ်စာတမ်း၊ DVD၊ ရုပ်ရှင်၊ CD စသည်တို့ကို ရယူပါ။

အဲဒါတွေကတော့ သဒ္ဒါစာအုပ်ကောင်းကောင်း၊ အဘိဓာန်ကောင်းကောင်း၊ အသံထွက် CD နဲ့ ရုပ်ရှင်တွေ၊ သုတ၊ ရသ စာအုပ်တွေပဲ ဖြစ်ပါတယ်။

2. သီးသန့် ဆရာတစ်ယောက် ငှားပါ။

ဆရာကို အနည်းဆုံး တစ်လလောက်တော့ လိုပါလိမ့်မယ်။ တစ်နေ့ကို (၄)နာရီ သင်ယူဖို့ ကျွန်တော် အကြံပြုချင်ပါတယ်။

3. တတ်နိုင်သမျှ ၎င်းဘာသာစကားနဲ့ပဲ တွေးပါ၊ ပြောပါ။

စကားလုံးတစ်လုံးကို မမှတ်မိတိုင်း ၎င်းကို ဝေါဟာရမှတ်စု စာအုပ်ထဲကို ထည့်လိုက်ပါ။ ဝေါဟာရတွေကို နေ့စဉ်လေ့ကျင့်ပါ။

4. သူငယ်ချင်းများ၊ ဘာသာစကားပြောဖော်၊ ၎င်းဘာသာစကားကို ပြောသော အခြားသူများကို ရှာပါ။

ဆရာနဲ့ အခြေခံဘာသာစကားကို ပြောနိုင်ပြီဆိုရင် တခြားစကားပြောဖော်များ လိုလာပါပြီ။ မရသေးဘူးဆိုရင် ၎င်းဘာသာစကားပြောတိုင်းပြည်ကိုသွားဖို့ စဉ်းစားပါ။ လူအများတက်တဲ့ သင်တန်း ကို စဉ်းစားပါ။ အဆက်မပြတ်လေ့ကျင့်ပါ။

ဒါတွေကတော့ အခြေခံကျတဲ့ နည်းပရိယာယ်တွေပဲ ဖြစ်ပါတယ်။ ဒီနည်းပရိယာယ်တွေကတော့ ပြင်းထန်ပါတယ်။ ဘာကြောင့်လဲဆိုတော့ (၃)လအတွင်း ဘာသာစကားတစ်ခုကို သင်ယူရတာက မလွယ်လို့ပါပဲ။ အကယ်၍ အဲဒီဘာသာစကားကို (၃)လထက်ပိုပြီး ဖြည်းဖြည်းပဲ သင်ယူလိုတယ် (သို့) နိုင်ငံအသစ်ကို သွားပြီး တစ်နေ့ကို (၄-၈)နာရီလေ့ကျင့်ဖို့ မလုပ်နိုင်ရင်တော့ ဒီအစီအစဉ်ကို ပြုပြင် ယူနိုင်ပါတယ်။ နေ့တိုင်း လေ့ကျင့်ဖို့ကတော့ လွန်စွာမှ အရေးကြီးပါတယ်။ တစ်ပတ်တစ်ကြိမ် နှစ်ကြိမ် ထက် တစ်နေ့ကို မိနစ် (၂၀)လေ့ကျင့်တာက ပိုကောင်းပါတယ်။

ဘာသာစကားသင်ယူရန် ရက် (၉၀) အစီအစဉ်

ရက်ပေါင်း(၉၀)တည်းနဲ့ စကားပြောတဲ့အခါ ချောမွေ့သွက်လက်မှုရကောင်း ရရှိနိုင်မှာဖြစ်ပါတယ်။ ဒါမှ မဟုတ် စကားပြောနိုင်တဲ့ အဆင့်မြင့်ကောင်းမြင့်လာနိုင်ပါတယ်။ ဒါပေမဲ့ အပြင်းအထန် အာရုံစိုက်ဖို့တော့ လိုပါတယ်။ ဘာသာစကားတစ်ခုကို သင်ယူဖို့အချိန်ပြည့် အာရုံမစိုက်နိုင်ရင်လည်း ကိစ္စတော့ မရှိပါ။ သို့သော်လည်း သင်ယူခြင်း အစီအစဉ်ဟာ ရက်(၉၀)ထက် ပိုကြာသွားပါမယ်။ နေ့တိုင်းလေ့ကျင့်ဖို့ မမေ့ပါနဲ့။ သို့မဟုတ် သင် တတ်ထားတာတွေဟာ လျင်မြန်စွာ ပျောက်ကွယ်သွားမှာ ဖြစ်ပါတယ်။

ပထမ ရက် (၃၀)

ဘာသာစကားတစ်ခု သင်ယူတဲ့အခါ ပထမရက် (၃၀)က အလွန်အရေးကြီးပါတယ်။ စိတ်ကို ဒီသင်ယူမှုအထဲမှာ ပဲ အတတ်နိုင်ဆုံး အပြည့်အဝ နှစ်မြှုပ်ထားဖို့ လိုအပ်ပါတယ်။ ရက်(၉၀)အတွင်းမှာ ဒီဘာသာ စကားကို သင်ယူ တတ်မြောက်ချင်ရင်တော့ ဒီဘာသာစကားပြောတဲ့ တိုင်းပြည်ကို သွားဖို့ ကျွန်တော် အထူးတိုက်တွန်း လိုပါတယ်။ ဒီလိုသွားခြင်းဖြင့် သင့်အနေနဲ့ ဘာသာစကားကို မဖြစ်မနေ သင်ယူရမယ်ဆိုတဲ့ တိကျတဲ့ အတွေးကို ဖြစ်ပေါ်စေမှာဖြစ်ပြီး သင့်ပတ်ဝန်းကျင်ဟာလည်း ဒီဘာသာစကားကိုပဲ ပြောတဲ့ ပတ်ဝန်းကျင် ဖြစ်သွားမှာပါ။ အကယ်၍ အဲဒီဘာသာစကားပြောတဲ့ နိုင်ငံကို သွားနိုင်ခဲ့မယ်ဆိုရင် သင့်ကို လက်ခံမဲ့ အိမ်ရှင် မိသားစု (host family)တစ်ခုခုနဲ့ နေနိုင်အောင် ကြိုးစားပါ။ ဒီမိသားစုနဲ့ ထမင်းလက်စုံစားခြင်းနဲ့ အများကြီး သင်ယူနိုင်ပါတယ်။

ဘယ်လိုပဲဖြစ်ဖြစ်ပါ – ပထမလကတော့ ဆရာနဲ့ တစ်ယောက်ချင်းသင်ပါ။ လူအများတက်တဲ့ သင်တန်းကို လိုက်မတက်ပါနဲ့။ ဘာကြောင့်လဲဆိုတော့ ဆရာကတော့ သင့်ကို သင်ယူဖို့အတင်းအဓမ္မ တိုက် တွန်းမှာ ဖြစ်ပြီး သင်တန်း ဆိုရင်တော့ ခိုနိုင်တယ်၊ အပျင်းထူလို့ရနိုင်တယ်။

အခုပြောမဲ့ အချက်ကလည်း အရေးကြီးပါတယ်။ ဘာသာစကားကို သင်ယူတဲ့အခါမှာ ကိုယ်တိုင်က နိုးကြားထကြွပြီး ပါဝင်ပတ်သက်တဲ့ သင်ယူသူ (active learner) ဖြစ်ရပါမယ်။ လူအများစုဟာ ဘာသာ စကားကို အသင်တော့ခံကြပါတယ်။ ဒါပေမဲ့ မေးခွန်းတွေ မေးခြင်းဖြင့် ကိုယ်တိုင် ကလည်း တက်တက်ကြွကြွနဲ့ ပါဝင်ပတ်သက်ဖို့ လိုပါတယ်။

ဆရာနဲ့တစ်ယောက်ချင်းသင်ယူတဲ့အခါမှာပဲဖြစ်ဖြစ် ကိုယ့်တစ်ယောက်တည်း လေ့ကျင့်တဲ့အခါမှာပဲ ဖြစ်ဖြစ် မသိသေးတဲ့ စကားလုံးတွေ၊ စကားစုတွေကို အများကြီးတွေ့ရမှာပါ။ ဒီစကားလုံး (သို့) စကားစုတွေကို ဝေါဟာရ / စကားစု စာအုပ်ထဲမှာ ရေးမှတ်ထားပါ။

တစ်နေ့ကို ဝေါဟာရနဲ့ စကားစု အခု ၃၀ ကို စတင်ကျက်မှတ်ဖို့ လိုပါပြီ။ ဘာ့ကြောင့် အလုံး(၃၀)ကို ကျက်ရပါသလဲ? ဒီလိုကျက်မှတ်ပါက ရက်ပေါင်း (၉၀) ပြည့်တဲ့အခါ သင်လိုအပ်တဲ့ ဝေါဟာရနဲ့ စကားစုများ ရဲ့ ၈၀%ကို တတ်မြောက် သွားမှာ ဖြစ်လို့ပါပဲ။

(၃၁) ရက်မှ ရက် (၆၀)

ပထမလပြီးတဲ့အခါမှာတော့ ကိုယ့်ကိုကိုယ် ဒီဘာသာစကားနဲ့ ထိတွေ့မှုရှိနိုင်သလောက်ရှိဖို့ ကြိုးစား အားထုတ်ရပါတော့မယ်။ ဆရာနဲ့ တစ်ယောက်ချင်း တစ်လသင်ယူပြီးပြီဖြစ်တဲ့အတွက် သင့်အနေဖြင့် အခြေခံ စကားပြောခြင်းကိုတော့ ပြောနိုင် မှာဖြစ်ပါတယ်။

ဆရာနဲ့ သင်ရတာက အကုန်အကျများလာတယ်ဆိုရင်တော့ ဒီအချိန်မှာ အဆင့်မြင့်သင်တန်းတက်ဖို့ စဉ်းစားသင့်ပါပြီ။ ငွေကုန်သက်သာစေတဲ့ အပြင် ဒီဘာသာစကားကို ပြောတဲ့အခြားသူတွေနဲ့လည်း လက်လှမ်း မှီတဲ့ အနေအထားကို ရောက်သွားပါတယ်။ သင့်မိခင်ဘာသာစကားကို မပြောမိဖို့တော့ သတိထားရပါမယ်။ သင်ယူနေတဲ့ဘာသာစကားကိုပဲ ပြောပါမယ် လို့ ကိုယ့်ဖာသာကိုယ် စည်းကမ်းချ မှတ်လိုက်ပါ။ တတ်နိုင်တယ် ဆိုရင်တော့ ဆရာနဲ့လည်း ဆက်သင်ပါ။

ဒီအချိန်မှာ ဒီဘာသာစကားကို ပြောတဲ့အဖေါ်ရှာရမှာ ဖြစ်ပါတယ်။ နေ့တိုင်း နာရီအနည်းငယ် ဒီဘာသာစကားကို လေ့ကျင့်နိုင်ဖို့ ကြိုးစားပါ။ ဒီအချိန်မှာ စကားပြောအခြေခံကို ရသွားပြီ ဖြစ်တဲ့အတွက် ဒီလိုလေ့ကျင့်မှုဟာ လုပ်ရမဲ့ ငြီးငွေ့စရာကောင်းတဲ့ အလုပ်မဟုတ်တော့ပဲ သူငယ်ချင်းတွေနဲ့ စကားစမြည်ပြောရင်း အချိန်ကို ကုန်လွန်စေတဲ့ အခြေအနေမျိုး ဖြစ်ပါလိမ့်မယ်။

သင် သင်ယူနေတဲ့ဘာသာစကားနဲ့ ရေးထားတဲ့ လွယ်ကူတဲ့ စာအုပ်တွေကို ဖတ်ကြည့်ပြီး မသိတဲ့ စကားလုံးတွေကို မျဉ်းသားထားပါ။ ဒီစကားလုံးတွေကို သင့်ရဲ့ ဝေါဟာရ / စကားစုစာအုပ်ထဲ ရေးထည့် နိုင်ပါတယ်။

စဉ်းစားတဲ့အခါမှာလည်း ဒီဘာသာစကားနဲ့ ပဲစဉ်းစားသင့်ပါပြီ။ အတွေးတစ်ခုခုကို စကားနဲ့ ဖေါ်ပြတဲ့ အခါ သုံးရမယ့်စကားလုံးတစ်ခုခုကို မမှတ်မိပါက အဲဒီစကားလုံးကိုလည်း ဝေါဟာရ စာအုပ်ထဲရေးသွင်း လိုက်ပါ။ တစ်ရက်ကို စကားလုံး /စကားစု အလုံး (၃၀) ကိုလည်း ဆက်ပြီး ကျက်မှတ်သွားပါ။

(၆၁) ရက် မှ ရက် (၉၀)

ရက် ၆၀ ရောက်တဲ့အခါမှာတော့ သင့်အနေဖြင့် ဒီဘာသာစကားကို ပြောနိုင်တဲ့အခြေအနေဟာ တော်တော်လေး ကောင်းနေလောက်ပါပြီ။ ဆက်ပြီး လေ့ကျင့်ဖို့ပဲ လိုပါတယ်။ စကားပြောဖေါ်တွေနဲ့ ပိုပြီး လေးနက်တဲ့အကြောင်းအရာတွေ အကြောင်းပြောပါ။ တစ်ရက်ကို စကားလုံး အလုံး(၃၀)ကို လည်း ဆက်ပြီး ကျက်မှတ်ပါ။ ကိုယ်တတ်ပြီးသား စကားလုံးတွေကိုလည်း မပြတ်လေ့ကျင့်ဖို့ လိုပါတယ်။ ဒါဆိုရင် စာလုံးပေါင်း အလုံး (၃၀၀၀) ကို တတ်သွားမှာ ဖြစ်တဲ့အတွက် အဲဒီဘာသာစကားကို ချောမွေ့သွက်လက်စွာ ပြောနိုင် သလောက် ဖြစ်သွားမှာပါ။

အခုအချိန်မှာတော့ ဒီဘာသာစကားနဲ့ ပြတဲ့ ရုပ်မြင်သံကြား အစီအစဉ်တွေ၊ စာအုပ်တွေကို စပြီးတော့ ကြည့်နိုင်၊ ဖတ်နိုင်ပါပြီ။ ဒီဘာသာစကားပြောတဲ့ DVD တွေ ငှားပြီး နားလည်အောင် လိုက်ကြည့်ပါ။ လိုအပ်ပါက စာတမ်းထိုးတဲ့ ခလုတ်ကို နှိပ်လိုက်ပါ။ ကြည့်တဲ့အခါ အဆင်မပြေသေးရင်လည်း ကိစ္စမရှိပါ။ ဘာကြောင့်လဲဆိုတော့ ရုပ်ရှင်ကို နားလည်အောင် ကြည့်ခြင်းက တစ်ယောက်ချင်း စကားပြောရတာထက် ပိုခက်လို့ပဲ ဖြစ်ပါတယ်။

နေ့စဉ်နေ့တိုင်း ဒီဘာသာစကားကို (၂)နာရီ (၃)နာရီ ခန့် ဆက်လေ့ကျင့်ပါက လကုန်တဲ့အခါ ဒီဘာသာစကားကို ကောင်းကောင်း နားလည်သဘောပေါက်လာမှာဖြစ်ပါတယ်။ ပြင်းထန်တဲ့ အာရုံသာ ထားနိုင်တယ်ဆိုရင် ရက် ၉၀ အတွင်းမှာ အံ့ဩစရာကောင်းလောက်အောင် သင်ဖြစ်ထွန်းမှာ ဖြစ်ပါတယ်။

ယခု ပြောပြထားတဲ့ နည်းလမ်းတွေကို အင်္ဂလိပ်ဘာသာ (သို့) မည်သည့် ဘာသာကိုမဆို သင်ယူရာမှာ အသုံးပြုနိုင်ပါတယ်။ အဓိက အချက်ကတော့ ဇွဲရှိဖို့နှင့် အချိန်ပေးသင်ယူဖို့ပဲ ဖြစ်ပါတယ်။ သင့်မှာရော အခြားနည်းလမ်းကောင်းတွေ ရှိပါလား။ ရှိရင် အောက်က comment box မှာ ရေးပြီး အခြားသူများကို လမ်းညွှန်ပေးပါလို့ ပြောလိုပါတယ်။

Lifehacker.com မှ Maneesh Sethi ၏ How I Learned a Language in 90 Days ကို ကိုးကား ဘာသာပြန်ဆိုထားတာ ဖြစ်ပါတယ်။

Myanmar Network

Leave a Reply