ကမာၻ႔ေငြေၾကးအမည္မ်ား ျဖစ္ေပၚလာပံု သမုိင္းေၾကာင္း

Posted on

ေရးသားသူ – သမန္းက်ား

ေဒၚလာကို ဘာျဖစ္လို ့ေဒၚလာလို ့ေခၚတာလဲဆိုတာ ေတြးဖူးပါသလား။ ကမာၻ႔ေငြေၾကးေတြကို နိုင္ငံအလိုက္ ေခၚေ၀ၚပံု မတူၾကသလို အဲဒီေငြေၾကးအေခၚအေ၀ၚေတြဟာ သက္ဆိုင္ရာနိုင္ငံရဲ ့ ယဥ္ေက်းမႈ၊ဘာသာစကား အစရွိတာေတြ ရဲ ့ သမိုင္းကို လွစ္ဟေဖာ္ျပေနပါတယ္။

ေဒၚလာ

ေဒၚလာ

ေငြေၾကးအတြက္ အသံုးအမ်ားဆံုးနာမည္ျဖစ္ပါတယ္။ အေမရိကန္ေဒၚလာတင္မကပါဘူး။ ၾသစေၾတးလ်၊ ကေနဒါ၊ ဖီဂ်ီ၊ နယူးဇီလန္၊ စကၤာပူ နဲ ့ အျခားနိုင္ငံအခ်ိဳ ့မွာ သူတို ့ရဲ ့ေငြေၾကးကို ေဒၚလာတပ္ေခၚပါတယ္။ ဥပမာ စကၤာပူေဒၚလာ ေပါ့။ ေဒၚလာရဲ႕မူလအရင္းအျမစ္ဟာ ဂ်ာမန္စကားလံုး “joachimsthal” (ယိုအာခင္စတာလ္) ျဖစ္ပါတယ္။ တစ္ခ်ိန္က ေငြတူးေဖာ္ခဲ့ၾကတဲ့ ယိုအာခင္ေတာင္ၾကားေဒသကို အစြဲျပဳျပီးေခၚတာပါ။ အဲဒီကတူးေဖာ္ ရရွိတဲ့ေငြကို ယိုအာခင္စတာလာ လို ့ေခၚရာကေန ေနာက္ပိုင္း ‘တာလာ’ လုိ ့အတိုေကာက္ေခၚခဲ့ၾကျပီး တျဖည္း ျဖည္းနဲ ့ ‘ေဒၚလာ’ ျဖစ္သြားတာပါ။

ပက္ဆို

ဖိလစ္ပုိင္ပတ္ဆုိ

စပိန္နိုင္ငံေငြေၾကးကို ပက္ဆို(Peso) လို ့ေခၚပါတယ္။ စပိန္ဘာသာစကားမွာေတာ့ Peso ဆိုတာ အေလးခ်ိန္ လို ့ အဓိပၸါယ္ရပါတယ္။ တစ္ခ်ိန္က စပိန္နုိင္ငံရဲ ့ေငြဒဂၤါးျပားကို ပက္ဆိုလို ့ေခၚရာကေန နုိင္ငံရဲ ့ေငြေၾကးအမည္ပါ ပက္ဆိုျဖစ္သြားျပီး စပိန္နိုင္ငံနဲ ့အတူ စပိန္လက္ေအာက္ခံကိုလိုနီနုိင္ငံေတြမွာပါ အသံုးျပဳခဲ့ပါတယ္။ အခုအခ်ိန္အထိ ခ်ီလီ၊ ကိုလံဘီယာ၊ က်ဴးဘား၊ ဖိလစ္ပုိင္ ၊ ဒိုမီနီကန္ အစရွိတဲ့နိုင္ငံေတြ နဲ႔ အျခားႏုိင္ငံမ်ားစြာမွာလည္း ေငြေၾကးကို ပက္ဆို လို ့ေခၚပါတယ္။

လီရာ

တူရကီလီရာ

ေငြေၾကးကို အေလးခ်ိန္နဲ ့ေခၚတာ စပိန္၊ ျဗိတိန္ တို ့အျပင္ အီတလီနဲ ့ တူရကီတို ့လည္း ရွိပါတယ္။ သူတို ့က လီရာ (Lira) လို ့ ေခၚတာပါ။ လီရာ ဆိုတာကလည္း လက္တင္စကားလံုး လီဘရာ ကေန ဆင္းသက္လာျပီး ‘ေပါင္’ လို ့ အဓိပၸါယ္ ရပါတယ္။ တူရကီရဲ႕လက္ရွိသုံးစြဲေနတဲ့ေငြေၾကးစနစ္ျဖစ္ပါတယ္။

မာ့ခ္

မာ့ခ္

ယူရိုေငြေၾကးဆိုတာ မေပၚခင္က ဂ်ာမန္လူမ်ိဳး (ဒူး၀စ္ Deutsche ဟုလည္းေခၚသည္) နဲ ့ ဖင္လန္နိုင္ငံသား ေတြက သူတို ့ရဲ ့ေငြေၾကးေတြကို မာ့ခ္ လို ့ သံုးႏႈန္းခဲ့ၾကပါတယ္။ မာ့ခ္ဆိုတာကလည္း အေလးခ်ိန္ကိုတုိင္းတာတဲ့ ယူနစ္ပါပဲ။ အခုေတာ့ ယူရိုေငြေၾကးကို အစားထံုးအသံုးျပဳေနၾကပါျပီ။

ရီယယ္

ရီယယ္

အီရန္ေငြေၾကး ရီယယ္(rial) ရဲ ့မူလအရင္းအျမစ္ဟာ လက္တင္စကားလံုး regalis ျဖစ္ျပီး ေတာ္၀င္ လို ့ အဓိပၸါယ္ရပါတယ္။ Regalis ကေန rial ျဖစ္လာတာပါ။ ကာတာ၊ ေဆာ္ဒီ၊ ယီမင္ အစရွိတဲ့နိုင္ငံေတြမွာလည္း ေငြေၾကးကို ရီယယ္ လို ့ပဲ သံုးပါတယ္။ ယူရိုေငြေၾကးမသံုးစြဲမီက စပိန္နိုင္ငံမွာေတာင္ ရီယယ္ကို သံုးစြဲဖူးပါေသး တယ္။

ရန္ (Rand)

ရန္ (Rand)

ေတာင္အာဖရိကရန္ေငြျဖစ္ပါတယ္။ တစ္ခ်ိန္က ေရႊထြက္တဲ့ ေတာင္အာဖရိကျမိဳ ့တစ္မ်ိဳ ့ကို ဒတ္ခ်္လူမ်ိဳးေတြက ၀စ္ေ၀ါတားစရန္ (Witwatersrand) လို ့အမည္ေပးခဲ့ျပီး အဲဒီကထြက္တဲ့ေရႊေတြကို ဆရန္ လို ့ ေခၚရာကေန ရန္ ျဖစ္ျပီး က်န္ခဲ့တာပါ။

ဂ်ပန္ယန္း

တရုတ္ယြမ္ (Yuan) ဂ်ပန္ယန္း(Yen) နဲ ့ ကိုရီးယား၀မ္ (Won) အေၾကာင္း ေျပာရမယ္ဆုိရင္ေတာ့ တရုတ္လို ယြမ္ ဆိုတာ လံုး၀ိုင္းေသာဒဂၤါးလို ့အဓိပၸါယ္ရျပီး တစ္ခ်ိန္ကအသံုးျပဳခဲ့တဲ့ေငြဒဂၤါးေတြကို ေခၚေ၀ၚရာကေန ေငြေၾကးအမည္ ျဖစ္လာတာပါ။ ဂ်ပန္ယန္းနဲ ့ကိုရီးယား၀မ္ တို ့ကလည္း သူတို ့ဘာသာစကားမွာ ေငြဒဂၤါးအ၀ိုင္း လို ့ပဲ အဓိပၸါယ္ရ ပါတယ္။

ကေရာင္း (Crown)

ဆြီဒင္ခရိုနာ

စကင္ဒီေနးဗီးယားနိုင္ငံအမ်ားစုဟာ ေငြေၾကးကို ကေရာင္း လို ့ ေခၚၾကပါတယ္။ မူလအရင္း အျမစ္က လက္တင္စကားလိုး ကိုရိုနာ ျဖစ္ပါတယ္။ အဓိပၸါယ္က သရဖူ ပါ။ ဆီြဒင္မွာ ကရိုနာ၊ ေနာ္ေ၀မွာ ကရုန္း၊ အိုက္စလန္မွာ ကရိုးနာ၊ အက္စတိုးနီးယားမွာ ကရြန္း၊ ခ်က္ရီပတ္ဘလစ္မွာ ကိုရူနာ အစရွိသည္ျဖင့္ သံုးစြဲေန ပါတယ္။

ဒင္နာ (Dinar)

ကူ၀ိတ္ဒင္နာ (Dinar)

ေဂ်ာ္ဒန္၊ အယ္လ္ဂ်ီးရီးယား၊ ဆားဘီးယား နဲ ့ ကူ၀ိတ္ နိုင္ငံတို ့မွာ ေငြေၾကးကို ဒင္နာ လို ့ ေခၚပါတယ္။ မူလအရင္းအျမစ္ကေတာ့ ထံုးစံအတိုင္း လက္တင္စကားလံုး ဒီနားရီယပ္ (denarius) ျဖစ္ျပီး ေရွးေဟာင္းေရာမေခတ္က အသံုးျပဳခဲ့တဲ့ ေငြဒဂၤါးကို ေခၚခဲ့တဲ့အမည္ ျဖစ္ပါတယ္ ။

ရူပီး (Rupee)

နိေပါရူပီး (Rupee)

ရူပီး (Rupee) ဆိုတဲ့စကားလံုးဟာ သကၠတဘာသာစကားမွာ ေငြကိုေခၚတဲ့ ရူျပား(rupya) ဆိုတဲ့စကားလံုးကေန ဆင္းသက္လာတာပါ။ အိႏၵိယ၊ ပါကစၥတန္ ၊ နိေပါ ၊ သီရိလကၤာတို ့မွာ ရူပီးေငြကိုအသံုးျပဳသလို အင္ဒိုနီးရွားမွာလည္း ရူပီးယား (rupiah) ကို အသံုးျပဳပါတယ္။

ေပါင္ေငြ (Pound)

ေပါင္ေငြ (Pound)

ေပါင္ေငြ (Pound)ကို ျဗိတိန္နိုင္ငံက အဓိကသံုးစြဲပါတယ္။ လက္တင္စကားလံုး ေပါင္ဒူးစ္ (Poundus) ကေန ဆင္းသက္လာျပီး အေလးခ်ိန္ လို ့ အဓိပၸါယ္ရပါတယ္။ အီဂ်စ္၊ လက္ဘႏြန္၊ ေတာင္ဆူဒန္၊ ဆူဒန္ နဲ ့ ဆီးရီးယား တို ့မွာ ေငြေၾကးကို ေပါင္ လို ့ေခၚပါတယ္။

ရူဘယ္(Ruble)

ရူဘယ္(Ruble)

ရူဘယ္(Ruble) ေငြေၾကးကို ရုရွားနဲ ့ ဘယ္လာရုစ္ နိုင္ငံတို ့မွာ အသံုးျပဳပါတယ္။ အဓိပၸါယ္ကေတာ့ ေငြကို အေလးခ်ိန္တဲ့ ယူနစ္ ျဖစ္ပါတယ္။

ပိုလန္နိုင္ငံသံုး Zloty ဆိုတာ ေရႊျဖင့္ျပဳလုပ္ထားေသာ လို ့အဓိပၸါယ္ရပါတယ္။ ဟန္ေဂရီသံုးေငြ ဖိုရင့္(Forint) ဆိုတာ အီတလီစကားလံုး Fiorino ကေန ဆင္းသက္ပါတယ္။ ဖေလာရင့္ (Florence) ျမိဳ ့မွာအသံုးျပဳခဲ့တဲ့ ေရႊဒဂၤါး ျဖစ္ပါတယ္။

မေလးရွားရင္းဂစ္ (Ringgit)

မေလးရွားရင္းဂစ္ (Ringgit)

တစ္ခ်ိန္က ပိုက္ဆံေငြေၾကးကို ေရႊ၊ ေၾကး အစရွိတဲ့တန္ဖိုးရွိသတၱဳေတြနဲ ့ထုတ္လုပ္ခဲ့ၾကေတာ့ မသမာသူေတြက ဒီဒဂၤါးေတြကို အသာေသြးျပီး ဒဂၤါးအတုေတြ ထုတ္ခဲ့ၾကလို ့ ေနာက္ပိုင္းမွာ ဒဂၤါးေတြ ရဲ ့အနားကို အရစ္ေလးေတြ၊ ေျမာင္းေလးေတြ ေဖာ္ခဲ့ၾကပါတယ္။ ရင္းဂစ္ဆိုတာ အဲဒီအရစ္၊ေျမာင္း လို ့အဓိပၸါယ္ရပါတယ္။

နိုင္ငံတကာေငြေၾကးအေခၚအေ၀ၚေတြရဲ ့ ေနာက္ခံအေၾကာင္းေတြကို ေလ့လာေရးသားတင္ျပလိုက္ရပါတယ္။

သမန္းက်ား
ရတနာပုံေန႔စဥ္သတင္းစာ

———————-

ကမ္ဘာ့ငွေကြေးအမည်များ ဖြစ်ပေါ်လာပုံ သမိုင်းကြောင်း (unicode)

ရေးသားသူ – သမန်းကျား

ဒေါ်လာကို ဘာဖြစ်လို့ဒေါ်လာလို့ခေါ်တာလဲဆိုတာ တွေးဖူးပါသလား။ ကမ္ဘာ့ငွေကြေးတွေကို နိုင်ငံအလိုက် ခေါ်ဝေါ်ပုံ မတူကြသလို အဲဒီငွေကြေးအခေါ်အဝေါ်တွေဟာ သက်ဆိုင်ရာနိုင်ငံရဲ့ ယဉ်ကျေးမှု၊ဘာသာစကား အစရှိတာတွေ ရဲ့ သမိုင်းကို လှစ်ဟဖော်ပြနေပါတယ်။

ဒေါ်လာ

ငွေကြေးအတွက် အသုံးအများဆုံးနာမည်ဖြစ်ပါတယ်။ အမေရိကန်ဒေါ်လာတင်မကပါဘူး။ ဩစတြေးလျ၊ ကနေဒါ၊ ဖီဂျီ၊ နယူးဇီလန်၊ စင်္ကာပူ နဲ့ အခြားနိုင်ငံအချို့မှာ သူတို့ရဲ့ငွေကြေးကို ဒေါ်လာတပ်ခေါ်ပါတယ်။ ဥပမာ စင်္ကာပူဒေါ်လာ ပေါ့။ ဒေါ်လာရဲ့မူလအရင်းအမြစ်ဟာ ဂျာမန်စကားလုံး “joachimsthal” (ယိုအာခင်စတာလ်) ဖြစ်ပါတယ်။ တစ်ချိန်က ငွေတူးဖော်ခဲ့ကြတဲ့ ယိုအာခင်တောင်ကြားဒေသကို အစွဲပြုပြီးခေါ်တာပါ။ အဲဒီကတူးဖော် ရရှိတဲ့ငွေကို ယိုအာခင်စတာလာ လို့ခေါ်ရာကနေ နောက်ပိုင်း ‘တာလာ’ လို့အတိုကောက်ခေါ်ခဲ့ကြပြီး တဖြည်း ဖြည်းနဲ့ ‘ဒေါ်လာ’ ဖြစ်သွားတာပါ။

ပက်ဆို

စပိန်နိုင်ငံငွေကြေးကို ပက်ဆို(Peso) လို့ခေါ်ပါတယ်။ စပိန်ဘာသာစကားမှာတော့ Peso ဆိုတာ အလေးချိန် လို့ အဓိပ္ပါယ်ရပါတယ်။ တစ်ချိန်က စပိန်နိုင်ငံရဲ့ငွေဒင်္ဂါးပြားကို ပက်ဆိုလို့ခေါ်ရာကနေ နိုင်ငံရဲ့ငွေကြေးအမည်ပါ ပက်ဆိုဖြစ်သွားပြီး စပိန်နိုင်ငံနဲ့အတူ စပိန်လက်အောက်ခံကိုလိုနီနိုင်ငံတွေမှာပါ အသုံးပြုခဲ့ပါတယ်။ အခုအချိန်အထိ ချီလီ၊ ကိုလံဘီယာ၊ ကျူးဘား၊ ဖိလစ်ပိုင် ၊ ဒိုမီနီကန် အစရှိတဲ့နိုင်ငံတွေ နဲ့ အခြားနိုင်ငံများစွာမှာလည်း ငွေကြေးကို ပက်ဆို လို့ခေါ်ပါတယ်။

လီရာ

ငွေကြေးကို အလေးချိန်နဲ့ခေါ်တာ စပိန်၊ ဗြိတိန် တို့အပြင် အီတလီနဲ့ တူရကီတို့လည်း ရှိပါတယ်။ သူတို့က လီရာ (Lira) လို့ ခေါ်တာပါ။ လီရာ ဆိုတာကလည်း လက်တင်စကားလုံး လီဘရာ ကနေ ဆင်းသက်လာပြီး ‘ပေါင်’ လို့ အဓိပ္ပါယ် ရပါတယ်။ တူရကီရဲ့လက်ရှိသုံးစွဲနေတဲ့ငွေကြေးစနစ်ဖြစ်ပါတယ်။

မာ့ခ်

ယူရိုငွေကြေးဆိုတာ မပေါ်ခင်က ဂျာမန်လူမျိုး (ဒူးဝစ် Deutsche ဟုလည်းခေါ်သည်) နဲ့ ဖင်လန်နိုင်ငံသား တွေက သူတို့ရဲ့ငွေကြေးတွေကို မာ့ခ် လို့ သုံးနှုန်းခဲ့ကြပါတယ်။ မာ့ခ်ဆိုတာကလည်း အလေးချိန်ကိုတိုင်းတာတဲ့ ယူနစ်ပါပဲ။ အခုတော့ ယူရိုငွေကြေးကို အစားထုံးအသုံးပြုနေကြပါပြီ။

ရီယယ်

အီရန်ငွေကြေး ရီယယ်(rial) ရဲ့မူလအရင်းအမြစ်ဟာ လက်တင်စကားလုံး regalis ဖြစ်ပြီး တော်ဝင် လို့ အဓိပ္ပါယ်ရပါတယ်။ Regalis ကနေ rial ဖြစ်လာတာပါ။ ကာတာ၊ ဆော်ဒီ၊ ယီမင် အစရှိတဲ့နိုင်ငံတွေမှာလည်း ငွေကြေးကို ရီယယ် လို့ပဲ သုံးပါတယ်။ ယူရိုငွေကြေးမသုံးစွဲမီက စပိန်နိုင်ငံမှာတောင် ရီယယ်ကို သုံးစွဲဖူးပါသေး တယ်။

ရန် (Rand)

တောင်အာဖရိကရန်ငွေဖြစ်ပါတယ်။ တစ်ချိန်က ရွှေထွက်တဲ့ တောင်အာဖရိကမြို့တစ်မျို့ကို ဒတ်ခ်ျလူမျိုးတွေက ဝစ်ဝေါတားစရန် (Witwatersrand) လို့အမည်ပေးခဲ့ပြီး အဲဒီကထွက်တဲ့ရွှေတွေကို ဆရန် လို့ ခေါ်ရာကနေ ရန် ဖြစ်ပြီး ကျန်ခဲ့တာပါ။

တရုတ်ယွမ် (Yuan) ဂျပန်ယန်း(Yen) နဲ့ ကိုရီးယားဝမ် (Won) အကြောင်း ပြောရမယ်ဆိုရင်တော့ တရုတ်လို ယွမ် ဆိုတာ လုံးဝိုင်းသောဒင်္ဂါးလို့အဓိပ္ပါယ်ရပြီး တစ်ချိန်ကအသုံးပြုခဲ့တဲ့ငွေဒင်္ဂါးတွေကို ခေါ်ဝေါ်ရာကနေ ငွေကြေးအမည် ဖြစ်လာတာပါ။ ဂျပန်ယန်းနဲ့ကိုရီးယားဝမ် တို့ကလည်း သူတို့ဘာသာစကားမှာ ငွေဒင်္ဂါးအဝိုင်း လို့ပဲ အဓိပ္ပါယ်ရ ပါတယ်။

ကရောင်း (Crown)

စကင်ဒီနေးဗီးယားနိုင်ငံအများစုဟာ ငွေကြေးကို ကရောင်း လို့ ခေါ်ကြပါတယ်။ မူလအရင်း အမြစ်က လက်တင်စကားလိုး ကိုရိုနာ ဖြစ်ပါတယ်။ အဓိပ္ပါယ်က သရဖူ ပါ။ ဆွီဒင်မှာ ကရိုနာ၊ နော်ဝေမှာ ကရုန်း၊ အိုက်စလန်မှာ ကရိုးနာ၊ အက်စတိုးနီးယားမှာ ကရွန်း၊ ချက်ရီပတ်ဘလစ်မှာ ကိုရူနာ အစရှိသည်ဖြင့် သုံးစွဲနေ ပါတယ်။

ဒင်နာ (Dinar)

ဂျော်ဒန်၊ အယ်လ်ဂျီးရီးယား၊ ဆားဘီးယား နဲ့ ကူဝိတ် နိုင်ငံတို့မှာ ငွေကြေးကို ဒင်နာ လို့ ခေါ်ပါတယ်။ မူလအရင်းအမြစ်ကတော့ ထုံးစံအတိုင်း လက်တင်စကားလုံး ဒီနားရီယပ် (denarius) ဖြစ်ပြီး ရှေးဟောင်းရောမခေတ်က အသုံးပြုခဲ့တဲ့ ငွေဒင်္ဂါးကို ခေါ်ခဲ့တဲ့အမည် ဖြစ်ပါတယ် ။

ရူပီး (Rupee)

ရူပီး (Rupee) ဆိုတဲ့စကားလုံးဟာ သက္ကတဘာသာစကားမှာ ငွေကိုခေါ်တဲ့ ရူပြား(rupya) ဆိုတဲ့စကားလုံးကနေ ဆင်းသက်လာတာပါ။ အိန္ဒိယ၊ ပါကစ္စတန် ၊ နိပေါ ၊ သီရိလင်္ကာတို့မှာ ရူပီးငွေကိုအသုံးပြုသလို အင်ဒိုနီးရှားမှာလည်း ရူပီးယား (rupiah) ကို အသုံးပြုပါတယ်။

ပေါင်ငွေ (Pound)

ပေါင်ငွေ (Pound)ကို ဗြိတိန်နိုင်ငံက အဓိကသုံးစွဲပါတယ်။ လက်တင်စကားလုံး ပေါင်ဒူးစ် (Poundus) ကနေ ဆင်းသက်လာပြီး အလေးချိန် လို့ အဓိပ္ပါယ်ရပါတယ်။ အီဂျစ်၊ လက်ဘနွန်၊ တောင်ဆူဒန်၊ ဆူဒန် နဲ့ ဆီးရီးယား တို့မှာ ငွေကြေးကို ပေါင် လို့ခေါ်ပါတယ်။

ရူဘယ်(Ruble)

ရူဘယ်(Ruble) ငွေကြေးကို ရုရှားနဲ့ ဘယ်လာရုစ် နိုင်ငံတို့မှာ အသုံးပြုပါတယ်။ အဓိပ္ပါယ်ကတော့ ငွေကို အလေးချိန်တဲ့ ယူနစ် ဖြစ်ပါတယ်။

ပိုလန်နိုင်ငံသုံး Zloty ဆိုတာ ရွှေဖြင့်ပြုလုပ်ထားသော လို့အဓိပ္ပါယ်ရပါတယ်။ ဟန်ဂေရီသုံးငွေ ဖိုရင့်(Forint) ဆိုတာ အီတလီစကားလုံး Fiorino ကနေ ဆင်းသက်ပါတယ်။ ဖလောရင့် (Florence) မြို့မှာအသုံးပြုခဲ့တဲ့ ရွှေဒင်္ဂါး ဖြစ်ပါတယ်။

မလေးရှားရင်းဂစ် (Ringgit)

တစ်ချိန်က ပိုက်ဆံငွေကြေးကို ရွှေ၊ ကြေး အစရှိတဲ့တန်ဖိုးရှိသတ္တုတွေနဲ့ထုတ်လုပ်ခဲ့ကြတော့ မသမာသူတွေက ဒီဒင်္ဂါးတွေကို အသာသွေးပြီး ဒင်္ဂါးအတုတွေ ထုတ်ခဲ့ကြလို့ နောက်ပိုင်းမှာ ဒင်္ဂါးတွေ ရဲ့အနားကို အရစ်လေးတွေ၊ မြောင်းလေးတွေ ဖော်ခဲ့ကြပါတယ်။ ရင်းဂစ်ဆိုတာ အဲဒီအရစ်၊မြောင်း လို့အဓိပ္ပါယ်ရပါတယ်။

နိုင်ငံတကာငွေကြေးအခေါ်အဝေါ်တွေရဲ့ နောက်ခံအကြောင်းတွေကို လေ့လာရေးသားတင်ပြလိုက်ရပါတယ်။

သမန်းကျား
ရတနာပုံနေ့စဉ်သတင်းစာ

Leave a Reply