“ရာဇာမဏိစူဠာ” စစ္ကိုင္း ေကာင္းမႈေတာ္ဘုရား အေၾကာင္း သိေကာင္းစရာ

Posted on

မူရင္းေရးသားသူ – Ko Zaw Win

“ျမတ္ဗုဒၶ၏လက္ဝဲေအာက္စြယ္ေတာ္ ကိန္းဝပ္ရာ ရာဇာမဏိစူဠာေစတီ”
(စစ္ကိုင္း-ေကာင္းမွဳေတာ္)

(ဓာတ္ပုံမ်ားအတြက္ ေဖ့ဘုတ္တြင္ မူရင္းတင္ထားသူ မိတ္ေဆြမ်ားအား ေက်းဇူးတင္ပါသည္)

ေကာင္းမႈေတာ္ ဘုရားသည္ စစ္ကိုင္း၏ အေက်ာ္ၾကားဆုံး အနက္တဆူျဖစ္၍ စစ္ကိုင္းၿမိဳ႕ ေျမာက္ဘက္ (၆) မိုင္ခန္႔အကြာ၌ တည္ရွိၿပီး ဘြဲ႕အမည္မွာ ရာဇမဏိစူဠာ ျဖစ္သည္။ ျမန္မာသကၠရာဇ္ (၉၉၈) ခုႏွစ္ ၊ ခရစ္ႏွစ္ (၁၆၃၆) ၊ ေတာ္သလင္းလဆန္း (၁၀) ရက္ ၊ တနလၤာေန႔တြင္ သတိုးဓမၼရာဇာ ဘြဲ႕ခံ သာလြန္မင္းတရားႀကီး တည္ထားကိုးကြယ္ခဲ့သည္။

ျမတ္ဗုဒၶ၏စြယ္ေတာ္ေလးဆူ

၁။ လက္ယာအထက္စြယ္ေတာ္= သိၾကားျပည္(တာဝတိ ံသာ)။
၂။ လက္ယာေအာက္စြယ္ေတာ္= နဂါးျပည္။
၃။ လက္ဝဲအထက္စြယ္ေတာ္= ဂႏၶာလရာဇ္ျပည္(တရုတ္ျပည္)။
၄။ လက္ဝဲေအာက္စြယ္ေတာ္= ျမန္မာျပည္(စစ္ကိုင္း-ေကာင္းမွဳေတာ္)။

မွတ္ခ်က္

– လက္ဝဲအထက္စြယ္ေတာ္သည္မူလ က ဥဒါယ်ာနျပည္ (ပါကစၥတန္) တြင္ ကိန္းဝပ္ရာမွေအဒီ(၄၇၅)ခုႏွစ္၌ဖါဟီ ယန္ အမည္ရွိ အိႏၵိယဘုန္းေတာ္ႀကီး ပင္႔ေဆာင္လာသျဖင္႔တရုတ္ျပည္သို႔ေရာက္၏။

– လက္ဝဲေအာက္စြယ္ေတာ္သည္မူလက ကလိႏၵတိုင္း၊စႏၵပူရျပည္(အိႏၵိယ) ၌ကိန္းဝပ္ရာမွသိန္းဃိုဠ္(သီဟို)ကြၽန္​း ထိုမွ ေကာဇာသကၠရာဇ္(၉၃၈)ခုႏွစ္၌ ျမန္မာျပည္သို႔ေရာက္၏။

လက္ဝဲေအာက္စြယ္ေတာ္ျမန္မာျပည္ သို႔ေရာက္ရွိရျခင္းသမိုင္း​ေၾကာင္း

၁။ လက္ဝဲေအာက္စြယ္ေတာ္ျမတ္မွာမူ လကစႏၵပူရျပည္(အိႏၵိယ)တြင္ ကိန္းဝပ္ရာမွကုသိဝမင္းၾကီး၏သမီး​ေတာ္ေဟမမာလာႏွင္႔ သမက္ေတာ္ ဒႏၵမင္းသားတို႔ ပင္႔ေဆာင္၍ သီဟိုဠ္သို႔​ေရာက္၏။

၂။ ေကာဇာသကၠရာဇ္(၉၃၇) ခုႏွစ္တြင္ သီဟိုဠ္​ကြ်န္း၌ က်ည္းကုလားမ်ာက သာသနာကိုဖ်က္ဆီးရာမႏွိမ္နင္းႏိုင္ သျဖင္႕​ဓမၼပါလမင္းစစ္ကူေတာင္းရာ ဘုရင္႔ေနာင္မင္းတရားႀကီးသည္ ေရေၾကာင္းမွ စစ္ကူ ​ေစလႊတ္​​ေတာ္မူရာမိစၧာက်ည္းကုလား တို႔ကို ေအာင္ႏိုင္ေတာ္မူ၏။

၃။ ေကာဇာသကၠရာဇ္(၉၃၈)ခုႏွစ္တြင္ ဓမၼပါလမင္းေနာင္ေရးကို ေျမွာ္ေတြး၍ လက္ဝဲေအာက္ စြယ္ေတာ္ အားဘုရင္႔ေနာင္မင္းတရားႀကီးအထံသို႔ ဆက္ ရာ ဟံသာဝတီသို႔ေရာက္၏။ ရတနာေစတီ ႏွင္႔ ေခါင္းရင္းေတာ္၌ ထား၍ရိုေသစြာကိုးကြယ္ေတာ္မူ၏။

(သီဟိုဠ္​ ဓမၼပါလမင္​းနတ္​ရြာစံ​ေသာ အခါဘုရင္​့​ေနာင္​မင္​းႀကီး၏​ေျမးျဖစ္​ သူသာလြန္​မင္​းအျဖစ္​ဝင္​စားသည္ဟု ဆုိၾက၏။)

ျမန္မာမင္းတို႔အဆက္ဆက္ကိုးကြယ္ပုံ

၁။ ဘုရင္႔ေနာင္ မင္းတရားႀကီး၏ သားေတာ္ နႏၵဘုရင္ ဆက္ လက္ ​၍ ကိုးကြယ္ ရာ မွ ၊သကၠရာဇ္​ (၉၆၁) ခုႏွစ္ တြင္ ဟံသာဝတီပ်က္သျဖင္႔ ေကတုမတီေရႊနန္းတည္မင္းမဟာဓမၼရာဇာ (နတ္ရွင္ေနာင္၏ဖခင္) ပင္႔ေဆာင္၍ ေတာင္ငူသို႔ေရာက္၏။

၂။ နတ္ရွင္ေနာင္(သံလ်င္ေရာက္မင္း)လက္ထက္ သကၠရာဇ္(၉၇၂)ခုတြင္ ဘုရင္႔ေနာင္ ၏ ေျမး အေနာက္ဖက္လြန္မင္း ( ေညာင္ရမ္းမင္းတရား ၏သားေတာ္) ပင္႔ေဆာင္၍ ရတနာပူရ(အင္းဝ)သို႔ေရာက္၏။

၃။ ညီေတာ္သာလြန္မင္းတရားႀကီး(သီဟိုဠ္ ​​ဓမၼပါလမင္း ဝင္စား) သည္ ေရွ႕ေရးကိုေျမွာ္ေတြး၍ သကၠရာဇ္(၉၉၈) ခုတြင္” ရာဇာမဏိစူဠာ “ေစတီေတာ္ ႀကီးအားအခိုင္အခန္႔တည္၍ ဌာပနာနာေတာ္မူ၏။

၄။ ထို ရာဇာမဏိစူဠာေက်ာက္စာတြင္ သကၠရာဇ္​(၉၉၈)ခုႏွစ္​၊နတ္ေတာ္လျပည္႔ေက်ာ္(၁)ရက္,ေသာၾကာေန႔ ၌ လက္ဝဲေအာက္ စြယ္ေတာ္ျမတ္ ကို အေၾကာင္းျပဳ၍အျပည္ျပည္​ေထာင္​တို႔မွ၊ ခ်ီပင္႔အပ္ေသာမေ​ရမတြက္ႏိုင္သည္႔ ဓါတ္ေတာ္၊ေမြေတာ္​တို႔ႏွင့္ တကြဌာပနာသည္ဟုဆို၏။

၅။ ေစတီေတာ္ႀကီး၏ အဂၤါေထာင္႔တြင္ ေက်ာက္ဖ်ာသံုးထပ္အဆင္႔ဆင္႔ခင္း၍ သာသနာ ငါးေထာင္ တည္ေစရန္ ထုထည္ ႀကီးမား၊ခိုင္ခန္႔ေသာ အုတ္ေက်ာက္တို႔ျဖင္႔ ပိတ္ေလ၏။ ဌာပနာ တိုက္ၿပီးသည္ႏွင္႔ ေစတီ၏လံုးေတာ္ ေကာင္းမြန္ေသသပ္လွေအာင္ လုပ္ေဆာင္ေတာ္မူ၏။

ေစတီေတာ္ကို ပစၥယံ သုံးဆင့္ခံထား၍ သပိတ္ေမွာက္ထားသကဲ့သို႔ တည္ထားသည္။ ထိုကဲ့သို႔ စပါးက်ီပုံသ႑ာန္ ေစတီမ်ားကို သီဟိုဠ္ကၽြန္းတြင္ အေတြ႕မ်ားေလသည္။ ေစတီေတာ္၏ ဉာဏ္ေတာ္မွာ (၁၀၁) ေတာင္ ၊ လုံးပတ္ (၅၀၂ ေတာင္ ၂ မိုက္ ၄ သစ္) ရွိၿပီး ေစတီေတာ္ တည္ထားရာတြင္ အုပ္ခ်ပ္ေရေပါင္း (၁၀၁၂၆၅၅၂ ) ျဖင့္ တည္ထားခဲ့သည္ဟု သိရသည္။

ပစၥယံ ၃ ဆင့္အလားတူ အဝိုင္းဆင့္ခံထား၍ ေစတီယင္ ျပင္ပရဂုဏ္ကား နတ္မင္း အပါး ၁၂ဝ အား ကိုယ္စီနတ္နန္း ထြင္း၍ ထားၿပီး ေစတီေတာ္တဆူလုံးကို မူ ၅ ေပ သို႔မဟုတ္ ၂.၅ မီတာျဖင့္ ေက်ာက္ဆစ္ထု ေက်ာက္သားတိုင္ အခိုင္အမာ ၈၁၂ ခု ေသာအကာအရံ တို႔ျဖင့္ အတြင္း၌ မူေခါင္း ေပါက္ထိပ္ထိ ေဖာက္ထားဘိ၏။ ေစတီေတာ္ကို ေက်ာက္ဆီမီးတိုင္ (၈၀၂) တိုင္တို႔ျဖင့္ ဝန္းရံထားၿပီး ျမန္မာ ၊ မြန္ ႏွင့္ ယြန္း (ရွမ္း) အကၡရာတို႔ျဖင့္ ဗုဒၶဝင္ နိပါတ္ေတာ္မ်ားကို နံရံမ်ားတြင္ ေရးထြင္းထားေလသည္။

သီတင္းကၽြတ္ တာဝတႎသာ မီးပူေဇာ္ၾကရာဝယ္ တႏိုင္ငံလုံး ဗုဒၶဘာသာဝင္ အားလုံး ဘုရားသာ အေရာက္လာဖူး ေျမာ္၍ ဝါတြင္းကာလ ကုန္ဆုံးရအျဖစ္ လွစ္က်ဴးေကာ္ေရာ္ ပူေဇာ္ၾကသည္မွာ ဆီမီးခြက္ တို႔ကို တရင္ျပင္လုံး အျပည့္ဖုံးမၽွ ထြန္းၫွိၾကေလသည္။ ဘုရား၏ တေဒါင့္တြင္ ၈ ေပခြဲ သို႔မဟုတ္ ၂ မီတာခြဲ ေစတီရင္ျပင္ဝယ္ စိုက္ထူထားေသာ ေက်ာက္တိုင္က ေကာင္းမႈ႔ေတာ္ သမိုင္းကို ေဖာ္ျပထားပါသည္။

ဘုရား၏ အေနာက္ဖက္ ကန္ ၂ ကန္အနက္ တကန္က ေမတၱာကန္ ဟုအမည္ေပးထား၍ ကန္ဝန္းက်င္ရွိ မည္သည့္ သစ္ပင္ကမွ အ႐ြက္တခုတေလမွ ကန္မ်က္ႏွာျပင္ ေႂကြက်သက္ဆင္းျခင္း မရွိဟုသိရသည္။

ပါလီမန္အစိုးရလက္ထက္
၁။ ေစတီေတာ္ႀကီး၏အဂၤါေထာင္႔တြင္ ဌာပနာ ထားေသာ လက္ဝဲေအာက္ စြယ္ေတာ္ျမတ္အားေစတီေဖါက္ၿပီး အျပင္ထုတ္၍ပူေဇာ္ရန္ႀကံရြယ္ခဲ့ဖူး၏။
၂။ သို႔ေသာ္ေစတီေတာ္ႀကီးပ်က္စီးမည္႔ အေရးကိုျမင္၍ တစ္​ျပည္လံုးရွိရဟန္းရွင္လူတို႔မႇ ဝိုင္းဝန္း၍ကန္႔ကြက္ၾကသျဖင္႔ ထိုေဘးမွလြတ္ကင္းခဲ႔ရ၏။

ေစတီေတာ္ျမတ္ဖူးထိုက္စြ
“လက္ဝဲေအာက္မည္​ စြယ္ေတာ္စစ္ႏွင္႔
အံ႔ၾသသဖြယ္ ေမြေတာ္ျမတ္တို႔
ကိန္းဝပ္ဌာပနာ ခိုင္ခန္႔ေသခ်ာ
ေျမျပင္ညႊတ္မ်ွ စံလြတ္ဝင္႔ထယ္
လူနတ္အမ်ား ဆပြားၾကည္ညို
ငါးေထာင္တြက္ရည္ သာသနာသည္
တည္ထြန္းပါလိမ္႔ေလး။”

က်မ္းကိုး
သုတၱနိပါတ္အဌကထာ
ဓါဌာဓါတုဝင္ က်မ္း
သကၠဒါန္စာတမ္း
ရာဇာမဏိစူဠာေက်ာက္စာ
ေကာင္းမွဳေတာ္ဘုရားသမိုင္း
ကဝိလကၡဏာ ဝိေသာဒနီ
ဒႏၲပူရျပည္(သီဟို)သမိုင္း
လက္ဝဲအထက္စြယ္ေတာ္သမိုင္း
လက္ဝဲေအာက္စြယ္ေတာ္သမိုင္း
မွန္နန္းရာဇဝင္​​ေတာ္​ႀကီး
ျမန္မာ့စြယ္စုံက်မ္း


“ရာဇာမဏိစူဠာ” စစ်ကိုင်း ကောင်းမှုတော်ဘုရား အကြောင်း သိကောင်းစရာ (unicode)

မူရင်းရေးသားသူ – Ko Zaw Win

“မြတ်ဗုဒ္ဓ၏လက်ဝဲအောက်စွယ်တော် ကိန်းဝပ်ရာ ရာဇာမဏိစူဠာစေတီ”

(စစ်ကိုင်း-ကောင်းမှုတော်)

ကောင်းမှုတော် ဘုရားသည် စစ်ကိုင်း၏ အကျော်ကြားဆုံး အနက်တဆူဖြစ်၍ စစ်ကိုင်းမြို့ မြောက်ဘက် (၆) မိုင်ခန့်အကွာ၌ တည်ရှိပြီး ဘွဲ့အမည်မှာ ရာဇမဏိစူဠာ ဖြစ်သည်။ မြန်မာသက္ကရာဇ် (၉၉၈) ခုနှစ် ၊ ခရစ်နှစ် (၁၆၃၆) ၊ တော်သလင်းလဆန်း (၁၀) ရက် ၊ တနင်္လာနေ့တွင် သတိုးဓမ္မရာဇာ ဘွဲ့ခံ သာလွန်မင်းတရားကြီး တည်ထားကိုးကွယ်ခဲ့သည်။

မြတ်ဗုဒ္ဓ၏စွယ်တော်လေးဆူ

၁။ လက်ယာအထက်စွယ်တော်= သိကြားပြည်(တာဝတိ ံသာ)။
၂။ လက်ယာအောက်စွယ်တော်= နဂါးပြည်။
၃။ လက်ဝဲအထက်စွယ်တော်= ဂန္ဓာလရာဇ်ပြည်(တရုတ်ပြည်)။
၄။ လက်ဝဲအောက်စွယ်တော်= မြန်မာပြည်(စစ်ကိုင်း-ကောင်းမှုတော်)။

မှတ်ချက်

– လက်ဝဲအထက်စွယ်တော်သည်မူလ က ဥဒါယျာနပြည် (ပါကစ္စတန်) တွင် ကိန်းဝပ်ရာမှအေဒီ(၄၇၅)ခုနှစ်၌ဖါဟီ ယန် အမည်ရှိ အိန္ဒိယဘုန်းတော်ကြီး ပင့်ဆောင်လာသဖြင့်တရုတ်ပြည်သို့ရောက်၏။

– လက်ဝဲအောက်စွယ်တော်သည်မူလက ကလိန္ဒတိုင်း၊စန္ဒပူရပြည်(အိန္ဒိယ) ၌ကိန်းဝပ်ရာမှသိန်းဃိုဠ်(သီဟို)ကျွန်​း ထိုမှ ကောဇာသက္ကရာဇ်(၉၃၈)ခုနှစ်၌ မြန်မာပြည်သို့ရောက်၏။

လက်ဝဲအောက်စွယ်တော်မြန်မာပြည် သို့ရောက်ရှိရခြင်းသမိုင်း​ကြောင်း

၁။ လက်ဝဲအောက်စွယ်တော်မြတ်မှာမူ လကစန္ဒပူရပြည်(အိန္ဒိယ)တွင် ကိန်းဝပ်ရာမှကုသိဝမင်းကြီး၏သမီး​တော်ဟေမမာလာနှင့် သမက်တော် ဒန္ဒမင်းသားတို့ ပင့်ဆောင်၍ သီဟိုဠ်သို့​ရောက်၏။

၂။ ကောဇာသက္ကရာဇ်(၉၃၇) ခုနှစ်တွင် သီဟိုဠ်​ကျွန်း၌ ကျည်းကုလားမျာက သာသနာကိုဖျက်ဆီးရာမနှိမ်နင်းနိုင် သဖြင့်​ဓမ္မပါလမင်းစစ်ကူတောင်းရာ ဘုရင့်နောင်မင်းတရားကြီးသည် ရေကြောင်းမှ စစ်ကူ ​စေလွှတ်​​တော်မူရာမိစ္ဆာကျည်းကုလား တို့ကို အောင်နိုင်တော်မူ၏။

၃။ ကောဇာသက္ကရာဇ်(၉၃၈)ခုနှစ်တွင် ဓမ္မပါလမင်းနောင်ရေးကို မြှော်တွေး၍ လက်ဝဲအောက် စွယ်တော် အားဘုရင့်နောင်မင်းတရားကြီးအထံသို့ ဆက် ရာ ဟံသာဝတီသို့ရောက်၏။ ရတနာစေတီ နှင့် ခေါင်းရင်းတော်၌ ထား၍ရိုသေစွာကိုးကွယ်တော်မူ၏။

(သီဟိုဠ်​ ဓမ္မပါလမင်​းနတ်​ရွာစံ​သော အခါဘုရင်​့​နောင်​မင်​းကြီး၏​မြေးဖြစ်​ သူသာလွန်​မင်​းအဖြစ်​ဝင်​စားသည်ဟု ဆိုကြ၏။)

မြန်မာမင်းတို့အဆက်ဆက်ကိုးကွယ်ပုံ

၁။ ဘုရင့်နောင် မင်းတရားကြီး၏ သားတော် နန္ဒဘုရင် ဆက် လက် ​၍ ကိုးကွယ် ရာ မှ ၊သက္ကရာဇ်​ (၉၆၁) ခုနှစ် တွင် ဟံသာဝတီပျက်သဖြင့် ကေတုမတီရွှေနန်းတည်မင်းမဟာဓမ္မရာဇာ (နတ်ရှင်နောင်၏ဖခင်) ပင့်ဆောင်၍ တောင်ငူသို့ရောက်၏။

၂။ နတ်ရှင်နောင်(သံလျင်ရောက်မင်း)လက်ထက် သက္ကရာဇ်(၉၇၂)ခုတွင် ဘုရင့်နောင် ၏ မြေး အနောက်ဖက်လွန်မင်း ( ညောင်ရမ်းမင်းတရား ၏သားတော်) ပင့်ဆောင်၍ ရတနာပူရ(အင်းဝ)သို့ရောက်၏။

၃။ ညီတော်သာလွန်မင်းတရားကြီး(သီဟိုဠ် ​​ဓမ္မပါလမင်း ဝင်စား) သည် ရှေ့ရေးကိုမြှော်တွေး၍ သက္ကရာဇ်(၉၉၈) ခုတွင်” ရာဇာမဏိစူဠာ “စေတီတော် ကြီးအားအခိုင်အခန့်တည်၍ ဌာပနာနာတော်မူ၏။

၄။ ထို ရာဇာမဏိစူဠာကျောက်စာတွင် သက္ကရာဇ်​(၉၉၈)ခုနှစ်​၊နတ်တော်လပြည့်ကျော်(၁)ရက်,သောကြာနေ့ ၌ လက်ဝဲအောက် စွယ်တော်မြတ် ကို အကြောင်းပြု၍အပြည်ပြည်​ထောင်​တို့မှ၊ ချီပင့်အပ်သောမေ​ရမတွက်နိုင်သည့် ဓါတ်တော်၊မွေတော်​တို့နှင့် တကွဌာပနာသည်ဟုဆို၏။

၅။ စေတီတော်ကြီး၏ အင်္ဂါထောင့်တွင် ကျောက်ဖျာသုံးထပ်အဆင့်ဆင့်ခင်း၍ သာသနာ ငါးထောင် တည်စေရန် ထုထည် ကြီးမား၊ခိုင်ခန့်သော အုတ်ကျောက်တို့ဖြင့် ပိတ်လေ၏။ ဌာပနာ တိုက်ပြီးသည်နှင့် စေတီ၏လုံးတော် ကောင်းမွန်သေသပ်လှအောင် လုပ်ဆောင်တော်မူ၏။

စေတီတော်ကို ပစ္စယံ သုံးဆင့်ခံထား၍ သပိတ်မှောက်ထားသကဲ့သို့ တည်ထားသည်။ ထိုကဲ့သို့ စပါးကျီပုံသဏ္ဍာန် စေတီများကို သီဟိုဠ်ကျွန်းတွင် အတွေ့များလေသည်။ စေတီတော်၏ ဉာဏ်တော်မှာ (၁၀၁) တောင် ၊ လုံးပတ် (၅၀၂ တောင် ၂ မိုက် ၄ သစ်) ရှိပြီး စေတီတော် တည်ထားရာတွင် အုပ်ချပ်ရေပေါင်း (၁၀၁၂၆၅၅၂ ) ဖြင့် တည်ထားခဲ့သည်ဟု သိရသည်။

ပစ္စယံ ၃ ဆင့်အလားတူ အဝိုင်းဆင့်ခံထား၍ စေတီယင် ပြင်ပရဂုဏ်ကား နတ်မင်း အပါး ၁၂ဝ အား ကိုယ်စီနတ်နန်း ထွင်း၍ ထားပြီး စေတီတော်တဆူလုံးကို မူ ၅ ပေ သို့မဟုတ် ၂.၅ မီတာဖြင့် ကျောက်ဆစ်ထု ကျောက်သားတိုင် အခိုင်အမာ ၈၁၂ ခု သောအကာအရံ တို့ဖြင့် အတွင်း၌ မူခေါင်း ပေါက်ထိပ်ထိ ဖောက်ထားဘိ၏။ စေတီတော်ကို ကျောက်ဆီမီးတိုင် (၈၀၂) တိုင်တို့ဖြင့် ဝန်းရံထားပြီး မြန်မာ ၊ မွန် နှင့် ယွန်း (ရှမ်း) အက္ခရာတို့ဖြင့် ဗုဒ္ဓဝင် နိပါတ်တော်များကို နံရံများတွင် ရေးထွင်းထားလေသည်။

သီတင်းကျွတ် တာဝတိံသာ မီးပူဇော်ကြရာဝယ် တနိုင်ငံလုံး ဗုဒ္ဓဘာသာဝင် အားလုံး ဘုရားသာ အရောက်လာဖူး မြော်၍ ဝါတွင်းကာလ ကုန်ဆုံးရအဖြစ် လှစ်ကျူးကော်ရော် ပူဇော်ကြသည်မှာ ဆီမီးခွက် တို့ကို တရင်ပြင်လုံး အပြည့်ဖုံးမျှ ထွန်းညှိကြလေသည်။ ဘုရား၏ တဒေါင့်တွင် ၈ ပေခွဲ သို့မဟုတ် ၂ မီတာခွဲ စေတီရင်ပြင်ဝယ် စိုက်ထူထားသော ကျောက်တိုင်က ကောင်းမှု့တော် သမိုင်းကို ဖော်ပြထားပါသည်။

ဘုရား၏ အနောက်ဖက် ကန် ၂ ကန်အနက် တကန်က မေတ္တာကန် ဟုအမည်ပေးထား၍ ကန်ဝန်းကျင်ရှိ မည်သည့် သစ်ပင်ကမှ အရွက်တခုတလေမှ ကန်မျက်နှာပြင် ကြွေကျသက်ဆင်းခြင်း မရှိဟုသိရသည်။

ပါလီမန်အစိုးရလက်ထက်
၁။ စေတီတော်ကြီး၏အင်္ဂါထောင့်တွင် ဌာပနာ ထားသော လက်ဝဲအောက် စွယ်တော်မြတ်အားစေတီဖေါက်ပြီး အပြင်ထုတ်၍ပူဇော်ရန်ကြံရွယ်ခဲ့ဖူး၏။
၂။ သို့သော်စေတီတော်ကြီးပျက်စီးမည့် အရေးကိုမြင်၍ တစ်​ပြည်လုံးရှိရဟန်းရှင်လူတို့မှ ဝိုင်းဝန်း၍ကန့်ကွက်ကြသဖြင့် ထိုဘေးမှလွတ်ကင်းခဲ့ရ၏။

စေတီတော်မြတ်ဖူးထိုက်စွ
“လက်ဝဲအောက်မည်​ စွယ်တော်စစ်နှင့်
အံ့ဩသဖွယ် မွေတော်မြတ်တို့
ကိန်းဝပ်ဌာပနာ ခိုင်ခန့်သေချာ
မြေပြင်ညွှတ်မျှ စံလွတ်ဝင့်ထယ်
လူနတ်အများ ဆပွားကြည်ညို
ငါးထောင်တွက်ရည် သာသနာသည်
တည်ထွန်းပါလိမ့်လေး။”

ကျမ်းကိုး
သုတ္တနိပါတ်အဌကထာ
ဓါဌာဓါတုဝင် ကျမ်း
သက္ကဒါန်စာတမ်း
ရာဇာမဏိစူဠာကျောက်စာ
ကောင်းမှုတော်ဘုရားသမိုင်း
ကဝိလက္ခဏာ ဝိသောဒနီ
ဒန္တပူရပြည်(သီဟို)သမိုင်း
လက်ဝဲအထက်စွယ်တော်သမိုင်း
လက်ဝဲအောက်စွယ်တော်သမိုင်း
မှန်နန်းရာဇဝင်​​တော်​ကြီး
မြန်မာ့စွယ်စုံကျမ်း

Leave a Reply