အဖြေမရှာနိုင်တဲ့ ဧရာမအိုးတွေရဲ့ လွင်ပြင်

Posted on

ဒီအိုးလွင်ပြင်လို့ခေါ်တဲ့နေရာဟာ လာအိုနိုင်ငံရဲ့ အထင်ကရနေရာတစ်ခုဖြစ်ပါတယ်။ လာအိုနိုင်ငံအရှေ့မြောက်ပိုင်းက Xieng Khouang ပြည်နယ်ကုန်းမြင့် တစ်ခုပေါ်မှာတည်ရှိပြီး ဒီနေရာတစ်လျှောက်မှာ ကြီးမားတဲ့ကျောက်သားအိုးကြီးပေါင်း သုံးထောင်ကျော်ကို ပြန့်ကျဲလျှက် တွေ့ရမှာဖြစ်ပါတယ်။

အိုးကြီးတွေရဲ့အမြင့်ဟာ ၃ပေကနေ ၁၀ပေ အထိ အရွယ်အစားအမျိုးမျိုးရှိပါတယ်။ အိုးတွေရဲ့ပုံစံကတော့ ဆလင်ဒါပုံစံဖြစ်ပြီး အိုးအောက်ခြေဟာ အိုးနှုတ်ခမ်းဝထက် ပိုိကြီးပါတယ်။ တချို့အိုးတွေမှာတော့ အိုးအဖုံးပါရှိပါတယ်။ ပျမ်းမျှအားဖြင့် အိုးတစ်လုံးရဲ့အလေးချိန်ဟာ ကား၃စီးစုပေါင်း အလေးချိန်နဲ့ ညီမျှပါတယ်။ ကျောက်တုံးအားလုံးနီးပါးဟာ သဲကျောက်အမျိုးအစားကို ထွင်းထုထားတာဖြစ်ပါတယ်။

အိုးတွေ အစုလိုက် အစိုလိုက် ရှိတဲ့အကွက်ပေါင်း ၉၀ခန့်ရှိပြီး ဒီအထဲက အကြီးဆုံး နေရာကတော့ Thong Hai Hin လို့ခေါ်တဲ့နေရာဖြစ်ပြီး ဒီနေရာမှာ အိုးပေါင်း ၃၀၀ကျော် ကို အစုလိုက်မြင်ရမှာဖြစ်ပါတယ်။

အိုးအများစုဟာ ဗလာဖြစ်နေပေမယ့် အချို့အိုးတွေမှာတော့ လူမျိုးနွယ်စုတစ်ခုကို ကိုယ်စားပြုတဲ့ ကြေးခေတ်တူရိယာတွေ နဲ့ ကြွေထည်မြေထည်ပစ္စည်းတွေကို တွေ့ခဲ့ရပါတယ်။ တချို့အိုးတွေကတော့ ပျက်စီးနေတာကိုတွေ့ရမှာဖြစ်ပြီး ဒီလိုပျက်စီးခြင်းရဲ့အကြောင်းကတော့ ဗီယက်နမ်စစ်ပွဲအတွင်းမှာ အမေရိကန်တွေကြဲချခဲ့တဲ့ ဗုံးတွေကြောင့်ဖြစ်ပါတယ်။

ဒီအိုးကြီးတွေရဲ့ သက်တမ်းဟာ နှစ်ပေါင်း ၂၅၀၀ခန့် (သံခတ်) သက်တမ်းရှိပြီလို့ ပညာရှင်တွေက ဆိုကြပါတယ်။ ဒီအိုးကြီးတွေ ဟာ ဒီနေရာမှာ ဘာကြောင့် ဘယ်လိုတည်ရှိနေရတယ်ဆိုတာကိုတော့ ဘယ်သုတေသနပညာရှင်မှ မရှာဖွေနိုင်သေးပါဘူး။ အများဆုံးခန့်မှန်းကြတဲ့အဖြေကတော့ ဒီအိုးကြီးတွေကို လူတွေသေတဲ့အခါ ထည့်သွင်းမြုပ်နှံစရာ အဖြစ်အသုံးပြုခဲ့တယ်ဆိုတာပါပဲ။ ဒါပေမယ့် ဒါဟာ အနီးအနားမှာတွေ့တဲ့ လူအရိုးတွေကိုကြည့်ပြီး ခန့်မှန်းရုံသာဖြစ်ပါတယ်။

အဲဒီဒေသက နယ်ခံလူတွေရဲ့ ဒဏ္ဍာရီ ပုံပြင်တွေထဲမှာတော့ ဒီအိုးကြီးတွေဟာ သူတို့ရွာတွေကို အန္တရာယ်အပေါင်းက ကာကွယ်ပေးတဲ့ ဘီလူးကြီးတစ်ကောင်ကို ထမင်း အရက်တွေ ထည့်ဆက်တဲ့အိုးဖြစ်တယ်လို့ ဆိုပါတယ်။

နောက်ဒဏ္ဍာရီတစ်ခုမှာတော့ ပူပြင်းပြီးခြောက်သွေ့တဲ့ နွေရာသီလိုအခါမျိုးမှာ အသုံးပြုဖို့ ဒီအိုးကြီးတွေကို ရေလှောင်စရာတွေ အဖြစ်အသုံးပြုခဲ့တယ်လို့ ဆိုပြန်ပါတယ်။ နယ်ခံအများစုကတော့ ဒီအိုးတွေဟာ အရိုးအိုးကို ကိုးကွယ်တဲ့ ဓလေ့ အရ ကွယ်လွန်သွားကြတဲ့ ဘိုးဘွားမိဘ တို့ရဲ့ အရိုးအိုး တို့ကို ကိုးကွယ်ရာပစ္စည်းအဖြစ် ထည့်သွင်း ကိုးကွယ်ကြသော ကိုယ်စား ရုပ်ထုများသာဖြစ်တယ်လို့ ယုံကြည်ကြပါတယ်။

ဒါပေမယ့် တိကျတဲ့ မှတ်တမ်းမှတ်ရာ သက်သေပြစရာ အထောက်အထားတွေ မရှိတာကြောင့် ဒီအိုးလွင်ပြင်ဟာ လာအိုနိုင်ငံရဲ့ အဖြေရှာမရတဲ့ ထူးဆန်းတဲ့ စိတ်ဝင်စားဖွယ် နေရာတစ်ခု အဖြစ် ကျန်ရှိနေဆဲဖြစ်ပြီး နှစ်စဉ် ကမ္ဘာလှည့်ခရီးသွားပေါင်းများစွာ လာရောက်လည်ပတ်လေ့ရှိတဲ့ နေရာတစ်ခုလည်းဖြစ်ပါတယ်။

VIDEO

သုတဇုန်

Leave a Reply