ျမန္မာႏုိင္ငံက ဘာျမဴဒါ (သုိ႔) ျမန္မာ့ျပန္လမ္းမဲ့ေရကန္

Posted on

ဘာျမဴဒါ ဆုိရင္ အေျဖရွာဖုိ႔ခက္ခဲတဲ့ ထူးဆန္းမႈေတြျပည့္ႏွက္ေနတဲ့ ေနရာလုိ႔ အားလုံးသိၿပီးျဖစ္မွာပါ။ အဓိကကေတာ့ အဲဒီေနရာကို ျဖတ္သန္းသြားတဲ့ သေဘၤာေတြေလယာဥ္ေတြ အစအနမက်န္ပဲ ေပ်ာက္ေပ်ာက္သြားတတ္လုိ႔ပါပဲ။ ဘာျမဴဒါႀတိဂံလုိပဲ ေနရာတစ္ခုျမန္မာႏုိင္ငံမွာ ရွိတယ္လုိ႔ ဆုိရင္ မသိေသးသူမ်ား အံၾသသြားႏိုင္ပါတယ္။ ဟုတ္ပါတယ္။ ဘာျမဴဒါနဲ႔ခပ္ဆင္ဆင္တူတဲ့ ျပန္လမ္းမဲ့ေရကန္လုိ႔ အမည္ေပးထားတဲ့ ေရကန္တစ္ခုဟာ အိႏၵိယျမန္မာနယ္စပ္ နာဂေဒသ ျမန္မာ့ေျမေပၚမွာ တည္ရွိေနပါတယ္။ ေဒသခံေတြကေတာ့ ဒီကန္ကို သူတုိ႔ဘာသာစကားနဲ႔ ေနာင္ယန္းအင္း လုိ႔ ေခၚၿပီး အမ်ားဆုံးသိၾကတဲ့နာမည္ကေတာ့ The Lake Of No Return (ျပန္လမ္းမဲ့ေရကန္) ျဖစ္ပါတယ္။

ဒုတိယကမာၻစစ္အတြင္းက လက္နက္ခဲယမ္း နဲ႔ အသုံးအေဆာင္ပစၥည္းေတြသယ္ေဆာင္ဖုိ႔ ေဖာက္လုပ္ထားတဲ့ လီဒုိလမ္းမႀကီး (သုိ႔) အိႏၵိယ-တရုတ္-ျမန္မာ လမ္း ရဲ႕ေဘး ပန္ေဆာင္ေက်းရြာ အနီးမွာ တည္ရွိေနတဲ့ကန္ျဖစ္ပါတယ္။ မွတ္တမ္းမ်ားအရ ဒီကန္ကုိ ျဖတ္သန္းသြားခဲ့တဲ့ မဟာမိတ္ အေမရိကန္ေလယာဥ္ေပါင္းမ်ားစြာ ဟာ ေပ်ာက္ဆုံးခဲ့ဖူးပါတယ္။ တကယ္ေတာ့ ေလယာဥ္ေတြဟာ ေရကန္ထဲကုိ ပ်က္က်ခဲ့တာျဖစ္ပါတယ္။။ ေနာက္တစ္ခါကေတာ့ ဒါဇင္ေပါင္းမ်ားစြာပါတဲ့ ဂ်ပန္စစ္တပ္တစ္တပ္ျဖစ္ပါတယ္။ စစ္ရႈံးနိမ့္ၿပီးထြက္ေျပးလာတဲ့ ဂ်ပန္စစ္တပ္ဟာ မ်က္စိလည္ၿပီး ဒီေနရာကိုေရာက္တဲ့အခါ စခန္းခ်ခဲ့ပါတယ္။ အဲဒီစခန္းခ်စဥ္ရက္ပုိင္းအတြင္းမွာပဲ ငွက္ဖ်ားေရာဂါအျပင္းအထန္ကူးစက္ခံရၿပီး အားလုံးေသဆုံးကုန္ၾကပါတယ္။

ဒီကန္ရဲ႕ထူးဆန္းတဲ့ျဖစ္ရပ္ေတြေၾကာင့္ မဟာမိတ္အေမရိကန္စစ္ေခါင္းေဆာင္ေတြဟာ ဒီကန္ကို စစ္ေဆးဖုိ႔ စစ္သားတခ်ဳိ႕ကိုေစလႊတ္ခဲ့ပါတယ္။ ဒါေပမယ့္ အဲဒီစစ္သားေတြအားလုံးလည္း ထူးဆန္းစြာေသဆုံးကုန္ၾကျပန္ပါတယ္။ ၁၉၄၂တုန္းကလည္း ၿဗိတိန္စစ္သားေတြဟာ ထြက္ေျပးရင္း ဒီကန္ေနရာမွာ ႏုံးေတြကြ်ံၿပီး ေပ်ာက္ဆုံးကုန္ၾကျပန္ပါတယ္။ စာေရးသူတစ္ေယာက္ကလည္း ဒီေနရာမွာ ေပ်ာက္ဆုံးသြားတဲ့ အစၥေရးလူမ်ဳိးတစ္မ်ဳိးစု တစ္စု ပုန္းေအာင္းေနတယ္လုိ႔ ဆုိပါတယ္။ ေရွးေဒသခံေတြအေနနဲ႔ေတာ့ ဒီကန္ဟာ နတ္ဘီလူးေတြရွိေနတဲ့ကန္လုိ႔ ယုံၾကည္ေနၾကၿပီး ဒီကန္ထဲကငါးေတြကိုေဘးမဲ့ေပးထားၾကပါတယ္။ ဒီကန္ဟာ နဂါးေတြနဲ႔ ဆက္ႏြယ္ေနတယ္ဆုိတဲ့ ပုံျပင္ ဒ႑ာရီေတြလည္း ရွိပါတယ္။ သုေတသနပညာရွင္ေတြကေတာ့ ေလယာဥ္ေတြပ်က္က်ခဲ့တဲ့အေၾကာင္းဟာ ေလယာဥ္မွဴးေတြဟာ ဒီေနရာက ႏုန္းေျမေပၚကို အေရးေပၚ ဆင္းသက္ခဲ့တာေၾကာင့္ အႏၱရယ္ထဲက်ေရာက္ၿပီး ပ်က္ၾကခဲ့ျခင္းျဖစ္တယ္ လုိ႔ ဆုိပါတယ္။

ဒီလုိထူးဆန္းမႈေတြနဲ႔ ျပည့္ႏွက္ေနတာေၾကာင့္ ဒီကန္ကုိ ျပန္လမ္းမဲ့ေရကန္ ( The Lake Of No Return) လုိ႔ အမည္ေပးခဲ့ၾကတာပဲျဖစ္ပါတယ္။ ဒီကန္ရဲ႕အက်ယ္ကေတာ့ အလွ်ား ၁.၄ကီလုိမီတာ အနံ ၀.၈ကီလုိမီတာျဖစ္ပါတယ္။ လီဒုိလမ္းမႀကီးနဲ႔ ၂.၅ကီလုိမီတာ အကြာမွာ တည္ရွိတာပဲျဖစ္ပါတယ္။ ဒီေနရာကုိ ျမန္မာႏုိင္ငံဘက္ကေန သြားလာရအနည္းငယ္ခက္ၿပီး အိႏၵိယဘက္ကေတာ့ လြယ္ကူၿပီး ကမာၻလွည့္ခရီးသြားေတြမၾကာခဏလာေလ့ရွိကာ အိႏၵိယရဲ႕ ဘာျမဴဒါလုိ႔ နာမည္ႀကီးပါတယ္။

———————————-

မြန်မာနိုင်ငံက ဘာမြူဒါ (သို့) မြန်မာ့ပြန်လမ်းမဲ့ရေကန် (unicode)

ဘာမြူဒါ ဆိုရင် အဖြေရှာဖို့ခက်ခဲတဲ့ ထူးဆန်းမှုတွေပြည့်နှက်နေတဲ့ နေရာလို့ အားလုံးသိပြီးဖြစ်မှာပါ။ အဓိကကတော့ အဲဒီနေရာကို ဖြတ်သန်းသွားတဲ့ သင်္ဘောတွေလေယာဉ်တွေ အစအနမကျန်ပဲ ပျောက်ပျောက်သွားတတ်လို့ပါပဲ။ ဘာမြူဒါတြိဂံလိုပဲ နေရာတစ်ခုမြန်မာနိုင်ငံမှာ ရှိတယ်လို့ ဆိုရင် မသိသေးသူများ အံသြသွားနိုင်ပါတယ်။ ဟုတ်ပါတယ်။ ဘာမြူဒါနဲ့ခပ်ဆင်ဆင်တူတဲ့ ပြန်လမ်းမဲ့ရေကန်လို့ အမည်ပေးထားတဲ့ ရေကန်တစ်ခုဟာ အိန္ဒိယမြန်မာနယ်စပ် နာဂဒေသ မြန်မာ့မြေပေါ်မှာ တည်ရှိနေပါတယ်။ ဒေသခံတွေကတော့ ဒီကန်ကို သူတို့ဘာသာစကားနဲ့ နောင်ယန်းအင်း လို့ ခေါ်ပြီး အများဆုံးသိကြတဲ့နာမည်ကတော့ The Lake Of No Return (ပြန်လမ်းမဲ့ရေကန်) ဖြစ်ပါတယ်။

ဒုတိယကမ္ဘာစစ်အတွင်းက လက်နက်ခဲယမ်း နဲ့ အသုံးအဆောင်ပစ္စည်းတွေသယ်ဆောင်ဖို့ ဖောက်လုပ်ထားတဲ့ လီဒိုလမ်းမကြီး (သို့) အိန္ဒိယ-တရုတ်-မြန်မာ လမ်း ရဲ့ဘေး ပန်ဆောင်ကျေးရွာ အနီးမှာ တည်ရှိနေတဲ့ကန်ဖြစ်ပါတယ်။ မှတ်တမ်းများအရ ဒီကန်ကို ဖြတ်သန်းသွားခဲ့တဲ့ မဟာမိတ် အမေရိကန်လေယာဉ်ပေါင်းများစွာ ဟာ ပျောက်ဆုံးခဲ့ဖူးပါတယ်။ တကယ်တော့ လေယာဉ်တွေဟာ ရေကန်ထဲကို ပျက်ကျခဲ့တာဖြစ်ပါတယ်။ နောက်တစ်ခါကတော့ ဒါဇင်ပေါင်းများစွာပါတဲ့ ဂျပန်စစ်တပ်တစ်တပ်ဖြစ်ပါတယ်။ စစ်ရှုံးနိမ့်ပြီးထွက်ပြေးလာတဲ့ ဂျပန်စစ်တပ်ဟာ မျက်စိလည်ပြီး ဒီနေရာကိုရောက်တဲ့အခါ စခန်းချခဲ့ပါတယ်။ အဲဒီစခန်းချစဉ်ရက်ပိုင်းအတွင်းမှာပဲ ငှက်ဖျားရောဂါအပြင်းအထန်ကူးစက်ခံရပြီး အားလုံးသေဆုံးကုန်ကြပါတယ်။

ဒီကန်ရဲ့ထူးဆန်းတဲ့ဖြစ်ရပ်တွေကြောင့် မဟာမိတ်အမေရိကန်စစ်ခေါင်းဆောင်တွေဟာ ဒီကန်ကို စစ်ဆေးဖို့ စစ်သားတချို့ကိုစေလွှတ်ခဲ့ပါတယ်။ ဒါပေမယ့် အဲဒီစစ်သားတွေအားလုံးလည်း ထူးဆန်းစွာသေဆုံးကုန်ကြပြန်ပါတယ်။ ၁၉၄၂တုန်းကလည်း ဗြိတိန်စစ်သားတွေဟာ ထွက်ပြေးရင်း ဒီကန်နေရာမှာ နုံးတွေကျွံပြီး ပျောက်ဆုံးကုန်ကြပြန်ပါတယ်။ စာရေးသူတစ်ယောက်ကလည်း ဒီနေရာမှာ ပျောက်ဆုံးသွားတဲ့ အစ္စရေးလူမျိုးတစ်မျိုးစု တစ်စု ပုန်းအောင်းနေတယ်လို့ ဆိုပါတယ်။ ရှေးဒေသခံတွေအနေနဲ့တော့ ဒီကန်ဟာ နတ်ဘီလူးတွေရှိနေတဲ့ကန်လို့ ယုံကြည်နေကြပြီး ဒီကန်ထဲကငါးတွေကိုဘေးမဲ့ပေးထားကြပါတယ်။ ဒီကန်ဟာ နဂါးတွေနဲ့ ဆက်နွယ်နေတယ်ဆိုတဲ့ ပုံပြင် ဒဏ္ဍာရီတွေလည်း ရှိပါတယ်။ သုတေသနပညာရှင်တွေကတော့ လေယာဉ်တွေပျက်ကျခဲ့တဲ့အကြောင်းဟာ လေယာဉ်မှူးတွေဟာ ဒီနေရာက နုန်းမြေပေါ်ကို အရေးပေါ် ဆင်းသက်ခဲ့တာကြောင့် အန္တရယ်ထဲကျရောက်ပြီး ပျက်ကြခဲ့ခြင်းဖြစ်တယ် လို့ ဆိုပါတယ်။

ဒီလိုထူးဆန်းမှုတွေနဲ့ ပြည့်နှက်နေတာကြောင့် ဒီကန်ကို ပြန်လမ်းမဲ့ရေကန် ( The Lake Of No Return) လို့ အမည်ပေးခဲ့ကြတာပဲဖြစ်ပါတယ်။ ဒီကန်ရဲ့အကျယ်ကတော့ အလျှား ၁.၄ကီလိုမီတာ အနံ ဝ.၈ကီလိုမီတာဖြစ်ပါတယ်။ လီဒိုလမ်းမကြီးနဲ့ ၂.၅ကီလိုမီတာ အကွာမှာ တည်ရှိတာပဲဖြစ်ပါတယ်။ ဒီနေရာကို မြန်မာနိုင်ငံဘက်ကနေ သွားလာရအနည်းငယ်ခက်ပြီး အိန္ဒိယဘက်ကတော့ လွယ်ကူပြီး ကမ္ဘာလှည့်ခရီးသွားတွေမကြာခဏလာလေ့ရှိကာ အိန္ဒိယရဲ့ ဘာမြူဒါလို့ နာမည်ကြီးပါတယ်။

2 thoughts on “ျမန္မာႏုိင္ငံက ဘာျမဴဒါ (သုိ႔) ျမန္မာ့ျပန္လမ္းမဲ့ေရကန္

  1. အခုေတာ့ ေ႔ည႔ကူးေ႔ေရကန္ ျဖစ္ြာၿီ။ ဘာမွေၾကာက္စရာ မလိုေတာ့ဘူး။
    Now the villagers rows boats day and night on that lake.

Leave a Reply