ေရးသားသူ – ဟိန္းထက္( Messenger News)
အန္းဒရိြဳက္ဖုန္းစနစ္ကို အဦးအစ တီထြင္ဖန္တီးသူမွာ အန္ဒီ႐ူဘင္ဟု နည္းပညာ အသိုင္းအ၀ိုင္းက တစ္ညီတၫြတ္တည္း အသိအမွတ္ျပဳ ထားၾကသည္။ ႐ူဘင္ကို ၁၉၄၆ ခုႏွစ္ ဇြန္လ (၂၂) ရက္ေန႔တြင္ အေမရိကန္ႏုိင္ငံ မက္ဆာခ်ဴးဆက္ ျပည္နယ္ နယူးဘတ္ဖို႔ဒ္ ၿမိဳ႕တြင္ ေမြးဖြားသည္။ ကေလးဘ၀ ကတည္းက အီလက္ထေရာနစ္ ပစၥည္းမ်ားၾကား ႀကီးျပင္းခဲ့သူ ျဖစ္သည္။ ဖခင္သည္ အီလက္ထေရာနစ္ ပစၥည္း ေရာင္းခ်သူ ျဖစ္ေသာေၾကာင့္ ႐ူဘင္၏ အိပ္ခန္းထဲတြင္ အီလက္ထေရာနစ္ ပစၥည္းမ်ားကို ထားသိုတတ္သည္။
စက္႐ုပ္ႏွင့္ ပတ္သက္သည့္ အီလက္ထေရာနစ္ ပစၥည္းမ်ားကို ႐ူဘင္ အႏွစ္သက္ဆံုး။ ဘြဲ႕ရၿပီးေနာက္ ႐ူဘင္သည္ Carl Zeiss AG နည္းပညာကုမၸဏီတြင္ ပထမဆံုး အလုပ္ကို စ၀င္လုပ္ရာ စက္႐ုပ္ နည္းပညာဌာနမွာ အလုပ္ရခဲ့သည္။ ကြန္ရက္ခ်ိတ္ဆက္ ပစၥည္းခ်င္း ဒစ္ဂ်စ္တယ္ ဆက္သြယ္ေရးပိုင္း ေဖာ္ေဆာင္ရာတြင္ ႐ူဘင္ ပါ၀င္ရသည္။ ဆြစ္ဇာလန္ တြင္လည္း စက္႐ုပ္ ကုမၸဏီတစ္ခု၌ ၀င္ေရာက္ လုပ္ကိုင္ခဲ့သည္။ စက္႐ုပ္ နည္းပညာ နယ္ပယ္တြင္ တစ္သက္လံုး လုပ္ကိုင္ သြားေတာ့မည္ဟု ႐ူဘင္ စိတ္ကူးခဲ့သည္။
သို႔ေသာ္ ၁၉၈၉ တြင္ ကာရစ္ဘီယန္ ပင္လယ္ထဲရွိ ေကးမန္းကၽြန္းသို႔ အပန္းေျဖ ခရီးထြက္စဥ္ သူ႔ဘ၀ တစ္ဆစ္ခ်ဳိး ေျပာင္းလဲ ခဲ့သည္။ ထိုကၽြန္းတြင္ ဘီလ္ကတ္စ္၀ဲႏွင့္ ဆံုေတြ႕ခဲ့သည္။ ကတ္စ္၀ဲသည္ ခ်စ္သူ ေကာင္မေလးနဲ႔ ရန္ျဖစ္ၿပီး တည္းခိုသည့္ ဘန္ဂလို ကေန ဆင္းလာရသျဖင့္ သဲေသာင္ျပင္မွာ အိပ္ေနရသည္။ ႐ူဘင္က သူ႔ဘန္ဂလို တြင္ လာေနဖို႔ ဖိတ္ေခၚ သျဖင့္ ကတ္စ္၀ဲက ေက်းဇူးတံု႔ျပန္ေသာ အားျဖင့္ ႐ူဘင္ကို အလုပ္ ေပးသည္။
ကတ္စ္၀ဲသည္ အက္ပဲကုမၸဏီတြင္ အလုပ္လုပ္သူျဖစ္ရာ ႐ူဘင္ပါ ၀င္ေရာက္ လုပ္ကိုင္ရန္ ေထာက္ခံေပးသျဖင့္ ႐ူဘင္လည္း အက္ပဲသို႔ ၀င္ခြင္႔ရခဲ့သည္။ ထိုစဥ္က အက္ပဲသည္ မက္ကင္းေတာ႔ရွ္ ကြန္ပ်ဴတာမ်ားျဖင့္ ေအာင္ျမင္ေနခ်ိန္ ျဖစ္သည္။ ထိုအခ်ိန္သည္ အက္ပဲႏွင့္ စတိဗ္ေဂ်ာ႔တို႔ လမ္းခြဲေနၾကခ်ိန္လည္း ျဖစ္သည္။
အစပိုင္းတြင္ ကြန္ပ်ဴတာ ထုတ္လုပ္သည့္ လုပ္ငန္းပိုင္းမွာ ႐ူဘင္ လုပ္ရသည္။ ေနာက္ပိုင္းတြင္ သုေတသနဌာနဘက္သို႔ ေရာက္သည္။ ၁၉၉၀ တြင္ အက္ပဲသည္ General Magic ဟူေသာ ကုမၸဏီခြဲ တစ္ခု ထူေထာင္သည္။ ထိုကုမၸဏီထဲတြင္ ႐ူဘင္ကိုလည္း ထည့္သြင္းသည္။ လက္ကိုင္ ဆက္သြယ္ေရး ကိရိယာမ်ား ထုတ္လုပ္ဖို႔ အဓိကရည္ရြယ္သည္။ General Magic အဖြဲ႕သားမ်ားသည္ လက္ကိုင္ ဆက္သြယ္ေရး စက္မ်ားတြင္ သံုးႏိုင္မည့္ Magic Cap အမည္ရွိ ေဆာ့ဖ္၀ဲကို ဖန္တီးခဲ့ၾကသည္။ ကံဆိုးသည္မွာ Magic Cap ကို ထိုစဥ္က ဖုန္းကုမၸဏီမ်ားက လက္သင့္ခံသံုးစြဲမႈ မရွိျခင္း ျဖစ္သည္။ General Magic ကုမၸဏီလည္း ေနာက္ဆံုးတြင္ ဖ်က္သိမ္းလိုက္ရသည္။
General Magic မွ လူေဟာင္းမ်ား ႏွင့္ အက္ပဲမွ လူေဟာင္း အခ်ဳိ႕ ပူးေပါင္းၿပီး Artemis Research ကုမၸဏီကို သပ္သပ္ ထူေထာင္လိုက္ ၾကသည္။ ႐ူဘင္လည္း ပါသည္။ ထိုကုမၸဏီသည္ အင္တာနက္စနစ္ႏွင့္ တီဗီကို ေပါင္းစပ္မည့္ WebTV မ်ား ထုတ္လုပ္ဖို႔ သုေတသန ျပဳသည္။ ယေန႔ တြင္က်ယ္လာေသာ အင္တာနက္ စမတ္တီဗီ မ်ား၏ အဦးအစဟု ဆိုႏုိင္သည္။ ၁၉၉၇ တြင္ Artemis Research ကို မိုက္ခ႐ိုေဆာ႔ဖ္ ကုမၸဏီက ၀ယ္ယူ လိုက္သည္တြင္ ႐ူဘင္လည္း မိုက္ခ႐ိုေဆာ႔ဖ္သို႔ ေရာက္သြားျပန္သည္။
႐ူဘင္သည္ မိုက္ခ႐ိုေဆာ႔ဖ္တြင္ ကင္မရာ တပ္ဆင္ ထားေသာ စက္႐ုပ္မ်ား စမ္းသပ္တီထြင္ခဲ့သည္။ စက္႐ုပ္သည္ အင္တာနက္လည္း ခ်ိတ္ဆက္ ႏုိင္သည္။ ၁၉၉၉ တြင္ ႐ူဘင္သည္ မိုက္ခ႐ိုေဆာ႔ဖ္မွ ထြက္ကာ ကယ္လီဖိုးနီးယား ျပည္နယ္ ပါလို အယ္လ္တိုတြင္ အီလက္ထေရာနစ္ စတိုးဆိုင္ေလးတစ္ဆိုင္ ဖြင့္သည္။ ထိုဆိုင္သည္ သူ႔အတြက္ လက္ေတြ႕ဓာတ္ခြဲခန္းလည္း ျဖစ္သည္။
စက္႐ုပ္ငယ္ေလးမ်ား သူ႔ဓာတ္ခြဲခန္း ထဲတြင္ အမ်ားဆံုးရွိသည္။ ေနာက္ပိုင္းတြင္ မိတ္ေဆြမ်ားနဲ႔ ေပါင္းၿပီး Danger Inc ကုမၸဏီကုိ ႐ူဘင္ ထူေထာင္ျပန္သည္။ ကုန္ပစၥည္း တစ္ခု၏ ဘားကုတ္ကို ဖတ္ၿပီး ထိုပစၥည္းအေၾကာင္း အင္တာနက္ ကေန အခ်က္အလက္ အစံုစုေဆာင္းရယူေပးႏုိင္ သည့္ Danger Sidekick ကို တီထြင္သည္။ (၁၀) ေဒၚလာေလာက္ေစ်းနဲ႔ ေရာင္းသည္။ လက္ထဲ ကိုင္ထားႏုိင္ေသာ ေခ်ာကလက္ေတာင့္ေလာက္ အရြယ္ ျဖစ္သည္။ ေစ်း၀ယ္သူမ်ား ကုန္ပစၥည္း အေၾကာင္း ပိုသိႏုိင္ေအာင္ Danger Sidekick က ကူညီဖို႔ ရည္ရြယ္ထုတ္လုုပ္ျခင္း ျဖစ္သည္။ Danger Sidekick သည္ နည္းပညာအားျဖင့္ ဖန္တီးမႈရွိ ေသာ္လည္း ေစ်းကြက္ အတြင္း၌ကား မေအာင္ျမင္ခဲ့။ ၂၀၀၄ ခုႏွစ္တြင္ Danger မွ ႐ူဘင္ ထြက္သည္။ ၂၀၀၈ တြင္ Danger ကို မိုက္ခ႐ိုေဆာ႔ဖ္က ၀ယ္ယူလိုက္ျပန္သည္။
၂၀၀၂ ခုႏွစ္ေလာက္ကတည္းက ႐ူဘင္သည္ စတန္းဖို႔ဒ္ တကၠသိုလ္တြင္ Sidekick အေၾကာင္း နည္းပညာ ေဟာေျပာပြဲ လုပ္ဖူးသည္။ Sidekick သည္ ေစ်းကြက္မေအာင္ျမင္ေသာ္လည္း အင္ဂ်င္နီယာ႐ႈေထာင္႔ အရကား ေအာင္ျမင္ေသာ ပစၥည္းတစ္ခု ျဖစ္ေသာေၾကာင့္ ေဟာေျပာပို႔ခ်ခြင့္ ရခဲ႔သည္။ ထိုပြဲကို ဂူဂဲထူေထာင္သူ လာရီေပ့ဂ်္ႏွင့္ ဆာေဂးဘရင္တို႔လည္း လာေရာက္ နားေထာင္ခဲ့ ၾကသည္။ ေဟာေျပာပြဲ အၿပီးတြင္ ေပ့ဂ်္သည္ Sidekick အေၾကာင္း ႐ူဘင္ ထံမွ ပိုစံုလင္စြာ ေမးျမန္းရာ Sidekick သည္ အခ်က္အလက္မ်ား ရွာေဖြရန္ ဂူဂဲရွာေဖြေရး အင္ဂ်င္ကို အသံုးျပဳ ထားေၾကာင္းပါ သိခဲ႔ရသျဖင့္ ေပ႔ဂ်္သည္ သေဘာက်ခဲ့သည္။ ႐ူဘင္ႏွင့္ ပူးေပါင္း ေဆာင္ရြက္ႏုိင္မည့္ လမ္းစကိုလည္း လာရီေပ့ဂ်္ႏွင့္ ဆာေဂးဘရင္တို႔ ေတြ႕ရွိခဲ့ၾကသည္။
ထိုသို႔ေတြ႕ဆံုၿပီး ေနာက္ႏွစ္ႏွစ္ခန္႔တြင္ ႐ူဘင္သည္ Danger မွ ထြက္ကာ Android Inc ကုမၸဏီကို ထူေထာင္သည္။ အစဦး ရည္မွန္းခ်က္ ကား အားေကာင္းသည့္ မိုဘိုင္း ပလက္ေဖာင္းတစ္ခု ထူေထာင္ရန္ ျဖစ္သည္။ ထိုပလက္ေဖာင္းကိုလည္း အဖြင္႔စနစ္ျဖင့္ လုပ္ေပးမည္ ျဖစ္ၿပီး ကမာၻ တစ္၀န္း လူအမ်ား၏ တီထြင္ ဖန္တီးႏုိင္စြမ္းမ်ား အေျခခံ တည္ေဆာက္ႏုိင္မည့္ အုတ္ျမစ္ ပလက္ေဖာင္းတစ္ခု အျဖစ္ ဖန္တီးရန္ အားထုတ္ခဲ့သည္။
Android Inc ထူေထာင္ၿပီး (၂၂) လအၾကာ ၂၀၀၅ ခုႏွစ္ ဇူလိုင္တြင္ Android Inc ကို ဂူဂဲကုမၸဏီက ၀ယ္ယူလိုက္ေတာ့သည္။ ႐ူဘင္သည္ လည္း ဂူဂဲသို႔၀င္ကာ ပူးေပါင္းေဆာင္ရြက္ရန္ ဆံုးျဖတ္ခဲ့သည္။ Android Inc ကို ဘာေၾကာင့္ ၀ယ္ေၾကာင္းႏွင့္ ေစ်းမည္မွ်ျဖင့္ ၀ယ္ေၾကာင္း ကို ဂူဂဲက ထုတ္ျပန္ ေၾကညာျခင္း မရွိ။ Android Inc ၏ နည္းပညာ စြမ္းအားႏွင့္ လူ႔စြမ္းအား ရင္းျမစ္မ်ားကို လိုခ်င္ေသာေၾကာင့္ ၀ယ္ယူျခင္း ျဖစ္သည္ဟုသာ ဆိုထားသည္။ ဂူဂဲႏွင့္ အန္ဒီ႐ူဘင္တို႔ ပူးေပါင္းကာ မိုဘိုင္းဖုန္းမ်ားတြင္ အသံုးျပဳႏုိင္မည့္ ဖုန္းစနစ္ တစ္ရပ္ တီထြင္ ဖန္တီးျဖစ္ခဲ့ ၾကသည္။
ထိုစနစ္သည္ အန္းဒရိြဳက္စနစ္ ဟူ၍ ျဖစ္လာခဲ့သည္။ အစပိုင္းတြင္ အန္းဒရိြဳက္ စနစ္ကို ဂူဂဲက ေဆာ့ဖ္၀ဲသာ ထုတ္လုပ္ၿပီး မိုတို႐ိုလာ၊ ဆမ္ေဆာင္း၊ HTC စေသာ ဖုန္းကုမၸဏီ မ်ားက စမတ္ဖုန္း အမ်ဳိးမ်ဳိး ထုတ္လုပ္ကာ အန္းဒရိြဳက္ စမတ္ဖုန္းမ်ား အျဖစ္ အသက္သြင္းကာ အိုင္ဖုန္းမ်ားနဲ႔ ၿပိဳင္ဆိုင္ခဲ့ ၾကျခင္း ျဖစ္သည္။ ဂူဂဲသည္ HTC ႏွင့္ ပူးေပါင္းၿပီး ပထမဆံုး အန္းဒရိြဳက္ ဖုန္း စစ္စစ္ Nexus One ကို ၂၀၁၀ ျပည့္ႏွစ္၊ ဇန္န၀ါရီလတြင္ စတင္ထုတ္လုပ္ခဲ့သည္။ ယခုအခါ အန္းဒရိြဳက္ စနစ္သံုး စမတ္ဖုန္းမ်ားသည္ ကမာၻ ့စမတ္ဖုန္း ေစ်းကြက္၏ (၈၁) ရာခိုင္ႏႈန္းထိကို ေနရာယူေနၾကၿပီျဖစ္သည္။
ဟိန္းထက္( Messenger News)
ယနေ့ အန်းဒရွိုက်ဖုန်းများ၏ ဖခင်ကြီး အန်ဒီရူဘင် အကြောင်း (unicode)
ရေးသားသူ – ဟိန်းထက်( Messenger News)
အန်းဒရွိုက်ဖုန်းစနစ်ကို အဦးအစ တီထွင်ဖန်တီးသူမှာ အန်ဒီရူဘင်ဟု နည်းပညာ အသိုင်းအဝိုင်းက တစ်ညီတညွတ်တည်း အသိအမှတ်ပြု ထားကြသည်။ ရူဘင်ကို ၁၉၄၆ ခုနှစ် ဇွန်လ (၂၂) ရက်နေ့တွင် အမေရိကန်နိုင်ငံ မက်ဆာချူးဆက် ပြည်နယ် နယူးဘတ်ဖို့ဒ် မြို့တွင် မွေးဖွားသည်။ ကလေးဘ၀ ကတည်းက အီလက်ထရောနစ် ပစ္စည်းများကြား ကြီးပြင်းခဲ့သူ ဖြစ်သည်။ ဖခင်သည် အီလက်ထရောနစ် ပစ္စည်း ရောင်းချသူ ဖြစ်သောကြောင့် ရူဘင်၏ အိပ်ခန်းထဲတွင် အီလက်ထရောနစ် ပစ္စည်းများကို ထားသိုတတ်သည်။
စက်ရုပ်နှင့် ပတ်သက်သည့် အီလက်ထရောနစ် ပစ္စည်းများကို ရူဘင် အနှစ်သက်ဆုံး။ ဘွဲ့ရပြီးနောက် ရူဘင်သည် Carl Zeiss AG နည်းပညာကုမ္ပဏီတွင် ပထမဆုံး အလုပ်ကို စဝင်လုပ်ရာ စက်ရုပ် နည်းပညာဌာနမှာ အလုပ်ရခဲ့သည်။ ကွန်ရက်ချိတ်ဆက် ပစ္စည်းချင်း ဒစ်ဂျစ်တယ် ဆက်သွယ်ရေးပိုင်း ဖော်ဆောင်ရာတွင် ရူဘင် ပါဝင်ရသည်။ ဆွစ်ဇာလန် တွင်လည်း စက်ရုပ် ကုမ္ပဏီတစ်ခု၌ ဝင်ရောက် လုပ်ကိုင်ခဲ့သည်။ စက်ရုပ် နည်းပညာ နယ်ပယ်တွင် တစ်သက်လုံး လုပ်ကိုင် သွားတော့မည်ဟု ရူဘင် စိတ်ကူးခဲ့သည်။
သို့သော် ၁၉၈၉ တွင် ကာရစ်ဘီယန် ပင်လယ်ထဲရှိ ကေးမန်းကျွန်းသို့ အပန်းဖြေ ခရီးထွက်စဉ် သူ့ဘ၀ တစ်ဆစ်ချိုး ပြောင်းလဲ ခဲ့သည်။ ထိုကျွန်းတွင် ဘီလ်ကတ်စ်ဝဲနှင့် ဆုံတွေ့ခဲ့သည်။ ကတ်စ်ဝဲသည် ချစ်သူ ကောင်မလေးနဲ့ ရန်ဖြစ်ပြီး တည်းခိုသည့် ဘန်ဂလို ကနေ ဆင်းလာရသဖြင့် သဲသောင်ပြင်မှာ အိပ်နေရသည်။ ရူဘင်က သူ့ဘန်ဂလို တွင် လာနေဖို့ ဖိတ်ခေါ် သဖြင့် ကတ်စ်ဝဲက ကျေးဇူးတုံ့ပြန်သော အားဖြင့် ရူဘင်ကို အလုပ် ပေးသည်။
ကတ်စ်ဝဲသည် အက်ပဲကုမ္ပဏီတွင် အလုပ်လုပ်သူဖြစ်ရာ ရူဘင်ပါ ဝင်ရောက် လုပ်ကိုင်ရန် ထောက်ခံပေးသဖြင့် ရူဘင်လည်း အက်ပဲသို့ ဝင်ခွင့်ရခဲ့သည်။ ထိုစဉ်က အက်ပဲသည် မက်ကင်းတော့ရှ် ကွန်ပျူတာများဖြင့် အောင်မြင်နေချိန် ဖြစ်သည်။ ထိုအချိန်သည် အက်ပဲနှင့် စတိဗ်ဂျော့တို့ လမ်းခွဲနေကြချိန်လည်း ဖြစ်သည်။
အစပိုင်းတွင် ကွန်ပျူတာ ထုတ်လုပ်သည့် လုပ်ငန်းပိုင်းမှာ ရူဘင် လုပ်ရသည်။ နောက်ပိုင်းတွင် သုတေသနဌာနဘက်သို့ ရောက်သည်။ ၁၉၉၀ တွင် အက်ပဲသည် General Magic ဟူသော ကုမ္ပဏီခွဲ တစ်ခု ထူထောင်သည်။ ထိုကုမ္ပဏီထဲတွင် ရူဘင်ကိုလည်း ထည့်သွင်းသည်။ လက်ကိုင် ဆက်သွယ်ရေး ကိရိယာများ ထုတ်လုပ်ဖို့ အဓိကရည်ရွယ်သည်။ General Magic အဖွဲ့သားများသည် လက်ကိုင် ဆက်သွယ်ရေး စက်များတွင် သုံးနိုင်မည့် Magic Cap အမည်ရှိ ဆော့ဖ်ဝဲကို ဖန်တီးခဲ့ကြသည်။ ကံဆိုးသည်မှာ Magic Cap ကို ထိုစဉ်က ဖုန်းကုမ္ပဏီများက လက်သင့်ခံသုံးစွဲမှု မရှိခြင်း ဖြစ်သည်။ General Magic ကုမ္ပဏီလည်း နောက်ဆုံးတွင် ဖျက်သိမ်းလိုက်ရသည်။
General Magic မှ လူဟောင်းများ နှင့် အက်ပဲမှ လူဟောင်း အချို့ ပူးပေါင်းပြီး Artemis Research ကုမ္ပဏီကို သပ်သပ် ထူထောင်လိုက် ကြသည်။ ရူဘင်လည်း ပါသည်။ ထိုကုမ္ပဏီသည် အင်တာနက်စနစ်နှင့် တီဗီကို ပေါင်းစပ်မည့် WebTV များ ထုတ်လုပ်ဖို့ သုတေသန ပြုသည်။ ယနေ့ တွင်ကျယ်လာသော အင်တာနက် စမတ်တီဗီ များ၏ အဦးအစဟု ဆိုနိုင်သည်။ ၁၉၉၇ တွင် Artemis Research ကို မိုက်ခရိုဆော့ဖ် ကုမ္ပဏီက ဝယ်ယူ လိုက်သည်တွင် ရူဘင်လည်း မိုက်ခရိုဆော့ဖ်သို့ ရောက်သွားပြန်သည်။ ရူဘင်သည် မိုက်ခရိုဆော့ဖ်တွင် ကင်မရာ တပ်ဆင် ထားသော စက်ရုပ်များ စမ်းသပ်တီထွင်ခဲ့သည်။ စက်ရုပ်သည် အင်တာနက်လည်း ချိတ်ဆက် နိုင်သည်။ ၁၉၉၉ တွင် ရူဘင်သည် မိုက်ခရိုဆော့ဖ်မှ ထွက်ကာ ကယ်လီဖိုးနီးယား ပြည်နယ် ပါလို အယ်လ်တိုတွင် အီလက်ထရောနစ် စတိုးဆိုင်လေးတစ်ဆိုင် ဖွင့်သည်။ ထိုဆိုင်သည် သူ့အတွက် လက်တွေ့ဓာတ်ခွဲခန်းလည်း ဖြစ်သည်။
စက်ရုပ်ငယ်လေးများ သူ့ဓာတ်ခွဲခန်း ထဲတွင် အများဆုံးရှိသည်။ နောက်ပိုင်းတွင် မိတ်ဆွေများနဲ့ ပေါင်းပြီး Danger Inc ကုမ္ပဏီကို ရူဘင် ထူထောင်ပြန်သည်။ ကုန်ပစ္စည်း တစ်ခု၏ ဘားကုတ်ကို ဖတ်ပြီး ထိုပစ္စည်းအကြောင်း အင်တာနက် ကနေ အချက်အလက် အစုံစုဆောင်းရယူပေးနိုင် သည့် Danger Sidekick ကို တီထွင်သည်။ (၁၀) ဒေါ်လာလောက်ဈေးနဲ့ ရောင်းသည်။ လက်ထဲ ကိုင်ထားနိုင်သော ချောကလက်တောင့်လောက် အရွယ် ဖြစ်သည်။ ဈေးဝယ်သူများ ကုန်ပစ္စည်း အကြောင်း ပိုသိနိုင်အောင် Danger Sidekick က ကူညီဖို့ ရည်ရွယ်ထုတ်လုပ်ခြင်း ဖြစ်သည်။ Danger Sidekick သည် နည်းပညာအားဖြင့် ဖန်တီးမှုရှိ သော်လည်း ဈေးကွက် အတွင်း၌ကား မအောင်မြင်ခဲ့။ ၂၀၀၄ ခုနှစ်တွင် Danger မှ ရူဘင် ထွက်သည်။ ၂၀၀၈ တွင် Danger ကို မိုက်ခရိုဆော့ဖ်က ဝယ်ယူလိုက်ပြန်သည်။
၂၀၀၂ ခုနှစ်လောက်ကတည်းက ရူဘင်သည် စတန်းဖို့ဒ် တက္ကသိုလ်တွင် Sidekick အကြောင်း နည်းပညာ ဟောပြောပွဲ လုပ်ဖူးသည်။ Sidekick သည် ဈေးကွက်မအောင်မြင်သော်လည်း အင်ဂျင်နီယာရှုထောင့် အရကား အောင်မြင်သော ပစ္စည်းတစ်ခု ဖြစ်သောကြောင့် ဟောပြောပို့ချခွင့် ရခဲ့သည်။ ထိုပွဲကို ဂူဂဲထူထောင်သူ လာရီပေ့ဂ်ျနှင့် ဆာဂေးဘရင်တို့လည်း လာရောက် နားထောင်ခဲ့ ကြသည်။ ဟောပြောပွဲ အပြီးတွင် ပေ့ဂ်ျသည် Sidekick အကြောင်း ရူဘင် ထံမှ ပိုစုံလင်စွာ မေးမြန်းရာ Sidekick သည် အချက်အလက်များ ရှာဖွေရန် ဂူဂဲရှာဖွေရေး အင်ဂျင်ကို အသုံးပြု ထားကြောင်းပါ သိခဲ့ရသဖြင့် ပေ့ဂ်ျသည် သဘောကျခဲ့သည်။ ရူဘင်နှင့် ပူးပေါင်း ဆောင်ရွက်နိုင်မည့် လမ်းစကိုလည်း လာရီပေ့ဂ်ျနှင့် ဆာဂေးဘရင်တို့ တွေ့ရှိခဲ့ကြသည်။
ထိုသို့တွေ့ဆုံပြီး နောက်နှစ်နှစ်ခန့်တွင် ရူဘင်သည် Danger မှ ထွက်ကာ Android Inc ကုမ္ပဏီကို ထူထောင်သည်။ အစဦး ရည်မှန်းချက် ကား အားကောင်းသည့် မိုဘိုင်း ပလက်ဖောင်းတစ်ခု ထူထောင်ရန် ဖြစ်သည်။ ထိုပလက်ဖောင်းကိုလည်း အဖွင့်စနစ်ဖြင့် လုပ်ပေးမည် ဖြစ်ပြီး ကမ္ဘာ တစ်ဝန်း လူအများ၏ တီထွင် ဖန်တီးနိုင်စွမ်းများ အခြေခံ တည်ဆောက်နိုင်မည့် အုတ်မြစ် ပလက်ဖောင်းတစ်ခု အဖြစ် ဖန်တီးရန် အားထုတ်ခဲ့သည်။
Android Inc ထူထောင်ပြီး (၂၂) လအကြာ ၂၀၀၅ ခုနှစ် ဇူလိုင်တွင် Android Inc ကို ဂူဂဲကုမ္ပဏီက ဝယ်ယူလိုက်တော့သည်။ ရူဘင်သည် လည်း ဂူဂဲသို့ဝင်ကာ ပူးပေါင်းဆောင်ရွက်ရန် ဆုံးဖြတ်ခဲ့သည်။ Android Inc ကို ဘာကြောင့် ဝယ်ကြောင်းနှင့် ဈေးမည်မျှဖြင့် ဝယ်ကြောင်း ကို ဂူဂဲက ထုတ်ပြန် ကြေညာခြင်း မရှိ။ Android Inc ၏ နည်းပညာ စွမ်းအားနှင့် လူ့စွမ်းအား ရင်းမြစ်များကို လိုချင်သောကြောင့် ဝယ်ယူခြင်း ဖြစ်သည်ဟုသာ ဆိုထားသည်။ ဂူဂဲနှင့် အန်ဒီရူဘင်တို့ ပူးပေါင်းကာ မိုဘိုင်းဖုန်းများတွင် အသုံးပြုနိုင်မည့် ဖုန်းစနစ် တစ်ရပ် တီထွင် ဖန်တီးဖြစ်ခဲ့ ကြသည်။
ထိုစနစ်သည် အန်းဒရွိုက်စနစ် ဟူ၍ ဖြစ်လာခဲ့သည်။ အစပိုင်းတွင် အန်းဒရွိုက် စနစ်ကို ဂူဂဲက ဆော့ဖ်ဝဲသာ ထုတ်လုပ်ပြီး မိုတိုရိုလာ၊ ဆမ်ဆောင်း၊ HTC စသော ဖုန်းကုမ္ပဏီ များက စမတ်ဖုန်း အမျိုးမျိုး ထုတ်လုပ်ကာ အန်းဒရွိုက် စမတ်ဖုန်းများ အဖြစ် အသက်သွင်းကာ အိုင်ဖုန်းများနဲ့ ပြိုင်ဆိုင်ခဲ့ ကြခြင်း ဖြစ်သည်။ ဂူဂဲသည် HTC နှင့် ပူးပေါင်းပြီး ပထမဆုံး အန်းဒရွိုက် ဖုန်း စစ်စစ် Nexus One ကို ၂၀၁၀ ပြည့်နှစ်၊ ဇန်နဝါရီလတွင် စတင်ထုတ်လုပ်ခဲ့သည်။ ယခုအခါ အန်းဒရွိုက် စနစ်သုံး စမတ်ဖုန်းများသည် ကမ္ဘာ့စမတ်ဖုန်း ဈေးကွက်၏ (၈၁) ရာခိုင်နှုန်းထိကို နေရာယူနေကြပြီဖြစ်သည်။
ဟိန်းထက်( Messenger News)