ကမ္ဘာ့အလုပ်အရှုပ်ဆုံးနေရာ (သို့) ပင်တဂွန် စစ်ဌာနချုပ်အကြောင်း

ပင်တဂွန် စစ်ဌာနချုပ်ဆိုတဲ့ နာမည်ကို ဗီဒီယိုကားတွေ ၊ သတင်းတွေ ၊ စာအုပ်တွေထဲ မှာ မကြာခဏတွေ့ဖူးကြပါတယ်။ အမေရိကန်ရဲ့ အထင်ကရ ကမ္ဘာ့အကြီးမားဆုံး ၊ သြဇာလွမ်းမိုးမှု အရှိဆုံး ရုံးဆိုရင်လည်း မမှားပါဘူး။

ပင်တဂွန် အမေရိကန် ဝါရှင်တန်နယ်မြေ Virginia က Arlington County မှာ တည်ရှိပြီး အကျယ်အဝန်း ၆.၅သန်း စတုရန်းမီတာ ကျယ်ဝန်းပါတယ်။ ဒါကြောင့် ကမ္ဘာ့အကြီးမားဆုံး ရုံးလို့ခေါ်ရခြင်းပါ။

ဒီအဆောက်အအုံကြီးကို ၁၉၄၁ စက်တင်ဘာလမှာ တည်ဆောက်ခဲ့ပြီး ၁၉၄၃ ခုနှစ်မှာတော့ စတင်အသုံးပြုခဲ့ပါတယ်။ ၂နှစ်အချိန်အတွင်း ပြီးခဲ့ရတဲ့အကြောင်းကတော့ ၂၄ နာရီအပြည့် အဆိုင်းတွေနဲ့ တည်ဆောက်ခဲ့လို့ပဲ ဖြစ်ပါတယ်။

အထပ်အမြင့် ငါးထပ် ရှိပြီး မြေအောက်မှာ ၂ထပ်ကို လျို့ဝှက်ဆောက်ထားတယ်လို့လည်း ဆိုကြပါတယ်။

ပြတင်းပေါက်တွေကို ၇လက်မ ထူပြီး ၁တန်ခန့်လေးတဲ့ မှန်တွေနဲ့ ပြုလုပ်ထားပါတယ်။

ဒီအဆာက်အအုံမှာ လှေကား ၁၃၁ ခု ၊ ရေချိုးခန်း ၂၈၄ခု ၊ နာရီပေါင်း ၄၂၀၀ နဲ့ စက်လှေကား ၁၉ခု ၊ ရေပန်း ၆၉၁ ခု တို့ရှိပေမယ့် ဓာတ်လှေကားမရှိပါဘူးတဲ့။

ကားပါကင် ၁၆ ခု ရှိပြီး ကားအစီးရေ ၁သောင်းဝန်ကျင်ခန့် ပါကင်ထိုးနိုင်ပါတယ်။

ပုံစံက မျက်နှာစာ ငါးဘက်ရှိတဲ့ ပဉ္စဂံပုံစံဖြစ်တာကြောင့် ပင်တဂွန်(pentagon) လို့ခေါ်တာဖြစ်ပြီး အဲဒီအချိန်က ဆောက်လုပ်စရိတ် ဒေါ်လာ ၈၃သန်းခန့်ကုန်ကျခဲ့ပြီး ယနေ့ဆိုရင် ဒေါ်လာ ၁လီလျံကျေ်ာ တန်ဖိုးခန့်ရှိနေပါပြီ။

ရုံးကို ၂၄ နာရီ ဖွင့်ထားပြီး ဝန်ထမ်းပေါင်း ၁သိန်းကျော် ရှိပါတယ်။ ဝန်ထမ်းများအတွက် စားသောက်ဆိုင် ၊ ရှော့ပင်းမော ၊ အားကစားခန်းမ စတာတွေကိုပါ ထားရှိပေးထားပါတယ်။

အကြီးမားဆုံး ပျက်စီးမှုကတော့ အနေနဲ့ ၂၀၀၁ ခုနှစ်မှာ ဘင်လာဒင်စီစဉ်တယ်ဆိုတဲ့ American Airlines Flight 77 လေယာဉ်ကိုအကြမ်းဖက်ကာ အဆောက်အအုံရဲ့ အနောက်ပိုင်းကို တိုက်ခြင်းခံခဲ့ရပါတယ်။ လူပေါင်း ၁၈၉ဦး သေဆုံးခဲ့ရပါတယ်။

အဲဒီနောက်ပိုင်းမှာတော့ ပင်တဂွန်ရဲ့ လုံခြုံရေးကို အမြင့်ဆုံးမြှင့်တင်လိုက်ပြီး ဒုံးကျည်ကာကွယ်ရေး ၊ ခြေရာခံစနစ်တွေကိုပါ ထားရှိလာပါတယ်။

ဒီနေရာဟာ အမေရိကန်ရဲ့ အဓိကနေရာတစ်ခုဖြစ်ပါတယ်။ အကြောင်းကတော့ စစ်တပ်ထိပ်သီး ထောက်လှမ်းရေးအကြီးအကဲများ ရှိနေပြီး ကမ္ဘာတစ်ဝှမ်းက အမေရိကန်စစ်သားတွေရဲ့ လက်နက်တွေကို ဒီနေရာကပဲ ထိန်းချုပ်ထားတာဖြစ်လို့ပါ။ အတိုက်ခံရဖို့အခြေအနေအများဆုံးနေရာလို့ အသိအမှတ်ပြုထားကြပါတယ်။

ဒီနေရာကို သူခိုးကြီးများနေရာလို့လည်း ခေါ်တွင်ကြပါတယ်။ အကြောင်းကတော့ တစ်ကမ္ဘာလုံးက ခေါင်းဆောင်တွေရဲ့ ဖုန်းတွေကို ကြားဖြတ်ခိုးနားထောင်ခြင်း ၊ သတင်းအချက်အလက်များခိုးယူခြင်းတို့ကို ပြုလုပ်ပြီး ထိပ်သိမ်း Hacker တွေ ရှိတဲ့နေရာလည်းဖြစ်နေလို့ပါ။

နေ့စဉ် ဖုန်းခေါ်ဆိုခြင်း နဲ့ အီးမေးအဝင်အထက် သန်းချီ ပြုလုပ်နေရတဲ့နေရာလည်းဖြစ်ပြီး ကမ္ဘာ့အလုပ်အရှုပ်ဆုံးရုံးလည်းဖြစ်ပါတယ်။