မိခင်နိုင်ငံမဟုတ်တဲ့ နိုင်ငံ ၃ နိုင်ငံအတွက် စစ်တိုက်ခဲ့သော ကိုရီးယားသား

Posted on

သူဟာ ကိုရီးယားလူမျိုးတစ်ယောက်ဖြစ်ပေမယ့် ဂျပန်တွေရဲ့ဖမ်းဆီးခြင်းခံခဲ့ရပြီး ဂျပန်စစ်သားအနေနဲ့ ဆိုဗီယက်တပ်နီတွေကို တိုက်ခိုက်ရန်စေလွှတ်ခြင်းခံခဲ့ရပါတယ်။ အဲဒီနောက် ဆိုဗီယက်တပ်နီတွေရဲ့ ဖမ်းဆီးခြင်းကို ထပိမံခံခဲ့ရပြီး ဂျာမန်စစ်မြေပြင်မှာ တပ်နီရဲ့ကိုယ်စားစစ်တိုက်ထွက်ခဲ့ရပြန်ပါတယ်။

တဖန် နာဇီတပ်တွေရဲ့ဖမ်းဆီးခြင်းကိုခံခဲ့ရပြီး နော်မန်ဒီကမ်းခြေတိုက်ပွဲမှာ ဂျာမနီကိုယ်စားပြုပြီး အာရှသားတစ်ယောက်အနေနဲ့ပါဝင်ခဲ့ရပြန်တယ်။ အမေရိကန်ဦးဆောင်တဲ့မဟာမိတ်တပ်တွေရဲ့ဖမ်းဆီးခြင်းကိုထပ်မံခံခဲ့ရပြီး ဒုတိယကမ္ဘာစစ်ပြီးမှသာ ပြန်လည်လွတ်မြောက်လာခဲ့ပါတယ်။ ဒီလိုပုံပြင်ဆန်ဆန်အဖြစ်အပျက်ဟာ အပြင်မှာတကယ်ရှိခဲ့ပြီး သူကတော့ တောင်ကိုရီးယားလူမျိုး Yang Kyoungjong ပဲ ဖြစ်ပါတယ်။ ထူးခြားတဲ့ သူ့ရဲ့အကြောင်းကို သုတဇုန် မိတ်ဆွေများအတွက် မျှဝေလိုက်ပါတယ်။

သူဟာ ဒုတိယကမ္ဘာစစ်တစ်လျောက် မတူညီတဲ့ နိုင်ငံတွေရဲ့စစ်တပ်သုံးခုမှာ တာဝန်ထမ်းဆောင်ခဲ့တဲ့ တစ်ဦးတည်းသော အာရှတိုက်သားတစ်ဦးဖြစ်ပါတယ်။ Yang ဟာကမ္ဘာသမိုင်းမှာ လူအသေအပျောက်အများဆုံးဖြစ်တဲ့ ဒုတိယကမ္ဘာစစ်ရဲ့ရှေ့တန်းစစ်မျက်နှာတွေမှာ တောက်လျောက်အမှုထမ်းခဲ့တာမို့ အခြေနေအရ ထိခိုက်ကျဆုံးဖို့ရာခိုင်နူန်းအများဆုံးဖြစ်ခဲ့ပေမယ့် သူဟာအသက်ထက်ဆုံး နေသွားနိုင်ခဲ့ပါတယ်။ ကြုံလာရာအနေအထားမှာဖြစ်သလိုရုန်းထွက်ပြတတ်တဲ့ လူသားတစ်ယောက်ရဲ့လုပ်နိုင်စွမ်းကိုပြသခဲ့တဲ့ သူတစ်ဦးလည်းဖြစ်ခဲ့တာပါ။ သူဟာဖိနှိပ်မှု ချုပ်ချယ်မှု အနိုင်ကျင့်မှု လူမဆန်တဲ့ရက်စက်မှုများစွာခံခဲ့ရခဲ့ပြီး နောက်ဆုံးမှာလွတ်မြောက်တဲ့အထိ တောင့်ခံနိုင်ခဲ့ပါတယ်။

Yang ဟာ ဒုတိယကမ္ဘာစစ်ဦးမှာ ဂျပန်တွေထိန်းချုပ်ထားတဲ့ မန်ချူးရီးယား(ယခုကိုရီးယားကျွန်းဆွယ်နဲ့ တရုတ်ပြည်မြောက်ပိုင်း)မှာနေထိုင်သူဖြစ်ပါတယ်။ သူ့ကို ၁၉၂၀ခုနှစ်မှာ မွေးခဲ့ပြီး အသက် ၁၈နှစ် အရွယ်မှာ ဂျပန်တပ်တွေရဲ့ စစ်သားအဖြစ် အဓမ္မစုဆောင်းခြင်းကိုခံခဲ့ရပြီး Kwantung Army (ဂျပန်စစ်သား)အဖြစ် တာဝန်ထမ်းဆောင်ခဲ့ပါတယ်။

ကံမကောင်းစွာနဲ့ပဲ Khalkhin Gol တိုက်ပွဲအတွင်း ဆိုဗီယက်တပ်နီတွေရဲ့ဖမ်းဆီးခြင်းခံရပြီး ချွေးတပ်စခန်းကိုပို့ဆောင်ခြင်းခံခဲ့ရပါတယ်။ အဲဒီအချိန်က ဆိုဗီယက်တပ်တွေဟာ ဂျာမန်တွေရဲ့ထိုးစစ်ကို အလူးအလဲခုခံနေရတာမို့ အကျဉ်းသားYangကို တပ်နီရဲ့တပ်သားတစ်ဦးအဖြစ် ဂျာမန်စစ်မျက်နှာကိုပို့ဆောင်ခဲ့တာပါ။ ၁၉၄၂ခုနှစ် မှာ Yang ဟာ ထောင်ပေါင်းများစွာသော အကျဉ်းသားစစ်သည်တွေနဲ့အတူ ဆိုဗီယက်အတွက် ဂျာမန်တွေကိုတိုက်ခိုက်ခဲ့ပြန်ပါတယ်။

Yang ဟာ ဆိုဗီယက်တပ်မှာတစ်နှစ်ကြာတာဝန်ထမ်းဆောင်ခဲ့ပြီး တတိယမြောက် Kharkov စစ်ပွဲအတွင်း နာဇီဂျာမနီတွေရဲ့ဖမ်းဆီးခြင်းကိုခံခဲ့ရပြန်ပါတယ်။ ဂျာမန်တွေဟာ Yang ကိုမတူညီတဲ့စစ်တပ်နှစ်ခုနဲ့ တိုက်ပွဲဝင်ခဲ့တာကို သတိထားမိပုံမပေါ်ပဲ အခြားအကျဉ်းသားစစ်သည်ရာပေါင်းများစွာနဲ့အတူ ယူကရိန်းစစ်ပွဲကို စေလွှတ်ခြင်းခံရပြန်ပါတယ်။

အရင်တုန်းကတော့ဂျာမန်တွေဟာ အကျဉ်းသားသုံ့ပန်းတွေကို သူတို့ဘက်ကနေကူတိုက်ဖို့ စစ်မြေပြင်ကိုစေလွှတ်ခြင်းမရှိပဲ ညှင်းပန်းသက်ဖြတ်လေ့ရှိတာပါ။ နောက်ပိုင်းမှာ ဂျာမန်စစ်သည် အင်အားလျော့နည်းလာမှုကြောင့် သူတို့မူကိုပြင်ဆင်ပြီး စစ်အကျဉ်းသားတွေကို ပါ Wehrmacht (ဂျာမန်ကြည်းတပ်) သားအဖြစ် စစ်မြေပြင်ကို စေလွှတ်ခဲ့တာပါ။ ဒါကြောင့်မို့လည်း Yang ရဲ့သမိုင်းဟာ နာဇီတွေ လက်ထဲမှာ တစ်ခန်းမရပ်ခဲ့ရတာဖြစ်ပါတယ်။

Yang ဟာ ဂျာမန်တွေရဲ့Ostbataillone တပ်ရင်းရဲ့ ပွိုင့် 709 Infanterie (စစ်မြေပြင်အမည်)မှာတာဝန်ထမ်းဆောင်ခဲ့ပါတယ်။ အလျဉ်းသင့်လို့ဖော်ပြရရင် Ostbataillon တပ်ရင်းဆိုတာ ဥရောပတစ်ခွင်က ဖမ်းဆီးရမိတဲ့ စစ်အကျဉ်းသားတွေနဲ့ ဖွဲ့စည်းထားတာဖြစ်ပြီး စစ်ပွဲတွေမှာအသေခံတိုက်ရတဲ့ တပ်ရင်းဖြစ်ပါတယ်။ ဂျာမန်ပင်မကြည်းတပ်(Wehrmacht)တွေရှေ့ကနေ လူသားဒိုင်းသဖွယ်နေရာယူကြရသူတွေဖြစ်ပါတယ်။ Yangဟာဒီတပ်ဖွဲ့တွေနဲ့အတူ တတိယ Reich စစ်ပွဲတွေ ဆင်နွှဲပြီးနောက် ဂျာမန်တွေသိမ်းထားတဲ့ ပြင်သစ်ကျွန်းဆွယ်လုံခြုံရေးအတွက် ကမ်းခြေစောင့်စစ်သည်ဖြစ်လာပြန်ပါတယ်။

မကြာခင်မှာပဲ အမေရိကန်ဦးဆောင်တဲ့ မဟာမိတ်တပ်တွေဟာ ဥရောပကိုပြန်သိမ်းရန်ဆင်နွှဲတဲ့ နော်မန်ဒီကမ်းခြေတိုက်ပွဲ(D Day)မှာ ဂျာမန်စစ်သည်လေးတဖြစ်လဲ ကိုရီးယားသားလေး Yang ဟာ အမေရိကန်လေထီးခုန်တပ်ရင်း အမှတ် ၁၀၆ရဲ့ဖမ်းဆီးတာကိုခံခဲ့ရပြန်ပါတယ်။

ဒီတစ်ကြိမ်မှာတော့ ကံတရားဟာYang အပေါ် မျက်နှာသာပေးခဲ့ပြီး စစ်ပွဲအခြေအနေနဲ့ ပတ်သတ်ပြီးအထက်ကိုတင်ပြတဲ့ ‘အာရှသားလေးဦးကိုဂျာမန်စစ်ယူနီဖောင်းနဲ့တွေ့ခဲ့တဲ့အကြောင်းအရာ’ အစီရင်ခံစာမှာ သူ့အမည်ပါသွားခဲ့ပါတယ်။ ဒါကြောင့် Yang အပါအဝင် ကျန်ဂျပန်လူမျိုးသုံးဦးဟာ ပြန်လည်စီစစ်ခြင်းခံခဲ့ရပါတယ်။ Yanဟာ အင်္ဂလိပ်နဲ့ ဂျာမန်စကား တတ်ကျွမ်းခြင်းမရှိခဲ့တာကြောင့် မိသားစုနဲ့ အဆက်အသွယ်မပြုလုပ်နိုင်ခဲ့ပါဘူး။ ထို့နောက် Yang ဟာ ဗြိတိန်မှာရှိတဲ့ POW စခန်းမှာ ခေတ္တထိန်းသိမ်းခံခဲ့ရပြီး စစ်ကြီးပြီးတဲ့အခါမှာတော့ လွတ်မြောက်လာခဲ့ပါတယ်။

ဒုတိယကမ္ဘာစစ်ကြီးပြီးတဲ့အခါမှာတော့ Yan ဟာ သူ့ရဲ့ဇာတိကိုရီးယားကို မပြန်တော့ပဲ သူ့ဘဝကိုပြောင်းလဲစေတဲ့ အမေရိကန်မှာပဲနေထိုင်ဖို့ဆုံးဖြတ်ခဲ့ပါတယ်။ အဲဒီနောက်တော့ အမေရိကန်နိုင်ငံသားအဖြစ် ခံယူခဲ့ပြီး illinois မှာရှိတဲ့ စားသောက်ဆိုင်တစ်ခုမှာ အလုပ်လုပ်ခဲ့ကာ ၁၉၉၂ခုနှစ် အသက် ၇၂နှစ် အရွယ်မှာ ကွယ်လွန်ခဲ့ပါတယ်။ ၂၀၁၁ခုနှစ်မှာတော့ Yang ရဲ့ ဘ၀ဇာတ်ကြောင်းကို My Way နာမည်နဲ့ ရုပ်ရှင်ပြန်ရိုက်ခဲ့ပါတယ်။

သုတဇုန်

Leave a Reply