အဆိပ်ပြင်းတဲ့ ပဒူကောင်အကြောင်း နဲ့ သတိထားသင့်တဲ့အချက်များ

Posted on

ရေးသားသူ – ဇွန်ခိုင်ဦး (ဆေးဝါးတက္ကသိုလ်)

ပဒူကောင် ဆိုတဲ့ နာမည်ကို မကြာခဏကြားဖူးကြမှာပါ။ ဒီအကောင်ကိုက်လို့သေတဲ့ အကြောင်းတွေကိုလည်း မကြာခဏတွေ့ရတတ်ပါတယ်။ အလွန်အန္တရာယ်ရှိတဲ့ အကောင်ဖြစ်ပါတယ်။ ပြီးခဲ့တဲ့နှစ်အနည်းငယ်ကဆို ဒီအကောင်အုပ်စုလိုက် ၀ိုင်းကိုက်တာကြောင့် လူပေါင်း ၂၁ဦး သေဆုံးခဲ့ရပါတယ်။ မြန်မာ မှာလည်း ရံဖန်ရံခါ ကြားရတတ်ပါတယ်။ ပြီးခဲ့တဲ့နှစ်ကဆို အင်ဂျင်နီယာလူငယ်လေးတစ်ဦးဟာ ပဒူကောင်အကိုက်ခံရလို့ သေဆုံးခဲ့တာဟာ တကယ်စိတ်မကောင်းစရာပါ။ သူဟာ တာဝါတိုင်သန့်ရှင်းရေးလုပ်ရင်း ပဒူကို ပျားအုံအမှတ်နဲ့ ထိုးချခဲ့တာကြောင့် ပဒူကောင်တွေရဲ့ ကိုက်ခြင်းကို ခံလိုက်ရပါတယ်။ ဒါကြောင့် ပဒူကောင်ကို မသိသေးတဲ့ မိတ်ဆွေများအတွက် ပဒူကောင်အကြောင်း နဲ့ ရှောင်ရမယ့် အချက်တွေကို ပြန်လည်ဝေမျှလိုက်ပါတယ်။

ပဒူကောင်ဆိုတာ နကျယ်ကောင်အမျိုးအစား အင်းဆက်ဖြစ်ပြီး ပျားတွေ၊ ပုရွက်ဆိတ်တွေလိုပဲ အစုအဖွဲ့နဲ့ ရှိတတ်ကြပါတယ်။ ပျားလိုပဲ ပဒူကောင်တွေကလည်း ပဒူအသိုက်အမြုံကို တည်ဆောက်လေ့ရှိကာ မျိုးမပွား နိုင်တဲ့ပဒူကောင်အမတွေက ပဒူဘုရင်မတစ်ကောင်ဥတွေဥနိုင်ဖို့ရာအတွက် အသိုက်အမြုံကိုတည်ဆောက်ပေးကြရပါတယ်။ အများအားဖြင့် ပဒူကောင်အကိုက်ခံရတယ်ဆိုတာလူတွေက သူတို့ပဒူအသိုက်အမြုံကို လာရောက်နှောက်ယှက်ဖို့ ကြိုးစားတာကြောင့်ဖြစ်တတ်ပါတယ်။

ပဒူကောင်တွေက ကမ္ဘာတစ်ဝန်းမှာနေထိုင်ကျက်စားလေ့ရှိပေမယ့် အဓိကအားဖြင့် ဥရောပ ပဒူကောင် (European) နဲ့ ဥရောပ မဟုတ်တဲ့ ပဒူကောင် (Non-European)ဆိုပြီး နှစ်မျိုးခွဲခြားလေ့ရှိပါတယ်။ ပဒူကောင်မှာ ရိုးရိုးပဒူကောင်အပြင် အခြားအမျိုးအစားများလည်း ရှိပါသေးတယ်။ မြေအောင်းပဒူကောင်ဆိုတာမျိုးလဲ ရှိပါတယ်။ အထူးသဖြင့် လူသူမနီးတဲ့တောနက်များမှာ ရှိတတ်ပီး ပကတိမြေပြင်သဖွယ်ပုံစံကြောင့် သတိမမူမိသော လူ-တိရိစ္ဆာန်များ သူတို့ အသိုက်အမြုံ သို့ ကျသွားမိပါက လျင်မြန်သောအချိန်ပိုင်းလေးမှာတင် ကျရောက်သွားသော ခန္ဓာကိုယ်အစိတ်အပိုင်းအား အရိုးကျသည်အထိ ကိုက်နိုင်သောကြောင့် အလွန်အန္တရာယ်ကြီးမားပါတယ်။

တောကြီးပဒူကောင် ခေါ် အသားစားပဒူကောင်ဆိုတဲ့ အဆိပ်ပြင်းထန် အန္တရာယ်များတဲ့ ပဒူအမျိုးအစားလဲရှိပါသေးတယ်။တောကြီးပဒူကောင်ဟာ အသားစားပီး တောနက်ထဲမှာ အသိုက်အမြုံလုပ်နေလေ့ရှိပါတယ်။ တောကြီးပဒူကောင်ရဲ့ အကိုက်ကိုခံရရင်တော့ ကျွဲ-နွား တိရိစ္ဆာန်တွေမှာ ဇီးရှိချိန်ဆိုရင် သားလျောတဲ့အထိကိုအဆိပ်ပြင်းထန်ပါတယ်။ တချို့ တောလိုက်မုဆိုးတွေဟာ ပဒူဆံကိုလိုချင်လို့ ပျားဖွတ်သလိုဖွတ်ရတဲ့အခါ အခန့်မသင့်ရင် တောကြီးပဒူကောင်အကိုက်ကိုခံရတတ်ပါတယ်။ အကိုက်ခံရတဲ့နေရာ အသားကပုပ်ပီးကျတတ်လို့ ဟောင်းလောင်းပေါက်ကြီးဖြစ်တဲ့အထိကိုဖြစ်တတ်ပါတယ်။ ပဒူကို စားသုံးကြရာမှာ ပဒူဆံရော ပဒူကောင်ကြော်ကိုပါ စားကြတာတွေ့ရပါတယ်။ ပဒူဆံဟာ အရသာ အင်မတန်ဆိမ့်၍ အရသာကောင်းသလောက် အဆိပ်အတောက်လဲ ပြင်းထန်လွန်းတာကြောင့် ကိုယ်ဝန်ဆောင်အမျိုးသမီးများ စားသုံးမိလျှင် ကိုယ်ဝန်လျောကျပျက်ဆီးစေပါတယ်။

ပဒူကောင်အကိုက်ခံရတဲ့အခါ အဆိပ်ရှိပါတယ်။ ဒါပေမဲ့ အများအားဖြင့် ပဒူကောင်တစ်ကောင်တည်း ကိုက်တာ ကတော့ လူတွေအတွက် အန္တရာယ်မဖြစ်စေနိုင်ပါဘူး။ ဒါပေမယ့် ပဒူကောင်အုပ်လိုက် အကိုက်ခံရမယ်ဆိုရင်တော့ လူကို သေစေနိုင်တဲ့အထိ အန္တရာယ်ရှိပါတယ်။ ပဒူကောင်အကိုက်ခံရတာက တခြားနကျယ်ကောင် အများစုအကိုက်ခံရတာထက်ပိုပြီး ပြင်းထန်တဲ့ နာကျင်မှုကိုဖြစ်စေနိုင်ပါတယ်။ အကြောင်းကတော့ပဒူကောင်တစ်ကောင်ရဲ့ အဆိပ်မှာ အဆီတိုင်းကိုလင်း (Acetyl-choline) ငါးရာခိုင်နှုန်း ပါဝင်နေလို့ပဲ ဖြစ်ပါတယ်။ အဆီတိုင်းကိုလင်းဟာ နျူရိုထရန်စ်မစ်တာဖြစ်ပြီး ဦးနှောက်ဆီကို နာကျင်မှု အချက်ပြသင်္ကေတကို ပို့လွှတ်ရာမှာ ပါဝင်ကူညီနေပါတယ်။

ပဒူကောင် အကိုက်ခံရလျှင်

♦ ပဒူကောင်တစ်ကောင် အကိုက်ခံရပြီဆိုတာနဲ့ အရင်ဆုံးလုပ်သင့်တာကသင့်အနီးအနားမှာ တခြား ပဒူကောင်တွေ ဝိုင်းမလာစေဖို့ ဆန်းစစ်ရပါမယ်။ ရှိနေတဲ့ ပဒူကောင်တစ်ကောင်တည်းကနေ တစ်ကြိမ်ထက် ပိုပြီး အကိုက်ခံရနိုင်တာကိုလည်း သတိပြုရှောင်ရှားရပါမယ်။

♦ ပဒူကောင်အစွယ်က သင့်ဆီမှာကျန်ခဲ့သလားဆိုတာကို ဆန်းစစ်ပါ။ ပဒူကောင်အစွယ်က သေးငယ်ပေ မယ့် မြင်ရပါတယ်။ ပဒူကောင် အကိုက်ခံရပြီး အစွယ်တစ်ခု တွေ့ပြီဆိုရင် ဖယ်ရှားနိုင်ဖို့ စူးရှတဲ့အစွန်း တစ် ခုခုကို သုံးပါ။ ဇာဂနာကို မသုံးပါနဲ့။ ပဒူကောင်အကိုက်ခံရပြီးနောက် ဇာဂနာနဲ့ ပဒူအစွယ်ကို ဖယ်ရှားမယ် ဆိုရင် ပဒူကောင်အဆိပ်တွေက ကိုယ်ထဲကို မတော်တဆပိုပြီး ဝင်ရောက်သွားနိုင်ပါတယ်။ ခရက်ဒစ်ကတ်ပြား အစွန်းဒါမှမဟုတ် ဓားချွန်ချွန်ပါးပါးနဲ့ ပဒူကောင် အစွယ်ရှိနေတဲ့ အရေပြားကိုဆန့်ကျင်ထိုးသွင်းပြီး ပဒူကောင် အစွယ်ကို ဖယ်ထုတ်ရမှာ ဖြစ်ပါတယ်။

♦ ပဒူကောင်အစွယ်ကို ဖယ်ထုတ်ပြီးပြီဆိုရင် အဲဒီအရေပြားနေရာကို ရေခဲအုပ်ပေးရမှာ ဖြစ်ပါတယ်။ ဒီနည်း ဟာ ပဒူကောင်အကိုက်ခံရတဲ့အတွက် ဖြစ်တဲ့ နာကျင်မှုနဲ့ ရောင်ရမ်းမှုတွေကို လျော့ကျစေနိုင်ပါတယ်။ ပြီး ရင် နာကျင်မှု လျော့ကျစေဖို့ ဟစ္စတာမင်းတား လိမ်းဆေး (Topical Antihistamine) ကို လိမ်းပေးပါ။ ပဒူကောင်အကိုက်ခံထားရတဲ့ အရေပြားနေရာက နီပြီး ရောင်ရမ်းနေနိုင်ပါတယ်။

♦ ရေခဲအုပ်တာက နာကျင်ကိုက်ခဲမှုကိုလျော့ကျစေပေမယ့် အထိရောက်ဆုံးနည်းကTDS-40 ဖျန်းဆေးကို သုံးတာပဲဖြစ်ပါတယ်။ မိနစ်အနည်းငယ်အတွင်းနာကျင်ကိုက်ခဲမှုကို သက်သာစေပါတယ်။

♦ ပဒူကောင်အကိုက်ခံရတာကြောင့်ပြင်းပြင်းထန်ထန်နာကျင်နေရင် အကိုက်အခဲပျောက်ဆေး (Ibuprofen လို ဆေးဝါး)သောက်ပါ၊ ဒါမှမဟုတ် Topical Anesthetic လိမ်းဆေး လိမ်းပါ။ ပဒူကောင် အကိုက်ခံရပြီး နာကျင်မှု ဖြစ်ပေါ်တဲ့နေရာကို ကူးစက်ပိုးဝင်မှု မဖြစ်အောင်ပုံမှန် ဆေးကြောသန့်စင်ပေးရပါမယ်။

အရေးကြီးသည့်အချက် – သင်က ပဒူအစွယ်အဆိပ်နဲ့ ဓာတ်မတည့်မှု ဖြစ်ရင်ဆေးရုံ၊ ဆေးခန်းကို အမြန်ဆုံး သွားရောက်သင့်ပါတယ်။

ပဒူကောင် အကိုက်ခံရခြင်းမှရှောင်လွှဲနိုင်ရန်
ပဒူကောင် အသိုက်အမြုံနဲ့ နီးကပ်လွန်းတဲ့ နေရာတစ်ဝိုက်ကို ရှောင်ရှားပါ။ ပဒူကောင်အကိုက်ခံရတယ်လို့ သတင်းကြားတဲ့နေရာတွေကို သတိလက်လွတ် သွားလာတာမျိုးကို ရှောင်ပါ။ သင့်အိမ်အနီး ဒါမှမဟုတ် အလုပ်အနီးတစ်ဝိုက်မှာ ပဒူကောင်တွေက အသိုက်ဖွဲ့နေထိုင်တယ်ဆိုရင် အဲဒီအသိုက်ကို ချက်ချင်းဖယ် ရှားနိုင်ဖို့ ဘေးအန္တရာယ်ကင်းတဲ့ နည်းလမ်းတွေကို ရှာဖွေအကောင်အထည်ဖော်ရပါမယ်။

လူတိုင်း ပဒူကောင်အကိုက်ခံရခြင်းအန္တရာယ် ကင်းဝေးကြပါစေ။
ဇွန်ခိုင်ဦး (ဆေးဝါးတက္ကသိုလ်)

 

Leave a Reply