ကမ္ဘာ့အကြီးဆုံး လေယာဉ်သင်္ချိုင်း

Posted on

ကမ္ဘာအကြီးဆုံးလေယာဉ်သင်္ချိုင်း (သို့) အမေရိကန်လေတပ်သင်္ချိုင်း ကတော့အမေရိကန်နိုင်ငံ အရီဇိုးနားသဲကန္တာရအတွင်းမှာရှိပြီး လေယာဉ် စုစုပေါင်း ၄၄၀၀ကျော်လောက်ရှိပါတယ်။

Davis-Monthan လေတပ်အခြေစိုက်စခန်းကတော့ လေတပ်ပြုပြင်ထိန်းသိမ်းရေးတပ်ဖွဲ့ ၃၀၉ (309th Aerospace Maintenance and Regeneration Group(AMARG)) ရဲ့အသုံးမပြုတော့တဲ့ စစ်ဘက်သုံးလေယာဉ်တွေ တိုက်လေယာဉ်တွေကို စွန့်ပစ်ရာသင်္ချိုင်းလို့ လူသိများပါတယ်။

ဒုတိယ ကမ္ဘာစစ်သုံးလေယာဉ်များအပါအဝင် စစ်ဘက်သုံးအကြီးစားသယ်ယူပို့ဆောင်ရေးလေယာဉ်ဖြစ်တဲ့ A10 Thunderbolts ၊ Top Gun ရုပ်ရှင်နဲ့ နာမည်ကြီးခဲ့တဲ့ F-14 Tomcat ကနေနျူကလီးယား သယ်ဆောင်ဗုံးကြဲနိုင်တဲ့ B-52 Stratofortress အထိရှိတဲ့ ဒီလေယာဉ်သင်္ချိုင်းကြီးကို ဧက၂၆၀၀နီးပါးရှိတဲ့ အရီဇိုးနားပြည်နယ် Tucson မြို့နားက သဲကန္တာရ ထဲမှာတွေ့နိုင်ပါတယ်။

တကယ်တော့ဒီလေတပ်စခန်းဟာ လေယာဉ်တွေရဲ့သင်္ချိုင်းလို့ပြောလို့ရသလို လက်ရှိအသုံးပြုနေတဲ့လေယာဉ်များအတွက် အပိုပစ္စည်းများထုတ်လုပ်ပေးရာနေရာလည်းဖြစ်ပါတယ်။ ထို့အတူစစ်ရေးအရလိုအပ်လာရင် အဆင်သင့်အသုံးပြုလို့ရအောင် လုပ်ဆောင်ပေးတဲ့နေရာလည်းဖြစ်ပါတယ်။

စစ်အေးကာလမှာ ဆိုဗီယက်ဂြိုလ်တုတွေရဲ့ ထောက်လှန်းမှု့ကလွတ်ကင်းအောင် နျူကလီးယား သယ်ဆောင်ကြဲချနိုင်တဲ့ B52 တွေကို တောင်ပံတွေဖြုတ်ထားခြင်း မြေပြင်ပေါ်တွင်ထားခြင်းဖြင့် လှည့်စားခဲ့ပေမယ့် လိုအပ်လာရင်တော့ ဒီလေယာဉ်ပျံတွေဟာ အမေရိကန်လေတပ်အတွက် တာဝန်ထမ်းဆောင်ဖို့အသင့်ပဲဆိုတာကို နှစ်၅၀လောက်ဒီသင်္ချိုင်းမှာထားတဲ့ B-52လေယာဉ်တစ်စင်းကို ၂၀၁၅မှာ တာဝန်ပြန်လည်ထမ်းဆောင်နိုင်ဖို့လုပ်ဆောင်နိုင်ခဲ့တာကို ကြည့်ခြင်းအားဖြင့်သိနိုင်ပါတယ်။

သင်္ချိုင်းမှာထားရှိတဲ့ လေယာဉ်မျာအနက် တချို့လေယာဉ်တွေကတော့ အတောင်နဲ့နုတ်သီးပိုင်းတွေမရှိတော့ပဲ တာဝန်ထမ်းဆောင်ဆဲလေယာဉ်တွေအတွက် အပိုပစ္စည်း ထောက်ပံတဲ့တာဝန်ထမ်းဆောင်သလို တချို့ကတော့တာဝန်ထမ်းဆောင်ဖို့လိုအပ်လာရင် အဆင်သင့်ဖြစ်နေအောင် လုပ်ဆောင်ထားတယ်လို့သိရပါတယ်။

David-Monthan လေတပ်အခြေစိုက်စခန်းဟာ လေယာဉ်အပျက်များသိမ်းဆည်းရာနေရာဖြစ်သလို ရုပ်ရှင် ကုမ္ပဏီများအတွက်ရုပ်ရှင်များ ရုပ်သံဇာတ်လမ်းတွဲများရိုက်ကူးရာနေရာတစ်ခုလည်းဖြစ်ပါတယ်။ ဒီအခြေစိုက်စခန်းမှာ နောက်ဆုံးရိုက်ကူးထားတဲ့ရုပ်သံကတော့ ယနေ့လူငယ်ပရိတ်သတ်များအကြားမှာရေပန်းစားနေတဲ့ Transformers ဇာတ်လမ်းတွဲရဲ့နောက်ဆုံးထွက်ရှိထားတဲ့ Revenge of the Fallen ဖြစ်ပါတယ်။

အောက်ပါ Bing ကုမ္ပဏီက ပြုလုပ်ထားတဲ့ Bing Maps မှာ David-Monthan လေတပ်အခြေစိုက်စခန်းကို Bird Eye View နဲ့ကြည့်ရှု့၍ နာမည်ကြီး စစ်လေယာဉ်များ၏နေဝင်ချိန်(ဝါ) ပြန်လည်နိုးထမယ့်နေ့ရက်တွေကိုစောင့်မျှော်နေတာကို အပြင်မှာမြင်ရသကဲ့သို့တွေ့ရှိနိုင်မှာဖြစ်ပါတယ်။ မိုဘိုင်းဖုန်းပေါ်တွင် ကြည့်ရှု့နိုင်မည်မဟုတ်ပဲ ကွန်ပျူတာရှိ IE, Chrome နှင့် Mozilla အစရှိသည့် Browser များပေါ်တွင်သာကြည့်ရှု့နိုင်မည်ဖြစ်သည်။

Linkhttps://binged.it/2qJkezZ

VIDEO

 

Source : The Standard Time Daily

Leave a Reply