ကြွက်ကို ဆင်က တကယ် ကြောက်သလား နဲ့ ရှာရှာဖွေဖွေ ဗဟုသုတလေးများ

Posted on

ကြွက်ကို ဆင်က ကြောက်တယ်ဆိုတာ

ကြွက်ကိုဆင်က ကြောက်တယ်ဆိုတာ ယုံတမ်းစကားပါ။ ဆင်ရဲ့နှာမောင်းထဲ ကြွက်က ပြေးဝင်လို့ ဆင်ဟာ အသက်ရှူ ကြပ်ပြီးသေမှာမို့လို့ ကြွက်ကိုသိပ်ကြောက်မှာပဲလို့ စဉ်းစားကြတာပါ။ေ ရှးအစဉ်အဆက် ပြောခဲ့ကြတဲ့ အဲဒီစကားမှန်မမှန် စမ်းသပ်မှုပြုလုပ်ပြီးပါပြီ။ ဆင်လှောင်အိမ်ထဲကို ကြွက်ကို လွတ်ပေးကြည့်တယ်။ ကြွက်တွေဟာ ဆင်ကြီးရဲ့ ကိုယ်ပေါ် နှာ ခေါင်းပေါ်တွေရော လျှောက်ပြေးကြတယ်။ ဒါပေမဲ့ ဆင်က လုံးဝ ကြောက်လန့်ဖွယ်မပြဘူး။

ဘာမှထူးခြားပုံလဲ မပေါ်ဘူး။ နောက်တစ်ခါမှာတော့ စက္ကူ တွေပေါ် ဖိမ်ရင် ထွက်တဲ့အသံမျိူးဂျိူး ဂျိူး ဂျက်ဂျက်တွေ ထွက်လာတယ်။ သူ့ ပတ်ဝန်းကျင်မှာ ကြားနေကျ အသံမဟုတ်တာကြားရတော့ ဆင်ဟာ နှာမောင်းကိုထောင်ပြီး နှာမှုတ်တယ်။ ကျီကျီကျာကျာ မြည်တယ်။ အဲဒါဟာကြွက်ကိုကြောက်လို့မဟုတ်ပဲ ကြားနေကျ မဟုတ်တဲ့အသံကြားရလို့ သတိထားကာကွယ်တာပဲဖြစ်ပါတယ်။

လင်းနို့တွေ ဘာကြောင့်ဇောက်ထိုးနေ

လင်းနို့တွေဟာ ငှက်တွေပိုးမွှားကောင်တွေလို မတ်တပ်မရပ် လမ်းမလျှောက်ပဲ ဇောက်ထိုးနေတာထူးခြားတယ်။ လင်းနို့တွေရဲ့ အကြောအခြင်တွေနဲ့ ခြေထောက်တွေဟာ မသန်မာဘူး။ ဒါကြောင့် မတ်တပ်မရပ်နိုင်ဘူး။ မတ် တပ်တောင်သေချာမရပ်နိုင်မှတော့လမ်းလဲ မလျှောက်နိုင်ဘူးပေ့ါ။ ဒါကြောင့် တစ်နေရာမှာ နားခိုပြီဆိုရင် တွဲလောင်း ခိုပြီးနေကြရတယ်။ လင်းနို့ဟာ တစ်မျိူးတည်းသော ပျံသန်းနိုင်တဲ့ နို့ တိုက်သတ္တ၀ါ ဖြစ်တယ်။

လင်းနို့ ပေါက်စလေးတွေ အကောင်လိုက်မွေးပြီးမိခင်က နို့တိုက်မွေးတယ်။ လင်းနို့ကလေးတွေ ကြီးလာတဲ့အခါမိခင်လင်းနို့က တစ်ပါတည်းခေါ်ခေါ်သွားတယ်။ လင်းနို့တွေကနေ့ ဘက်မှာအိပ်ပြီး ညဘက်မှာ အစာထွက်ရှာတယ်။ သွားလာလှုပ်ရှားတဲ့အခါ မျက်စိကို အသုံးမပြုဘူး။

ညအမှောင်ထဲမှာ သွားလာပျံသန်းတဲ့အခါမှာသူတို့ဆီကအလွန်မြင့်တဲ့ အသံကိုထုတ်လွတ်ပြီး ပြန်လာတဲ့ပဲ့တင်သံကို အာရုံခံကာ အတားအဆီးတွေကို ရှောင်ပါတယ်။ ကမ္ဘာပေါ်မှာလင်းနို့ အမျိူးပေါင်း၂၀၀၀ ကျော်ရှိတယ်။ တောင်ပံအကျယ် ၁၅ စင်တီမီတာရှိတဲ့လင်းနို့ တွေကနေ တောင်ပံအကျယ် ၂ မီတာရှိတဲ့ လင်းနို့တွေအထိ ရှိနေပါတယ်။

လိပ်အသံထွက်သလား

လိပ်အများစုဟာ အသံမထွက်ပါဘူး။ ဒါပေမဲ့ လိပ်ဘီလူးကြီးတွေလို့ပြောနိုင်တဲ့ လိပ်ွေကတော့ အစ်သံ ဟိန်းသံ တွန်သံတွေ ထွက်တတ်ပါတယ်။ ပင်လယ်လိပ် (Turtle) နဲ့ ကုန်းလိပ် (Toise) ဘယ်လိုကွာသလဲဆိုရင် နာမည်အတိုင်း ကွာခြားပါတယ်။ ရေ ချိူမှာ ကျက်စားတဲ့လိပ်ကို ရေချိူလိပ် ( Terrapin) လို့ ခေါ်ပါတယ်။ ပင်လယ်လိပ်တွေဟာ အလွန်ကြီး မားတဲ့ အရွယ်ထိရှိလာနိုင်ပါတယ်။

အကြီးဆုံးလိပ်မျိူးကတော့ သားရေကျောကုန်း ( Leather Back) ဆိုတာဖြစ်ပါတယ်။ ကီလိုဂရမ် ၄၅၀ လောက်ထိ အလေးချိန်ရှိပါတယ်။ပင်လယ်လိပ်တွေဟာ တစ်ခြားတိရိစ္ဆာန်တွေထက် အသက်ပိုရှည်ပါတယ်။ နှစ် ၂၀၀ ထိ အသက်ရှည်ရှည်နေနိုင်တဲ့ ပင်လယ်လိပ်ကြီးတွေရှိပါတယ်။ လိပ်တွေဟာ သူတို့ ကိုယ်သူတို့ အသံမလိုပါဘူး။ သူတို့ရဲ့ အကောင်းဆုံးအကာအကွယ်ဟာ အခွံပါပဲ။ လိပ်ခွံကြီးတွေဟာအရိုးနဲ့ ဖွဲ့စည်းထားတာဖြစ်ပြီး ဦးချိူ အကွက် တွေနဲ့ ဖုံးအုပ်ထားပါတယ်။

ကမ္ဘာပေါ်မှာရှိခဲ့ဖူးတဲ့ပင်လယ်လိပ်အရိုးစု တစ်ခု လန်ဒန်မြို့ အမျိူးသားသဘာဝသမိုင်း ပြတိုက်မှာ ပြသထားပါတယ်။ လွန်ခဲ့တဲ့နှစ်ငါးသန်းက ရှိခဲံဖူးတဲ့ လိပ်ကြီးပါ။ အဲဒီလိပ်ရဲ့ အခွံ ကြီးက မီနီဘတ်တစ်စီးစာလောက်ရှိတယ်လိုက အဆိုပြုထားပါတယ်။

ကင်းမြီးကောက် ကြောက်စရာကောင်းလား

ကင်းမြီးကောက်တွေဟာ ကြောက်စရာကောင်းတဲ့အကောင်တွေဖြစ်ပါတယ်။ သူတို့ရဲ့ အားကောင်းတဲ့ လက်မကြီးတွေက အန္တရယ်ပေးနိုင်ပါတယ်။ ကင်းမြီးကောက်ထိုးလို့ သေကြရတာတွေ အများကြီးရှိပါတယ်။ မက္ကဆီကိုနိုင်ငံမှာ ဒူရန် ဆိုတဲ့ကင်းမြီးကောက်မျိူးဟာ လူတစ်ယောက်ကို တစ်နာရီအတွင်းသေအောင်ထိ အဆိပ်ပြင်းပါတယ်။ ၃၅ နှစ်အတွင်း အဲဒီအကောင်တွေထိုးလို့ သေဆုံးခဲ့ရသူပေါင်း ၁၆၀၀၀ လောက်ရှိခဲ့ပါတယ်။

ကင်းမြီးကောက်တွေဟာ ပူနွေးတဲ့ ရာသီဥတု ရှိတဲ့ဒေသတွေမှာ အများဆုံးတွေ့ရပါတယ်။ နေ့လယ်နေခင်းဆိုရင် ကျောက်တုံးအောက်တွေ သစ်ခေါက်သစ်ခွဲကြားတွေ အဆောက်အုံတွေရဲ့ မှောင်တဲ့နေရာမှာပုန်းနေတတ်ကြတယ်။ အရွယ်ရောက်ပြီးတဲ့ကင်းမြီးကောက်တွေဟာ တစ်ကောင်တည်းနေပြီး တစ်ကောင်တည်း သွားလာလှုပ်ရှားကြပါတယ်။ ကင်းမြီးကောင်ပေါက်စလေးတွေကတော့ မိခင်ရဲ့ ကျောပိုးလိုက်ကြတယ်။ မိခင်က ကလေးတွေကို အစာကျွေးလေ့မရှိပါဘူး။ ရက်အတော်ကြာတဲ့အခါ သူတို့ဘာသာ ခွဲပြီး ကိုယ့်လမ်း ကိုယ်သွားကြတာပါပဲ။

ကင်းမြီးကောက်တွေဟာ ပင့်ကူ နဲ့ မျိုးနွယ်စပ်တယ်။ သူတို့ သွားလာတဲ့အခါ အမြီးကိုထောင်ထားပြီးကျောပေါ်မှာထောင်ထားတယ်။ သူတို့ရဲ့ သားကောင်ကို လက်မကြီးနဲ့ ညှပ်ပြီး ဖမ်းထားပြီးရင် အမြီးပေါ်က အဆိပ်ဆူးကို ခေါင်းပေါ်က ကျော်ပြီး သားကောင်ဆီကိုထိုးလိုက်တာပါပဲ။ အဆိပ်ကသားကောင် ကို သေရင်သေ မသေရင် မလှုပ်ရှားနိုင်အောင်ဖြစ်သွားပါတယ်။

ရေခဲမုန့်ဘယ်ကစ

ရေခဲမုန့်ကို အင်္ဂလန်က စခဲ့တယ်လို့ အမှတ်မှားနေကြတယ်။ တကယ်က အရှေ့အာရှက စခဲ့တာဖြစ်ပါတယ်။ အီတလီက ခရီးသည်ကြီးမာကိပိုလိုဟာ အရှေ့အာရှဒေသ ကရေခဲမုန့်လုပ်နည်းကို အီတလီကိုသယ်ဆောင်လာခဲ့တာဖြစ်ပါတယ်။ အီတလီကမှ ပြင်သစ်ကိုရောက်သွားတယ်။

ဥရောပက လူကုံထံတွေဟာရေခဲမုန့်လုပ်နည်းကို လျှို့ဝှက်ထားခဲ့ကြလို့သာမန်လူတွေမစားနိုင်ခဲ့ကြဘူးတဲ့။ ၁၈၅၁ မှာ အမေရိကန်ပြည်ထောင်စု မေရီလင်းပြည်နယ် ဘာလ်တီမိုးမြို့မှာရေခဲမုန့်ကို စီးပွားဖြစ်စလုပ်တယ်။လက္ကားစက်ရုံကြီးတည်ပြီးထုတ်လုပ်တာပါ။ အဲဒီအချိန်က စပြီး ရေခဲမုန့်ကို နွေရာသီမှာ လက်မလည်အောင် ရောင်းချခဲ့ရပြီး ရေခဲမုန့် စတင်ပေါ်ထွက်လာပါတယ်။

နားကျယ်ကောင်ဘာကြောင့်တုတ်သလဲ

ပျားတုတ်သလိုပဲ နားကျယ်ကောင်တွေကလဲ လူကိုတုပ်တတ်တယ်။ ဒါပေမဲ့အနှောက်အယှက်ဖြစ်စေမှ တုပ်တာပါ။ နားကျယ်ကောင်ပျံလာတာတွေ့ရင်အသာငြိမ်ငြိမ်လေးနေလိုက်ရင် သူ့ဘာသာပျံသွားတယ်။ လူကို မတုပ်ပါဘူး.။ နားကျယ်ကောင်တွေက တခြားပိုးမွားတွေကို တုပ်ပြီး သတ်ဖြတ်တာတော့ရှိတယ်။ တကယ်က နားကျယ်ကောင်တွေဟာပန်းဝတ်ရည်နဲ့ သစ်သီးတွေကိုပဲ စားသုံးအသက် ရှင်တဲ့အမျိူးဖြစ်ပါတယ်။

ဒါပေမဲ့ တစ်ခြားပိုးကောင်တွေကို သတ်ဖြတ်တာက ပိုးလောက်လန်းတွေကို ကျွေးဖို့ဖြစ်တယ်။ နားကျယ်တစ်ကောင်ဟာ တစ်ခြားပိုးမွားတစ်ကောင်ကိုတုပ်ပြီးသတ်လိုက်တယ်။ ပြီးတော့သူ့အသိုက်ကိုယူလာပြီး အဲဒီပိုးကောင်ကိုညက်ညက်ဝိုင်းလိုက်တဲ့အခါ အရည်ထွက်လာတယ်။အဲဒီအရည်ကို နားကျယ်ကောင်အလောင်းအလျာပိုးလောက် လန်းတွေကိုတိုက်ကျွေးတာဖြစ်ပါတယ်။

နားကျယ်ုကောင်တွေစာခူကောင်ဘောက်ဘတ် လိုပိုးကောင်တွေကို ဖမ်းဆီးတာများတယ်။ဒါပေမဲ့တစ်ချိူ့နားကျယ်ကောင်တွေကပင့်ကူကြီးတွေပါ ဖမ်းပြီးသတ်ပစ်တယ်။ အံသြစရာက နားကျယ်ကောင်ရဲ့ အဆိပ်ဆူးဟာ သူရဲ့ ဥအုတဲ့ အစိတ်အပိုင်းဖြစ်ပါတယ်တဲ့။

နှင်းပေါက်လေးတွေဘယ်လိုဖြစ်လာသလဲ

ဆောင်းတွင်း နံနက် စောစောမှာ ဥယျာဉ်ပန်းခြံလေးတွေထဲက သစ်ရွက်လေးတွေ မြက်ခင်းလေးတွေပေါ်မှာ နှင်းစက် နှင်းပေါက်ကလေးတွေတွေ့ရတတ်ပါတယ်။ သစ်ရွက်လေးတွေပေါ်ကို နှင်းစက်ကလေးတွေ ကျရောက်နေတယ်လို့ပဲ ပြောတတ်ကြတယ်။ နှင်းစက်ကလေးတွေဟာ အပေါ်က ကျလာတယ်လို့ ထင်နေတတ်ကြတယ်။ ပုံမှန်နှင်းကတော့ အပေါ်ကကျတာ မှန်ပေမယ့် မြက်ပင်ပေါ်က နှင်းစက်ကလေးတွေဟာ အပေါ်က ကျလာတာ မဟုတ်ဘူးလို့ သိသွားရင် အံသြ သွားကြမယ်ထင်ပါတယ်။

တကယ်တော့ အဲဒီနှင်းစက်ကလေးတွေ သစ်ရွက်ကလေးတွေ မြက်ပင်လေးတွေဆီကဖြစ်ပေါ်လာတာပါ။ အပင်လေးတွေရဲ့ အမြစ်က မြေဆီက ရေဓါတ်ကိုစုတ်ယူပြီး အရွက်တွေအထိ ပို့ပေးတယ်။ သစ်ရွက်ကလေးတွေရဲ့ ချွေးပေါက်ကနေ အဲဒီရေစိမ့်ထွက်ပြီးရေငွေ့ကလေးတွေဖြစ်နေတယ်။

အဲဒီရေခိုးရေငွေ့ကလေးတွေကပြင်ပက အအေးဓါတ်နဲ့တွေ့တဲ့အခါ ရေစက်ရေပေါက်ကလေးတွေဖြစ်သွားကာ အရွက်ကလေးတွေအပေါ်မှာတွဲလွဲ ခိုနေသလိုဖြစ်နေကြတယ်။ အဲဒါကို နှင်းစက် နှင်းပေါက်ကလေးတွေလို့ ခေါ်တာပါပဲ

အလမ္ပာယ်ဂီတနဲ့ မြွေကသလား

အလမ္ပာယ်ဆရာက ပုလွေမှုတ်ရင် မြွေက ပါးပျဉ်ထောင်ပြီး ဂီတအသံအတိုင်း လိုက်က သလိုတွေ့ရပါတယ်။ ဒါပေမဲ့မြွေက နားကြားတာမဟုတ်ပါဘူး။ဒါကြောင့်ဂီတသံကြားလို့ ကတယ်ဆိုတာမဟုတ်ပါဘူး။ ဒါပေမဲ့ မြွေဟာတုန်ခါမှုကို အလွန်ခံစားလွယ်တယ်။ ပခြုတ်ခြင်းထဲမှာ ထည့်ထားရင်တောင် မြေကြီးရဲ့ တုန်ခါမှုကို ခံစားတုန့်ပြန်တယ်။

အလမ္ပာယ်ဆရာဟာ ပုလွေကိုမှုတ်နေတဲ့ အချိန်မှာ ပခြုတ်ကိုပုတ်တာ။ မြေကြီးကိုထုရိုက် တာ လုပ်ရင်အဲဒီတုန်ခါမှုအတိုင်း မြွေကတုံ့ပြန်တယ်။ အလမ္ပာယ်ဆရာဟာ မြွေနဲ့ မျက်နှာချင်းဆိုင် ထိုင်ပြီးပုလွေမှုတ်ရင် သူ့ကိုယ်ကိုယိမ်း ထိုးလှုပ်ရှားနေတာကိုတွေ့ရလိမ့်မယ်။မြွေကလဲ အလမ္ပာယ်ဆရာယိမ်းထိုးတဲ့အတိုင်း ပါးပျဉ်ထောင်ပြီး လိုက်လှုပ်နေတာ တွေ့ရပါလိမ့်မယ်။

တကယ်တော့နားမကြားရတဲ့ မြွေဟာ လူလှုပ်ရှားနေတာကိုမျက်စိကို ဟန်ချက်ညီညီ လိုက်ကြည့်တာဖြစ်တယ်။ လူယိမ်းတဲ့ဘက်ကို မြွေက လိုက်ယိမ်းပြီး ကြည့်မှ တည်တည့်မြင်ရတာ ဖြစ်ပါတယ်။ ဒါကြောင့် လူအတော်များထင်နေကြသလို မြွေဟာ ဂီတသံနဲ့ ကတာ လုံးဝမဟုတ်ပါ။ တုန်ခါမှုကို တုံ့ပြန်ခြင်းသာဖြစ်ပါသည်။

Via : Light Thought

Leave a Reply