အရင်းအနှီး မလုံလောက်ပဲ စီးပွားရေးလုပ်ငန်းများကို တည်ထောင်ပြီးမှ သန်းကြွယ်သူဌေးဖြစ်သွားကြသူများ 

ရေးသားသူ – ဖတ်ဖူးသမျှ မှတ်သားထားသောစာစုများ

တကယ်အလုပ်လုပ်ချင်သူတွေဟာ ကိုယ့်လက်ထဲေ ငွကြေးအရင်းအနှီးအနည်းအများကိုကြည့်ပြီး အလုပ်လုပ်တာမဟုတ်ပါဘူး ။ အမှန်တကယ်အလုပ်လုပ်ချင်တဲ့စိတ်ကနေ အဟုတ်အမှန်ချမ်းသာကြွယ်ဝသွားကြသူများသာဖြစ်ပါတယ် ။ သို့ပေမယ့် သင့်မျက်လုံးတွေကို အမြင်ကျယ်ကျယ်ကြည့်ခိုင်းပြီး သင့်နားတွေကလည်းလူတွေရဲ့လိုအပ်မှု ကိုနားထောင်နိုင်စွမ်းရှိဖို့တော့လိုပါတယ် ။ သာဓကအနေနဲ့ ….

၁။ မြန်မာပြည်သား U Philip Maung (ခေါ်) ကိုဘုန်းလွင်
၁၃ဒေါ်လာပဲရှိရာမှ Hissho Sushi ဆိုင်ခွဲပေါင်း၄၀၀ကျော်ဖွင့်လှစ်နိုင်ခဲ့သူ

လွန်ခဲ့သောအနှစ် ၂၀ ကျော်လောက်က အမေရိကန်ပြည်ထောင်စုကို ၁၃ ဒေါ်လာနဲ့ထွက်သွားခဲ့တဲ့ မြန်မာလူငယ်လေးတစ်ယောက်ဟာ ယနေ့အခါမှာဆူရှီဆိုင်လေးရာကျော် ဖွင့်လှစ်နိုင်နေပြီဆိုရင် စာဖတ်သူတို့အံ့သြမလားမသိဘူး။ Philip Maung (ခေါ်) ကိုဘုန်းလွင်ကတော့ အဲ့ဒီလိုအံ့သြစရာဖြစ်အောင် လုပ်ပြခဲ့သူပါပဲ ။

သူအမေရိကန်ကို စရောက်တုန်းက ရရာအလုပ်လုပ်ခဲ့ပေမယ့် သိပ်မကြာခင်မှာပဲသူရည်ရွယ်ထားတဲ့ စားသောက်ဆိုင်လုပ်ငန်းကို လုပ်ဖြစ်အောင်လုပ်ခဲ့တယ် ။ စစချင်းမှာငွေကြေး အခက်အခဲရှိခဲ့ပေမယ့် သူရဲ့ကြိုးစားအားထုတ်မှု နဲ့စီမံခန့်ခွဲမှုကြောင့်ဆူရှီဆိုင်လေးရာကျော်ဖွင့်လှစ်နိုင်သည် အထိအောင်မြင်လာခဲ့သူတစ်ဦးဖြစ်လာခဲ့ပါတယ် ။
( အထက်ပါစာပိုဒ် U Philip Maung အကြောင်းကို ပါမောက္ခဒေါက်တာအောင်ထွန်းသက်တွေ့ဆုံမေးမြန်းပြီးမှထုတ်ဝေထားတဲ့ “ မြန်မာ့စီးပွားရေးထူးချွန်သူများ” ဆိုတဲ့စာအုပ်မှပြန်လည်ကူးယူဖော်ပြပေးထားခြင်းဖြစ်ပါတယ် ။ )

ဆက်လက်၍ နောက်ထပ်သာဓကအနေဖြင့်-

၂။ အမေရိကန်ပြည်ဖွား Dan Carney နှင့် Frank Carney
Pizza Hut
သမိုင်းတွင်သောမုန့်တစ်ချပ်

၁၉၅၀ ပြည့်လွန်နှစ်တွေမှာDan Carney နှင့် Frank Carney ညီအစ်ကို နှစ်ယောက်ဟာ ကင်းဆပ်ပြည်နယ် Wichita မှာကောလိပ်ကျောင်းတက်နေတုန်း သူတို့ညီအစ်ကိုနှစ်ဦးအတွက် ကျောင်းစရိတ်ကာမိရုံစိတ်ကူးနဲ့ မရဲတရဲ
စလုပ်ဖြစ်တာပါ ။ ဒီအလုပ်အတွက်သူတို့အမေဆီကနေ ဒေါ်လာအနည်းငယ်ချေးယူပြီးမှ ပီဇာလုပ်နည်းအတွေ့အကြုံ ရှိသူတစ်ဦးကိုရှာပြီး ဖက်စပ်တွဲလုပ်ခဲ့တာပါ ။

အမွှေးအကြိုင်အဆာပလာလေးတွေနဲ့လတ်လတ်ဆတ်ဆတ်အုပ်ပြီးဖုတ်ထားတဲ့ပီဇာကို လူအများကကြိုက်နှစ်သက်တာမို့ Pizza Hutဟာ အခက်အခဲပေါင်းများစွာ ၊ ပြိုင်ဆိုင်မှုပေါင်များစွာကို ဖြတ်သန်းရင်း ၁၉၈၆ခုနစ်မှာ ဆိုင်ခွဲပေါင်း ၅၀၀၀ အထိ ဖွင့်လှစ်နိုင်ခဲ့ပါတယ် ။ ၁၉၉၄ ခုနစ်မှာတော့ ကယ်လီဖိုးနီးယားပြည်နယ်ကစပြီး အင်တာနက်ပေါ်ကနေ ပီဇာပါဆယ်ထုပ်မှာလို့ရအောင်ပါ စီစဉ်ခဲ့တဲ့အတွက်အင်တာနက်ရှေ့ဆောင်ကုမ္ပဏီတစ်ခုလည်းဖြစ်လာခဲ့ပါတယ် ။

၃။ ဆာ့ဖ်ဝဲအင်ဂျင်နီယာ Pierre Omidyar
eBay
Online Auction Site

ယနေ့အွန်လိုင်းပေါ်မှာ နာမည်အကြီးဆုံးဖြစ်နေတဲ့ eBay လို့ခေါ်တဲ့ အွန်လိုင်းဈေးကွက် ကုမ္ပဏီကြီးကို ဆော့ဖ်ဝဲအင်ဂျင်နီယာ Pierre က ၁၅ ဒေါ်လာဆိုတဲ့ မပြောပလောက်တဲ့ငွေနဲ့စတင်တည်ထောင်လာခဲ့တာပါ ။ Pierre ကို ပဲရစ်မြို့မှာမွေးဖွားခဲ့ပြီး သူ့မိသားစုဟာ သူ ခြောက်နှစ်သာအရွယ် ၁၉၇၃ ခုနစ်မှာ အမေရိကန်နိုင်ငံ ဝါရှင်တန်ဒီစီကိုပြောင်းရွေ့လာခဲ့တာပဲဖြစ်ပါတယ်။ သူဟာငယ်ငယ်ကတည်းက ကွန်ပျူတာတွေ ၊နည်းပညာရပ်တွေကိုစိတ်ဝင်စားခဲ့ပြီး BASIC စနစ် နဲ့ Program ရေးနည်းကို သူ့ဘာသာသင်ယူ လေ့လာခဲ့တာပဲဖြစ်ပါတယ် ။ Pierre ဟာ ၁၉၈၀ခုနစ်မှာ ဘော့စတွန်မြို့ အနီး ကTufts တက္ကသိုလ်ကနေ ကွန်ပျူတာသိပ္ပံ အထူးပြု ဘာသာနဲ့ ကျောင်းပြီးခဲ့သူလည်းဖြစ်ပါတယ် ။ စီးပွားရေးလုပ်ငန်းရှင် ဖြစ်မယ့် အရည်အချင်းနဲ့တစ်ခုခုကိုသူများနဲ့မတူအောင်လုပ်ချင်တဲ့ အာသီသကို စောစောစီးစီးပြု လုပ်ခဲ့တာပဲဖြစ်ပါတယ် ။

သူဟာဝက်ဘ်ဆိုဒ်တစ်ခုကို ရေးသားခဲ့ပေမယ့် လူတွေ ဘာပစ္စည်းတွေရောင်းချင်၊ဝယ်ချင်မှန်းမသိဘဲနဲ့သူရဲ့ ဝဘ်ဆိုဒ်ကိုဖွင့်ခဲ့တာပဲဖြစ်ပါတယ် ။ ဒီဆိုဒ်ကနေပဲ ပစ္စည်းအကျိုးအပဲ့ အဟောင်းလေးတွေကို ပစ္စည်းစုဆောင်းလိုသူတွေ
ဆီကနေ ဝယ်ယူစုဆောင်းမှုကနေစပြီး းယခုအချိန် ကမ္ဘာတစ်ဝန်းကလူတွေရဲ့ပစ္စည်းဝယ်ယူ အားပေးမှုကို ရရှိခဲ့တာပဲဖြစ်ပါတယ် ။ ဒီနေ့ဆိုရင် eBay မှာ နေ့စဉ်ပစ္စည်း ခုနစ်သန်းကျော်ကိုစာရင်းတင်ထားနိုင်ပြီး ပစ္စည်းအမျိုးပေါင်း ၁၁၂သန်းထဲကနေ နှစ်သက်ရာကို အချိန်မရွေး ဝယ်ယူနိုင်တဲ့ ဆိုဒ်တစ်ခုဖြစ်နေပါပြီ ။ သူ့ရဲ့အကြီးမားဆုံးဈေးကွက်ကြီးတစ်ခုကတော့ အမေရိကန် ၊ ဗြိတိန် နဲ့ဂျာမနီတို့ပဲဖြစ်ပါတယ် ။ အခုချိန်မှာ Pierreရဲ့ ချမ်းသာကြွယ်ဝမှု ဟာ ဒေါ်လာ ၁၁.၆ဘီလျံဖြစ်ပြီး Forbes 2018ရဲ့ ကမ္ဘာဘီလီယံစာရင်းမှာ နံပတ် ၁၂၂ ချိတ်ပါတယ် ။ သူဟာ  Honolulu Civil Beat၊ Ulupono Initiative ၊ Omidyar Network ၊ First Look Media စတဲ့ ရင်းနှီးမြုပ်နှံမှုကုမ္ပဏီတွေနဲ့ မီဒီယာလုပ်ငန်းတွေကိုပါတည်ထောင်ထားသူ ဖြစ်ပါတယ်။

ဖတ်ဖူးသမျှ-မှတ်သားထားသောစာစုများ