ကမ္ဘာပေါ်က နေမ၀င်တဲ့ နိုင်ငံများ

Posted on

ကျွန်တော်တို့မြန်မာနိုင်ငံမှာနေကြသူတွေဟာ  နွေဥတု၊မိုးဥတု၊ဆောင်းဦးတုဆိုတဲ့ ဥတုသုံးပါးနဲ့ ယဉ်ပါးနေသလို နေ့နဲ့ညဆိုတဲ့ အချိန်ကာလ အပိုင်းအခြားတွေနဲ့လည်း ယဉ်ပါးနေပြီးသားဖြစ်ပါသည်။နေ့တိုင်း နေ့တိုင်းမှာ နေ့နဲ့ည ဆိုတာရှိပြီး အာရုဏ်ဦးမှာ ထွက်တဲ့နေ ဟာ ညနေစောင်းမှာဝင်သွားလေ့ရှိပါတယ်။ နေထွက်တယ် နေ၀င်တယ်ဆိုတာ သဘာဝအတိုင်းပဲ ဖြစ်ပါတယ်။ ဒါပေမယ့် ကမ္ဘာပေါ်မှာ တစ်ရက်လုံးနေ့အတိုင်းနီးပါးဖြစ်နေတဲ့နိုင်ငံတွေ ၊ တချို့လတွေမှာ ၂၄နာရီနီးပါးနေမ၀င်တဲ့ နိုင်ငံတွေ ၊ ၀င်သွားလို့မှမကြာသေးတဲ့နေမင်းဟာ ချက်ချင်းပြန်ထွက်လာတတ်တဲ့နိုင်ငံတွေ ရှိနေပါတယ်။

ဒီလိုဖြစ်လေ့ရှိတဲ့ဖြစ်စဉ်ကို သန်းခေါင်ယံနေ (Midnight sun) လို့ခေါ်ပါတယ်။ သန်းခေါင်ယံနေဟာ သဘာဝ ဖြစ်စဉ် တစ်ခုဖြစ်ပြိး ကမ္ဘာ့မြောက်ဖျားအစွန်းပိုင်း အာတိတ်စက်ဝန်း၏ မြောက်ဖက်ဒေသအချို့နှင့် ကမ္ဘာ့တောင်ဖျားအစွန်းပိုင်း အန္တာတိကစက်ဝန်း တောင်ဖက်ဒေသအချို့တို့၏ နွေရာသီများတွင် ဖြစ်ပေါ်လေ့ရှိပါတယ်။ အမြဲနေ့ဖြစ်ချင်နေတဲ့သူတွေကတော့ သဘောကျမှာပါ။ ဒါပေမယ့် အမြဲလိုလိုလင်းထိန်နေတာကြောင့် အိပ်ယာဝင်ချိန် အိပ်ယာထချိန်တွေဟာ ကမောက်ကမ ဖြစ်နိုင်ပါတယ်။ ဒီတစ်ခါ သုတဇုန် မိတ်ဆွေများကို မျှဝေပေးချင်တာတော့ ဒီနိုင်ငံတွေရဲ့အကြောင်းပဲ ဖြစ်ပါတယ်။ ဒီနိုင်ငံတွေကတော့

(၁) နော်ဝေ

အာတိတ်စက်ဝိုင်းအတွင်းမှာရှိတဲ့ နော်ဝေနိုင်ငံဟာ သန်းခေါင်ယံအချိန်မှာနေထွက်တဲ့ ဒေသရယ်လို့ ဥရောပမှာလူသိများထင်ရှားပါတယ်။ မေလမှစပြီးဇူလိုင်လ လလယ်အထိ (၇၆)ရက်တာကာလတွေမှာ ဒီဒေသမှာနေမဝင်ပါဘူး။ နေမင်းရဲ့အလင်းရောင်ဟာ နော်ဝေနိုင်ငံတစ်ခွင်လုံးကို (၂၀)နာရီကြာအောင် ထိန်လင်းပေးပါတယ်။ ဥရောပတိုက်ရဲ့ မြောက်ဘက်စွန်းပိုင်းမှာတည်ရှိတဲ့ အာတိတ်သမုဒ္ဒရာထဲက နော်ဝေနိုင်ငံပိုင် Svalbard ကျွန်းမှာဆိုရင် ဧပြီလ (၁၀)ရက်နေ့ကနေ သြဂုတ်လ(၂၃) ရက်နေ့အထိ (၂၄)နာရီလုံး နေသာပါတယ်။

ဒီဒေသကို အလည်သွားရောက်သူတွေအနေနဲ့ ပထမဆုံးခံစားရမှာက ညဘက်အချိန်ဆိုတာမရှိတာပါပဲ။ ဒီနေရာကကို သွားရောက်လည်ပတ်ရင်တော့ မြောက်ဝင်ရိုးစွန်းက ပထမဆုံးအကြိမ်ဖြာကျတဲ့ နေရောင်ခြည်တန်းလေးကိုမြင် တွေ့နိုင်အောင်ကြိုးစားဖို့မမေ့ပါနဲ့။ ညအချိန်ထက်နေ့အချိန်တွေသာ အများစုဖြစ် နေတာမို့ ဒီမြင်ကွင်းဟာ ရှားပါးလွန်းလို့ပါ။

(၂) အိုက်စလန်

အလွန်သာယာလှပတဲ့ အိုက်စလန်နိုင်ငံဟာ ဥရောပမှာ ဂရိတ်ဗြိတိန်ကျွန်းစုပြီးရင် ဒုတိယအကြီးမားဆုံးသော ကျွန်းစုနိုင်ငံဖြစ်ပါတယ်။ အိုက်စလန်နိုင်ငံဟာလည်းမေလ (၁၀)ရက်နေ့ကနေ ဇူလိုင်လတစ်လလုံး နေရောင်ဟာမိုးကုတ်စက်ဝိုင်းအပြည့် (၂၄)နာ ရီအပြည့်လင်းပါတယ်။

ဒါအပြင် စိတ်လှုပ်ရှားအံ့သြသင့်စရာကောင်းတဲ့ မြောက်ဘက်က တိုးဝင်လာတဲ့ အိုက်စလန်နိုင်ငံရဲ့ပုံရိပ်ကို ပိုမိုလှပအောင်ဖော်ကျူးပေးတဲ့ ဥတ္တရအလင်းတန်းတွေအပြင် ဒီနိုင်ငံရဲ့ အခြား ဆွဲဆောင်မှုတွေကတော့ လှပတဲ့ပတ်ဝန်းကျင်ကိုနောက်ခံထားပြီး ခရီးဝေးလမ်းလျှောက်ခြင်း၊ သဘာဝသားရဲတိရိစ္ဆာန်တွေကို ကြည့်ရှုနိုင်ခြင်း၊ ဝေလ ငါးတွေရဲ့သဘာဝကို လေ့လာနိုင်ခြင်း၊ သဘာဝအရဖြစ်တည်နေတဲ့ ကျောက်ဂူတွေကို ဝင်ရောက်စူးစမ်းလေ့လာနိုင်ခြင်း၊ အပျော်တမ်းတာဝေး စက်ဘီးစီးခရီးစဉ်များကို ပြုလုပ်နိုင်ခြင်း/ပြိုင်ပွဲဝင်န်ိုင်ခြင်း၊ နာမည်ကျော် အိုက်စလန်အမျိုးသားဥယျာဉ်ကို သွားရောက် လည်ပတ်နိုင်ခြင်းတို့ ဖြစ်ပါတယ်။

(၃) ကနေဒါနိုင်ငံ

ကမ္ဘာပေါ်မှာ ဒုတိယဧရိယာအကြီးမားဆုံးနိုင်ငံဖြစ်ပြီး ကနေဒါနိုင်ငံကနေရာတော်တော်များ များဟာ တစ်နှစ်ပတ်လုံးနှင်းတွေကျဆင်းနေတာပါ။ နိုင်ငံရဲ့ အနောက်မြောက်ဘက်ဒေ သတွေဖြစ်တဲ့ Inuvik မြို့လိုနေရာတွေမှာ နွေရာသီရောက်ချိန်မှာ ရက်ပါင်း(၅၀)လောက် ဟာ (၂၄)နာရီလုံး နေသာပါတယ်။ ကမ္ဘာလှည့်ခရီးသွားတစ်ယောက်အနေနဲ့ ကနေဒါနိုင်ငံကို သွားရောက်ပါက မဖြစ်မနေပြုလုပ်ရမဲ့အရာတွေကတော့ Aurora Viewing လို့ခေါ်တဲ့ အာရုဏ်တက်ချိန်(နေထွက်ချိန်)ကိုစောင့်ကြည့်ခြင်း၊ တောင်တက်ခြင်း၊ ကြိုးတံတားတွေအပေါ်ကနေ လမ်းလျောက်ခြင်း၊ကမ္ဘာပေါ်မှာဒုတိမြောက်အကြီးမားဆုံးသော လမ်းတွေပေါ်မှာခရီးတိုထွက်ပြီး ကိုယ်ကာယလေ့ကျင့် ခန်းတွေပြုလုပ်နိုင်ခြင်း သာမက များစွာသော သမိုင်းဆိုင်ရာအထိမ်းအမှတ်အဆောက် အအုံတွေကိုလေ့လာနိုင်ခြင်းတွေကိုပါပြုလုပ်နိုင်ပါတယ်။ အဲခရီးစဉ်တွေဟာ ပျော်ရွှင် စရာ အသံတွေနဲ့ ဆူညံပြည့်နှက်နေမှာ အသေအချာပါပဲ။

(၄) အလက်စကာ

နိုင်ငံတွေလို့ ဆိုပေမယ့် အလက်စကာကတော့ အမေရိကန်ရဲ့ တသီးတခြားပြည်နယ်တစ်ခုဖြစ်ပါတယ်။ အလက်စကာပြည်နယ်မှာလည်း မေလရဲ့နောက်ဆုံးရက်သတ္တပတ်ကနေ ဇူလိုင်လရဲ့နောက်ဆုံးသောရက်သတ္တပတ် တွေအထိ နေမဝင်ပါဘူး။ သာယာလှပပြီးအံ့ဖွယ်ကောင်းတဲ့ ဒီဒေသဟာ အလွန် ကြမ်းတမ်းတဲ့ဆောင်းရာသီရောက်မှသာ အမှောင်ထုကိုမြင်တွေ့ရတာပါ။

ဒီဒေသရဲ့ သမိုင်းဝင်ထင်ရှားတဲ့ ရေခဲမြစ်တွေ ၊နှင်းတွေဖုံးလွှမ်းနေတဲ့ တောင်တန်းတွေမှာ တောင်တက်ခြင်း၊ တောင်ထိပ်တွေပေါ်ကနေ သဘာဝအလှအပကိုခံစားနိုင်ခြင်းတို့ကို ပြုလုပ်နိုင်ပါတယ်။ တောင်တန်းတွေအပေါ်ကိုတစ်စတစ်စ နှင်းတွေဖုံးလွှမ်းသွားတဲ့ ပုံရိပ်ကိုမြင်တွေ့ချင်ရင်တော့ မနက်အစောကြီး(၂)နာရီလောက်ကနေစတင်ကြည့်ရှု နိုင်ပါတယ်။ ဒါအပြင်ဝေလငါးတွေရဲ့ သဘာဝကို ဒီဒေသကကမ်းလွန်တွေမှာ လေ့လာနိုင်ပါတယ်။

(၅) ဆွီဒင်

ဥရောပတိုက်က ဆွီဒင်နိုင်ငံ ကတော့အထက်မှာဖော်ပြခဲ့တဲ့နိုင်ငံတွေနဲ့ နိူင်းယှဉ် ရင်တော့ ပိုမိုနွေးထွေးတဲ့ရာသီဥတုရှိပါတယ်။ ဒါအပြင် မေလအစောပိုင်းကနေ သြဂုတ်လ ရဲ့ နောက်ဆုံးရက်သတ္တပတ်တွေအထိတော့ သန်းခေါင်ယံပတ်ဝန်းကျင်အချိန်မှာ နေဝင်ပေမယ့် မနက်(၄-၃၀)အချိန်မှာ နေပြန်ထွက်လေ့ရှိပါတယ်။ ဒါကြောင့်ဆွီဒင်နိုင်ငံ ရဲ့ရှည်လျားတဲ့ တစ်နေ့တာဟာ ဆန်းသစ်တီထွင်တဲ့လုပ်ငန်းတွေလုပ်ကိုင်နေတဲ့ အလုပ်အရမ်းများတဲ့သူတွေအတွက်တော့ အဆင်ပြေပါတယ်။

ဒီလိုမှမဟုတ်ရင်တော့ အခြား ရွေးချယ်ခွင့်တွေလည်းရှိနေပါသေးတယ်။ ဒါတွေကတော့ ငါးဖမ်းခြင်း၊ ဂေါက်ကစားခြင်း၊ တောင်ပေါ်ဒေသတွေကို ရဟတ်ယာဉ်နဲ့ သွားရောက်လည်ပတ်ခြင်း၊ နှင်းလျောစီးခြင်း၊ မြောက်ဝင်ရိုးစွန်းကလာတဲ့အလင်းတန်းတွေကိုစောင့်ကြည့်ခြင်း၊ ဆွီဒင်အမျိုးသား ဥယျာဉ်ကိုလည်ပတ်နိုင်ခြင်း၊ ဆွီဒင်နိုင်ငံမှာရှိတဲ့ မြေနိမ့်ဒေသတွေကိုသွားပြီးသာယာတဲ့ ပတ်ဝန်းကျင်အနေအထားကို လေ့လာနိုင်ခြင်းတို့ကိုလည်းပြုလုပ်နိုင်ပါတယ်။

(၆) ဖင်လန်နိုင်ငံ

ကျွန်းထောင်ပေါင်းများစွာ ၊ရေကန်များစွာတည်ရှိနေတဲ့ ဥရောပတိုက်ကဖင်လန်နိုင်ငံရဲ့ ဒေသအများစုမှာလည်း နွေရာသီမှာဆိုရင် ရက်ပေါင်း (၇၃)ရက်လောက်ဟာ နေဝင်လေ့မရှိပါဘူး။ ဒီဒေသမှာရှိတဲ့ ရေခဲပြင်တွေမှာမြောက်ဝင်ရိုးစွန်းကလာတဲ့ အလင်းတန်းတွေကို စောင့်ကြည့်နိုင်တဲ့အပြင် ဖန်တွေနဲ့ အခြေတည်ထားတဲ့ အက်စကီမိုလူမျိ်ုးတွေနှင်းတုံး နဲ့တည်ဆောက်ထားတဲ့ သံခမောက်အိမ် တွေမှာ ပျော်ရွှင်အေးချမ်းစွာ နားနေနိုင်တဲ့အပြင် နှင်းလျောစီးခြင်းလည်းပြုလုပ်နိုင်ပါတယ်။ ဆောင်းဦးကာလတွေဖြစ်တဲ့ စက်တင်ဘာလမှ နိုဝင်ဘာလတွေမှာဆိုရင်လည်း ကြွေကျလာတဲ့ သစ်ရွက်တွေရဲ့ ရောင်စုံအလှဟာလည်း မြင်ရသူတိုင်းရဲ့စိတ်ဘဝင်ကို ချမ်းမြေ့စေပါတယ်။

နော်ဝေနိုင်ငံက သန်းခေါင်ယံနေ ဗီဒီယို

သုတဇုန်

Leave a Reply