နှစ်ပေါင်း ၆၀ အတွင်း ဒူဘိုင်းရဲ့ ပြောင်းလဲမှုပုံရိပ်အချို့

ယနေ့အချိန်မှာတော့ ယူအေအီးနိုင်ငံမှာရှိတဲ့ ဒူဘိုင်းမြို့ဟာ ကမ္ဘာ့ခေတ်အမီဆုံးမြို့တမြို့အဖြစ် လူသိများနေပြီဖြစ်ပါတယ်။ လွန်ခဲ့တဲ့ နှစ် ၂၀၀ ဝန်းကျင်ကတော့ ဒူဘိုင်းမြို့နေရာဟာ Al Maktoum မိသားစုဦးဆောင်တဲ့ တံငါရွာလေးတရွာသာဖြစ်ပါတယ်။ ၁၉၃၀ ခုနှစ်မှာတော့ လူဦးရေ ၂ သောင်းဝန်းကျင်ရှိတဲ့ မြို့ငယ်လေးတခုဖြစ်လာပါတယ်။

၁၉၅၀ အထိ ဒူဘိုင်းမှာ လျှပ်စစ်မီးဆိုတာ ဒူဘိုင်းမှာ မရှိသေးပါဘူး။ ၁၉၅၂ခုနှစ်မှာမှ လျှပ်စစ်မီးကို စတင်သုံးစွဲနိုင်ခဲ့ကြတာပါ။ ဆိပ်ကမ်းမြို့အဖြစ် ပုံမှန်လည်ပတ်နေရာမှ ၁၉၆၆ခုနှစ် ရေနံကိုစတင်တွေ့ရှိခဲ့ပြီးတဲ့နောက်ပိုင်းမှာ ချမ်းသာသောမြို့ဖြစ်လာခဲ့ပါတယ်။ ခေါင်းဆောင်ဖြစ်သူ Sheikh Rashid ကလည်း ကျောင်း ၊ ဆေးရုံ စတဲ့ အဆောက်အဦးများကို တိုးချဲ့တည်ဆောက်ခဲ့ပြီး လမ်းပန်းဆက်သွယ်ရေးကောင်းမွန်စေရန် အကောင်အထည်ဖော်ခဲ့ပါတယ်။

နိုင်ငံတကာ လေဆိပ်ကို တိုးချဲ့ခဲ့တဲ့အပြင် ကမ္ဘာပေါ်မှာ လူဖန်တီးတဲ့ (သဘာဝမဟုတ်သော) အကြီးဆုံးပင်လယ်ဆိပ်ကမ်း Jebel Ali သင်္ဘောဆိပ်ကို တည်ဆောက်နိုင်ခဲ့ပါတယ်။ ခေါင်းဆောင်ကောင်းတွေကြောင့် ဒူဘိုင်းဟာ ရာစုနှစ်ဝက်ကျော် အတွင်းမှာပဲ ကမ္ဘာ့ခေတ်အမီဆုံးမြို့တမြို့ဖြစ်လာခဲ့ပါတယ်။ နှစ်ပေါင်း ၆၀ အတွင်း ဒူဘိုင်း ဘယ်လိုပြောင်းလဲခဲ့ပါသလဲ။ ဒါကို နှိုင်းယှဉ်ကြည့်နိုင်ဖို့ ၁၉၆၀ ဝန်းကျင် ဒူဘိုင်းမြင်ကွင်းများ နဲ့ ယနေ့အချိန် ဒူဘိုင်းရဲ့ မြင်ကွင်းတွေကို နှိုင်းယှဉ်ဝေမျှလိုက်ပါတယ်။ တပုံချင်းစီ ကြည့်ကြည့်သွားပါ။