ေအာင္ျမင္တဲ့ စီးပြားေရးသမားျဖစ္ဖို႔ မရွိမျဖစ္လိုအပ္တဲ့ အရည္အေသြး ၁၀ ခု

Posted on

ေရးသားသူ – ဥကၠာဦး

သင္ဟာ လုပ္ငန္းရွင္ေပါက္စျဖစ္ေစ၊ လုပ္ငန္းၾကီးတခုကို ဦးေဆာင္ေနသူျဖစ္ေစ သင့္အေနနဲ႔ ကိုယ့္အဖြဲ႔အစည္းကို ဘယ္လိုဦးေဆာင္ရမယ္ဆိုတာေတာ့ သိဖို႔လိုပါတယ္။ သူေဌးၾကီးတေယာက္ျဖစ္မွာလား၊ ဒါမွမဟုတ္ သူေဌးတေယာက္စီကို အစီရင္ခံစာတင္ရတဲ့သူ ျဖစ္မလားဆိုတာကို ေအာက္ပါ အရည္အေသြး ၁၀ခုနဲ႔ တိုက္စစ္လိုက္ရေအာင္ …

၁ – ဇြဲလံုံ႔လရွိမႈ

၁၈၉၀ ခုႏွစ္မွာ ဟင္နရီဖို႔ဒ္က စက္ဘီးရဲ႕ ဘီး ၄ ဘီးေပၚမွာ ကိုယ္ထည္တခုတပ္ဆင္ထားျပီး အီသေနာအင္ဂ်င္နဲ႔ ေမာင္းႏွင္နိုင္တဲ့ ဖို႔ဒ္ကြာဒရာဆိုင္ကယ္ဆိုတဲ့ ယာဥ္တခုကို စတင္တီထြင္ခဲ့တယ္။ မေအာင္ျမင္ခဲ့ပါဘူး။ ေနာက္ ၄ ႏွစ္ၾကာတဲ့အခါမွာေတာ့ သူဟာ ဖို႔ဒ္ေမာ္ေတာ္ကားကုမၺဏီကို တည္ေထာင္ျပီး Model T ကားအမ်ဳိးအစားကို စတင္ထုတ္လုပ္နိုင္ခဲ့ပါတယ္။

အဲဒီအခ်ိန္က သူဟာ ကမၻာ့အခ်မ္းသာဆံုးစာရင္း၀င္ ျဖစ္ခဲ့တယ္။ သင့္အေနနဲ႔ ၾကိဳးစားပမ္းစားလုပ္တဲ့ကိစၥတခု သဲထဲေရသြန္ျဖစ္ခဲ့ဖူးသလား။

၂-ေ၀ဖန္ရႈတ္ခ်မႈေတြကို လ်စ္လ်ဳရႈနိုင္ေလာက္တဲ့ အေရထူမႈ

ကန္းဆက္စီးတီးစတားက အယ္ဒီတာတဦးက ေ၀ါ့ဒစၥနီကို စိတ္ကူးသစ္၊ အေတြးသစ္မရွိဘူးလို႔ ေျပာဖူးတယ္။ ဒါေပမယ့္ သူဟာ အဲဒီ စကားလံုးေတြကို နား၀င္မခံခဲ့ဘူး။ ဒီလိုနဲ႔ သူဟာ မီကီေမာက္စ္လို ဇာတ္ရုပ္ေတြကို တီထြင္ခဲ့တဲ့အျပင္ အကယ္ဒမီဆု ၂၂ ဆုရခဲ့ျပီး ကာတြန္းရုပ္ရွင္ေလာကရဲ႕ အေအာင္ျမင္ဆံုးေသာ ဒါရိုတ္တာျဖစ္ခဲ့တယ္။

ဒီေန႔အခ်ိန္မွာေတာ့ ေ၀ါ့ဒစၥနီလို႔ေျပာလိုက္ရင္ ဘာဆိုတာ တကမၻာလံုးက မသိသူမရွိသေလာက္ျဖစ္ျပီး စိတ္ကူးသစ္၊ အေတြးသစ္၊ ဆန္းသစ္မႈရဲ႕ ျပယုဂ္တခုလို ျဖစ္ေနပါျပီ။

၃-အစြမ္းအစရွိသူကို ျမင္နိုင္စြမ္း

ကိုယ့္လုပ္ငန္းကို သူမ်ားေတြနဲ႔မတူေအာင္ လုပ္ခ်င္ရင္ ကိုယ့္အနီးအပါးမွာ စိတ္ကူးစိတ္သန္းေကာင္းျပီး၊ အစြမ္းအစရွိသူေတြနဲ႔ ၀န္းရံထားနိုင္ဖို႔ လိုပါတယ္။ နာမည္ေက်ာ္ Apple ကုမၺဏီရဲ႕ CEO ျဖစ္သူ Steve jobs ဟာ အခါမလပ္ ၀န္ထမ္းေကာင္းရွာတတ္တယ္ ဆိုပါတယ္။

သူဟာ တကၠသိုလ္ေတြက ဖိတ္ေခၚလို႕ ေဟာေျပာပြဲေတြကို သြားတဲ့အခါမွာေတာင္ ဘယ္သူဟာ သူ႕အတြက္ ၀န္ထမ္းေကာင္းျဖစ္လာနိုင္မလဲလို႔ စနည္းနာေလ့ရွိပါတယ္။ သူ႕တသက္မွာ အလုပ္ေလွ်ာက္သူ ၅၀၀၀ ေလာက္ကို ကိုယ္တိုင္အင္တာဗ်ဳးလုပ္ခဲ့ျပီး သူ႔အဖြဲ႔ထဲပါတဲ့သူမွန္သမွ် ကိုယ္တိုင္ကိုယ္က် ေရြးခ်ယ္ခဲ့သူျဖစ္တယ္။

၄-အလုပ္နဲ႔ပါတ္သက္လို႔ မတင္းတိမ္တတ္တဲ့စိတ္

Google၊ Yahoo၊ Facebook တို႔အားလံုးမွာ ဘံုတူညီတာ ဘာရွိသလဲ။ သူတို႔ ၃ ခုစလံုးဟာ တကၠသိုလ္ေက်ာင္းေဆာင္ေလးထဲကေန အစျပဳခဲ့တာျဖစ္တယ္။ အမ်ားက ေလးစားေလာက္တဲ့ စီးပြားေရးလုပ္ငန္းရွင္ၾကီးမ်ားဟာ အလုပ္နဲ႔ပါတ္သက္ရင္ ေက်နပ္တင္းတိမ္နိုင္စြမ္း နည္းပါးသူမ်ားျဖစ္ၾကျပီး လုပ္ငန္းတိုးတက္ေအာင္ ဘာလုပ္ရမလဲဆိုတာကို အျမဲလို ေတြးေတာလုပ္ေဆာင္တတ္ၾကတယ္။

အိမ္သံုးပစၥည္းအေရာင္းကုမၺဏီ IKEA တည္ေထာင္သူ အင္ဂဗာကမ္ပရတ္ ေျပာတာက – “ဟုတ္ျပီကြလ႔ို ေက်နပ္တတ္တဲ့စိတ္ဟာ အႏၱရာယ္အၾကီးဆံုး အဆိပ္ျဖစ္တယ္။ ေျဖေဆးကေတာ့ မနက္ျဖန္ ပိုေကာင္းလာေအာင္ ဘာလုပ္ရမလဲဆိုတာကို ညေနတိုင္း ေတြးပါ။”

၅-ေၾကာက္စိတ္ကင္းျခင္း

ကုမၺဏီေပါင္း ၄၀၀ ေက်ာ္စုစည္ထားတဲ့ Virgin အုပ္စု တည္ေထာင္သူ ရစ္ခ်တ္ဘရြန္ဆန္ ငယ္စဥ္ မိသားစုအေပ်ာ္ခရီးတခုမွာ အေဒၚျဖစ္သူက သူနဲ႔ အေလာင္းအစားတခုလုပ္တယ္။ သူဟာ အဲဒီခရီးစဥ္မျပီးဆံုးမီ ေရးကူးတတ္ရမွာ ျဖစ္တယ္။

ခရီးတခုလံုး ေရေကာင္းေကာင္းမကူးတတ္ခဲ့ဘူး။ အိမ္အျပန္လမ္းမွာ ျမစ္တခုနားအေရာက္မွာ သူ႕အေဖကုိ ရုတ္တရက္ကားရပ္ခိုင္း၊ ျမစ္ထဲခုန္ခ်၊ စြတ္ရြတ္ကူးျပီးေတာ့ အဲဒီပြဲကို အနိုင္ယူခဲ့တယ္။ အိမ္ျပန္ေရာက္ရင္ သူရႈံးေတာ့မွာျဖစ္တဲ့အတြက္ အေၾကာက္တရားကို ေဘးဖယ္ျပီး ျမစ္ထဲခုန္ခ်ခဲ့တာပဲျဖစ္တယ္။

သူဟာ စီးပြားေရးမွာ စြန္႔စားလုပ္ကိုင္ျခင္းကို ယံုၾကည္သူ၊ ကိုယ္နဲ႔ ယဥ္ပါးျပီးသား ဧရိယာေတြမွာပဲ က်င္လည္ရတာကို မႏွစ္သက္တဲ့သူ ျဖစ္တယ္။
“လမ္းေလွ်ာက္တတ္လာတာ လဲက်လိုက္ ျပန္ထလိုက္နဲ႔ သင္ယူရင္း တတ္လာတာဗ်၊ စည္းကမ္းေတြကို လိုက္နာျပီး တတ္လာတာမဟုတ္ဘူး”လို႔ သူက ေျပာပါတယ္။

၆-အမွား ၀န္ခံျခင္း

Amazon က ခြင့္ျပဳခ်က္မရဘဲ Kindle Store ထဲေရာက္ေနတဲ့ Animal Farm နဲ႔ 1984 ၀တၱဳေတြကို Kindle Fire အသံုးျပဳသူေတြထံ အသိမေပးဘဲ ဖ်က္ပစ္ခဲ့တယ္။ အဲဒီလုပ္ရပ္က အသံုးျပဳသူေတာ္ေတာ္မ်ားမ်ားကို ေဒါသျဖစ္ေစခဲ့ပါတယ္။

အဲဒီေနာက္ Amazon က သူတို႔ရဲ႕အမွားကို ထုတ္ျပန္ခ်က္နဲ႔တကြ CEO ဂ်က္ဖ္ေဘဇုစ္က သူတို႔ကုမၺဏီရဲ႕ ျပႆနာေျဖရွင္းနည္းဟာ ည့ံဖ်င္းခဲ့ေၾကာင္း၊ တဖက္သတ္ဆန္ေၾကာင္းနဲ႔ ကုမၺဏီရဲ႕ က်င့္၀တ္တန္ဖိုးမ်ားနဲ႔ မကိုက္ညီပါေၾကာင္း တရား၀င္ ေတာင္းပန္ခဲ့ပါတယ္။

၇-မာရည္ေၾကာရည္ရွိျခင္း

စီးပြားေရေလာကထဲမွာ အေရွ႕ကေျပးေနခ်င္တယ္ဆိုရင္ ကိုယ့္ရပ္တည္ခ်က္နဲ႔ကိုယ္ ခိုင္ခိုင္မာမာ ရပ္တည္နိုင္ရမွာ ျဖစ္တယ္။ “တစံုတေယာက္က ခင္ဗ်ာ့နားရြက္ကို တံေတြးလာဆြတ္ရင္ ထခ်ပစ္လိုက္ပါ၊ ရက္စက္ပစ္လိုက္ပါ၊ အေမာက္ေထာင္ျပလိုက္ပါ”လို႔ Donald Trump က ေျပာပါတယ္။
“စီးပြားေရးေလာက က လ်င္သူစားဗ်၊ မၾကာမၾကာ တံေတာင္ေတြ ဘာေတြသံုးတတ္ရတယ္” လို႔ Michael Bloomberg ကလည္း ေျပာပါတယ္။

၈-မိတ္သဂၤဟေပါမ်ားမႈနဲ႔ လႊမ္းမိုးနိုင္မႈ

ဒါေပမယ့္ အေပၚမွာ ေျပာခဲ့တဲ့ မာရည္ေၾကာရည္ရွိမႈကို လိုအပ္မွ ျပပါ။ သာမန္အားျဖင့္ လူေတြဟာ ကိုယ္နဲ႔ အလြမ္းသင့္တဲ့သူေတြအတြက္သာ ေကာင္းေကာင္းမြန္မြန္ လုပ္ကိုင္ေပးခ်င္စိတ္ ရွိတာပါ။

“လူအမ်ားနဲ႔ အဆင္ေျပေခ်ာေမြ႔ေအာင္ ဆက္ဆံတတ္တဲ့ အရည္အခ်င္းကို ေကာ္ဖီတို႔၊ သၾကားတို႔လို ၀ယ္ယူလို႔ရမယ္ဆိုရင္ ေလာကၾကီးထဲက ရွိသမွ်အားလံုးထက္ အဲဒီအရည္အခ်င္းကို ေစ်းပိုေပး၀ယ္မယ္ဗ်ာ”လို႔ John D Rockfeller က ေျပာဖူးတယ္။

၉-အျမင္ျပတ္သားမႈ

အရာအားလံုးဟာ စိတ္ကူးက စတာပါ။ Howard Schultz က တကမၻာလံုးမွာ ဘရန္းတခုတည္းနဲ႔ ေကာ္ဖီဆိုင္ေတြဖြင့္ဖို႔ စိတ္ကူးတခု ရွိခဲ့တယ္။ ေနာက္ေတာ့ အဲဒီစိတ္ကူးကို လက္ေတြ႔အေက ာင္အထည္ေဖာ္ျပီး Starbucks ကို တည္ေထာင္လိုက္တယ္။

“ခင္ဗ်ားဟာ စြန္႔ဦးတည္ထြင္သူတဦးျဖစ္ခ်င္ရင္ ၾကီးၾကီးက်ယ္က်ယ္ ေတြးရမယ္၊ အဲဒီေနာက္ကိုလည္း ပိုျပီး ၾကီးက်ယ္တဲ့ ရည္မွန္းခ်က္ေတြ ခ်ပါ၊ သူမ်ား မျမင္တာကို ကိုယ္က ျမင္ျပီး အဲဒီအျမင္ကို အေကာင္အထည္ေဖာ္နိုင္ဖို႔ပါပဲ”လို႔ ေျပာခဲ့ပါတယ္။

၁၀-စိတ္ဓါတ္ျပင္းျပမႈ

ေခါင္းေဆာင္ေကာင္းတေယာက္ဟာ ဘာပဲလုပ္လုပ္ စိတ္အားထက္သန္မႈအျပည့္နဲ႔ လုပ္တယ္။ စိတ္ဓါတ္ျပင္းျပမႈနဲ႔ စိတ္အားထက္သန္မႈဟာ အေရးအၾကီးဆံုးပါ။ ဒါနဲ႔ပတ္သက္လို႔ Steve jobs က

“ခင္ဗ်ားဟာ စိတ္ကူးတခုနဲ႔ ေလာင္ကြ်မ္းေနရမယ္၊ ျပႆနာတခု၊ အမွားတခုကို အမွန္ျဖစ္ေအာင္လုပ္ခ်င္တဲ့ ဆႏၵေတြနဲ႔ ေတာက္ေလာင္ေနတာမ်ဳိးေပါ့၊ အစကတည္းက စိတ္အားထက္သန္မႈမရွိရင္ သူမ်ားထက္ ထူးမွာ မဟုတ္ဘူး”လို႔ ေျပာခဲ့ပါတယ္။

Oprah Winfrey ကလည္း “ရမက္တခုလို စိတ္အားထက္သန္တာဟာ စြမ္းအင္ျဖစ္တယ္၊ ကိုယ့္စိတ္ကို ႏူိးဆြနိုင္တဲ့အရာကို လုပ္လိုက္လို႔ ျဖစ္လာတဲ့ စြမ္းအားကို ခံစားၾကည့္ပါ” လို႔ ေျပာပါတယ္။

ဥကၠာဦး
Ref; Forbes
[ News Watch(ေစာင့္ၾကည့္) သတင္းဂ်ာနယ္ အတြဲ (၉) အမွတ္ (၁၈) တြင္ ေဖာျ္ပခဲ့သည္။)


အောင်မြင်တဲ့ စီးပွားရေးသမားဖြစ်ဖို့ မရှိမဖြစ်လိုအပ်တဲ့ အရည်အသွေး ၁၀ ခု (unicode)

ရေးသားသူ – ဥက္ကာဦး

သင်ဟာ လုပ်ငန်းရှင်ပေါက်စဖြစ်စေ၊ လုပ်ငန်းကြီးတခုကို ဦးဆောင်နေသူဖြစ်စေ သင့်အနေနဲ့ ကိုယ့်အဖွဲ့အစည်းကို ဘယ်လိုဦးဆောင်ရမယ်ဆိုတာတော့ သိဖို့လိုပါတယ်။ သူဌေးကြီးတယောက်ဖြစ်မှာလား၊ ဒါမှမဟုတ် သူဌေးတယောက်စီကို အစီရင်ခံစာတင်ရတဲ့သူ ဖြစ်မလားဆိုတာကို အောက်ပါ အရည်အသွေး ၁ဝခုနဲ့ တိုက်စစ်လိုက်ရအောင် …

၁ – ဇွဲလုံ့လရှိမှု

၁၈၉၀ ခုနှစ်မှာ ဟင်နရီဖို့ဒ်က စက်ဘီးရဲ့ ဘီး ၄ ဘီးပေါ်မှာ ကိုယ်ထည်တခုတပ်ဆင်ထားပြီး အီသနောအင်ဂျင်နဲ့ မောင်းနှင်နိုင်တဲ့ ဖို့ဒ်ကွာဒရာဆိုင်ကယ်ဆိုတဲ့ ယာဉ်တခုကို စတင်တီထွင်ခဲ့တယ်။ မအောင်မြင်ခဲ့ပါဘူး။ နောက် ၄ နှစ်ကြာတဲ့အခါမှာတော့ သူဟာ ဖို့ဒ်မော်တော်ကားကုမ္ဗဏီကို တည်ထောင်ပြီး Model T ကားအမျိုးအစားကို စတင်ထုတ်လုပ်နိုင်ခဲ့ပါတယ်။ အဲဒီအချိန်က သူဟာ ကမ္ဘာ့အချမ်းသာဆုံးစာရင်းဝင် ဖြစ်ခဲ့တယ်။ သင့်အနေနဲ့ ကြိုးစားပမ်းစားလုပ်တဲ့ကိစ္စတခု သဲထဲရေသွန်ဖြစ်ခဲ့ဖူးသလား။

၂-ဝေဖန်ရှုတ်ချမှုတွေကို လျစ်လျုရှုနိုင်လောက်တဲ့ အရေထူမှု

ကန်းဆက်စီးတီးစတားက အယ်ဒီတာတဦးက ဝေါ့ဒစ္စနီကို စိတ်ကူးသစ်၊ အတွေးသစ်မရှိဘူးလို့ ပြောဖူးတယ်။ ဒါပေမယ့် သူဟာ အဲဒီ စကားလုံးတွေကို နားဝင်မခံခဲ့ဘူး။ ဒီလိုနဲ့ သူဟာ မီကီမောက်စ်လို ဇာတ်ရုပ်တွေကို တီထွင်ခဲ့တဲ့အပြင် အကယ်ဒမီဆု ၂၂ ဆုရခဲ့ပြီး ကာတွန်းရုပ်ရှင်လောကရဲ့ အအောင်မြင်ဆုံးသော ဒါရိုတ်တာဖြစ်ခဲ့တယ်။ ဒီနေ့အချိန်မှာတော့ ဝေါ့ဒစ္စနီလို့ပြောလိုက်ရင် ဘာဆိုတာ တကမ္ဘာလုံးက မသိသူမရှိသလောက်ဖြစ်ပြီး စိတ်ကူးသစ်၊ အတွေးသစ်၊ ဆန်းသစ်မှုရဲ့ ပြယုဂ်တခုလို ဖြစ်နေပါပြီ။

၃-အစွမ်းအစရှိသူကို မြင်နိုင်စွမ်း

ကိုယ့်လုပ်ငန်းကို သူများတွေနဲ့မတူအောင် လုပ်ချင်ရင် ကိုယ့်အနီးအပါးမှာ စိတ်ကူးစိတ်သန်းကောင်းပြီး၊ အစွမ်းအစရှိသူတွေနဲ့ ဝန်းရံထားနိုင်ဖို့ လိုပါတယ်။ နာမည်ကျော် Apple ကုမ္ဗဏီရဲ့ CEO ဖြစ်သူ Steve jobs ဟာ အခါမလပ် ဝန်ထမ်းကောင်းရှာတတ်တယ် ဆိုပါတယ်။ သူဟာ တက္ကသိုလ်တွေက ဖိတ်ခေါ်လို့ ဟောပြောပွဲတွေကို သွားတဲ့အခါမှာတောင် ဘယ်သူဟာ သူ့အတွက် ဝန်ထမ်းကောင်းဖြစ်လာနိုင်မလဲလို့ စနည်းနာလေ့ရှိပါတယ်။ သူ့တသက်မှာ အလုပ်လျှောက်သူ ၅၀၀၀ လောက်ကို ကိုယ်တိုင်အင်တာဗျုးလုပ်ခဲ့ပြီး သူ့အဖွဲ့ထဲပါတဲ့သူမှန်သမျှ ကိုယ်တိုင်ကိုယ်ကျ ရွေးချယ်ခဲ့သူဖြစ်တယ်။

၄-အလုပ်နဲ့ပါတ်သက်လို့ မတင်းတိမ်တတ်တဲ့စိတ်

Google၊ Yahoo၊ Facebook တို့အားလုံးမှာ ဘုံတူညီတာ ဘာရှိသလဲ။ သူတို့ ၃ ခုစလုံးဟာ တက္ကသိုလ်ကျောင်းဆောင်လေးထဲကနေ အစပြုခဲ့တာဖြစ်တယ်။ အများက လေးစားလောက်တဲ့ စီးပွားရေးလုပ်ငန်းရှင်ကြီးများဟာ အလုပ်နဲ့ပါတ်သက်ရင် ကျေနပ်တင်းတိမ်နိုင်စွမ်း နည်းပါးသူများဖြစ်ကြပြီး လုပ်ငန်းတိုးတက်အောင် ဘာလုပ်ရမလဲဆိုတာကို အမြဲလို တွေးတောလုပ်ဆောင်တတ်ကြတယ်။ အိမ်သုံးပစ္စည်းအရောင်းကုမ္ဗဏီ IKEA တည်ထောင်သူ အင်ဂဗာကမ်ပရတ် ပြောတာက – “ဟုတ်ပြီကွလို့ ကျေနပ်တတ်တဲ့စိတ်ဟာ အန္တရာယ်အကြီးဆုံး အဆိပ်ဖြစ်တယ်။ ဖြေဆေးကတော့ မနက်ဖြန် ပိုကောင်းလာအောင် ဘာလုပ်ရမလဲဆိုတာကို ညနေတိုင်း တွေးပါ။”

၅-ကြောက်စိတ်ကင်းခြင်း

ကုမ္ဗဏီပေါင်း ၄၀၀ ကျော်စုစည်ထားတဲ့ Virgin အုပ်စု တည်ထောင်သူ ရစ်ချတ်ဘရွန်ဆန် ငယ်စဉ် မိသားစုအပျော်ခရီးတခုမှာ အဒေါ်ဖြစ်သူက သူနဲ့ အလောင်းအစားတခုလုပ်တယ်။ သူဟာ အဲဒီခရီးစဉ်မပြီးဆုံးမီ ရေးကူးတတ်ရမှာ ဖြစ်တယ်။ ခရီးတခုလုံး ရေကောင်းကောင်းမကူးတတ်ခဲ့ဘူး။ အိမ်အပြန်လမ်းမှာ မြစ်တခုနားအရောက်မှာ သူ့အဖေကို ရုတ်တရက်ကားရပ်ခိုင်း၊ မြစ်ထဲခုန်ချ၊ စွတ်ရွတ်ကူးပြီးတော့ အဲဒီပွဲကို အနိုင်ယူခဲ့တယ်။ အိမ်ပြန်ရောက်ရင် သူရှုံးတော့မှာဖြစ်တဲ့အတွက် အကြောက်တရားကို ဘေးဖယ်ပြီး မြစ်ထဲခုန်ချခဲ့တာပဲဖြစ်တယ်။

သူဟာ စီးပွားရေးမှာ စွန့်စားလုပ်ကိုင်ခြင်းကို ယုံကြည်သူ၊ ကိုယ်နဲ့ ယဉ်ပါးပြီးသား ဧရိယာတွေမှာပဲ ကျင်လည်ရတာကို မနှစ်သက်တဲ့သူ ဖြစ်တယ်။
“လမ်းလျှောက်တတ်လာတာ လဲကျလိုက် ပြန်ထလိုက်နဲ့ သင်ယူရင်း တတ်လာတာဗျ၊ စည်းကမ်းတွေကို လိုက်နာပြီး တတ်လာတာမဟုတ်ဘူး”လို့ သူက ပြောပါတယ်။

၆-အမှား ဝန်ခံခြင်း

Amazon က ခွင့်ပြုချက်မရဘဲ Kindle Store ထဲရောက်နေတဲ့ Animal Farm နဲ့ 1984 ဝတ္တုတွေကို Kindle Fire အသုံးပြုသူတွေထံ အသိမပေးဘဲ ဖျက်ပစ်ခဲ့တယ်။ အဲဒီလုပ်ရပ်က အသုံးပြုသူတော်တော်များများကို ဒေါသဖြစ်စေခဲ့ပါတယ်။ အဲဒီနောက် Amazon က သူတို့ရဲ့အမှားကို ထုတ်ပြန်ချက်နဲ့တကွ CEO ဂျက်ဖ်ဘေဇုစ်က သူတို့ကုမ္ဗဏီရဲ့ ပြဿနာဖြေရှင်းနည်းဟာ ညံ့ဖျင်းခဲ့ကြောင်း၊ တဖက်သတ်ဆန်ကြောင်းနဲ့ ကုမ္ဗဏီရဲ့ ကျင့်ဝတ်တန်ဖိုးများနဲ့ မကိုက်ညီပါကြောင်း တရားဝင် တောင်းပန်ခဲ့ပါတယ်။

၇-မာရည်ကြောရည်ရှိခြင်း

စီးပွားရေလောကထဲမှာ အရှေ့ကပြေးနေချင်တယ်ဆိုရင် ကိုယ့်ရပ်တည်ချက်နဲ့ကိုယ် ခိုင်ခိုင်မာမာ ရပ်တည်နိုင်ရမှာ ဖြစ်တယ်။ “တစုံတယောက်က ခင်ဗျာ့နားရွက်ကို တံတွေးလာဆွတ်ရင် ထချပစ်လိုက်ပါ၊ ရက်စက်ပစ်လိုက်ပါ၊ အမောက်ထောင်ပြလိုက်ပါ”လို့ Donald Trump က ပြောပါတယ်။
“စီးပွားရေးလောက က လျင်သူစားဗျ၊ မကြာမကြာ တံတောင်တွေ ဘာတွေသုံးတတ်ရတယ်” လို့ Michael Bloomberg ကလည်း ပြောပါတယ်။

၈-မိတ်သင်္ဂဟပေါများမှုနဲ့ လွှမ်းမိုးနိုင်မှု

ဒါပေမယ့် အပေါ်မှာ ပြောခဲ့တဲ့ မာရည်ကြောရည်ရှိမှုကို လိုအပ်မှ ပြပါ။ သာမန်အားဖြင့် လူတွေဟာ ကိုယ်နဲ့ အလွမ်းသင့်တဲ့သူတွေအတွက်သာ ကောင်းကောင်းမွန်မွန် လုပ်ကိုင်ပေးချင်စိတ် ရှိတာပါ။ “လူအများနဲ့ အဆင်ပြေချောမွေ့အောင် ဆက်ဆံတတ်တဲ့ အရည်အချင်းကို ကော်ဖီတို့၊ သကြားတို့လို ဝယ်ယူလို့ရမယ်ဆိုရင် လောကကြီးထဲက ရှိသမျှအားလုံးထက် အဲဒီအရည်အချင်းကို ဈေးပိုပေးဝယ်မယ်ဗျာ”လို့ John D Rockfeller က ပြောဖူးတယ်။

၉-အမြင်ပြတ်သားမှု

အရာအားလုံးဟာ စိတ်ကူးက စတာပါ။ Howard Schultz က တကမ္ဘာလုံးမှာ ဘရန်းတခုတည်းနဲ့ ကော်ဖီဆိုင်တွေဖွင့်ဖို့ စိတ်ကူးတခု ရှိခဲ့တယ်။ နောက်တော့ အဲဒီစိတ်ကူးကို လက်တွေ့အကေ ာင်အထည်ဖော်ပြီး Starbucks ကို တည်ထောင်လိုက်တယ်။ “ခင်ဗျားဟာ စွန့်ဦးတည်ထွင်သူတဦးဖြစ်ချင်ရင် ကြီးကြီးကျယ်ကျယ် တွေးရမယ်၊ အဲဒီနောက်ကိုလည်း ပိုပြီး ကြီးကျယ်တဲ့ ရည်မှန်းချက်တွေ ချပါ၊ သူများ မမြင်တာကို ကိုယ်က မြင်ပြီး အဲဒီအမြင်ကို အကောင်အထည်ဖော်နိုင်ဖို့ပါပဲ”လို့ ပြောခဲ့ပါတယ်။

၁၀-စိတ်ဓါတ်ပြင်းပြမှု

ခေါင်းဆောင်ကောင်းတယောက်ဟာ ဘာပဲလုပ်လုပ် စိတ်အားထက်သန်မှုအပြည့်နဲ့ လုပ်တယ်။ စိတ်ဓါတ်ပြင်းပြမှုနဲ့ စိတ်အားထက်သန်မှုဟာ အရေးအကြီးဆုံးပါ။ ဒါနဲ့ပတ်သက်လို့ Steve jobs က “ခင်ဗျားဟာ စိတ်ကူးတခုနဲ့ လောင်ကျွမ်းနေရမယ်၊ ပြဿနာတခု၊ အမှားတခုကို အမှန်ဖြစ်အောင်လုပ်ချင်တဲ့ ဆန္ဒတွေနဲ့ တောက်လောင်နေတာမျိုးပေါ့၊ အစကတည်းက စိတ်အားထက်သန်မှုမရှိရင် သူများထက် ထူးမှာ မဟုတ်ဘူး”လို့ ပြောခဲ့ပါတယ်။ Oprah Winfrey ကလည်း “ရမက်တခုလို စိတ်အားထက်သန်တာဟာ စွမ်းအင်ဖြစ်တယ်၊ ကိုယ့်စိတ်ကို နိူးဆွနိုင်တဲ့အရာကို လုပ်လိုက်လို့ ဖြစ်လာတဲ့ စွမ်းအားကို ခံစားကြည့်ပါ” လို့ ပြောပါတယ်။

ဥက္ကာဦး
Ref; Forbes
[ News Watch(စောင့်ကြည့်) သတင်းဂျာနယ် အတွဲ (၉) အမှတ် (၁၈) တွင် ဖောျ္ပခဲ့သည်။)

Leave a Reply