ေကသရာဇာျခေသၤ့မင္းေတြကလည္း လိင္တူဆက္ဆံတတ္ပါသတဲ့

Posted on

က်ေနာ္တုိ႔ အစဥ္အဆက္သိထားၾကတာကေတာ့ တိရစာၦန္ေတြထဲမွာ ျခေသ့ၤဟာ အရဲရင့္ဆုံးပါတဲ့။ ရဲရင့္လြန္းလုိ႔ ေတာဘုရင္ဘြဲ႔ေပးထားၿပီး ျခေသ့ၤမင္းလုိ႔ေတာင္ ေခၚၾကတယ္ မဟုတ္လား။ ဒါေပမယ့္ ျခေသ့ၤအထီးစုံတြဲတစ္တြဲရဲ႕ပုံကုိ ဓာတ္ပုံဆရာတစ္ေယာက္က အမွတ္မထင္ရုိက္မိလုိက္တဲ့အခါမွာေတာ့ အားလုံးအံၾသကုန္ၾကပါတယ္။

ဒီဓာတ္ပုံေတြ အဂၤလန္ေျမာက္ပုိင္းက ေယာ့ရႈိင္းယား ေတာရုိင္းပန္းၿခံထဲမွာ ရုိက္ကူးမိခဲ့တာပဲျဖစ္ပါတယ္။ ဒီေနရာမွာ ျခေသ့ၤအေကာင္ေပါင္း ၁၃ေကာင္ကုိ ထိမ္းသိမ္းထားရွိပါတယ္။ အေပ်ာ္တမ္းဓာတ္ပုံဆရာတစ္ေယာက္ျဖစ္တဲ့ Russ Bridges ဟာ အဲဒီေနရာကုိ ဇနီးျဖစ္သူနဲ႔အတူ သြားလည္ခဲ့ပါတယ္။ သူတုိ႔ကေတာ့ ေတာရုိင္းတိရစာၦန္ေတြကုိ ၾကည့္ခ်င္လုိ႔သြားတာျဖစ္ၿပီး မွတ္တမ္းတင္တဲ့အေနနဲ႔ ဓာတ္ပုံရုိက္တဲ့အခါ ျမင္ေတြ႔ရခဲတဲ့ ထူးထူးဆန္းဆန္းျမင္ကြင္းကိုေတြ႔လုိက္ရပါတယ္။ အဲဒါကေတာ့ ျခေသၤ့အထီးတစ္ေကာင္ ဟာ ေနာက္ျခေသ့ၤအထီးတစ္ေကာင္ရဲ႕ အေနာက္ကိုသြားကာ မိတ္လုိက္တာပဲျဖစ္ပါတယ္။

“အစကေတာ့ အခ်င္းခ်င္းကပ္ထုိင္ေနတယ္လုိ႔ထင္တာ။ ဒါေပမယ့္ တစ္္ေကာင္က ေနာက္တစ္ေကာင္ေပၚကိုတက္ လွ်ာနဲ႔လ်က္ၿပီး လႈပ္လႈပ္ရွားရွားလုပ္ေတာ့မွ လိင္တူအခ်င္းခ်င္း မိတ္လုိက္ေနတယ္ဆုိတာ သိလုိက္ရတယ္။ လုံး၀အံၾသသြားရတဲ့ ျမင္ကြင္းပါ” လုိ႔ ဓာတ္ပုံဆရာက ဆုိပါတယ္။ က်ေနာ္တုိ႔ ပုံမွန္လူေတြအတြက္ ဒီျမင္ကြင္းဟာ ထူးဆန္းေပမယ့္ ေတာရုိင္းေလ့လာသူေတြအတြက္ကေတာ့ ပုံမွန္ပါပဲတဲ့။ ျခေသ့ၤေတြမွာ လိင္တူအက်င့္ရွိတဲ့ျခေသၤ့ေတြရွိၿပီး သူတုိ႔ဟာ မိတ္လုိက္ရုံတင္မက တစ္ေကာင္ကိုတစ္ေကာင္ပုိးပမ္းတာေတြ ၊ ေခ်ာ့ျမဴတာေတြ ၊ ေခါင္းခ်င္းတုိက္ကာ ပြတ္သတ္တတ္တာေတြ လုပ္ေလ့ရွိပါသတဲ့။

ျခေသ့ၤထီးႏွစ္ေကာင္ရဲ႕ေဘးမွာ ျခေသၤ့မတစ္ေကာင္ရွိေနေပမယ့္ ျခေသ့ၤထီးစုံတြဲကေတာ့ ဂရုစုိက္ျခင္းအလ်ဥ္းမရွိပဲ သူတုိ႔အလုပ္ကုိသာ အာရုံစုိက္လုပ္ေနပါတယ္။ ျခေသ့ၤအထီးအခ်င္းခ်င္းသာမက ျခေသၤ့အမ အခ်င္းခ်င္းလည္း ခ်စ္ႀကဳိက္ဆက္ဆံတတ္ပါသတဲ့။ ဒီဓာတ္ပုံေတြဟာ အြန္လုိင္းေပၚမွာ ခ်က္ခ်င္းျပန္႔ႏွံ႔သြားၿပီး လူသန္းေပါင္းမ်ားစြာကို အံၾသေစခဲ့ပါတယ္။


ကေသရာဇာခြင်္သေ့မင်းတွေကလည်း လိင်တူဆက်ဆံတတ်ပါသတဲ့ (unicode)

ကျနော်တို့ အစဉ်အဆက်သိထားကြတာကတော့ တိရစ္ဆာန်တွေထဲမှာ ခြင်္သေ့ဟာ အရဲရင့်ဆုံးပါတဲ့။ ရဲရင့်လွန်းလို့ တောဘုရင်ဘွဲ့ပေးထားပြီး ခြင်္သေ့မင်းလို့တောင် ခေါ်ကြတယ် မဟုတ်လား။ ဒါပေမယ့် ခြင်္သေ့အထီးစုံတွဲတစ်တွဲရဲ့ပုံကို ဓာတ်ပုံဆရာတစ်ယောက်က အမှတ်မထင်ရိုက်မိလိုက်တဲ့အခါမှာတော့ အားလုံးအံသြကုန်ကြပါတယ်။

ဒီဓာတ်ပုံတွေ အင်္ဂလန်မြောက်ပိုင်းက ယော့ရှိုင်းယား တောရိုင်းပန်းခြံထဲမှာ ရိုက်ကူးမိခဲ့တာပဲဖြစ်ပါတယ်။ ဒီနေရာမှာ ခြင်္သေ့အကောင်ပေါင်း ၁၃ကောင်ကို ထိမ်းသိမ်းထားရှိပါတယ်။ အပျော်တမ်းဓာတ်ပုံဆရာတစ်ယောက်ဖြစ်တဲ့ Russ Bridges ဟာ အဲဒီနေရာကို ဇနီးဖြစ်သူနဲ့အတူ သွားလည်ခဲ့ပါတယ်။ သူတို့ကတော့ တောရိုင်းတိရစ္ဆာန်တွေကို ကြည့်ချင်လို့သွားတာဖြစ်ပြီး မှတ်တမ်းတင်တဲ့အနေနဲ့ ဓာတ်ပုံရိုက်တဲ့အခါ မြင်တွေ့ရခဲတဲ့ ထူးထူးဆန်းဆန်းမြင်ကွင်းကိုတွေ့လိုက်ရပါတယ်။ အဲဒါကတော့ ခြင်္သေ့အထီးတစ်ကောင် ဟာ နောက်ခြင်္သေ့အထီးတစ်ကောင်ရဲ့ အနောက်ကိုသွားကာ မိတ်လိုက်တာပဲဖြစ်ပါတယ်။

“အစကတော့ အချင်းချင်းကပ်ထိုင်နေတယ်လို့ထင်တာ။ ဒါပေမယ့် တစ်ကောင်က နောက်တစ်ကောင်ပေါ်ကိုတက် လျှာနဲ့လျက်ပြီး လှုပ်လှုပ်ရှားရှားလုပ်တော့မှ လိင်တူအချင်းချင်း မိတ်လိုက်နေတယ်ဆိုတာ သိလိုက်ရတယ်။ လုံးဝအံသြသွားရတဲ့ မြင်ကွင်းပါ” လို့ ဓာတ်ပုံဆရာက ဆိုပါတယ်။ ကျနော်တို့ ပုံမှန်လူတွေအတွက် ဒီမြင်ကွင်းဟာ ထူးဆန်းပေမယ့် တောရိုင်းလေ့လာသူတွေအတွက်ကတော့ ပုံမှန်ပါပဲတဲ့။ ခြင်္သေ့တွေမှာ လိင်တူအကျင့်ရှိတဲ့ခြင်္သေ့တွေရှိပြီး သူတို့ဟာ မိတ်လိုက်ရုံတင်မက တစ်ကောင်ကိုတစ်ကောင်ပိုးပမ်းတာတွေ ၊ ချော့မြူတာတွေ ၊ ခေါင်းချင်းတိုက်ကာ ပွတ်သတ်တတ်တာတွေ လုပ်လေ့ရှိပါသတဲ့။

ခြင်္သေ့ထီးနှစ်ကောင်ရဲ့ဘေးမှာ ခြင်္သေ့မတစ်ကောင်ရှိနေပေမယ့် ခြင်္သေ့ထီးစုံတွဲကတော့ ဂရုစိုက်ခြင်းအလျဉ်းမရှိပဲ သူတို့အလုပ်ကိုသာ အာရုံစိုက်လုပ်နေပါတယ်။ ခြင်္သေ့အထီးအချင်းချင်းသာမက ခြင်္သေ့အမ အချင်းချင်းလည်း ချစ်ကြိုက်ဆက်ဆံတတ်ပါသတဲ့။ ဒီဓာတ်ပုံတွေဟာ အွန်လိုင်းပေါ်မှာ ချက်ချင်းပြန့်နှံ့သွားပြီး လူသန်းပေါင်းများစွာကို အံသြစေခဲ့ပါတယ်။

 

Leave a Reply