အမေရိကန်ရဲ့ အကြီးဆုံးမြို့တော် နယူးယောက်အကြောင်း သိကောင်းစရာ

Posted on

နယူးယောက်မြို့ (New York City) သည် အမေရိကန်ပြည်ထောင်စုတွင် လူဦးရေ အများဆုံးမြို့ဖြစ်ပြီး ကမ္ဘာ့လူဦးရေ အများဆုံးမြို့များစာရင်းတွင် ပါဝင်သောမြို့ဖြစ်သည်။ နယူးယောက်မြို့သည် ကမ္ဘာ့ စီးပွားရေး၊ ငွေရေးကြေးရေး၊ မီဒီယာ၊ ယဉ်ကျေးမှု၊ အနုပညာ၊ သုတေသန၊ ပညာရေးနှင့် ဖျော်ဖြေရေးနယ်ပယ်အပေါ် သိသာထင်ရှားသည့် လွှမ်းမိုးမှုရှိသည်။

ကုလသမဂ္ဂဌာနချုပ် တည်ရှိရာလည်း ဖြစ်သောကြောင့် အပြည်ပြည်ဆိုင်ရာ အရေးကိစ္စများ၏ အရေးပါသည့် အချက်အချာလည်းဖြစ်သည်။ နယူးယောက်မြို့တော်ကို နယူးယောက်ပြည်နယ်မှ ခွဲခြားနိုင်ရန်အတွက် နယူးယောက်စီးတီးဟု ခေါ်ဝေါ်လေ့ ရှိကြသည်။

အမေရိကန်ပြည်ထောင်စု၏ အရှေ့မြောက်ပိုင်း အတ္တလန္တိတ် သမုဒ္ဒရာ၏ သဘာဝ ဆိပ်ကမ်းပေါ်တွင် တည်ရှိသော နယူးယောက်မြို့တွင် ဘရောင့်စ်၊ ဘရွတ်ကလင်၊ မက်ဟက်တန်၊ ကွင်းစ် နှင့် စတိတ်အိုင်းလန်း ဟူသော ဒေသကြီး ၅ ခု ရှိသည်။ ၂၀၁၇ ခုနှစ် စာရင်း အရ ၃၀၂ စတုရန်းမိုင် (၇၈၃ စတုရန်း ကီလိုမီတာ) ကျယ်ဝန်းသော ဒေသတွင် လူဦးရေ ၈.၆သန်း နေထိုင်သည်။ နယူးယောက်သည် အမေရိကန်ပြည်ထောင်စုတွင် လူဦးရေ အသိပ်သည်းဆုံး မြို့ဖြစ်သည်။

ဘာသာစကား အမျိုးပေါင်း ၈၀၀ ကျော်ကို နယူးယောက်မြို့တွင် အသုံးပြုလျှက် ရှိပြီး ကမ္ဘာပေါ်ရှိ မြို့များတွင် ဘာသာစကား အမျိုးပေါင်း အများဆုံး အသုံးပြုသော မြို့ဖြစ်သည်။ နယူးယောက် မက်ထရိုပိုလစ်တန် ဧရိယာသည် အမေရိကန် ပြည်ထောင်စုတွင် စာရင်းအရ လူအများဆုံးဒေသဖြစ်ပြီး ၆၇၂၀ စတုရန်းမိုင် (၁၇,၄၀၀ စတုရန်း ကီလိုမီတာ) ကျယ်ဝန်းသော နေရာတွင် လူဦးရေ ၁၉.၈၅ သန်းနေထိုင်လျှက် ရှိကြသည်။

နယူးယောက်မြို့၏ အစမှာ ၁၆၂၄ ခုနှစ်တွင် ဒတ်ခ်ျကိုလိုနီ ရှာဖွေသူတို့က နယူး အမ်စတာဒမ် အနေဖြင့် စတင်ခဲ့ခြင်း ဖြစ်သည်။ မြို့တော်နှင့် မြို့တော်ပတ်ဝန်းကျင်သည် အင်္ဂလိပ်တို့၏ ထိန်းချုပ်မှုအောက်သို့ ၁၆၆၄တွင် ရောက်ရှိခဲ့ပြီးနောက် နယူးယောက်ဟု အမည်ပြောင်းလဲ မှည့်ခေါ်ခဲ့သည်။ ချားလ် ၂ ဘုရင်က ထိုမြေကို သူ၏ ညီအစ်ကို တော်စပ်သူ ယောက် နယ်စားကြီးကို ပေးအပ် အပြီးတွင် ဖြစ်သည်။

နယူးယောက်သည် ၁၇၈၅ မှ ၁၇၉၀ အထိ အမေရိကန် ပြည်ထောင်စု၏ မြို့တော် ဖြစ်ခဲ့သည်။ ၁၇၉၀ မှစ၍ အမေရိကန် ပြည်ထောင်စုတွင် အကြီးဆုံး မြို့တစ်မြို့ အဖြစ် တည်ရှိနေခဲ့သည်။၁၉ ရာစုနှောင်းပိုင်းနှင့် ၂၀ရာစု အစောပိုင်းများတွင် ရွှေ့ပြောင်းနေထိုင်သူများ နယူးယောက်သို့ ရောက်ရှိလာချိန်တွင် လစ်ဘာတီ ရုပ်တုမှ နှုတ်ခွန်းဆက်သ နေသည့် ပမာပင် ဖြစ်သည်။

နယူးယောက်မြို့ရှိ ရပ်ကွက်များနှင့် အထိမ်းအမှတ် အဆောက်အဦးများကို အပြင်လူများက ကောင်းစွာ သိရှိကြသည်။ နယူးယောက် တိုင်းမ်စကွဲယားကို ကမ္ဘာ၏လမ်းဆုံ ဟု တင်စားခေါ်ဝေါ်ကြပြီး ဘရော့ဒ်ဝေး ဇာတ်ရုံ ရပ်ကွက်တွင် ရှိသော နေရာတစ်ခုဖြစ်ပြီး ကမ္ဘာပေါ်တွင် အရှုပ်ထွေးဆုံးသော လူသွားလမ်းဆုံ တစ်ခု ဖြစ်ကာ ကမ္ဘာ့ဖျော်ဖြေရေး လုပ်ငန်းများ၏ အဓိက နေရာတစ်ခု ဖြစ်သည်။

နယူးယောက်မြို့တွင် ကမ္ဘာကျော် မိုးပျံတိုက်များ၊ တံတားများနှင့် ပန်းခြံများလည်း ရှိသည်။ နယူးယောက်မြို့တော်၏ ငွေကြေးရပ်ကွက်တွင် မက်ဟက်တန်အောက်ပိုင်းရှိ ဝေါလ်လမ်း အပါအဝင်ဖြစ်ပြီး ကမ္ဘာ့ငွေကြေး မြို့တော် အဖြစ် သတ်မှတ်ကြသည်။ ထိုနေရာတွင် ကမ္ဘာပေါ်တွင် အကြီးဆုံးစတော့ခ် အိတ်ချိန်း ဖြစ်သော နယူးယောက် စတော့ခ် အိတ်ချိန်း (NYSE) တည်ရှိသည်။

နယူးယောက်မြို့ရဲ့ စိတ်ဝင်စားဖွယ် အချက်တချို့

၁၈၀၀ပြည့်နှစ် အစောပိုင်းကာလများတွင် နယူးယောက်မြို့သည် နိုင်ငံရပ်ခြားတိုင်းပြည်များမှ သင်္ဘောများဆိုက်ကပ်သည့် အမေရိကန်၏ အကြီးဆုံးပင်လယ်ဆိပ်ကမ်းမြို့ဖြစ်ခဲ့သည်။

၁၈၉၂ ခုနှစ် နှင့် ၁၉၅၄ခုနှစ်ကြားတွင် နိုင်ငံခြားသားပေါင်း ၁၂သန်းခန့်သည် နယူးယောက် Ellis ကျွန်းကိုဖြတ်ကျော်ကာ အမေရိကန်နိုင်ငံအတွင်းသို့ ၀င်ရောက်လာခဲ့ကြသည်။ Ellis ကျွန်းမှာ လေဘာတီရုပ်တုတည်ရှိသော ကျွန်းအနီးမှ ကျွန်းတစ်ခုဖြစ်သည်။

နယူးယောက်မြို့သည် နယူးယောက်ပြည်နယ်၏ မြို့တော်မဟုတ်ပါချေ။ နယူးယောက်ပြည်နယ်၏ မြို့တော်မှာ Albany မြို့သာ ဖြစ်သည်။

နယူးယောက်မြို့တွင် လူဦးရေ ၈.၆သန်းခန့်နေထိုင်သော်လည်း ထိုလူဦးရေစုစုပေါင်း၏ ၃ပုံ ၁ပုံမှာ အမေရိကန်တွင်မွေးဖွားသူများမဟုတ်ကြပဲ အခြားနိုင်ငံများမှ ရွှေ့ပြောင်းလာကြသူများသာဖြစ်သည်။

နယူးယောက်မြို့တွင် အမျိုးသား သဘာဝအထိမ်းအမှတ်နေရာ ၂၇ခုရှိပြီး သမိုင်းဝင်နေရာကား ၂၆၂ခု ရှိလေသည်။

နယူးယောက်မြို့တွင် အမေရိကန်၏ ပထမဆုံး ရထားသံလမ်းရှိသည်။ Schenectady မြို့နှင့် Albany မြို့တို့ကို ဆက်သွယ်ထားသော ထိုရထားသံလမ်းသည် အရှည် ၁၁မိုင်ရှိပြီး ၁၈၃၁ခုနှစ်က စတင်ဖွင့်လှစ်ခဲ့ခြင်းဖြစ်သည်။

နယူးယောက်မြို့သည် ၁၇၈၉ခုနှစ်တွင် အမေရိကန်ပြည်ထောင်စု၏ ပထမဆုံးမြို့တော်လည်းဖြစ်လာခဲ့သည်။ ထိုနှစ်တွင် အမေရိကန်ပထမဆုံးသမ္မတဂျော့ဘ်ဝါရှင်တန်သည် သမ္မတရာထူးကို နယူးယောက်မြို့၌လက်ခံခဲ့သည်။

ကားများတွင် လိုင်စင်နံပါတ်ပြားများကို စတင်အသုံးပြုခဲ့သည့် မြို့မှာလည်း နယူးယောက်မြို့ပင်ဖြစ်သည်။

ကမ္ဘာ့အကြီးဆုံး အရှုပ်ထွေးဆုံးရထားလမ်းကြောင်းကို ပိုင်ဆိုင်သည်။ ရထားလမ်းအရှည် ၈၄၂မိုင်ရှိပြီး ဘူတာရုံပေါင်း ၄၆၈ခုရှိကာ ၂၄နာရီ ပြေးဆွဲလျှက်ရှိသည်။

ရထားဘူတာရုံများတွင် တီးခတ်သီဆိုဖျော်ဖြေသူများသည် ဒီအတိုင်းဆိုချင်သလို ဆိုခွင့်မရှိ။ ပထမဆုံးအသံစစ်ဆေးပြီး ခွင့်ပြုချက်ယူရသေးသည်။

နယူးယောက်ဟူသော မြို့၏အမည်မှာ York မြို့စားကြီးကို ဂုဏ်ပြုသောအားဖြင့် မှည့်ခေါ်ထားခြင်းဖြစ်သည်။

လူမျိုးပေါင်းစုံနေထိုင်သော မြို့ဖြစ်သည်နှင့်အညီ ဘာသာစကားပေါင်း ရာနဲ့ချီ၍ ပြောဆိုကြသည်။ အင်္ဂလိပ်စကားသီးသန့် ပြောဆိုသူမှာ ၅၁% သာရှိပြီး ကျန်သူများမှာ အခြားဘာသာစကားများပြောဆိုကြသည်။ အင်္ဂလိပ်စကားအပြင် အပြောအများဆုံး ဘာသာစကားများမှာ စပိန် ၊ တရုတ် နှင့် ရုရှားဘာသာစကားများဖြစ်သည်။

၁၈၈၆ခုနှစ်တွင် ပြင်သစ်တို့က အမေရိကန်တို့အား နှစ် ၁၀၀ပြည့်လွတ်လပ်ရေးအထိမ်းအမှတ်လက်ဆောင်အဖြစ် လေဘာတီရုပ်တုကို ပေးအပ်ခဲ့သည်။ ရုပ်တုကို အစိတ်အပိုင်း အခု ၃၅၀ခွဲကာ သင်္ဘောများဖြင့် Ellis ကျွန်းသို့ ပို့ဆောင်ရာ အချိန် ၄လ ကြာမြင့်ခဲ့သည်။

စာအုပ်ပေါင်း ၅၅သန်းကျော်ရှိသည့် နယူးယောက်အများပြည်သူ စာကြည့်တိုက်သည် ကမ္ဘာပေါ်တွင် တတိယအကြီးဆုံးစာကြည့်တိုက်ဖြစ်သည်။ နှစ်စဉ်လူပေါင်း ၁.၈သန်းကျော်လာရောက်သော ထိုစာကြည့်တိုက်ကြီးတွင် ၀န်ထမ်းပေါင်း ၃၀၀၀ ခန့် ခန့်ထားရသည်။

ကမ္ဘာ့အကြီးဆုံးပန်းခြံကြီးတစ်ခုဖြစ်သည့် Central Park သည် နယူးယောက်မြို့လယ်ခေါင်တည့်တည့် မိုးမျှော်တိုက်များအကြားတွင် တည်ရှိသည်။

Times Square ၏ အရင်နာမည်မှာ New York Times ဖြစ်သည်။ မူလကမူ Longacre Square ဟုခေါ်ခဲ့သည်။

အာရှနိုင်ငံအချို့မှလွဲ၍ တရုတ်လူမျိုးအများဆုံးနေထိုင်ရာမြို့ဖြစ်ပြီး အစ္စရေးမှလွဲ၍ ဂျူးလူမျိုးအများဆုံးနေထိုင်ရာမြို့လည်းဖြစ်သည်။ ဂျူးလူမျိုးပေါင်း ၁သန်းကျော်သည် နယူးယောက်တွင် နေထိုင်ကြသည်။

နယူးယောက်မြို့တွင် အရေးပေါ်အခြေအနေများမှ လွဲ၍ ကားဟွန်းတီးခြင်းကို တားမြစ်ထားသည်။

နယူးယောက်မြို့ Federal Reserve ဘဏ်သည် ရွှေများကိုသိမ်းဆည်းသိုလှောင်ထားသည့် ကမ္ဘာ့အကြီးဆုံးဘဏ်ဖြစ်သည်။ ရွှေများကို သိုလှောင်ထားသည့် မီးခံသေတ္တာခန်းသည် မြေကြီးအောက် ပေ၈၀အနက်တွင် ရှိပြီး တန်ဖိုးမှာ ဒေါ်လာ ၂၅၀ ဘီလျံခန့်ရှိသည်။ ထိုဘဏ်ရှိရွှေချောင်းတစ်ချောင်း၏ တန်ဖိုးမှာ ယနေ့ငွေတန်ဖိုးနှင့်တွက်လျှင် ဒေါ်လာ ၆၄၀၀၀တန်သည် ဟုသိရသည်။

Myanmar Wikipedia
Softschool Facts

Leave a Reply