အမေရိကန်ရဲ့ နာမည်ကျော်နေရာတခုဖြစ်တဲ့ အမည်မသိစစ်သားရဲ့ဂူဗိမာန်

(Unicode)

အမေရိကန်ရဲ့အထင်ကရနေရာတစ်ခုဖြစ်တဲ့ Tomb of the unknown Soldier တည်ရှိရာနေရာကတော့ ဗာဂျီးနီးယားပြည်နယ်အတွင်း အာလင်တန်နယ်မြေအတွင်းက Arlington National Cemetery မှာဖြစ်ပါတယ်။ ဝါရှင်တန်ဒီစီမြို့ကို အပေါ်ပိုင်းကနေမြင်ရတဲ့ တောင်ထိပ်ပေါ်မှာတည်ရှိနေတာဖြစ်ပြီး(၁၉၂၁)ခုနှစ်ကာလကတည်းက စစ်မှုထမ်းတွေအတွက် သတ်မှတ်ပေးထားတဲ့ သတိရအောက်မေ့ပွဲ အထိမ်းအမှတ်အဆောက်အအုံအသစ်မြေနေရာမှာ ပထမကမ္ဘာစစ်အတွင်းက ကျဆုံးခဲ့တဲ့ အမည်မသိစစ်သားတစ်ယောက်ကို မြှပ်နှံသဂြိုလ်ခွင့်ပြုဖို့ အမေရိကန်လွှတ်တော်ကနေ တရားဝင်ခွင့်ပြုခဲ့တာကနေ ဖြစ်ပေါ်လာခဲ့တာလည်းဖြစ်ပါတယ်။

အဖြူရောင်စကျင်ကျောက်နဲ့ ဂရိစတိုင်တည်ဆောက်ထားတဲ့ အုတ်ဂူပေါ်မှာတော့ ဂရိဒဏ္ဍာရီလာ ငြိမ်းချမ်းရေး၊ အောင်ပွဲနဲ့ ရဲစွမ်းသတ္တိကိုကိုယ်စားပြုတဲ့ နတ်ဘုရား(မ) တွေရဲ့ ရုပ်ပုံကိုထွင်းထုထားပါတယ်။ ပထမကမ္ဘာစစ်အတွင်းက အဓိကဖြစ်ပွားတဲ့စစ်ပွဲကြီး(၆)ခုကို ကိုယ်စားပြုတဲ့ အနေနဲ့ထွင်းထုထားတဲ့ အောင်ပန်းသရဖူ(၆)ခုကိုလည်း ဂူရဲ့တဖက်တချက်စီမှာတွေ့နိုင်ပါတယ်။ ဂူရဲ့နောက်ဖက်မှာတော့ ဘုရားသခင်နိုင်ငံတော်ဆီရောက်သွားတဲ့ ဂုဏ်ယူစရာအမေရိကန်စစ်သည်တွေလို့ ဖော်ပြထားတာကိုလည်းတွေ့ရပါတယ်။

ဒီဂူဗိမာန်ဘယ်လိုစဖြစ်လာခဲ့သလဲ

(၁၉၂၁)ခုနှစ်က ပြင်သစ်နိုင်ငံတွင်းက အမေရိကန် စစ်သင်္ချိုင်းကနေ အမည်၊နေရပ်မဖော်ပြနိုင်တဲ့ ပထမကမ္ဘာစစ်အတွင်းက ကျဆုံးပြီးဖြစ်တဲ့ အမေရိကန် စစ်သည်(၄) ယောက်ရဲ့အလောင်းကို အမေရိကန်စစ်တပ်ကပြန်လည်တူးယူပြီး အမေရိကန်ကိုပြန်လည်ပေးပို့ခဲ့ပါတယ်။ ယင်းအလောင်းတွေအနက်ကမှ တပ်ကြပ်ကြီး Edward F. Younger က ယခု Tomb of the unknown Soldier မှာမြှပ်နှံမယ့် အမည်မသိစစ်သည် တော်အလောင်းကိုရွေးချယ်ကာ ယင်းနေရာပဲထားရှိသဂြိုလ်ခဲ့ရာကနေ ယင်းဂူရဲ့သမိုင်း ဟာစတင်ခဲ့တာဖြစ်ပါတယ်။

Tomb of the unknown Soldier နေရာမှာပဲ (၁၉၂၁)ခုနှစ် ၊ နိုဝင်ဘာ (၁၁)ရက်နေ့ကပြုလုပ်ခဲ့တဲ့ သတိရအောက်မေ့ဖွယ်ရာ အခမ်းအနားမှာဆိုရင် ယင်းကာလက အမေရိကန်သမ္မတဖြစ်တဲ့ Warren G. Harding ကိုယ်တိုင်တက်ရောက်ခဲ့ပါတယ်။ (၁၉၅၆)ခုနှစ်မှာတော့ အမေရိကန်သမ္မတဖြစ်လာတဲ့ Dwight D. Eisenhower လက်ထက်မှာတော့ ဒုတိယကမ္ဘာစစ်နဲ့ကိုရီးယားစစ်ပွဲကာလအတွင်း ကျဆုံးသွားခဲ့တဲ့ အမည်မသိ၊အထောက်အထားမရှိတဲ့ အမေရိကန်စစ်သည်နောက်ထပ်(၂) ဦးကို အဲဒီ Tomb of the unknown Soldier အတွင်းမှာပဲ ထည့်သွင်းသဂြိုလ်ဖို့ခွင့်ပြုပေး ခဲ့ပါတယ်။ (၁၉၅၈)ခုနှစ်ကနေစတင်ပြီး ယင်းကျဆုံးအမေရိကန်အမည်မသိစစ်သည် တော်တွေအတွက် အောင်းမေ့ဖွယ်အခမ်းအနားတွေကိုစတင်ကျင်းပလာခဲ့တာကိုလည်းတွေ့ရပါတယ်။

(၁၉၈၄)ခုနှစ်ကဆိုရင် ဗီယက်နမ်စစ်မြေပြင်မှာ ကျဆုံးခဲ့တဲ့ အမည်၊အချက်အလက်မသိရတဲ့ စစ်သည်တစ်ယောက်ကို Tomb of the unknown Soldier အတွင်းမှာ လာရောက်မြှပ်နှံခဲ့ဖူးပါတယ်။ (၁၉၈၈)ခုနှစ်ရောက်ချိန်မှာတော့ ယင်းအလောင်းကိုပြန်လည်တူးဖော်ခဲ့ပြီး DNA နည်းပညာကျေးဇူးကြောင့် ကျဆုံးစစ်သည်ဟာ အမေရိကန်လေတပ်မှ ပထမဗိုလ် Michael Joseph Blassie ဖြစ်တယ်ဆိုတာကို အမေရိကန်ကာကွယ်ရေးဌာနမှသိပ္ပံပညာရှင်တွေက ဖော်ထုတ်နိုင်ခဲ့ပါတယ်။

ယင်းနောက်ပိုင်းမှာလည်းတာဝန်ရှိသူတွေက ဗီယက်နမ်စစ်မြေပြင်မှာ ကျန်ရှိတဲ့အမည် ၊အချက်အလက် မသိရသေးတဲ့စစ်သည်တွေ ကို Tomb of the unknown Soldier တွင်းကမြေအောက်ခန်းအတွင်းမှာပဲ ထပ်မံသဂြိုလ်ဖို့ဆုံးဖြတ်ခဲ့ကြပါတယ်။ ယင်းမြေတိုက်ခန်းရဲ့အပြင်မှာဆိုရင်လည်း (၁၉၅၈) ကနေ (၁၉၇၅) ခုနှစ် အမေရိကန်ဆင်နွှဲတဲ့ကမ္ဘာတဝှမ်းက စစ်ပွဲများမှာ ကျဆုံးခဲ့ကြတဲ့ အမေရိကန်စစ်မှုထမ်းတွေရဲ့နေရာအဖြစ် ကမ္ပည်းရေးထိုးထားပါတယ်။

ဒီဂူဗိမာန်ကို ဘယ်သူတွေစောင့်ရှောက်သလဲ

Tomb of the unknown Soldier နဲ့ ပတ်သက်ပြီး စိတ်ဝင်စားစရာတစ်ခုကတော့ ယင်းနေရာမှာစောင့်ကြပ်နေတဲ့ အစောင့်တွေဖြစ်ပါတယ်။ သူတို့ဟာဆိုရင်တစ်ရက်ကို (၂၄)နာရီအပြည့်နဲ့ (၃၆၅)ရက်ကာလလုံးမရပ်မနားစောင့်ကြပ်ကင်းလှည့်တဲ့အလုပ်ကို လုပ်ကြပါတယ်။ ဘယ်လိုအခြေအနေတွေမျိုးဖြစ်ပါစေ Tomb of the unknown Soldier စောင့်ကြည့်ခြင်းလုပ်ငန်းကို အနားယူခြင်းမျိုးမရှိကြပါဘူး။ Tomb Guards တွေ ဟာစေတနာဝန်ထမ်းတွေဖြစ်ပြီး အမေရိကန်ကြည်းတပ်ရဲ့ အကြီးဆုံးမြေပြင်တိုက်ခိုက်ရေး တပ်ရင်းဖြစ်တဲ့ အမေရိကန်ပြည်ထောင်စုအမှတ်(၃) ခြေလျင်တပ်ရင်း ရဲ့လက်အောက်မှာရှိနေပါတယ်။

သူတို့ကိုတော့ Old Guards လို့ခေါ်ဆိုကြပါတယ်။ အကြောင်းကတော့ သူတို့ဟာ (၁၇၈၄) ခုနှစ်ကနေစတင်ပြီး ယနေ့အထိအသင့်အနေအထားနဲ့ (၂၄)နာရီပတ်လုံးရှိနေရ လို့ဖြစ်ပါတယ်။ ဒါဟာ အမေရိကန်စစ်တပ်ရဲ့ အချိန်ပြည့်အသင့်အနေအထားနဲ့တာဝန် ထမ်းဆောင်ရတဲ့စစ်သည်အဖွဲ့အစည်းတွေအနက်မှာတော့ ကာလအရှည်ဆုံးသောတပ်ခွဲတစ်ခုအနေနဲ့ ရှိနေတာလည်းဖြစ်ပါတယ်။ Tomb of the unknown Soldier မှာတာဝန် ထမ်းဆောင်ခွင့်ရဖို့ဆိုရင်တော့ စစ်ဘက်ဆိုင်ရာမှတ်တမ်းကောင်းတွေသာမက သူရသတ္တိနဲ့ပတ်သက်ပြီးထူးချွန်ဆုတစ်ခုခုရရှိထားဖို့တော့လိုပါတယ်။ ဆုရရှိတဲ့လက်ရွေးစင်စစ်သည်တွေကိုပဲ ရွေးချယ်ကာ အစောင့်တပ်ဖွဲ့အဖြစ်ထားရှိတာဖြစ်ပြီး စစ်သည်တစ်ယောက်ရဲ့တစ်နေ့တာ တာဝန်ကတော့ (၈)နာရီဖြစ်ပါတယ်။

အစောင့်စစ်သည်တွေ ဘယ်အချိန် ဘယ်လိုနေရာလွှဲပြောင်းသလဲ

Old Guards တွေဟာ အောက်တိုဘာ(၁)ရက်နေ့ကနေ မတ်လ ၃၁ရက်နေ့ အတွင်းမှာတော့ ၁နာရီခြား ၁ခါ နေရာပြောင်းလွှဲမှုအခမ်းအနားကို ပြုလုပ်ပြီး ဧပြီလ ၁ရက်နေ့ကနေ စက်တင်ဘာ ၃၀ အတွင်းမှာတော့ နာရီဝက်တခါ အစောင့်ပြောင်းလဲခြင်း အခမ်းအနားတွေကို ပြုလုပ်လေ့ရှိပါတယ်။ ဒါကိုလာရော်ကကြည့်ရှုတဲ့ဧည့်သည်တွေအနေနဲ့ မတ်တပ်ရပ်၊ငြိမ်သက်နေဖို့လို အပ်ပါတယ်။ သင်္ချိုင်းကို အများပြည်သူဝင်ရောက်ခွင့် ပိတ်လိုက်ချိန် ည ၇ နာရီကနေ မနက် ၈နာရီအတွင်းမှာတော့ ၂နာရီခြားတခါ အစောင့်လဲလှယ်ပါတယ်။

ဒီလိုနေရာလွှဲပြောင်းခြင်းအခမ်းအနားမှာတော့ အမိန့်ပေးခေါင်းဆောင်တစ်ဦးနဲ့ သေနတ်ကိုင်အစောင့်တပ်ဖွဲ့ဝင်(၂)ဦးတို့ပါဝင်လေ့ရှိပြီး စစ်ဘက်ဆိုင်ရာဂုဏ်ပြုပွဲတွေမှာ ပါဝင်တဲ့ သေနတ်ကိုင်ဆောင်ပုံစံမျိုးစုံနဲ့ ကျဆုံးစစ်သည်တွေကိုဂုဏ်ပြုလေ့ရှိပါတယ်။ အခမ်းအနားတက်ရောက်လူသူတွေနဲ့ ဂုဏ်ပြုတပ်ဖွဲ့ဝင်တွေအကြား အတော်လေးနီးကပ်တဲ့ ပုံမျိုးနဲ့ အခမ်းအနားတွေကိုကျင်းပလေ့ရှိပြီး ယင်းအခမ်းအနားမှာပါဝင်တဲ့စစ်သည်တွေရဲ့ အလေးပြုပုံဟာ အမေရိကန်စစ်တပ်ရဲ့အမြင့်ဆုံးသောအောက်မေ့ဖွယ်အခမ်းအနား အလေးပြုစဉ် နည်းလည်းဖြစ်ပါတယ်။

——– —– ——–

(Zawgyi)

အေမရိကန္ရဲ႕ နာမည္ေက်ာ္ေနရာတခုျဖစ္တဲ့ အမည္မသိစစ္သားရဲ႕ဂူဗိမာန္

အေမရိကန္ရဲ့အထင္ကရေနရာတစ္ခုျဖစ္တဲ့ Tomb of the unknown Soldier တည္ရွိရာေနရာကေတာ့ ဗာဂ်ီးနီးယားျပည္နယ္အတြင္း အာလင္တန္နယ္ေျမအတြင္းက Arlington National Cemetery မွာျဖစ္ပါတယ္။ ၀ါရွင္တန္ဒီစီၿမဳိ႕ကို အေပၚပိုင္းကေနျမင္ရတဲ့ ေတာင္ထိပ္ေပၚမွာတည္ရွိေနတာျဖစ္ျပီး(၁၉၂၁)ခုနွစ္ကာလကတည္းက စစ္မႈထမ္းေတြအတြက္ သတ္မွတ္ေပးထားတဲ့ သတိရေအာက္ေမ့ပြဲ အထိမ္းအမွတ္အေဆာက္အအံုအသစ္ေျမေနရာမွာ ပထမကမာၻစစ္အတြင္းက က်ဆံုးခဲ့တဲ့ အမည္မသိစစ္သားတစ္ေယာက္ကို ျမွပ္နွံသျဂိဳလ္ခြင့္ျပဳဖို႔ အေမရိကန္လႊတ္ေတာ္ကေန တရားဝင္ခြင့္ျပဳခဲ့တာကေန ျဖစ္ေပၚလာခဲ့တာလည္းျဖစ္ပါတယ္။

အျဖဴေရာင္စက်င္ေက်ာက္နဲ႔ ဂရိစတုိင္တည္ေဆာက္ထားတဲ့ အုတ္ဂူေပၚမွာေတာ့ ဂရိဒ႑ာရီလာ ျငိမ္းခ်မ္းေရး၊ ေအာင္ပြဲနဲ႔ ရဲစြမ္းသတၱိကိုကုိယ္စားျပဳတဲ့ နတ္ဘုရား(မ) ေတြရဲ႕ ရုပ္ပုံကိုထြင္းထုထားပါတယ္။ ပထမကမာၻစစ္အတြင္းက အဓိကျဖစ္ပြားတဲ့စစ္ပြဲၾကီး(၆)ခုကို ကိုယ္စားျပဳတဲ့ အေနနဲ႔ထြင္းထုထားတဲ့ ေအာင္ပန္းသရဖူ(၆)ခုကိုလည္း ဂူရဲ့တဖက္တခ်က္စီမွာေတြ႔နိုင္ပါတယ္။ ဂူရဲ့ေနာက္ဖက္မွာေတာ့ ဘုရားသခင္နိုင္ငံေတာ္ဆီေရာက္သြားတဲ့ ဂုဏ္ယူစရာအေမရိကန္စစ္သည္ေတြလို႔ ေဖာ္ျပထားတာကိုလည္းေတြ႔ရပါတယ္။

ဒီဂူဗိမာန္ဘယ္လိုစျဖစ္လာခဲ့သလဲ

(၁၉၂၁)ခုနွစ္က ျပင္သစ္နိုင္ငံတြင္းက အေမရိကန္ စစ္သခၤ်ဳိင္းကေန အမည္၊ေနရပ္မေဖာ္ျပနိုင္တဲ့ ပထမကမာၻစစ္အတြင္းက က်ဆံုးျပီးျဖစ္တဲ့ အေမရိကန္ စစ္သည္(၄) ေယာက္ရဲ့အေလာင္းကို အေမရိကန္စစ္တပ္ကျပန္လည္တူးယူျပီး အေမရိကန္ကိုျပန္လည္ေပးပို႔ခဲ့ပါတယ္။ ယင္းအေလာင္းေတြအနက္ကမွ တပ္ၾကပ္ၾကီး Edward F. Younger က ယခု Tomb of the unknown Soldier မွာျမွပ္နွံမယ့္ အမည္မသိစစ္သည္ ေတာ္အေလာင္းကိုေရြးခ်ယ္ကာ ယင္းေနရာပဲထားရွိသျဂိဳလ္ခဲ့ရာကေန ယင္းဂူရဲ့သမိုင္း ဟာစတင္ခဲ့တာျဖစ္ပါတယ္။

Tomb of the unknown Soldier ေနရာမွာပဲ (၁၉၂၁)ခုနွစ္ ၊ နိုဝင္ဘာ (၁၁)ရက္ေန႔ကျပဳလုပ္ခဲ့တဲ့ သတိရေအာက္ေမ့ဖြယ္ရာ အခမ္းအနားမွာဆိုရင္ ယင္းကာလက အေမရိကန္သမၼတျဖစ္တဲ့ Warren G. Harding ကိုယ္တိုင္တက္ေရာက္ခဲ့ပါတယ္။ (၁၉၅၆)ခုနွစ္မွာေတာ့ အေမရိကန္သမၼတျဖစ္လာတဲ့ Dwight D. Eisenhower လက္ထက္မွာေတာ့ ဒုတိယကမာၻစစ္နဲ႔ကိုရီးယားစစ္ပြဲကာလအတြင္း က်ဆံုးသြားခဲ့တဲ့ အမည္မသိ၊အေထာက္အထားမရွိတဲ့ အေမရိကန္စစ္သည္ေနာက္ထပ္(၂) ဦးကို အဲဒီ Tomb of the unknown Soldier အတြင္းမွာပဲ ထည့္သြင္းသျဂိဳလ္ဖို႔ခြင့္ျပဳေပး ခဲ့ပါတယ္။ (၁၉၅၈)ခုနွစ္ကေနစတင္ျပီး ယင္းက်ဆံုးအေမရိကန္အမည္မသိစစ္သည္ ေတာ္ေတြအတြက္ ေအာင္းေမ့ဖြယ္အခမ္းအနားေတြကိုစတင္က်င္းပလာခဲ့တာကိုလည္းေတြ႔ရပါတယ္။

(၁၉၈၄)ခုနွစ္ကဆိုရင္ ဗီယက္နမ္စစ္ေျမျပင္မွာ က်ဆံုးခဲ့တဲ့ အမည္၊အခ်က္အလက္မသိရတဲ့ စစ္သည္တစ္ေယာက္ကို Tomb of the unknown Soldier အတြင္းမွာ လာေရာက္ျမွပ္နွံခဲ့ဖူးပါတယ္။ (၁၉၈၈)ခုနွစ္ေရာက္ခ်ိန္မွာေတာ့ ယင္းအေလာင္းကိုျပန္လည္တူးေဖာ္ခဲ့ျပီး DNA နည္းပညာေက်းဇူးေၾကာင့္ က်ဆံုးစစ္သည္ဟာ အေမရိကန္ေလတပ္မွ ပထမဗိုလ္ Michael Joseph Blassie ျဖစ္တယ္ဆိုတာကို အေမရိကန္ကာကြယ္ေရးဌာနမွသိပၸံပညာရွင္ေတြက ေဖာ္ထုတ္နိုင္ခဲ့ပါတယ္။

ယင္းေနာက္ပိုင္းမွာလည္းတာဝန္ရွိသူေတြက ဗီယက္နမ္စစ္ေျမျပင္မွာ က်န္ရွိတဲ့အမည္ ၊အခ်က္အလက္ မသိရေသးတဲ့စစ္သည္ေတြ ကို Tomb of the unknown Soldier တြင္းကေျမေအာက္ခန္းအတြင္းမွာပဲ ထပ္မံသျဂိဳလ္ဖို႔ဆံုးျဖတ္ခဲ့ၾကပါတယ္။ ယင္းေျမတိုက္ခန္းရဲ့အျပင္မွာဆိုရင္လည္း (၁၉၅၈) ကေန (၁၉၇၅) ခုနွစ္ အေမရိကန္ဆင္ႏႊဲတဲ့ကမာၻတဝွမ္းက စစ္ပြဲမ်ားမွာ က်ဆံုးခဲ့ၾကတဲ့ အေမရိကန္စစ္မႈထမ္းေတြရဲ့ေနရာအျဖစ္ ကမၸည္းေရးထိုးထားပါတယ္။

ဒီဂူဗိမာန္ကို ဘယ္သူေတြေစာင့္ေရွာက္သလဲ

Tomb of the unknown Soldier နဲ႔ ပတ္သက္ျပီး စိတ္၀င္စားစရာတစ္ခုကေတာ့ ယင္းေနရာမွာေစာင့္ၾကပ္ေနတဲ့ အေစာင့္ေတြျဖစ္ပါတယ္။ သူတို႔ဟာဆိုရင္တစ္ရက္ကို (၂၄)နာရီအျပည့္နဲ႔ (၃၆၅)ရက္ကာလလံုးမရပ္မနားေစာင့္ၾကပ္ကင္းလွည့္တဲ့အလုပ္ကို လုပ္ၾကပါတယ္။ ဘယ္လိုအေျခအေနေတြမ်ိဳးျဖစ္ပါေစ Tomb of the unknown Soldier ေစာင့္ၾကည့္ျခင္းလုပ္ငန္းကို အနားယူျခင္းမ်ိဳးမရွိၾကပါဘူး။ Tomb Guards ေတြ ဟာေစတနာဝန္ထမ္းေတြျဖစ္ျပီး အေမရိကန္ၾကည္းတပ္ရဲ့ အၾကီးဆံုးေျမျပင္တိုက္ခိုက္ေရး တပ္ရင္းျဖစ္တဲ့ အေမရိကန္ျပည္ေထာင္စုအမွတ္(၃) ေျခလ်င္တပ္ရင္း ရဲ့လက္ေအာက္မွ ာရွိေနပါတယ္။

သူတို႔ကိုေတာ့့ Old Guards လို႔ေခၚဆိုၾကပါတယ္။ အေၾကာင္းကေတာ့ သူတို႔ဟာ (၁၇၈၄) ခုနွစ္ကေနစတင္ျပီး ယေန႔အထိအသင့္အေနအထားနဲ႔ (၂၄)နာရီပတ္လံုးရွိေနရ လို႔ျဖစ္ပါတယ္။ ဒါဟာ အေမရိကန္စစ္တပ္ရဲ့ အခ်ိန္ျပည့္အသင့္အေနအထားနဲ႔တာဝန္ ထမ္းေဆာင္ရတဲ့စစ္သည္အဖြဲ႔အစည္းေတြအနက္မွာေတာ့ ကာလအရွည္ဆံုးေသာတပ္ခြဲတစ္ခုအေနနဲ႔ ရွိေနတာလည္းျဖစ္ပါတယ္။ Tomb of the unknown Soldier မွာတာဝန္ ထမ္းေဆာင္ခြင့္ရဖို႔ဆိုရင္ေတာ့ စစ္ဘက္ဆိုင္ရာမွတ္တမ္းေကာင္းေတြသာမက သူရသတၱိနဲ႔ပတ္သက္ျပီးထူးခၽြန္ဆုတစ္ခုခုရရွိထားဖို႔ေတာ့လိုပါတယ္။ ဆုရရွိတဲ့လက္ေရြးစင္စစ္သည္ေတြကိုပဲ ေရြးခ်ယ္ကာ အေစာင့္တပ္ဖြဲ႔အျဖစ္ထားရွိတာျဖစ္ျပီး စစ္သည္တစ္ေယာက္ရဲ့တစ္ေန႔တာ တာဝန္ကေတာ့ (၈)နာရီျဖစ္ပါတယ္။

အေစာင့္စစ္သည္ေတြ ဘယ္အခ်ိန္ ဘယ္လိုေနရာလႊဲေျပာင္းသလဲ

Old Guards ေတြဟာ ေအာက္တိုဘာ(၁)ရက္ေန႔ကေန မတ္လ ၃၁ရက္ေန႔ အတြင္းမွာေတာ့ ၁နာရီျခား ၁ခါ ေနရာေျပာင္းလႊဲမႈအခမ္းအနားကို ျပဳလုပ္ၿပီး ဧၿပီလ ၁ရက္ေန႔ကေန စက္တင္ဘာ ၃၀ အတြင္းမွာေတာ့ နာရီ၀က္တခါ အေစာင့္ေျပာင္းလဲျခင္း အခမ္းအနားေတြကို ျပဳလုပ္ေလ့ရွိပါတယ္။ ဒါကိုလာေရာ္ကၾကည့္ရႈတဲ့ဧည့္သည္ေတြအေနနဲ႔ မတ္တပ္ရပ္၊ျငိမ္သက္ေနဖို႔လို အပ္ပါတယ္။ သခၤ်ုိင္းကို အမ်ားျပည္သူ၀င္ေရာက္ခြင့္ ပိတ္လုိက္ခ်ိန္ ည ၇ နာရီကေန မနက္ ၈နာရီအတြင္းမွာေတာ့ ၂နာရီျခားတခါ အေစာင့္လဲလွယ္ပါတယ္။

ဒီလုိေနရာလႊဲေျပာင္းျခင္းအခမ္းအနားမွာေတာ့ အမိန္႔ေပးေခါင္းေဆာင္တစ္ဦးနဲ႔ ေသနတ္ကိုင္အေစာင့္တပ္ဖြဲ႔ဝင္(၂)ဦးတို႔ပါဝင္ေလ့ရွိျပီး စစ္ဘက္ဆိုင္ရာဂုဏ္ျပဳပြဲေတြမွာ ပါဝင္တဲ့ ေသနတ္ကိုင္ေဆာင္ပံုစံမ်ိဳးစံုနဲ႔ က်ဆံုးစစ္သည္ေတြကိုဂုဏ္ျပဳေလ့ရွိပါတယ္။ အခမ္းအနားတက္ေရာက္လူသူေတြနဲ႔ ဂုဏ္ျပဳတပ္ဖြဲ႔ဝင္ေတြအၾကား အေတာ္ေလးနီးကပ္တဲ့ ပံုမ်ိဳးနဲ႔ အခမ္းအနားေတြကိုက်င္းပေလ့ရွိျပီး ယင္းအခမ္းအနားမွာပါဝင္တဲ့စစ္သည္ေတြရဲ႕ အေလးျပဳပံုဟာ အေမရိကန္စစ္တပ္ရဲ့အျမင့္ဆံုးေသာေအာက္ေမ့ဖြယ္အခမ္းအနား အေလးျပဳစဥ္ နည္းလည္းျဖစ္ပါတယ္။