ကမ္ဘာ့ပထမဆုံး အရာများ

Posted on

ဒီတစ်ခါတော့ သုတဇုန်မိတ်ဆွေများအတွက် ကမ္ဘာ့ပထမဆုံး ဖြစ်လာခဲ့တဲ့ အရာဝထ္ထုလေးတွေရဲ့ အချက်တချို့ကို ဗဟုသုတအနေနဲ့ မျှဝေပေးချင်ပါတယ်။

ကမ္ဘာ့ ပထမဆုံး အီလက်ထရောနစ် ကွန်ပျူတာ

ကမ္ဘာ့ပထမဆုံးအီလက်ထရောနစ် ကွန်ပျူတာကတော့ Atanasoff–Berry ကွန်ပျူတာဖြစ်ပါတယ်။ အမေရိကန် Iowa တက္ကသိုလ်က ရူပဗေဒပါမောက္ခ John Vincent Atanasoff က တပည့်ဖြစ်သူ Clifford Berry ရဲ့အကူအညီနဲ့အတူ ၁၉၃၇ခုနှစ်မှာ စတင်တီထွင်ခဲ့တာဖြစ်ပါတယ်။

သူတို့နှစ်ဦးရဲ့နာမည်ကိုပေါင်းပြီး Atanasoff–Berry လို့ပေးခဲ့တာပါ။ ဒီကွန်ပျူတာကို Linear equations တွေကိုဖြေရှင်းဖို့ ဒီဇိုင်းထုတ်ခဲ့တာဖြစ်ပြီး ၁၉၄၂ခုနှစ်မှာ စမ်းသပ်စစ်ဆေးမှုအောင်မြင်ခဲ့ပါတယ်။

ကမ္ဘာ့ပထမဆုံး စက်ဘီး

ပထမဆုံးစက်ဘီးကိုတော့ ဂျာမနီ Baden မြို့စားရဲ့အမှုထမ်းတစ်ယောက်ဖြစ်တဲ့ Baron Karl von Drais က တီထွင်ခဲ့ပါတယ်။ ယနေ့ခေတ်စက်ဘီးတွေရဲ့အစပုံစံဖြစ်ပြီး အစိတ်အပိုင်းအားလုံးနီးပါးကို သစ်သားဖြင့် ပြုလုပ်ထားပါတယ်။

ဒီစက်ဘီးကို ဂျာမန်လို Laufmaschine ၊ အင်္ဂလိပ်လို Draisine နဲ့ ပြင်သစ်လို draisienne လို့ခေါ်ကြပြီး အဓိပ္ပါယ်ကတော့ ပြေးနေတဲ့စက်(running machine) ဖြစ်ပါတယ်။ Karl von Drais ဟာ သူ့ရဲ့ဒီဇိုင်းအတွက် ၁၈၁၈ခုနှစ်မှာမှ မူပိုင်ခွင့်ရခဲ့တာဖြစ်ပါတယ်။

ကမ္ဘာ့ပထမဆုံး မော်တော်ဆိုင်ကယ်

မော်တော်ဆိုင်ကယ်တွေဟာ စက်ဘီးတွေမှာ စက်တွေကို တပ်ဆင်တီထွင်ရာကနေ ဖြစ်လာခဲ့တာပါ။ ပထမဆုံးမော်တော်ဆိုင်ကယ်တွေကတော့ရေနွေးငွေ့ပါဝါသုံးမော်တော်ဆိုင်ကယ်တွေပါ။ Michaux-Perreaux steam velocipede လို့ခေါ်ပြီး ပြင်သစ်နိုင်ငံမှာ ၁၈၆၇ခုနှစ်က စတင်ထုတ်လုပ်ခဲ့ပါတယ်။

ပြင်သစ်ပန်းပဲဆရာ Pierre Michaux ရဲ့ စက်ဘီးကို ပြင်သစ်အင်ဂျင်နီယာ Louis-Guillaume Perreaux က ထပ်လောင်းတီထွင်ခဲ့တာပါ။ Single cylinder ရေနွေးငွေ့အင်ဂျင်သုံးထားတဲ့ ဒီဆိုင်ကယ်တွေရဲ့အမြန်နှုန်းကတော့ ၁နာရီကို ၉မိုင်ဖြစ်ပါတယ်။

ကမ္ဘာ့ပထမဆုံး တီဗီ

တီဗီတွေကို ၁၉ရာစုဝန်းကျင်တည်းက စတင်တီထွင်ခဲ့ကြတာဖြစ်ပြီး အဲဒီအချိန်တုန်းကတီဗီတွေက စက်ပိုင်းဆိုင်ရာတီဗီ(Mechanical television) တွေသာဖြစ်ပါတယ်။

ယနေ့ခေတ် တီဗီတွေရဲ့အစဖြစ်လာမယ့် အီလက်ထရောနစ် တီဗီစမ်းသပ်မှုကို ၁၉၂၇ခုနှစ် စက်တင်ဘာ ၇ရက်နေ့က ဆန်ဖရန်စစ္စကိုမှာ ပြုလုပ်ခဲ့ပြီး အောင်မြင်စွာသရုပ်ပြနိုင်ခဲ့ပါတယ်။ ဒီတီဗီကိုတီထွင်သူကတော့ အသက် ၂၁နှစ်သာရှိသေးတဲ့ Philo Taylor Farnsworth ဆိုသူက တီထွင်ခဲ့တာပါ။

ကမ္ဘာ့ပထမဆုံး တယ်လီဖုန်း

တယ်လီဖုန်းတီထွင်မှုတွေကို ၁၇ရာစုလောက်ကတည်းက စတင်ခဲ့တာဖြစ်ပြီး အင်္ဂလိပ်ပညာရှင် Robert Hooke က ၁၆၆၇ခုနှစ်မှာ acoustic ကြိုးတယ်လီဖုန်းတွေကို စတီထွင်ခဲ့ပါတယ်။ အီတလီလူမျိုးတီထွင်သူ Antonio Meucci ကလည်း ၁၈၄၉ခုနှစ်မှာ electromagnetic တယ်လီဖုန်းကို ထွင်ခဲ့ပါတယ်။

ဒါပေမယ့် ယနေ့ခေတ်တယ်လီဖုန်းတွေရဲ့ အစဖြစ်လာမယ့် ဖုန်းတီထွင်သူကိုတော့ Alexander Graham Bell လို့ အားလုံးသိကြပါတယ်။ ၁၈၇၆ခုနှစ် မတ်လ ၁၀ ရက်နေ့မှာ Bell ဟာ သူ့ရဲ့ Boston အလုပ်ခန်းထဲကနေ အခြားအခန်းမှာရှိနေတဲ့ သူ့ရဲ့လက်ထောက်ဖြစ်သူ Thomas A. Watson ထံ ပထမဆုံး ဖုန်းခေါ်ဆိုမှုကို ပြုလုပ်နိုင်ခဲ့ပါတယ်။

ပထမဆုံး ကမ္ဘာ့အလှမယ်

ကမ္ဘာ့အလှမယ်ပြိုင်ပွဲကို ၁၉၅၁ခုနှစ်မှာ ပထမဆုံးအနေနဲ့ အင်္ဂလန်နိုင်ငံ လန်ဒန်မြို့မှာကျင်းပခဲ့ပါတယ်။ ပြိုင်ပွဲဝင်ပေါင်း ၂၆ယောက်ပါဝင်ယှဉ်ပြိုင်တဲ့ ဒီပွဲမှာ အလှမယ်ဆုကို ရရှိခဲ့သူကတော့ ဆွီဒင်နိုင်ငံသူ Kiki Håkansson ပဲ ဖြစ်ပါတယ်။

ကမ္ဘာ့ပထမဆုံးမော်တော်ကား

ယနေ့ခေတ်မော်တော်ကားတွေရဲ့ အစဖြစ်တဲ့ ပထမဆုံးကားကတော့ ပြင်သစ်ပညာရှင် Nicolas-Joseph Cugnot က ၁၇၆၉ခုနှစ်မှာ တီထွင်ခဲ့တဲ့ ရေနွေးငွေ့အင်ဂျင်သုံးမော်တော်ကားဖြစ်ပါတယ်။

သုံးဘီးပါတဲ့ ဒီကားဟာ အလေးချိန် ၂တန်ခွဲခန့်လေးပါတယ်။ ရေနွေးငွေ့ဘွိုင်လာအိုး နဲ့ ထိန်းကျောင်းမောင်းနှင်ကိရိယာတပ်ဆင်ထားတဲ့ ဒီကားရဲ့အမြန်နှုန်းက ၁နာရီကို ၄.၈မိုင်ဖြစ်ပါတယ်။

ကမ္ဘာ့ပထမဆုံး ဓာတ်ပုံ

ကမ္ဘာ့အစောဆုံးဓာတ်ပုံကို ပြင်သစ်တီထွင်သူ Nicéphore Niépce က ပြင်သစ်နိုင်ငံအရှေ့ပိုင်း Saint-Loup-de-Varennes တွင်ရိုက်ကူးခဲ့သည်။ ထိုဓာတ်ပုံ၏ အမည်မှာ View from the Window at Le Gras ဖြစ်၍ ၁၉၂၆ နှင့် ၁၉၂၇ ခုနှစ်အတွင်း ရိုက်ကူးခဲ့သည်ဟု သိရသည်။ ဖလင်မပါတဲ့ စက် ကင်မရာအော့ဘ်စကူရာ (Camera obscura) ဖြင့်ရိုက်ကူးခဲ့ခြင်းဖြစ်သည်။

ကမ္ဘာ့ပထမဆုံး တရားဝင် ဘောလုံး(soccer)

၁၉၃၀ ခုနှစ် ကမ္ဘာ့ဖလားပြိုင်ပွဲ နောက်ဆုံးဗိုလ်လုပွဲတွင် အသုံးပြုခဲ့သော သားရေဘောလုံးဖြစ်သည်။ ဗိုလ်လုပွဲတွင် ဥရုဂွေး နှင့် အာဂျင်တီးနားအသင်းတို့ ဆုံတွေ့ခဲ့ပြီး ဘောလုံးနှစ်လုံးကို အသုံးပြုခဲ့သည်။ ဥရုဂွေးတို့ဘောလုံးကို အသုံးပြုရန် အာဂျင်တီးနားတို့က သဘောမတူသည့်အတွက် ညီတူညီမျှဖြစ်စေရန် ပထမပိုင်းကို အာဂျင်တီးနားဘောလုံး နှင့် ဒုတိယပိုင်းကို ဥရုဂွေးဘောလုံးကို အသုံးပြုခဲ့သည်။

ပထမပိုင်းတွင် အာဂျင်တီးနားတို့က ၂-၁ဖြင့် အနိုင်ရနေသော်လည်း ဒုတိယပိုင်း ဥရုဂွေးဘောလုံးကိုသုံးသည့်အခါ ဥရုဂွေးတို့က ၄-၂ဖြင့်ပြန်အနိုင်ရခဲ့သည်။ ပွဲအပြီးတွင် ဥရုဂွေးအသင်းသားတစ်ယောက်က ထိုဘောလုံးကို သိမ်းဆည်းထားခဲ့ခြင်းဖြစ်သည်။ ယခုအခါတွင်တော့ ထိုဘောလုံးသည် ကမ္ဘာ့ဖလား၏ သမိုင်းတစိတ်တပိုင်းဖြစ်နေခဲ့ပြီ ဖြစ်သည်။

ကမ္ဘာ့ပထမဆုံး ကွန်ပျူတာဗိုင်းရပ်စ်

ယနေ့ခေတ်တွင် ကွန်ပျူတာဗိုင်းရပ်စ်ပေါင်းများစွာ ထွက်ရှိနေပြီဖြစ်ပြီး ပထမဆုံးကွန်ပျူတာဗိုင်းရပ်စ်မှာမူ Brain ဟုခေါ်သောဗိုင်းရပ်စ်ဖြစ်သည်။ MS-DOC ကွန်ပျူတာများကို ဒုက္ခပေးသည့် ထိုဗိုင်းရပ်စ်ကို ပါကစ္စတန်ညီအစ်ကိုနှစ်ဦးဖြစ်သူ

Basit Farooq Alvi နှင့် Amjad Farooq Alvi တို့ကရေးသားခဲ့ပြီး ၁၉၈၆ခုနှစ်တွင် ပါကစ္စတန်ရှိ ကွန်ပျူတာအရောင်းဆိုင်တစ်ခုတွင် အသုံးပြုခဲ့သည်။ သူတို့ရေးသားသော ဆော့ဝဲများကို တရားမ၀င်ကော်ပီလုပ်ခြင်းအား တားမြစ်ရန်အတွက် ထိုဗိုင်းရပ်စ်အား ရေးသားခဲ့သည်ဟု သိရသည်။

သုတဇုန်

Leave a Reply