မပြီးဆုံးသေးသော ကမ္ဘာကျော်နေရာများ

Posted on

၁။ Ta Keo ပုထိုးတော်ကြီး
အန်ကောမြို့ ၊ ကမ္ဘောဒီးယား

Ta Keo ပုထိုးတော်ကြီးသည် တောင်ကြီးတစ်တောင်လို မြင့်မားသော ကမ္ဘောဒီးယားနိုင်ငံအန်ကာ ဘုရားကျောင်းတော်ကြီးတည်ရှိရာ ရှေးဟောင်းမြို့တော်တွင်ရှိသည်။ မျှော်စင်ကဲ့သို့သော မိုးထိုးနေသည့် အဆောင်ကြီးပေါင်း ငါးဆောင်ရှိပြီး ပိရမစ်ပုံစံအထက်ကို ချွန်သွားသည့်သဏ္ဌာန်ဖြင့် တည်ဆောက်ထားသည်။ အလွန်ကြီးများသည့် အဆောက်အအုံကြီးတစ်ခုအသွင် တည်ဆောက်သွားခြင်းဖြစ်ပြီး ပြီးဆုံးအောင် ဆောက်လုပ်သွားနိုင်ခြင်းမရှိပေ။ အကယ်၍ ပြီးဆုံးသွားလျှင် ကမ္ဘာ့အကြီးဆုံး ပုထိုးတော်ကြီးတစ်ခု ဖြစ်လောက်သည်။

မပြီးဆုံးသေးသော ပုထိုးတော်ကြီးဟုဆိုသော်လည်း အဝေးကပင် မြင်နိုင်လောက်အောင် မြင့်မားလှသည်။ ပင်မအဆောင်မှ မျှော်စင်ကြီးဆိုလျှင် အထပ်ငါးထပ်ရှိပြီး နောက်ဆုံးအဆင့်အမြင့်အထိ ၄၆ ပေရှိသည်။ ကျန်မျှော်စင်များထက်လည်း မြင့်မားသည်။ ပုထိုးတော်ကြီးကို အောက်ခြေတွင် အုတ်ပတ်လည် အဆောက်အအုံထုထည်အဖြစ် တက်လာပြီးမှ အမိုးပေါ်တွင် မျှော်စင်ကြီးငါးခုကို တည်ဆောက်ထားခြင်းဖြစ်သည်။ ပတ်လည်တွင် အဆောက်အအုံထဲဝင်ရန် မုခ်ပေါက်များရှိသည်။

ပုထိုးတော်ကြီးကို သဲကျောက်များဖြင့်တည်ဆောက်ထားပြီး အဘယ်ကြောင့် ပြီးဆုံးအောင် မတည်ဆောက်သွားနိုင်ကြောင်း ယနေ့တိုင် အဖြေရှာမရဖြစ်နေသေးပေ။ အဆောက်အအုံအမိုးပေါ်ရှိ မျှော်စင်များကို မိုးကြိုးများ ထိမှန်ထားသည့် လက္ခဏာများလည်း တွေ့ရသည်။ ဒေသခံများက ကျိန်စာသင့်ထားသောကြောင့်ဟု ယူဆကြသည်။ အချို့ကလည်း ဘုရင်လေး ပဉ္စမမြောက် ဇယဗာမန်သည် ထိုပုထိုးတော်ကြီးကို တည်ဆောက်ခဲ့ခြင်းဖြစ်ပြီး သူ၏ထီးနန်းကို မကာကွယ်နိုင်သဖြင့် အဆောက်အအုံကြီးလည်း မပြီးစီးခဲ့ဟု ဆိုကြသည်။ မပြီးသေးသည့် ပုထိုးတော်ကြီးအတိုင်းပင်လျှင် စိတ်ဝင်စားဖွယ်ဖြစ်သောကြောင့် ကမ္ဘာလှည့်ခရီးသွားများ လာရောက်လေ့လာကြည့်ရှုနေကြသည်။

၂။  Crazy Horse အထိမ်းအမှတ် ကျောက်ဆောင်
Custer County, South Dakota, အမေရိကန်

South Dakota တွင် အလွန်ကြီးများသည့် တောင်ကြီးတစ်တောင်အား မျက်နှာပြင်အသွင် ပုံဖော်ထားသည်ကို ကမ္ဘာလှည့်ခရီးသွားများ စိတ်ဝင်စားကြသည်။ Rushmore တောင်ကြီးကို မျက်နှာအသွင် ပုံဖော်ထားခြင်းဖြစ်ပြီး ထိုမျက်နှာပြင်ကြီးမှာ မပြီးဆုံးသေးသည့်အနေအထားဖြင့် ကျန်နေခဲ့သည်။ တောင်ဒါကိုတာရှိ Black Hill ဟုခေါ်သည့် ထိုတောင် မျက်နှာကြီးကို Crazy Horse အထိမ်းအမှတ်အဖြစ် ယနေ့တိုင် ထိန်းသိမ်းစောင့်ရှောက်ထားကာ လုပ်ငန်းများကို ဆက်လက်လုပ်ဆောင်နေသည်။

Crazy Horse ပရောဂျက်ကို ၁၉၄၈ ခုနှစ်တွင် စတင်ခဲ့သည်။ ပန်းပုဆရာကြီး ဇော့ဇက် ဇီရောကော စကီးက ထိုမျက်နှာကြီးကို ထုလုပ်ခဲ့ခြင်းဖြစ်သည်။ အော့လာလာ လာကိုတာ လူမျိုးစုအကြီးအကဲ ဟင်နရီစတန်းဒင်းဘဲ ဆိုသူက ဇီရောကောစကီးကို ဖိတ်ခေါ်ပြီး မြောက်ပိုင်းရှိ အမေရိကန်တိုင်းရင်းသားများကို ဂုဏ်ပြုသည့်အနေနှင့် ရုပ်တုကြီးတစ်ခုကို ထုလုပ်စေခြင်းဖြစ်သည်။ ထိုမျက်နှာပိုင်ရှင်မှာ အမေရိကန် ရက်အင်ဒီးယန်း လာကိုတာ ခေါင်းဆောင် Crazy Horse ဆိုသူကို ကိုယ်စားပြုသည်။

၁၉၉၀ ပြည့်နှစ်တွင် ခရေဇီဟော့စ်မျက်နှာကြီးက ဘလက်ဟေးစ်တောင်ကြောပေါ်တွင် ရုပ်လုံးပေါ်လာသည်။ မျက်နှာကြီးတစ်ခုတည်းကပင် ၂၂ ထပ်စာ တိုက်လောက်ဖြစ်သည်။ နှစ်ပေါင်း ၇၀ လောက် ထုလုပ်ခဲ့ရသည့်မျက်နှာကြီးအတွက် ဖဲ့ထုတ်ခဲ့ရသော ကျောက်များကပင် တန်သန်းချီပြီး ရှိနေသည်။ ရုပ်တုကြီး ပြီးသွားလျှင် စုစုပေါင်းအမြင့်မှာ တိုက် ၆၄ ထပ်စာခန့်ရှိမည်ဟု ခန့်မှန်းသည်။ ခရေဇီဟော့စ်၏ မျက်လုံးတစ်လုံးကပင် ၁၇ ပေခန့်ကျယ်သည်။ ရုပ်တုထုလုပ်ခြင်းအတွက် ရန်ပုံငွေကို ကမ္ဘာလှည့်ခရီးသည်များထံက ဝင်ကြေးဖြင့်လည်းကောင်း၊ အလှူငွေများဖြင့်လည်းကောင်း လုပ်ဆောင်နေရသည်။ လက်မောင်းတစ်ဖက်ကို စတင်လုပ်ဆောင်နေပြီး ပြီးစီးရန် နောက်ထပ် နှစ်ပေါင်းများစွာ ကြာဦးမည်။

၃။ La Sagrada Familia
ဘာစီလိုနာ ၊ စပိန်

La Sagrada Familia ဘုရားရှိခိုးကျောင်းကြီးကို ၁၈၈၂ ခုနှစ်ကတည်းက တည်ဆောက်ခဲ့ကြသည်။ သို့သော် ယနေ့တွေ့မြင်နေရသည့် အနေအထားကိုပင် ၇၀ ရာခိုင်နှုန်းခန့်သာ ပြီးစီးခဲ့သည်ဟုဆိုသည်။ ဗဟိုတွင် မျှော်စင်ပေါင်း ခြောက်ခုကိုထည့်သွင်းထားပြီး နှစ်ပေါင်း ၁၃၀ ခန့် တည်ဆောက်ခဲ့သော်လည်း ပြီးစီးခြင်းမရှိခဲ့ပေ။ နောက်ထပ် တည်ဆောက်မည်ဆို လျှင်လည်း ပြီးစီးရန် ရာစုတစ်စုခန့် ထပ်ကြာနိုင်သေးသည်ဆိုသော်လည်း ယင်းအနေအထားအတိုင်းကိုပင် ကမ္ဘာလှည့်ခရီးသည်များ သွားရောက်လေ့လာနေကြသည်။

ရိုမင်ကက်သလစ်ဂိုဏ်း ဘုရားကျောင်းကြီးအဖြစ် စပိန်နိုင်ငံ၊ ဘာစီလိုးနားတွင် တည်ဆောက်ထားသော ယင်းကျောင်းတော်ကြီးသည် နှစ်စဉ် ဒေါ်လာ ၂၇ သန်းခန့်ဖြင့် ပြုပြင်လုပ်ဆောင်လျက်ရှိပြီး ထိုငွေများကို လာရောက်လေ့လာကြသည့်သူများထံက ဝင်ကြေးနှင့် ပုဂ္ဂလိကအလှူရှင်များ၏ အလှူငွေများနှင့် ဆက်လက်လုပ်ဆောင်နေသည်။

အမြင့်ဆုံး မျှော်စင်ကြီးသည် ၅၆၄ ပေရှိပြီး ဥရောပတွင် အမြင့်ဆုံး ဘုရားကျောင်း အဆောက်အအုံအဖြစ် စံချိန်ယူထားသည်။ ပုံမှန်အတိုင်းဆောက်သွားလျှင် လာမည့် ၂၀၂၆ ခုနှစ်မှ ပြီးစီးနိုင်ပြီး အတွင်းပိုင်း ပြင်ဆင်မွမ်းမံမှုများအတွက်မူ နှစ်ပေါင်းများစွာ အချိန်ယူရဦးမည်ဖြစ်သည်။

၎။ Bara Kaman
Bijapur, Karnatakaပြည်နယ် ၊ အိန္ဒိယ

ဒုတိယမြောက် အလီအဒေးလ်ရှားဘုရင်၏ ဂူဗိမာန်နေရာဖြစ်သည်။ ဘာရာကာမန်ဟု အမည်ပေးထားသည်။ ဘီဂျပါးပြည်နယ်တွင် အဒေးလ်ရှားမင်းဆက်၏ အဋ္ဌမမြောက် မင်းဆက်လည်းဖြစ်ပြီး ဒုတိယမြောက် နောက်ဆုံးမင်းဆက်အဖြစ် သိကြသည်။ အများအားဖြင့် သူ့ကို အိန္ဒိယတွင် ဝိဇယပူရမင်းဟု ခေါ်ကြသည်။

ဘာရာကာမန် ဂူဗိမာန်ကို အလှဆုံး အဆောက်အအုံကြီးတစ်ခုအဖြစ် တည်ဆောက်ရန် ရည်ရွယ်ပြီး လုပ်ဆောင်ခဲ့ကြခြင်းဖြစ်သည်။ ဘာရာကာမန်ဆိုသည်က အမိုး ၁၂ ခုဟု အမည်ရသည်။ အမိုးခုံး ၁၂ ခုဖြင့် ဗိမာန်ကြီးကို တည်ဆောက်ရန်ဖြစ်ပြီး အလယ်တွင် ဘုရင်၏ ရုပ်အလောင်းကိုထားကာ ဝန်းရံထားရန်ဖြစ်သည်။ ၁၆၇၂ ခုနှစ်ကတည်းက စတင်တည်ဆောက်နေခဲ့သော်လည်း ပြီးဆုံးအောင် မတည်ဆောက်နိုင်ခဲ့ပေ။ အလီ အဒေးလ်ရှားကို သူ့ဖခင်ကိုယ်တိုင်က လုပ်ကြံသတ်ဖြတ်လိုက်သဖြင့် အဆောက်အအုံကြီးကို ပြီးစီးအောင် မတည်ဆောက်နိုင်ခြင်းဖြစ်သည်။

ဤဂူဗိမာန်ကြီးကို တည်ဆောက်ပြီးလျှင် ပြည်ပျက်မည်၊ အိန္ဒိယတို့လက်အောက်ကို ကျရောက်မည်ဆိုသည့် တဘောင်များ ပေါ်ပေါက်လာပြီးနောက် ဖခင်ဖြစ်သူက ဂူဗိမာန်ကြီး မပြီးစီးစေရန်အတွက် သားဖြစ်သူကို သတ်လိုက်ရခြင်းဖြစ်သည်။ ထိုဂူဗိမာန်ကြီးကို ယခုအခါ အိန္ဒိယနိုင်ငံ Archaeology Survey အဖွဲ့က ထိန်းသိမ်းစောင့်ရှောက်ထားပြီး မျက်နှာစာရှိ ဥယျာဉ်ကိုလည်း ပြုပြင်ပေးထားသည်။ လာရောက်သည့် ဧည့်သည်များသည် မပြီးဆုံးသေးသည့် ဗိမာန်ကြီးကို လှည့်လည်ကြည့်ရှုပြီး ရှေးခေတ် ဗိသုကာလက်ရာများကို အံ့ဩငေးမောခဲ့ရသည်။

The Voice Journal မှ

Leave a Reply