တခေတ်တခါက ကမ္ဘာ့အအောင်မြင်ဆုံး တေးဂီတအဖွဲ့ Westlife 

My love, I have a Dream ဆိုတဲ့သီချင်းစာသားတွေဟာ ကမ္ဘာတစ်ဝှမ်းကတေးချစ် သူတွေရဲ့အကြားမှာအလွန်ခေတ်စားခဲ့ဖူးပြီး ယင်းသီချင်းတွေရဲ့ အဆိုရှင် Westlife တေးဂီတအဖွဲ့ဟာလည်း ကမ္ဘာဂီတလောကမှာလျှမ်းလျှမ်းတောက်အောင်မြင်ကျော်ကြား ခဲ့ပါတယ်။

Westlife လို့ဆိုလိုက်တာနဲ့ ရှုပါအလန်းစား၊စတိုင်အလန်းစား လူငယ်ငါးယောက်ကို တန်းမြင်မိမှာဖြစ်ပြီး ဒီအဖွဲ့ဟာ အိုင်းရစ်လူမျိုးတွေ နဲ့ဖွဲ့စည်းထားတဲ့ပေါ့တေးဂီတအဖွဲ့ဖြစ်ပါတယ်။ Westlifeအဖွဲ့ကို (၁၉၉၈)ခုနှစ်က အိုင်ယာလန်နိုင်ငံ၊ ဒပ်ဗလင်မှာနာမည်ကျေ်ာ X – factor ဒိုင်သူကြီ်း Simon Cowell က အိုင်းရစ်လူငယ်တွေဖြစ်တဲ့ Nicky Byrne,Kian Egan,Markus Feehily, Shane Filan နဲ့ Brian McFadden တို့နဲ့ စတင်ဖွဲ့စည်းခဲ့ပြီးမန်နေဂျာကတော့ Louis Walshဖြစ်ပါတယ်။ စတင်ဖွဲ့ချိန်က အမည်ကတော့ Westside ဆိုတဲ့အမည်နဲ့ဖြစ်ပြီး အိုင်းရစ်ဂီတလောကမှာ သူတို့နဲ့ နာမည်တူဂီတအဖွဲ့ရှိနေပြန်တာကြောင့် Westlife ဆိုပြီးအမည်ပြောင်းခဲ့ရပါတယ်။

(၁၉၉၉)ခုနှစ်နိုဝင်ဘာမှာတော့Westlife အဖွဲ့ရဲ့ပထမဆုံးအယ်ဘမ်လို့ဆိုရမဲ့ Westlife အယ်ဘမ်ထွက်ရှိလာခဲ့ပြီး ယင်းအယ်ဘမ်ထဲက Swear it Again,if I Let You Go, Flying Without Wings, I have a dream, Fools Againစတဲ့စီချင်းတွေဟာ ဗြိတိန်နိုင်ငံရဲ့လူကြိုက်အများဆုံးသီချင်းများစာရင်းမှာ ထိပ်တန်းနေရာကနေပါဝင်လာ ခဲ့ပါတယ်။ ဒါအပြင်ဗြိတိန်နိုင်ငံရဲ့တေးဂီတသမိုင်းမှာ မျက်နှာသစ်အဆိုတော်အဖွဲ့အနေနဲ့ တစ်ပတ်အတွင်းတေးစီးရီးအရောင်းရဆုံးစံချိန်ကိုပိုင်ဆိုင်ခဲ့ပြီး ဥရောပရဲ့အကောင်းဆုံး လူငယ်ပေါ့ဂီတအဖွဲ့အဖြစ်အချိန်တိုလည်း ရပ်တည်နိုင်ခဲ့ပါတယ်။

ဆက်တိုက်ဆိုသလို သူတို့ရဲ့အနုပညာဖန်တီးလှုပ်ရှားမှုပုံရိပ်တွေဟာ ကမ္ဘာ မီဒီယာထက်နေရာယူလာပြီး ကမ္ဘာတစ်ဝှမ်းကဆယ်ကျော်သက်တွေရဲ့ အရှုးအမူးအား ပေးခြင်းကို ခံလာရပါတယ်။ ဆက်တိုက်ဆိုသလိုပဲ (၂၀၀၀)ပြည့်နှစ်မှာတော့ Coast to Coast အယ်ဘမ်၊ (၂၀၀၁)ခုနှစ်မှာ World of Our Own အယ်ဘမ်၊ (၂၀၀၂)ခုနှစ်မှာ unbreakable- the Greatest Hits Vol-1၊(၂၀၀၃)ခုနှစ်မှာ Turnaround စတဲ့အယ် ဘမ်တွေထွက်ပေါ်လာခြင်းနဲ့ အတူ Westlifeအဖွဲ့ရဲ့အောင်မြင်တဲ့ ရွှေရတုကာလတွေ ကိုဖြတ်သန်းနိုင်ခဲ့ပါတယ်။

(၂၀၀၄)ခုနှစ် Westlifeအဖွဲ့ရဲ့ ကမ္ဘာလှည့်ဖျော်ဖြေပွဲခရီးစဉ်မစတင်မီမှာတော့ အဖွဲ့ဝင်တစ်ယောက်ဖြစ်တဲ့ Brian McFaddenဟာ မိသားစုကိုအချိန်ပေးလို တယ်ဆိုတဲ့အကြောင်းပြချက်နဲ့ အဖွဲ့ကနေနှုက်ထွက်သွားခဲ့ပါတယ်။ ယင်းနောက် ကျန်အဖွဲ့ဝင်(၄)ယောက်နဲ့အတူဂီတလောကကိုလျှောက်လှမ်းရင်းနောက်ထပ်အယ်ဘမ် (၆)ခုကိုပြန်လည်ထုတ်ဝေခဲ့ပါတယ်။ ဒီအယ်ဘမ်တွေကတော့ Allow Us to Be Frank (၂၀၀၄)၊ Face to Face(၂၀၀၅)၊ The Love Alblum (၂၀၀၆)၊ Back Home(၂၀၀၇)၊ where We Are (၂၀၀၉) နဲ့ Gravity (၂၀၁၀) တို့ဖြစ်ကြပါတယ်။

ယင်းနောက်အဖွဲ့ရဲ့ အနုပညာလှုပ်ရှားမှုတွေကျဲပါးလာခဲ့ပြီး (၂၀၁၂)ခုနှစ်မှာတော့ အဖွဲ့ကို တရားဝင်ဖျက်သိမ်းခဲ့ပါတယ်။ Westlifeအဖွဲ့ရဲ့ အအောင်မြင်ဆုံးအယ်ဘမ်တွေက တော့ (၁၉၉၉)ခုနှစ်ကနေ (၂၀၀၄)ခုနှစ်အထိ ဆက်တိုက်ထုတ်ဝေခဲ့တဲ့အယ်ဘမ်တွေ ပဲဖြစ်ပါတယ်။ ထူးခြားချက်ကတော့ Westlifeအဖွဲ့ရဲ့သီချင်တွေဟာ အမေရိကန် Billboard Charts တွေမှာအောင်မြင်ခဲ့ခြင်းမရှိပဲ ရှားရှားပါးပါး (၂၀၀၀)ပြည့်နှစ်ကတော့ Swear It Again အမည်ရတဲ့သီချင်းတစ်ပုဒ်သာထိုးဖောက်နိုင်ခဲ့တာကို တွေ့ရပါတယ်။ ဗြိတိန်မှာတော့ Westlifeအဖွဲ့ရဲ့သီချင်းတွေဟာ Uk Top 1 အထိချိတ်နိုင်ပြီး အယ်ဘမ်တွေဟာလည်း Top list စာရင်းမှာအမြဲတမ်းလိုလိုပါဝင်နေခဲ့ပါတယ်။

Westlifeကိုဖျက်သိမ်းပြီး(၆)နှစ်အကြာ (၂၀၁၈)ခုနှစ်ရောက်ချိန်မှာတော့ မူလကျန်ရှိတဲ့အဖွဲ့ဝင်(၄) ယောက်နဲ့ Westlife အဖွဲ့ကို ပြန်လည်တည်ထောင်ခဲ့ပါတယ်။ (၂၀၁၉)ခုနှစ်၊ဇန်နဝါရီ(၁၀) ရက်နေ့မှာတော့ Hello My Love ဆိုတဲ့ Single song တစ်ပုဒ်ပေါ်ထွက်လာခဲ့ပြီး မတ်(၂၉)ရက်နေ့မှာတော့ Better Man လို့အမည်ရတဲ့ Westlife အဖွဲ့ရဲ့ ဒုတိယမြောက် single song ထွက်ပေါ်လာခဲ့ပါတယ်။

Hello My Love Song Video

နောက်ပိုင်းထွက်ပေါ်နေတဲ့သတင်းတွေအရ တော့ Westlife အဖွဲ့ရဲ့ကျန်ရှိနေတဲ့အဖွဲ့ဝင် Brian McFadden ဟာ မကြာခင်ပြန်လည် ပူးပေါင်းနိုင်တယ်ဆိုတဲ့ အခြေအနေတောင်ရှိနေပါတယ်။ စတင်ဖွဲ့စည်းချိန်ကတော့ လူလွတ်လူငယ်အဆိုတော်တွေဖြစ်ပေမယ့် ယခုအချိန်မှာတော့ Westlife အဖွဲ့သားတိုင်းဟာ အောင်မြင်တဲ့အသိုက်အမြုံကိုယ်စီနဲ့ရှိနေပြီး ရင့်ကျက်တဲ့သဏ္ဍာန်ကိုဆောင်နေတာ ကြောင့်အရင်လို ပျိုမြစ်တဲ့အနုပညာလှုပ်ရှားဟန်တွေကိုတော့ မြင်တွေ့ရဖို့ရှိမနေ တော့ပါဘူး။

ယခုအချိန်ထိ Westlifeအဖွဲ့ဟာကမ္ဘာတစ်ဝှမ်းမှာ အယ်ဘမ်အခွေပေါင်း သန်း(၅၅) လောက်ရောင်းချခဲ့ရပြီး You Tube ကနေကြည့်ရှုသူပေါင်းသန်း(၁၀၀၀)လောက်ကို ရှိပါတယ်။ အောင်မြင်မှုမှတ်တိုင်တွေအနေနဲ့တော့ Westlife အဖွဲ့ဟာ World Music Award ဆိုကို (၃)ကြိမ်တိုင် စကာတင်စာရင်းမှာရွေးချယ်ခံခဲ့ရပြီး (၁)ကြိမ်ဆွတ်ခူးနိုင်ခဲ့ပါတယ်။

ဒါအပြင် MTV Europe Music Award (၁)ကြိမ်၊ Brit Award (၂)ကြိမ်၊ Meteor Award (၁၄)ကြိမ်ဆုအပါအဝင် ဂီတထူးချွန်ဆုပေါင်း(၉၂)ဆုထိရရှိခဲ့ပြီး တစ်ဦးချင်းဆိုင်ရာထူးချွန်ဆုများစွာကိုလည်း ပိုင်ဆိုင်ခဲ့တဲ့ ပေါ့ဂီတအဖွဲပဲ ဖြစ်ပါတော့တယ်။