စူပါ ပါဝါ အမေရိကန်တို့ရဲ့ အကြီးမားဆုံး ထောက်လှမ်းရေးစည်း ကျရှုံးမှုကြီး ၉ ခု

Posted on

ရေးသားသူ – ကိုဇန်

ကမ္ဘာတွင် အကောင်းဆုံးနှင့် အတော်ဆုံး စစ်တပ်၊ ထောက်လှမ်းရေးအေဂျင်စီ၊ ရဲတပ်ဖွဲ့တို့ တည်ရှိသည့် အမေရိကန်ပြည်ထောင်စုသည် အခါခပ်သိမ်း အောင်နိုင်သူအပြုံးဖြင့် ၀င့်ကြွားနိုင်ခဲ့သည်တော့ မဟုတ်ပေ။ အိုးနင်းခွက်နင်း ဖြစ်ခဲ့သည်များလည်းရှိပါသည်။ ဥပမာ၊ အမေရိကန်ထောက်လှမ်းရေးသည် အာရပ်နွေဦးဖြစ်ပေါ်လာနိုင်သည်ဟု မထင်မှတ်ခဲ့၊ မခန့်မှန်းနိုင်ခဲ့ပေ။ ရုပ်ရှင်ဇာတ်လမ်းများတွင် အားကျစဖွယ် အဖြစ် အမြဲတမ်းနေရာယူနေသည့် အမေရိကန်ထောက်လှမ်းရေးအေဂျင်စီသည် ဆယ်စုနှစ်တိုင်း ကွဲခဲ့၊ လဲခဲ့သည်များ ရှိခဲ့ပါသည်။

၁) ပုလဲဆိပ်ကမ်းတိုက်ခိုက်ခံရမှု

၁၉၄၁ခုနှစ်၊ ဒီဇင်ဘာ ၇ ရက်တွင် ဂျပန်လေတပ်က အမေရိကန်ပြည်ထောင်စု ပုလဲဆိပ်ကမ်းကို လာရောက်ဗုံးကြဲခဲ့သည်။ လုံးဝအလစ်အငိုက်ဖြစ်သည်။ ထောက်လှမ်းရေးသတင်းအချက်အလက်များ မရခဲ့ပါ။ သို့သော်၊ ဂျာဗားကျွန်းအခြေစိုက် အမေရိကန်စစ်သံမှူးကမူ ဂျပန်တို့သည် ဟာဝိုင်ယီ၊ ထိုင်း၊ ဖိလစ်ပိုင်တို့ကို တိုက်ခိုက်မည့် စစ်ရေးအကြံအစည်ရှိကြောင်း တစ်ပတ်ကြိုတင်ပြီး သံကြိုးရိုက်ခဲ့သည်။ သို့သော်၊ ထိုစဉ်က အမေရိကန်ပြည်ထောင်စုတွင် ထောက်လှမ်းရေးဌာနအသီးသီးတို့သည် လျော့ရဲနေကြသဖြင့် ရန်ဘက်နိုင်ငံများနှင့်ပတ်သက်ပြီး ပြည့်စုံသည့်၊ သေသပ်သည့် ထောက်လှမ်းရေးသုံးသပ်ချက်များ မရနိုင်ခဲ့ပေ ။ စီအိုင်အေကို ၁၉၄၇ ခုနှစ်တွင် အမျိုးသားလုံခြုံရေးအက်ဥပဒေအရ ဖွဲ့စည်းနိုင်ခဲ့သည်။

၂ ) ၀က်ပင်လယ်ကွေ့ စစ်ဆင်ရေး

၁၉၆၁ခုနှစ်၊ ဧပြီလတွင် ကျူးဘာပြည်ပြေးများနှင့်ဖွဲ့စည်းထားသည့် လက်နက်ကိုင်အဖွဲ့ဖြင့် ကျူးဘားနိုင်ငံအကြီးအကဲ ကတ်စထရိုကို ဖြုတ်ချရန် စီအိုင်အေက ကမ်းတက်စစ်ဆင်ရေးဖြင့် စီမံခဲ့သည်။ ကမ်းမတက်နိုင်ခင် ကျူးဘားစစ်တပ် က နှိမ်နင်းနိုင်ခဲ့သည်။ ထို့ပြင်၊ စီအိုင်အေသည် ကျူးဘားနိုင်ငံတွင် ဆိုဗီယက်တို့ ဒုံးပျံစခန်းများ တည်ဆောက်နေခြင်းကို အချိန်မီမထောက်လှမ်းနိုင်ခဲ့ဟုဆိုသည်။ ကျူးဘား ဒုံးပျံအရေးအခင်း မဖြစ်ပွားခင် တစ်လ အလိုမှ ယူတူ လေယာဉ်ဖြင့် ထောက်လှမ်းနိုင်ခဲ့ခြင်းဖြစ်သည်။

၃) တက်စစ်ဆင်ရေး

၁၉၆၈ ခုနှစ် ဇန်န၀ါရီလ ၃၁ ရက်တွင် တက်အားလပ်ရက်တွင် ဗီယက်ကောင်းများ အမေရိကန်စစ်တပ်ကို စတင်တိုက်ခိုက်ခဲ့သည်။ တက်စစ်ဆင်ရေး ဖြစ်သည်။ နောက်ပိုင်းသုံးသပ်ချက်အရ အမေရိကန်ထောက်လှမ်းရေးနှင့် တောင်ဗီယက်နမ် စစ်ထောက်လှမ်းရေးအရာရှိတို့သည် များစွာသော သတိပေးချက်များကို အလေးမူခဲ့ဟု ဆိုသည်။

၎ ) ယုန်ကစ်ပူးစစ်ပွဲ

စီအိုင်အေသည် ၁၉၆၇ခုနှစ်တွင် အစ္စရေးနှင် အာရပ်နိုင်ငံများကြား ဖြစ်ပွားသော စစ်ပွဲကို ကြိုတင်ခန့်မှန်းနိုင်ခဲ့သော်လည်း၊ ၁၉၇၃ခုနှစ်တွင် ဖြစ်ပွားခဲ့သည့် ယုန်ကစ်ပူးစစ်ပွဲကိုမူ မခန့်မှန်းနိုင်ခဲ့ပါ။

၅) အီရန်တော်လှန်ရေး

အီရန်မှာ ရှားဘုရင်မဖြုတ်ချခင် ခြောက်လလောက်အလို၊ ၁၉၇၈ခုနှစ်၊ သြဂုတ်လမှာ အမေရိကန်ထောက်လှမ်းရေးတွေက အီရန်မှာ တော်လှန်ရေး ဖြစ်လာစရာ အကြောင်းကို မရှိဘူးဟု ကောက်ချက်ဆွဲခဲ့သည်။ သို့သော်၊ နောက်ခြောက်လတွင် ရှားဘုရင်သည် အမေရိကန်သို့ လေယာဉ်ဖြင့် ထွက်ပြေးခဲ့ရသည်။

၆) ဆိုဗီယက်ပြည်ထောင်စု၏ အာဖဂန်ကျူးကျော်စစ်

၁၉၇၉ခုနှစ်၊ ဒီဇင်ဘာမှာ ဆိုဗီယက်ပြည်ထောင်စုက အာဖဂန်နစ္စတန်ကို ကျူးကျော်ခဲ့သည်။ ကျူးကျော်နိုင်သည်ကို စီအိုင်အေက မခန့်မှန်းနိုင်ခဲ့ပေ။ သို့သော်၊ ၁၉၇၉ခုနှစ်တလျှောက်လုံးတွင် ဆိုဗီယက်ပြည်ထောင်စုသည် စစ်ရေးအကြီးအကျယ်ပြင်ဆင်နေသည်ဟူသော သတိပေးချက်ကိုတော့ စီအိုင်အေသည် တင်ပြပေးနိုင်ခဲ့သည်။ အာဇဂန်ကို ကျူးကျော်လိမ့်မည်ဟူတော့ ကောက်ချက်မဆွဲနိုင်ခဲ့ပေ။

၇) ဆိုဗီယက်ပြည်ထောင်စု ပြိုကွဲခြင်း

၁၉၉၁ခုနှစ်တွင် ဆိုဗီယက်ပြည်ထောင်စု ပြိုကွဲသည်။ ပြည်ထောင်စုပြိုကွဲမည်ကို အမေရိကန် ထောက်လှမ်းရေးအေဂျင်စီများအနေဖြင့် မခန့်မှန်းနိုင်ခဲ့ပေ။

၈ ) အိန္ဒိယ နျူကလီးယားဗုံးစမ်းသပ်ပေါက်ကွဲမှု

၁၉၉၈ခုနှစ်၊ မေလတွင် အိန္ဒိယသည် နျူကလီးယားဗုံးစမ်းသပ်ဖောက်ခွဲခဲ့သည်။ သို့သော်၊ စီအိုင်အေသည် မခန့်မှန်းနိုင်ခဲ့ပေ။ အိန္ဒိယနိုင်ငံ၏ နူကလိယာအစီအစဉ်ကို ထောက်လှမ်းရန် စီမံကိန်းလည်း စီအိုင်အေတွင် မရှိခဲ့ခြင်းကြောင့်လည်းဖြစ်သည်။ သို့သော်၊ အိန္ဒိယက နျူကလီးယားစမ်းသပ်ရန် ခြောက်နာရီအလိုတွင် စမ်းသပ်ဖောက်ခွဲနိုင်သည်ဟူသော ဓာတ်ပုံအထောက်အထားကိုမူ ရရှိခဲ့သည်။

၉) စက်တင်ဘာ ၁၁ တိုက်ခိုက်မှု

အများသိသည့်အတိုင်း စက်တင်ဘာ ၁၁ တိုက်ခိုက်မှုက အမေရိကန်ပြည်ထောင်စုသည် ဘယ်လိုမှ မတားဆီးနိုင်ခဲ့ပေ။ စီအိုင်အေက အယ်ကိုင်ဒါလ်၊ ဘင်လာဒင်တို့ကို စဉ်မပြတ် ထောက်လှမ်းနေသည့်ကြားမှ စက်တင်ဘာ တိုက်ခိုက်မှုဖြစ်ပွားသွားခြင်းဖြစ်သည်။ အက်ဘီအိုင်နှင့်လည်း ပူးပေါင်းဆောင်ရွက်မှု အားနည်းခဲ့ခြင်း ကြောင့်လည်းဖြစ်သည်။ နောက်ပိုင်းတွင် စက်တင်ဘာ ၁၁ တိုက်ခိုက်မှု စုံစမ်းရေးကော်မရှင်ဖွဲ့ခဲ့ပြီး ထောက်လှမ်းရေးအေဂျင်စီအကြား အချက်အလက်မျှဝေရေး မဟာဗျူဟာနှင့် ယန္တရားတစ်ရပ် ဖွဲ့စည်း အသက်သွင်းနိုင်ခဲ့သည်။

The Ten Biggest American Intelligence Failures ကို ဘာသာပြန်ပါသည်။

ရိုသေမှုဖြင့်
ကိုဇန်

Leave a Reply