ေက်ာက္ေတာင္ကို ထြင္းထုဖန္တီးထားတဲ့ အံၾသစရာေနရာတစ္ခုအေၾကာင္း

Posted on

Ellora လုိဏ္ဂူစုဟာ အိႏၵိယနိုင္​ငံ၊ မဟာရသ်ွၾတရျပည္​နယ္​ ၊ ​ေအာရုန္​ဂဘတ္​ၿမိဳ႕ရဲ႕ အေနာက္ေျမာက္ဘက္ ၁၈မုိင္အကြာမွာ တည္ရွိပါတယ္​။

ေက်ာက္ေတာင္ကို ထြင္းထုထားတဲ့ အလြန္လက္ရာေျမာက္ေသာ ရႈပ္ေထြးေသာဘုရားေက်ာင္းမ်ား ရွိရာ ကမာၻ႔အေမြအႏွစ္ေနရာတစ္ခုအျဖစ္နာမည္ေက်ာ္ပါတယ္။ အျပင္ဘက္ အေဆာက္အဦးဒီဇုိင္းေတြသာမက အတြင္းဘက္က အံ့မခန္းတဲ့ဗိသုကာလက္ရာေတြနဲ႔ ကမာၻလွည့္ခရီးသြားေတြကို ဆြဲေဆာင္လွ်က္ရွိပါတယ္။

ဒီလုိဏ္ဂူစု တည္ရွိတဲ့ေနရာဟာ Sahyadri ဆုိတဲ့ေတာင္ပါ။ ဒီေတာင္ရဲ႕သက္တမ္းကေတာ့ ႏွစ္ေပါင္း ၆၅သန္း ရွိၿပီျဖစ္ပါတယ္။ Ellora လုိဏ္ဂူစုဟာ ဒီေက်ာက္ေတာင္ကုိ ထြင္းထုပုံေဖာ္ထားတာပဲျဖစ္ပါတယ္။

ဒီလုိဏ္ဂူအမ်ားစုကုိ ရပ္စၾတကုတ မင္းဆက္လက္ထက္ ေအဒီ ၆ရာစု နဲ႔ ၁၀ရာစုအၾကားမွာ ဖန္တီးခဲ့တာျဖစ္ၿပီး ပညာရွင္အခ်ဳိ႕ကေတာ့ ဘီစီ ၂၅၀ခန္႔ကတည္းက ဒီေနရာဖန္တီးေရးလုပ္ငန္းေတြ စတင္ေနၿပီလုိ႔ ဆုိပါတယ္။

ဒီေနရာဟာ ယေန႔သုေတသန ပညာရွင္ေတြကုိ ဦးေႏွာက္ေျခာက္ေစတဲ့ေနရာဆုိလည္း မမွားပါဘူး။ ဘာေၾကာင့္လဲဆုိေတာ့ ဒီလုိဏ္ဂူ အေဆာက္အဦးေတြအားလုံးကို ကြန္ကရစ္နဲ႔ေဆာက္လုပ္ထားျခင္းမဟုတ္ပဲ ေက်ာက္ေတာင္ႀကီးတစ္ခုလုံးကို လုိသလုိထြင္းထုဖ်က္ေဖာက္ ဒီဇုိင္းထုတ္ကာ တည္ေဆာက္ထားခဲ့လုိ႔ပါ။

ဘယ္လုိလူေတြ ဘယ္လုိပညာရွင္ေတြက ဒီမ်ားျပားၿပီး ဗိသုကာလက္ရာေျမာက္လွတဲ့ လုိဏ္ဂူအေဆာက္အဦးေတြကို ပုံေဖာ္ဖန္တီးခဲ့သလဲ ဆုိတာ အေျဖရွာလုိ႔မရေသးပါဘူး။

Ellora လုိဏ္ဂူစုမွာ ဂူေပါင္း ၃၄ ခုပါ၀င္ၿပီး ဗုဒၶဘာသာ ၊ ဟိႏၵဴ နဲ႔ ဂ်ိန္းဘာသာဆုိင္ရာ ဂူေတြျဖစ္ပါတယ္။ လုိဏ္ဂူ ၃၄ခုထဲက ၁၇ခုဟာ ဟိႏၵဴဘာသာဆုိင္ရာလုိဏ္ဂူေတြျဖစ္ၿပီး ၁၂လုိဏ္ဂူကေတာ့ ဗုဒၶဘာသာဆုိင္ရာလုိဏ္ဂူေတြ နဲ႔ က်န္ ၅ခုကေတာ့ ဂ်ိန္းဘာသာဆုိင္ရာလုိဏ္ဂူေတြျဖစ္ပါတယ္။ ဂ်ိန္းဘာသာဆုိင္ရာ လုိဏ္ဂူေတြကုိေတာ့ Yadava မင္းဆက္လက္ထက္မွာမွ ဖန္တီးခဲ့တယ္လုိ႔ သိရပါတယ္။

Kailasa ဘုရားေက်ာင္း

Kailasa ဘုရားေက်ာင္းဟာ ဧရာမေက်ာက္တုံးႀကီးတစ္တုံးကို ျဖတ္ေတာက္ထြင္းထုထားတဲ့ ကမာၻေပၚမွာအႀကီးဆုံး ဟိႏၵဴဘုရားေက်ာင္းတစ္ခုျဖစ္ပါတယ္။ Ellora လုိဏ္ဂူစုမွာ အႀကီးဆုံးဘုရားေက်ာင္းလည္း ျဖစ္ၿပီး လုိဏ္ဂူနံပါတ္ကေတာ့ ၁၆ ျဖစ္ပါတယ္။

ႏွစ္ထပ္အေဆာက္အဦးျဖစ္ၿပီး ဟိႏၵဴနတ္ဘုရား ရွီဗာ ကုိ ကုိးကြယ္ဖုိ႔ေဆာက္လုပ္ထားတာလုိ႔ ဆုိပါတယ္။ အျပင္ဘက္ေရာ အတြင္းဘက္မွာပါ လက္ရာေျမာက္လြန္းတဲ့ ဟိႏၵဴဘာသာဆုိင္ရာ ဗိသုကလက္ရာေတြကို ေတြ႔ရမွာျဖစ္ပါတယ္။

ဗုဒၶဘာသာဆုိင္ရာ လုိဏ္ဂူမ်ား

လုိဏ္ဂူနံပါတ္ ၁ ကေန ၁၂ အထိဟာ ဗုဒၶဘာသာဆုိင္ရာ လုိဏ္ဂူေတြျဖစ္ပါတယ္။ ဒီအထဲက အေစာဆုံးလုိဏ္ဂူကေတာ့ လုိဏ္ဂူနံပါတ္ ၆ ျဖစ္ပါတယ္။ လုိဏ္ဂူ ၁၂ခုမွာ ၁၁ခုက ဗုဒၶဘာသာဘုန္းႀကီးေက်ာင္းေတြျဖစ္ပါတယ္။

လုိဏ္ဂူအသီးသီးမွာ နံရံဗိသုကာလက္ရာေတြအျပင္ ခန္းမေဆာင္မ်ား ၊ အိပ္ခန္းမ်ား ၊ မီးဖုိးခန္းမ်ားပါ၀င္ပါတယ္။ လက္ရာေျမာက္လွတဲ့ ရုပ္ပြားေတာ္ေတြ နဲ႔ မဟာယနဆုိင္ရာရုပ္တုေတြကိုလည္း ဒီလုိဏ္ဂူေတြမွာ ေတြ႔ရမွာျဖစ္ပါတယ္။

ဟိႏၵဴဘာသာဆုိင္ရာ လုိဏ္ဂူမ်ား

လုိဏ္ဂူအမွတ္ ၁၃ကေန ၂၉အထိဟာ ဟိႏၵဴဘာသာဆုိင္ရာ လုိဏ္ဂူေတြျဖစ္ပါတယ္။ ဒီအထဲမွာ အေစာဆုံးဖန္တီးခဲ့တဲ့လုိဏ္ဂူကေတာ့ နံပါတ္ ၂၈လုိဏ္ဂူျဖစ္ပါတယ္။ ဟိႏၵဴလုိဏ္ဂူေတြထဲမွာ လူသိမ်ားတဲ့လုိဏ္ဂူကေတာ့ ဟိႏၵဴနတ္ဘုရားရွီဗာကို ရည္စူးတည္ေဆာက္ထားတဲ့ Dhumar Lena ဘုရားေက်ာင္း(အမွတ္၂၉ လုိဏ္ဂူျဖစ္ပါတယ္)။

ဒီဘုရားေက်ာင္းဟာ ေပ ၂၀၀ ၀န္းက်င္အက်ယ္ရွိၿပီး အျမင့္ ၁၈ေပခန္႔ရွိပါတယ္။ ႀကီးမားတဲ့ျခေသ့ၤရုပ္ႀကီး ၂ရုပ္ နဲ႔ ဆင္ရုပ္ငယ္ေပါင္းမ်ားစြာ ရွိေနၿပီး တုိင္လုံးႀကီးေပါင္း ၂၆တုိင္ကို ေအာက္ခံအျဖစ္ ထားရွိပါတယ္။

Dhumar Lena

ဂ်ိန္းဘာသာဆုိင္ရာ လုိဏ္ဂူမ်ား

Ellora လုိဏ္ဂူစုရဲ႕ ေျမာက္ဘက္အဆုံးမွာတည္ရွိေနတဲ့ လိုဏ္ဂူနံပါတ္ ၃၀ ကေန ၃၄အထိဟာ ဂ်ိန္းဘာသာဆုိင္ရာလုိဏ္ဂူေတြျဖစ္ပါတယ္။ ေနာက္အက်ဆုံးတည္ေဆာက္ခဲ့တဲ့ လုိဏ္ဂူေတြျဖစ္ၿပီး ေအဒီ ၉ရာစုနဲ႔ ၁၀ရာစုၾကားမွာ ေဆာက္ခဲ့တဲ့ လုိဏ္ဂူေတြျဖစ္ပါတယ္။ ဒီလုိဏ္ဂူေတြဟာ ဗုဒၶလုိဏ္ဂူ နဲ႔ ဟိႏၵဴလုိဏ္ဂူ အေဆာက္အဦးေတြထက္ ေသးငယ္ေပမယ့္ ပုိၿပီးလက္ရာေျမာက္စြာ ထြင္းထုထားတယ္လုိ႔ သိရပါတယ္။

ဂ်ိန္းလုိဏ္ဂူေတြမွာ လက္ရာအေျမာက္ဆုံးကေတာ့ နံပါတ္ ၃၂ ၊ Indra Sabha လုိဏ္ဂူျဖစ္ပါတယ္။ Kalisha ဘုရားေက်ာင္းနဲ႔ ၾကမ္းျပင္ျခင္းဆင္တူေပမယ့္ အတက္အဆင္း ေလွကားဖန္တီးမႈမွာေတာ့ ဒီလုိဏ္ဂူက လက္ရာပိုေျမာက္ပါတယ္။ လုိဏ္ဂူထဲမွာေတာ့ ဂ်ိန္းဘာသာဆုိင္ရာ အႀကီးအကဲေတြျဖစ္တဲ့ Parasnath နဲ႔ Gomateshvara ရုပ္ပုံေတြကုိေတြ႔ရမွာျဖစ္ၿပီး အတြင္းဘက္ဆုံးမွာေတာ့ ဂ်ိန္းဘာသာတည္ေထာင္သူ မဟာ၀ီရ ရဲ႕ရုပ္တုရွိေနပါတယ္။

လုိဏ္ဂူတည္ေဆာက္သူေတြဟာ လုိဏ္ဂူေတြအထဲကုိ ေနရဲ႕အလင္းေရာင္ေရာက္ရွိေစဖုိ႔ multi-mirror နည္းပညာကုိ အသုံးျပဳတည္ေဆာက္ထားခဲ့ေပမယ့္ တခ်ဳိ႕ေနရာေတြကို အလင္းေရာင္က ေရာက္ရွိျခင္းမရွိပါဘူး။ ထူးျခားတာတစ္ခုကေတာ့ အလည္းေရာင္အနည္းငယ္ (သုိ႔) ဘာအလင္းေရာင္မွ မရတဲ့ေနရာမ်ဳိးမွာ လက္ရာေျမာက္တဲ့ ဒီဇုိင္းဗိသုကာေတြကုိ ဘယ္လုိဖန္တီးခဲ့သလဲဆုိတာပါ။

Ellora လုိဏ္ဂူစု ဟာ သူနဲ႔ဆင္တူျဖစ္တဲ့ အာဂ်န္တာလုိဏ္ဂူစု နဲ႔အတူ ကမာၻ႔အေမြအႏွစ္ေနရာတစ္ခုအျဖစ္ ၁၉၈၃ခုႏွစ္မွာ သတ္မွတ္ခံခဲ့ရပါတယ္။ ဒီလုိဏ္ဂူေတြကုိ အဂၤါေန႔ကလြဲရင္ ေနထြက္ ေန၀င္ အခ်ိန္အထိ လာေရာက္ေလ့လာၾကည့္ရႈ႕လုိသူမ်ားအတြက္ ဖြင့္ေပးထားတယ္လုိ႔ သိရပါတယ္။ အံၾသစရာဗိသုကာမ်ားနဲ႔ Ellora လုိဏ္ဂူမ်ားအေၾကာင္းကို သုတဇုန္ မိတ္ေဆြမ်ားအတြက္ ဗဟုသုတ အေနနဲ႔မွ်ေ၀လုိက္ျခင္းျဖစ္ပါတယ္။

ကဲ..အျပင္မွာ မသြားႏုိင္ေသးရင္ ဒီဗီဒီယုိေလးကေန အရင္သြားလည္ၾကည့္ၾကရေအာင္ဗ်ာ 🙂


ကျောက်တောင်ကို ထွင်းထုဖန်တီးထားတဲ့ အံဩစရာနေရာတစ်ခုအကြောင်း (unicode)

Ellora လိုဏ်ဂူစုဟာ အိန္ဒိယနိုင်​ငံ၊ မဟာရသျှတြရပြည်​နယ်​ ၊ ​အောရုန်​ဂဘတ်​မြို့ရဲ့ အနောက်မြောက်ဘက် ၁၈မိုင်အကွာမှာ တည်ရှိပါတယ်​။ ကျောက်တောင်ကို ထွင်းထုထားတဲ့ အလွန်လက်ရာမြောက်သော ရှုပ်ထွေးသောဘုရားကျောင်းများ ရှိရာ ကမ္ဘာ့အမွေအနှစ်နေရာတစ်ခုအဖြစ်နာမည်ကျော်ပါတယ်။ အပြင်ဘက် အဆောက်အဦးဒီဇိုင်းတွေသာမက အတွင်းဘက်က အံ့မခန်းတဲ့ဗိသုကာလက်ရာတွေနဲ့ ကမ္ဘာလှည့်ခရီးသွားတွေကို ဆွဲဆောင်လျှက်ရှိပါတယ်။

ဒီလိုဏ်ဂူစု တည်ရှိတဲ့နေရာဟာ Sahyadri ဆိုတဲ့တောင်ပါ။ ဒီတောင်ရဲ့သက်တမ်းကတော့ နှစ်ပေါင်း ၆၅သန်း ရှိပြီဖြစ်ပါတယ်။ Ellora လိုဏ်ဂူစုဟာ ဒီကျောက်တောင်ကို ထွင်းထုပုံဖော်ထားတာပဲဖြစ်ပါတယ်။ ဒီလိုဏ်ဂူအများစုကို ရပ်စတြကုတ မင်းဆက်လက်ထက် အေဒီ ၆ရာစု နဲ့ ၁ဝရာစုအကြားမှာ ဖန်တီးခဲ့တာဖြစ်ပြီး ပညာရှင်အချို့ကတော့ ဘီစီ ၂၅ဝခန့်ကတည်းက ဒီနေရာဖန်တီးရေးလုပ်ငန်းတွေ စတင်နေပြီလို့ ဆိုပါတယ်။

ဒီနေရာဟာ ယနေ့သုတေသန ပညာရှင်တွေကို ဦးနှောက်ခြောက်စေတဲ့နေရာဆိုလည်း မမှားပါဘူး။ ဘာကြောင့်လဲဆိုတော့ ဒီလိုဏ်ဂူ အဆောက်အဦးတွေအားလုံးကို ကွန်ကရစ်နဲ့ဆောက်လုပ်ထားခြင်းမဟုတ်ပဲ ကျောက်တောင်ကြီးတစ်ခုလုံးကို လိုသလိုထွင်းထုဖျက်ဖောက် ဒီဇိုင်းထုတ်ကာ တည်ဆောက်ထားခဲ့လို့ပါ။ ဘယ်လိုလူတွေ ဘယ်လိုပညာရှင်တွေက ဒီများပြားပြီး ဗိသုကာလက်ရာမြောက်လှတဲ့ လိုဏ်ဂူအဆောက်အဦးတွေကို ပုံဖော်ဖန်တီးခဲ့သလဲ ဆိုတာ အဖြေရှာလို့မရသေးပါဘူး။

Ellora လိုဏ်ဂူစုမှာ ဂူပေါင်း ၃၄ ခုပါဝင်ပြီး ဗုဒ္ဓဘာသာ ၊ ဟိန္ဒူ နဲ့ ဂျိန်းဘာသာဆိုင်ရာ ဂူတွေဖြစ်ပါတယ်။ လိုဏ်ဂူ ၃၄ခုထဲက ၁၇ခုဟာ ဟိန္ဒူဘာသာဆိုင်ရာလိုဏ်ဂူတွေဖြစ်ပြီး ၁၂လိုဏ်ဂူကတော့ ဗုဒ္ဓဘာသာဆိုင်ရာလိုဏ်ဂူတွေ နဲ့ ကျန် ၅ခုကတော့ ဂျိန်းဘာသာဆိုင်ရာလိုဏ်ဂူတွေဖြစ်ပါတယ်။ ဂျိန်းဘာသာဆိုင်ရာ လိုဏ်ဂူတွေကိုတော့ Yadava မင်းဆက်လက်ထက်မှာမှ ဖန်တီးခဲ့တယ်လို့ သိရပါတယ်။

Kailasa ဘုရားကျောင်း

Kailasa ဘုရားကျောင်းဟာ ဧရာမကျောက်တုံးကြီးတစ်တုံးကို ဖြတ်တောက်ထွင်းထုထားတဲ့ ကမ္ဘာပေါ်မှာအကြီးဆုံး ဟိန္ဒူဘုရားကျောင်းတစ်ခုဖြစ်ပါတယ်။ Ellora လိုဏ်ဂူစုမှာ အကြီးဆုံးဘုရားကျောင်းလည်း ဖြစ်ပြီး လိုဏ်ဂူနံပါတ်ကတော့ ၁၆ ဖြစ်ပါတယ်။ နှစ်ထပ်အဆောက်အဦးဖြစ်ပြီး ဟိန္ဒူနတ်ဘုရား ရှီဗာ ကို ကိုးကွယ်ဖို့ဆောက်လုပ်ထားတာလို့ ဆိုပါတယ်။ အပြင်ဘက်ရော အတွင်းဘက်မှာပါ လက်ရာမြောက်လွန်းတဲ့ ဟိန္ဒူဘာသာဆိုင်ရာ ဗိသုကလက်ရာတွေကို တွေ့ရမှာဖြစ်ပါတယ်။

ဗုဒ္ဓဘာသာဆိုင်ရာ လိုဏ်ဂူများ

လိုဏ်ဂူနံပါတ် ၁ ကနေ ၁၂ အထိဟာ ဗုဒ္ဓဘာသာဆိုင်ရာ လိုဏ်ဂူတွေဖြစ်ပါတယ်။ ဒီအထဲက အစောဆုံးလိုဏ်ဂူကတော့ လိုဏ်ဂူနံပါတ် ၆ ဖြစ်ပါတယ်။ လိုဏ်ဂူ ၁၂ခုမှာ ၁၁ခုက ဗုဒ္ဓဘာသာဘုန်းကြီးကျောင်းတွေဖြစ်ပါတယ်။ လိုဏ်ဂူအသီးသီးမှာ နံရံဗိသုကာလက်ရာတွေအပြင် ခန်းမဆောင်များ ၊ အိပ်ခန်းများ ၊ မီးဖိုးခန်းများပါဝင်ပါတယ်။ လက်ရာမြောက်လှတဲ့ ရုပ်ပွားတော်တွေ နဲ့ မဟာယနဆိုင်ရာရုပ်တုတွေကိုလည်း ဒီလိုဏ်ဂူတွေမှာ တွေ့ရမှာဖြစ်ပါတယ်။

ဟိန္ဒူဘာသာဆိုင်ရာ လိုဏ်ဂူများ

လိုဏ်ဂူအမှတ် ၁၃ကနေ ၂၉အထိဟာ ဟိန္ဒူဘာသာဆိုင်ရာ လိုဏ်ဂူတွေဖြစ်ပါတယ်။ ဒီအထဲမှာ အစောဆုံးဖန်တီးခဲ့တဲ့လိုဏ်ဂူကတော့ နံပါတ် ၂၈လိုဏ်ဂူဖြစ်ပါတယ်။ ဟိန္ဒူလိုဏ်ဂူတွေထဲမှာ လူသိများတဲ့လိုဏ်ဂူကတော့ ဟိန္ဒူနတ်ဘုရားရှီဗာကို ရည်စူးတည်ဆောက်ထားတဲ့ Dhumar Lena ဘုရားကျောင်း(အမှတ်၂၉ လိုဏ်ဂူဖြစ်ပါတယ်)။ ဒီဘုရားကျောင်းဟာ ပေ ၂၀၀ ဝန်းကျင်အကျယ်ရှိပြီး အမြင့် ၁၈ပေခန့်ရှိပါတယ်။ ကြီးမားတဲ့ခြသေ့ၤရုပ်ကြီး ၂ရုပ် နဲ့ ဆင်ရုပ်ငယ်ပေါင်းများစွာ ရှိနေပြီး တိုင်လုံးကြီးပေါင်း ၂၆တိုင်ကို အောက်ခံအဖြစ် ထားရှိပါတယ်။

ဂျိန်းဘာသာဆိုင်ရာ လိုဏ်ဂူများ

Ellora လိုဏ်ဂူစုရဲ့ မြောက်ဘက်အဆုံးမှာတည်ရှိနေတဲ့ လိုဏ်ဂူနံပါတ် ၃၀ ကနေ ၃၄အထိဟာ ဂျိန်းဘာသာဆိုင်ရာလိုဏ်ဂူတွေဖြစ်ပါတယ်။ နောက်အကျဆုံးတည်ဆောက်ခဲ့တဲ့ လိုဏ်ဂူတွေဖြစ်ပြီး အေဒီ ၉ရာစုနဲ့ ၁ဝရာစုကြားမှာ ဆောက်ခဲ့တဲ့ လိုဏ်ဂူတွေဖြစ်ပါတယ်။ ဒီလိုဏ်ဂူတွေဟာ ဗုဒ္ဓလိုဏ်ဂူ နဲ့ ဟိန္ဒူလိုဏ်ဂူ အဆောက်အဦးတွေထက် သေးငယ်ပေမယ့် ပိုပြီးလက်ရာမြောက်စွာ ထွင်းထုထားတယ်လို့ သိရပါတယ်။ ဂျိန်းလိုဏ်ဂူတွေမှာ လက်ရာအမြောက်ဆုံးကတော့ နံပါတ် ၃၂ ၊ Indra Sabha လိုဏ်ဂူဖြစ်ပါတယ်။ Kalisha ဘုရားကျောင်းနဲ့ ကြမ်းပြင်ခြင်းဆင်တူပေမယ့် အတက်အဆင်း လှေကားဖန်တီးမှုမှာတော့ ဒီလိုဏ်ဂူက လက်ရာပိုမြောက်ပါတယ်။ လိုဏ်ဂူထဲမှာတော့ ဂျိန်းဘာသာဆိုင်ရာ အကြီးအကဲတွေဖြစ်တဲ့ Parasnath နဲ့ Gomateshvara ရုပ်ပုံတွေကိုတွေ့ရမှာဖြစ်ပြီး အတွင်းဘက်ဆုံးမှာတော့ ဂျိန်းဘာသာတည်ထောင်သူ မဟာဝီရ ရဲ့ရုပ်တုရှိနေပါတယ်။

လိုဏ်ဂူတည်ဆောက်သူတွေဟာ လိုဏ်ဂူတွေအထဲကို နေရဲ့အလင်းရောင်ရောက်ရှိစေဖို့ multi-mirror နည်းပညာကို အသုံးပြုတည်ဆောက်ထားခဲ့ပေမယ့် တချို့နေရာတွေကို အလင်းရောင်က ရောက်ရှိခြင်းမရှိပါဘူး။ ထူးခြားတာတစ်ခုကတော့ အလည်းရောင်အနည်းငယ် (သို့) ဘာအလင်းရောင်မှ မရတဲ့နေရာမျိုးမှာ လက်ရာမြောက်တဲ့ ဒီဇိုင်းဗိသုကာတွေကို ဘယ်လိုဖန်တီးခဲ့သလဲဆိုတာပါ။

Ellora လိုဏ်ဂူစု ဟာ သူနဲ့ဆင်တူဖြစ်တဲ့ အာဂျန်တာလိုဏ်ဂူစု နဲ့အတူ ကမ္ဘာ့အမွေအနှစ်နေရာတစ်ခုအဖြစ် ၁၉၈၃ခုနှစ်မှာ သတ်မှတ်ခံခဲ့ရပါတယ်။ ဒီလိုဏ်ဂူတွေကို အင်္ဂါနေ့ကလွဲရင် နေထွက် နေဝင် အချိန်အထိ လာရောက်လေ့လာကြည့်ရှု့လိုသူများအတွက် ဖွင့်ပေးထားတယ်လို့ သိရပါတယ်။ အံဩစရာဗိသုကာများနဲ့ Ellora လိုဏ်ဂူများအကြောင်းကို သုတဇုန် မိတ်ဆွေများအတွက် ဗဟုသုတ အနေနဲ့မျှဝေလိုက်ပါတယ်။

Leave a Reply