ကနေဒါရဲ့အကြီးဆုံးမြို့တော် တိုရွန်တို အကြောင်းသိကောင်းစရာ

Posted on

တိုရွန်တိုမြို့သည် ကနေဒါနိုင်ငံ အွန်‌တေးရီးယိုးနယ်၏ မြို့‌တော်ဖြစ်ပြီး ကနေဒါ၏ အကြီးဆုံးမြို့ ၊ မြောက်အမေရိက၏ ပဉ္စမမြောက်အကြီးဆုံးမြို့လည်းဖြစ်သည်။ မြောက်အမေရိကရဲ့ အကြီးဆုံးမြို့ ၄မြို့ကတော့ မက္ကဆီကိုစီးတီး ၊ နယူးယောက် ၊ လော့အင်ဂျလိ နဲ့ ချီကာဂို တို့ဖြစ်သည်။ မြို့၏ အကျယ်အဝန်းမှာ စတုရန်းမိုင်‌ပေါင်း ၂၄၀ခန့် ရှိ၍၊ လူဦး‌ရေမှာ ၂၀၁၆ခုနှစ် စာရင်းအရ ၂.၇၃သန်း ရှိသည်။ တိုရွန်တိုမြို့သည် အွန်‌တေးရီးယိုး‌ရေအိုင်၏ ‌မြောက် ဘက် ‌ပေ ၃၀၀ ခန့်မြင့်‌သောကုန်း‌မြေ ‌ပေါ်တွင်တည်ရှိ၏။ ဒွန် မြစ်သည် မြို့၏အ‌ရှေ့ပိုင်းကိုဖြတ်၍ စီးဆင်းပြီးလျှင် အ‌နောက် ဘက်တွင်မူကား ဟမ်းဗားမြစ်က နယ်နိမိတ်သတ်ထား‌လေ သည်။

တိုရွန်တိုမြို့၏ အမည်‌ဟောင်းမှာ ‌ယော့မြို့ဖြစ်၏။ အ‌မေရိကန် လွတ်လပ်‌ရေးစစ်ပွဲအတွင်းက မီးရှို့ဖျက်ဆီးခြင်းခံခဲ့ရ၏။ သို့ရာတွင် မကြာမီအတွင်း အသစ်တည်ကာ ပြန်လည်ထူ‌ထောင် ခဲ့သဖြင့် ယခုအခါ က‌နေဒါနိုင်ငံတွင် ကြီးကျယ်ခမ်းနား‌သော မြို့ကြီးတစ်မြို့ ဖြစ်လာ‌လေပြီ။ ဤမြို့တွင် ‌နေထိုင်သူများသည် များ‌သောအားဖြင့် အ‌မေရိကန် လွတ်လပ်‌ရေးစစ်ပွဲအတွင်းက ဗြိတိသျှတို့ဘက်မှ ပါဝင်တိုက်ခိုက်ခဲ့‌သော စစ်သည်‌တော်တို့၏ အဆက်အနွယ်များဖြစ်သည်။

တိုရွန်တိုမြို့တွင် လှပ‌သော အ‌ဆောက်အအုံကြီးများ အများ အပြားရှိသည့်အနက် မြို့လယ်ရှိဘုရင်မပန်းခြံအတွင်း၌ သဲ၊ ‌ကျောက်အနီအပြာဖြင့် ‌ဆောက်လုပ်ထား‌သော ပါလီမန် အ‌ဆောက်အအုံများ မိုးထိအ‌ဆောက်အအုံများ၊ မြို့‌တော်ခန်းမ၊ ဘုရားရှိခိုး‌ကျောင်း၊ တက္ကသိုလ်‌ကျောင်း၊ က‌နေဒီယန် ကူးသန်း ‌ရောင်း ဝယ်‌ရေးဘဏ်နှင့် ရွိုင်ယယ်‌ယော့ဟိုတယ်တို့သည် ထင်ရှား၏။

တိုရွန်တိုတက္ကသိုလ်၌ပါဝင်‌သော ‌ကောလိပ် ‌ကျောင်း‌ပေါင်း ၁၀ကျောင်းရှိသည်။ ထို့ပြင် ကူးသန်း‌ရောင်း ဝယ်‌ရေး နှင့် စက်မှုလက်မှုပညာသင်တန်းမြင့်‌ကျောင်း၊ မိန်းက‌လေး‌ကျောင်းနှင့် ဥပ‌ဒေပညာသင်‌ကျောင်းများလည်း ရှိ‌လေသည်။ တိုရွန်တိုမြို့၌ ‌ဆေးရုံ‌ပေါင်း ၇၂ ခုရှိရာ၊ ၁၀ ခုမှာ ပြည်သူ့‌ဆေးရုံကြီးများဖြစ်၍ တိုရွန်တို‌ဆေးရုံမှာ အကြီးဆုံး ဖြစ်သည်။

တိုရွန်တိုမြို့သည် စက်မှုလုပ်ငန်း ထွန်းကား‌သောမြို့ကြီး တစ်မြို့ဖြစ်ရာ အငယ်ဆုံး‌သော ဆပ်ပြာချက်လုပ်ငန်းမှ အကြီး ဆုံး‌သော သံစက်ကရိယာလုပ်ငန်းအထိရှိသည်။ ကုန်စည်ထုတ် လုပ်‌ရေးအတွက် ကုန်စိမ်းကုန်ရိုင်းကို မြို့နှင့်မနီးမ‌ဝေးရှိနယ်များ မှ ရရှိနိုင်၍ လျှပ်စစ်ဓာတ်အားကိုမူ မြို့နှင့် ၈၃ မိုင်ခန့်သာ‌ဝေးသော နိုင်အဂ္ဂရာ‌ရေတံခွန်မှ ရရှိနိုင်‌လေသည်။ မြို့တွင်းသွားလာ ‌ရေးအတွက်လည်း လျှပ်စစ်ဓာတ်အားဖြင့်သွား‌သော မီးရထားနှင့် ကားများရှိ‌လေသည်။ တိုရွန်တိုမြို့သည် လမ်းပန်းသာယာ‌သော ဆိပ်ကမ်းမြို့လည်းဖြစ်ခြင်း‌ကြောင့် ကုန်စည်များကို ‌ရေလမ်းမှ၎င်း ကုန်းလမ်းမှ၎င်း အလွယ်တကူ တင်ပို့နိုင်‌လေသည်။

စက်မှုလက်မှုနှင့် ကုန်ကူးသန်း‌ရေး၌ တွင်ကျယ်ထွန်းကား ‌သော မြို့ဖြစ်‌သော‌ကြောင့် က‌နေဒီယန်အမျိုးသား စက်မှုလက်မှု ပညာပြပွဲကြီးကို တိုရွန်တိုမြို့၌ နှစ်စဉ်ခင်းကျင်းပြသ‌လေ့ရှိ သည်။ ထိုပြပွဲကြီးသည် ကမ္ဘာ‌ပေါ်တွင် အကြီးကျယ်ဆုံးပြပွဲ ဖြစ်၍ အ‌မေရိကန်ပြည်‌ထောင်စုမှပင် လာ‌ရောက်ကြည့်ရှုကြရ သည်။ နွား‌မွေးမြူ‌ရေးလုပ်ငန်း၊ ‌ကောက်ပဲသီးနှံ စိုက်ပျိုး‌ရေး လုပ်ငန်း၊ သစ်လုပ်ငန်း၊ ‌ကျောက်မီး‌သွေး တူး‌ဖော်‌ရေးလုပ်ငန်း စ‌သောလုပ်ငန်းများလည်း တိုးတက်ကြီးပွားလျက်ရှိ‌လေသည်။

တိုရွန်တိုရဲ့ စိတ်ဝင်စားဖွယ် အချက်တချို့

တိုရွန်တို ဆိုတဲ့ စကားလုံးဟာ ကနေဒါရှေးလူမျိုးတွေဖြစ်တဲ့ Mohawk တို့ရဲ့ စကား tkaronto ကနေ ဆင်းသက်လာခဲ့တာဖြစ်ပါတယ်။ အဓိပ္ပါယ်ကတော့ ရေထဲမှာပေါက်သောသစ်ပင်များရှိရာနေရာ ဖြစ်ပါတယ်။

၁။ တိုရွန်တိုဟာ စားသောက်ဆိုင် နဲ့ အရက်ဘား ဆိုင်ကြီးပေါင်း ၈၁၀၀ ရှိရာမြို့ဖြစ်ပါတယ်။ ဒီလုပ်ငန်းဟာ မြို့စုစုပေါင်းလုပ်ငန်းရဲ့ ၆.၅% ကို ကိုယ်စားပြုပါတယ်။

၂။ တဖြည်းဖြည်းများပြား တိုးတက်လာတဲ့ လူဦးရေကြောင့် တိုရွန်တိုမြို့ရဲ့ လူဦးရေဟာ ၂၀၃၆ခုနှစ်မှာ ၉သန်း အထိရှိလာမယ်လို့ ခန့်မှန်းထားပါတယ်။

၃။ တိုရွန်တိုရဲ့ သမိုင်းမှတ်တမ်းတလျှောက် အနိမ့်ဆုံးအပူချိန်ဟာ အနှုတ် ၃၁.၃ ဒီဂရီဆဲစီးယပ် ဖြစ်ပြီး ၁၉၄၃ခုနှစ်မှာ ဒီစံချိန်ကို တင်ခဲ့တာပဲ ဖြစ်ပါတယ်။

၎။ အီတလီ ၊ ပေါ်တူဂီ နဲ့ တရုတ် ရပ်ကွက်အနည်းငယ်ဟာ တိုရွန်တိုမြို့မှာရှိနေပါတယ်။ အဲဒီနေရာတွေက လမ်းသင်္ကေတတွေကို ဘာသာစကား နှစ်မျိုး(သို့) သုံးမျိုးနဲ့ ရေးသားထားပါတယ်။

၅။ တိုရွန်တိုမှာ လမ်းပေါင်း ၉၅၂၀ ရှိနေပြီး သစ်ပင်ပေါင်း ၁၀သန်းခန့်ကို စိုက်ပျိုးထားရှိတဲ့ ခေတ်မီသဘာဝမြို့တစ်မြို့ဖြစ်ပါတယ်။

၆။ တိုရွန်တို Pearson နိုင်ငံတကာလေဆိပ်ဟာ ကနေဒါမှာ အကြီးဆုံးလေဆိပ်ဖြစ်ပြီး ၂၀၁၇ခုနှစ် တစ်နှစ်တည်းမှာပင် ခရီးသွား ၄၇သန်းကျော်ကို ၀န်ဆောင်မှုပေးခဲ့ပြီးပါပြီ။

၇။ ဧကပေါင်း ၇၁၀ဧက ကျယ်တဲ့ တိုရွန်တို တိရစ္ဆာန်ရုံဟာ ကနေဒါမှာ အကြီးဆုံးတိရစ္ဆာန်ရုံဖြစ်ပြီး ကမ္ဘာမှာတတိယ အကြီးဆုံး တိရစ္ဆာန်ရုံလည်း ဖြစ်ပါတယ်။ အဲဒီမှာ တိရစ္ဆာန်ပေါင်း ၁၆၀၀ ကျော်ရှိပြီး မျိုးစိတ်ပေါင်း ၄၉၁မျိုးကို ထားရှိပါတယ်။

၈။ ဘာသာစကားပေါင်း ၁၈၀ ခန့်ကို ပြောဆိုတဲ့မြို့ဖြစ်ပြီး တရားဝင်ဘာသာစကားကတော့ အင်္ဂလိပ် နဲ့ ပြင်သစ် တို့ဖြစ်ပါတယ်။

၉။ တိုရွန်တိုက လူဦးရေစုစုပေါင်းကို အဓိက လူမျိုးကြီး ၅မျိုးခွဲနိုင်ပါတယ်။ အဲဒါတွေကတော့ တောင်အာရှ(၁၂%) ၊ တရုတ် (၁၁.၄%) ၊ အာဖရိက(၈.၄%) ၊ ဖိလစ်ပိုင်(၄.၁%) နဲ့ လက်တင်အမေရိက (၂.၆%) တို့ပဲဖြစ်ပါတယ်။

၁၀။ တိုရွန်တိုမှာရှိတဲ့ လူဦးရေစုစုပေါင်းရဲ့ တစ်ဝက်က အခြားနိုင်ငံက လာခဲ့ကြသူတွေဖြစ်ပါတယ်။

၁၁။ ကျယ်ဝန်းလှပတဲ့ပန်းခြံပေါင်း ၁၅၀၀ခန့် ရှိတဲ့မြို့လည်းဖြစ်ပါတယ်။

၁၂။ တိုရွန်တိုသည် တစ်နှစ်တွင် ရက်ပေါင်း ၃၀၀ ခန့် တောက်ပေသော နေရောင်ကို ရရှိသည့်မြို့ဖြစ်သည်။ ပုံမှန်အားဖြင့် နံနက် ၅နာရီခွဲတွင် နေထွက်ပြီး ည ၉နာရီမှ နေ၀င်လေ့ရှိသည်။ ဆောင်းရာသီအချို့ရက်များတွင်မူ ညနေ ၄း၄၅ နာရီ ခန့်အချိန်တွင်နေ၀င်လေ့ရှိသည်။

၁၃။ တိုရွန်တို၏ ရုပ်ရှင်ပွဲတော် Toronto International Film Festival (TIFF) ကမ္ဘာပေါ်တွင် Cannes ရုပ်ရှင်ပွဲတော်ပြီးလျှင် အကျော်ကြားဆုံးဖြစ်သည်။

၁၄။ တိုရန်တို၏ အကျော်ကြားဆုံးနေရာတစ်ခုမှာ CN တာဝါဖြစ်ပြီး အမြင့်ပေ ၁၈၀၅ပေ ရှိသည်။ ကမ္ဘာ့အမြင့်ဆုံးတာဝါနေရာကို ၃၄နှစ်တိုင် ရယူထားခဲ့သော တာဝါဖြစ်ပြီး လက်ရှိအချိန်တွင်မူ တတိယအမြင့်ဆုံးတာဝါဖြစ်သည်။

၁၅။ Ripley ရေအောက်ပြတိုက်မှာ ရေအောက်သတ္တ၀ါပေါင်း ၂သောင်းခန့်ကို ထိမ်းသိမ်းပြသထားပြီး ဒီပြတိုက်ကို Ripley Entertainment က ပိုင်ဆိုင်ပါတယ်။

၁၆။ အွန်တေရီယို ရေကန်ထဲမှာ တိုရွန်တိုကျွန်းစု ရှိပါတယ်။ ကျွန်းပေါင်း ၁၅ခုပါဝင်တဲ့ ဒီကျွန်းစုကို တံတားများနဲ့ ချိတ်ဆက်ထားပြီး မြောက်အမေရိကရဲ့ အကြီးဆုံး car-free ဧရိယာလည်းဖြစ်ပါတယ်။

၁၇။ တိုရွန်တိုကို မြေအောက်မြို့တော်လို့ တင်စားနိုင်ပြီး ဈေးဝယ်စင်တာပေါင်းများစွာကို မြေအောက်မှာဆောက်ထားပြီး ချိတ်ဆက်ထားတဲ့ လမ်းအရှည်ကတင် ၂၇ကီလိုမီတာ ရှိနေပါတယ်။ ကမ္ဘာ့အကြီးမားဆုံး မြေအောက်ဈေးဝယ်စင်တာ complex လည်းဖြစ်ပါတယ်။

Myanmar Wikpedia
Facts of Toronto
totallytoronto

Leave a Reply